Государственное унитарное предприятие Таджикская Алюминиевая Компания ТАЛКО

ТАЛКО: хабарҳо дар бораи тақсими ширкат бо Чин дурӯғ ҳастанд

144
(Таҷдидшуда 13:15 05.03.2018)
Ширкати алюминии “ТАЛКО” гузориши бархе аз расонаҳо дар бораи тақсими корхонаи алюминии Тоҷикистон бепоя хонд

ДУШАНБЕ, 5 мар — Sputnik. Дафтари иттилоърасонӣ ва равобити умумии ширкати давлатии алюминии “ТАЛКО” дар баёнияе гузориши бархе аз расонаҳоро, ки гӯё Тоҷикистон корхонаи алюминии Турсунзодаро бо Чин “тақсим” мекардааст, бепоя хонд.

“Родюи “Озодӣ”, ки манбаъи ин иттилоъ буда, ҳангоми омодасозии гузориш иштибоҳоте карда, ки дигар расонаҳо низ онро такрор кардаанд, ба ҷои ин ки онро ростиомозӣ кунанд”, — гуфта мешавад дар баёнияи ширкати ТАЛКО.

“Дар гузорише, ки ин расона 1 март мунташир карда, гуфта шуда, ки “қарор аст, баъди ду соли дигар фаъолияти ширкати “Талко” қатъ шуда, дар ҷойи он корхонаи нави муштарак бо Чин барои тавлиди алюминий сохта шавад. Баъд аз анҷоми сохтмони коргоҳи нав корхонаи “Талко” комилан аз байн меравад”. Дигар расонаҳо ин гузоришро бознашр кардаанд”, — ёдоварӣ шуда дар ин баёния.

Дафтари иттилоърасонӣ ва равобити умумии ширкати “ТАЛКО” ҳамчунин гуфта, ки ҳаргиз аз қасди сохтани корхонаи нав дар маҳдудаи корхонаи феълӣ сухан нагуфтааст. “Дар баёнияе, ки ширкати “ТАЛКО” 17 ноябри соли 2017 мунташир карда буд, танҳо аз қасди сохтани корхона хабар дода шуда буд, вале аз маҳалли сохти он сухане дар миён набуд”, — таъкид шудааст дар ин баёния.

Дар вокуниш ба ин гузориш Дафтари иттилоърасонӣ ва равобити умумии ширкати “ТАЛКО” расман эълом кардааст, ки сохтусози корхонаи нави алюминий тарҳи ҷудогонаест, ки дар чорчӯби барномаи Тарҳҳои сармоягузории ТАЛКО баррасӣ мешавад.

“Роҳандозии ин тарҳ имкон хоҳад дод, тавлиди алюминий дар Тоҷикистон бо навтарин фанновариҳо таҷҳиз шуда ва масрафи нерӯи барқ камобеш ду баробар камтар шавад ва ҳамзамон корхонаи нав посухгӯи шадидтарин муқаррароти зистмуҳимӣ бошад”, — тавзеҳ додааст ТАЛКО.

Ин ниҳод ҳамчунин ёдоварӣ кардааст, ки ТАЛКО корхонаи давлатӣ буда, кулли масоили вобаста ба фаъолият кардан ё бастан ва ё фурӯши он дар ихтиёри Ҳукумати Ҷумҳурии Тоҷикистон аст. Ширкати “ТАЛКО” масъули нигаҳдории корхона, бозсозӣ, навсозии таҷҳизот, таъмини амалиёти тавлидии он то он замоне аст, ки давлат дар борааш қароре тасвиб накунад”, — таъкид шудааст дар баёния.

144
Барчаспҳо:
ТАЛКО, Ширкати алюминии Тоҷикистон, Тоҷикистон
Мавзуъ
“Барқи тоҷик” масрафи солонаи барқи ТАЛКО-ро ошкор кард
Ширкати ТАЛКО дар 10 моҳ тавлиди алюминийро 23 дарсад коҳиш дод
Тоҷикистон як корхонаи нави алюминий ба андозаи ТАЛКО месозад
Доллары США, архивное фото

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

8
(Таҷдидшуда 14:31 06.08.2020)
Вазорати молияи Тоҷикистон намунаи ниҳоии лоиҳаи буҷети давлатиро барои соли 2021 аз рӯи натиҷаҳои семоҳаи сеюми соли 2020 тасдиқ мекунад

ДУШАНБЕ, 6 авг — Sputnik. Лоиҳаи буҷаи давлатии Тоҷикистон барои соли 2021 бо назардошти нишондиҳандаҳои макроиқтисодӣ дар заминаи пандемияи коронавирус таҳия хоҳад шуд, хабар медиҳад Вазорати молияи ҷумҳурӣ.

