Рустам Эмомалӣ. Акс аз бойгонӣ

Посухи Рустам Эмомалӣ ба муроҷиати саҳмгузорони сохтмонҳои иқоматӣ

648
(Таҷдидшуда 12:40 23.01.2018)
Шаҳрдори Душанбе Рустам Эмомалӣ ба муроҷиати саҳмгузорони сохтмонҳои истиқоматӣ посух гуфтааст

ДУШАНБЕ, 23 янв— Sputnik. Вокуниши Рустам Эмомалӣ дар равобити умумии шаҳрдорӣ мунташир шудааст.

Гуфта мешавад, ки раиси шаҳри Душанбе Рустам Эмомалӣ бо муроҷиатномаи гурӯҳи шаҳрвандон — ҳиссагузорони бунёди манзилҳои ширкатҳои сохтмонии "Муҳаммад 2009" ва "Муҳаммад 2014", ки таҳти унвони "Мо танҳо ба Мири шаҳр умед мебандем" тавассути нашрияи "Азия Плюс" ба чоп расидааст, шинос шудааст.

Ба гузориши манбаъ, дар ин росто раиси шаҳр супориш дода, ки корҳои бунёди сохтмонҳои нотамом ҳар чӣ зудтар ба итмом расонида шавад.

Раиси шаҳр ба масъулини сохторҳои марбутаи шаҳрдорӣ ҷиҳати мусоидат ва фароҳам овардани шароит ба ташкилотҳои сохтмонӣ дар ҳар чӣ зудтар ба итмом расондани корҳои бунёдии иншооти нотамоми манзилҳои истиқоматӣ, ҷоннок ва пурзӯр кардани корҳои сохтмонӣ ва ба таври бетаъхир бартараф кардани тамоми камбудиҳои мавҷуда дастуру супоришҳои қатъӣ додааст, омадааст дар хабарнома.

648
Барчаспҳо:
посух, вокуниш, шаҳрдорӣ, Рустам Эмомалӣ, Душанбе, Тоҷикистон
Мавзуъ
Эмомалӣ Раҳмон ва Рустам Эмомалӣ дар боғи Наврӯзгоҳ бодом шинонданд
Сесад саволи шаҳрдорӣ барои ҳамкори Рустам Эмомалӣ шудан
Рустам Эмомалӣ ба сокинони пойтахт 100 нақлиёти мусофиркаш ва 31 ҳазор ҷои кор ваъда кард
Дар Маҷлиси Ҳукумат Рустам Эмомалӣ ба раисҷумҳур чӣ гузориш дод?
Озмуни Рустам Эмомалӣ барои ишғоли 26 вазифа