Вазорат қайд кард, ки намунаи ниҳоии лоиҳаи буҷаи давлатии Тоҷикистон барои соли 2021 дар асоси натиҷаҳои семоҳаи сеюми соли 2020 муайян карда мешавад.

Ғайр аз ин, соли ҷорӣ нишондиҳандаҳои дурнамо барои солҳои 2022-2023 таҳия карда мешаванд.

Мутобиқи нишондиҳандаҳои пешгӯии Вазорати молия, моддаҳои хароҷоти буҷети давлатӣ барои солҳои 2021-2022 бояд 29,7% ва 29% ММД-ро ташкил диҳанд.

Бонкдори №1: аз ҷалби миллиардҳо доллар амонатҳои шабонарӯзӣ то афзоиши ММД ва таваррум

Ҳаҷми умумии даромади буҷети давлатӣ барои соли 2021 дар ҳаҷми 28,6 миллиард сомонӣ ба нақша гирифта шудааст

Ҳамзамон, дар робита ба пандемия аз коронавирус, буҷаи давлатии Тоҷикистон барои соли 2020 ихтисор карда шуд.

8
Олег Пантелеев

Пантелеев гуфт, чаро нархи чиптаи парвозҳои чартерӣ миёни Тоҷикистону Русия гарон аст

279
(Таҷдидшуда 11:41 06.08.2020)
Директори иҷроияи агентии “АвиаПорт” Олег Пантелеев гарон будани чиптаҳои ҳавопаймо барои парвозҳои чартерӣ байни Русия ва Тоҷикистонро шарҳ дод

ДУШАНБЕ, 6 авг — Sputnik. Тоҷикистон то лаҳзаи барқарор шудани парвозҳо хатсайрҳои чартеро идома медиҳад. Мусофирон аз он шикоят мекунанд, ки чиптаҳои ҳавопаймо ба 300-500 доллар мерасад, аз ин рӯ онҳо наметавонанд онҳоро харанд.

Директори иҷроияи агентии “АвиаПорт” Олег Пантелеев вазъро дар бораи нархи чиптаҳои ҳавопаймо комилан номаълум мешуморад, ки муштариён қаблан бо онҳо дучор наомада буданд.

Коршинос қайд кард, ки дар нархи чипта як қатор омилҳо ҳастанд.

"Ин ҳам арзиши сӯзишвории авиатсионӣ ва ҳам нархи хидматрасонии парвозҳо дар фурудгоҳҳои муайян мебошад. Ин масъалаи бениҳоят муҳим аст. Аз ин рӯ, метавон ба назар гирифт, ки хароҷоти ширкатҳои ҳавопаймо ҳангоми парвозҳо дар масофаи нисбатан кӯтоҳ нисбат ба парвозҳои тӯлонии баландтар хоҳад буд", гуфт, Пантелеев дар суҳбат бо Sputnik Тоҷикистон.

Вай қайд кард, ки парвозҳои содиротӣ нисбат ба парвозҳои муқаррарӣ кам аз кам иҷро мешаванд.

"Камбудии табиии таъминот мавҷуд аст. Хуб, тамоми қонунҳои иқтисодиёт нишон медиҳанд, ки агар нарасидани таъминот вуҷуд дошта бошад, таъминкунандаи ин хидмат барзиёд пардохт хоҳад шуд. Ҳеҷ чизи дигарро интизор шудан мумкин нест: рақобат дар бозор кам шуд, талабот ҳам кам шуд", - шарҳ дод директори агентӣ.

Пантелеев таъкид кард, ки нархи чиптаҳои ҳавопаймо танҳо пас аз лағви ҳама маҳдудиятҳо дар самти парвози ҳавоӣ ба эътидол меоянд, бозигарон ба бозор бармегарданд ва гардиши мусофирон зиёд мешавад, ки муҳити рақобатро бармегардонад.

Хушхабари Муҳриддин: ҳамарӯза 2 парвоз самти Тоҷикистону Русия сурат мегирад

"Ширкатҳои ҳавопаймоӣ дар семоҳаи дуюми соли 2020 талафоти калон ва қарзи зиёдро ҷамъ оварданд, бинобар ин тааҷҷубовар нест, ки онҳо кӯшиш мекунанд, ки ҳадди аққал баъзе аз талафҳоро ҷуброн кунанд. Сарзаниш кардани онҳо, ки мехоҳанд каме кор кунанд душвор аст, аммо барои мусофирон низ ин ҳолат хуб нест” , - хулоса кард ӯ.

279