Сармоягузорони араб имкониятҳои маблағгузориро дар Тоҷикистон меомӯзанд

Сармоягузорони араб имкониятҳои маблағгузориро дар Тоҷикистон меомӯзанд

59
Соҳибкорон ва сармоягузорони Шоҳигарии Арабистони Саудӣ нақша доранд, ки шароит ва имконоти бозори Тоҷикистонро барои сармоягузорӣ омӯзанд.

ДУШАНБЕ, 5 апр — Sputnik. Раиси Сарраёсати сайёҳӣ ва мероси миллии Арабистони Саудӣ шоҳзода Султон ибни Салмон ибни Абдулазиз бо раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода ва ҳайати ҳамроҳони ӯ мулоқот намуд. Дар ин бора дафтари матбуотии Вазорати умури хориҷаи Тоҷикистон гузориш медиҳад.

Бино бар иттилои манбаъ, дар ҷараёни мулоқот ҷанбаҳои ҳамкорӣ дар соҳаи сайёҳӣ ва мероси миёни Шоҳигариву Тоҷикистон ва воситаҳои таҳким ва рушди онҳо баррасӣ шуд. Ҷонибҳо ҳамнчунин ба имзо расонидани Ёддошти тафоҳум дар соҳаи сайёҳӣ миёни ду кишварро баррасӣ намуданд.

Дар ҳамин ҳол, бино ба иттилои Кумитаи рушди сайёҳии назди Ҳукумати Ҷумҳурии Тоҷикистон соҳибкорони саудӣ давоми соли равон ба Душанбе мераванд.

"Тавофуқоти марбута дар чорабиниҳо дар Арабистони Саудӣ мувофиқат карда шудаанд",- омадааст дар хабари манбаъ.

Тавре дар гузориши дафтари матбуотии ВУХ омадааст, 1-2 апрели соли равон дар шаҳри Риёз ҷаласаи дуюми Комиссияи муштараки байниҳукуматии Тоҷикистону Шоҳигарии Арабистони Саудӣ оид ба ҳамкории иқтисодию тиҷоратӣ ва фарҳангию техникӣ, инчунин 2-3 апрел дар шаҳрҳои Риёз ва Ҷидда форуми соҳибкорони ҳарду кишвар доир гардиданд.

дар ҷаласа фазо ва имкониятҳои сармоягузории Тоҷикистон ба доираҳои тиҷоратӣ ва сармоягузории Шоҳигарии Арабистони Саудӣ муаррифӣ карда шуда, як зумра лоиҳаҳои сармоягузорӣ барои баррасӣ ва омӯзиш ба ҷониби Шоҳигарии Арабистони Саудӣ пешниҳод карда шуданд.

Аз соли 2007 то соли 2017 сармоягузорони Арабистони Саудӣ ба иқтисодиёти Тоҷикистон 160,2 миллион доллари ИМА сармоягузорӣ кардаанд.

59
Барчаспҳо:
сармоягузорӣ, Арабистони Саудӣ, Тоҷикистон
Картофель

Оғози ҷамъоварии картошка дар Тоҷикобод: 1 кило 2,8 сомонӣ дар сари замин

136
(Таҷдидшуда 16:59 11.07.2020)
Дар ноҳияи Тоҷикобод, яке аз минтақаҳои картошкапарвари Тоҷикистон ҷамъоварии ҳосили барвақтии картошка оғоз гардид

ДУШАНБЕ, 11 июл — Sputnik. Дар Тоҷикобод майдони кишти картошка дар ҳамаи шаклҳои хоҷагидорӣ ба 2005 гектар расонида шуд, ки нисбат ба  соли гузашта 84,5 фоиз зиёдтар аст.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

"Аз 2005 гектар кишти картошка 937,7 гектараш ба сохтори кишоварзӣ рост меояд. Дар хоҷагиҳои коллективӣ ва инфиродии деҳқонӣ нисбат ба соли гузашта 272,7 гектар майдони кишти картошка васеъ гардонида шудааст", - хабар дод "Ховар".

Манбаъ афзуд, имрӯзҳо дар хоҷагии деҳқонии "Нӯшор"-и ноҳия ҷамъоварии ҳосили картошкаи барвақтӣ оғоз гардида, натиҷаи ғундоштани  ҳосили имсола нишон медиҳад, ки заҳмати  кишоварзон  натиҷаи дилхоҳ ба бор овардааст.

Юсуфҷон Худойдодов аз деҳаи Шарқиён анъанаи дерини деҳқонони ноҳияро, ки маъмулан даҳаи дуюми моҳи август ба ҷамъоварии картошка оғоз менамоянд, шикаст.

"Номбурда 7 июл  қитъаи картошкаи хоҷагии деҳқониашро, ки майдони  0,40 гектарро ташкил медод, ҷамъоварӣ намуд. Дар ин рӯз раиси ноҳия Қадриддин Фақерзода ва намояндаи Ҳукумати Ҷумҳурӣ Олимҷон Муҳаммадҷонзода  иштирок намуда, ба Юсуфҷон барори кор хостанд, навиштааст "Ховар".

Юсуфҷон Худойдодов изҳор доштааст, ки 15 март картошка кишт намуда будам.

"Тухмии маҳаллии навъи "сафедак"-ро аз деҳаи Ширинчашма харидорӣ карда, 4 моҳ пеш шинонда будам. Имрӯз хурсанд ҳастам, ки ҳосил пухта расид ва  харидор аз шаҳри Душанбе пайдо шуд, ки ба ҷамъоварӣ шурӯъ намудам. Чуноне ки  мебинед зарар надидам,  12 тонна картошка бо нархи ҳар килояш 2 сомониву 85 дирамӣ аз сари замин ба фурўхтам", - таъкид кардааст кишоварз.

Қаблан дар пайи болоравии нархи картошка дар Тоҷикистон, раисиҷумҳур Эмомалӣ Раҳмон даъват кард, ки майдони кишти картошка зиёд карда шавад.

136
Барчаспҳо:
ҳукумати ноҳияи Тоҷикобод, нарх, картошкапарварӣ, Тоҷикистон
Эксперт РИСИ Иван Баженов

Баженов: дурнамои рубли русӣ дар бозори ИДМ равшан аст

126
(Таҷдидшуда 16:55 11.07.2020)
Чаро рубл дар бозори асъори кишварҳои ИДМ мавқеи хуб дорад, шарҳ дод муҳаққиқи Институти таҳқиқоти стратегии Русия  Иван Баженов

ДУШАНБЕ, 9 июл – Sputnik. Ба гуфтаи Баженов, дурнамои пули Русия дар бозори иштирокчиёни Иттиҳоди Давлатҳои Мустақил дурахшон аст.

Коршинос ин ҳолатро бо он шарҳ медиҳад, ки барои кишварҳои ИДМ пайдо кардани асъори дигари  устувор дар гумон аст.

"Рубл дар кишварҳои собиқ Иттиҳоди Шӯравӣ хеле хуб арзёбӣ мешавад. Гузашта аз ин, бозори Русия дар муқоиса бо ҳамаи бозорҳои кишварҳои Иттиҳоди Давлатҳои Мустақил хеле калон аст" - гуфт пажӯҳишгари Институти таҳқиқоти стратегии Русия Иван Баженов дар мусоҳиба бо Sputnik Тоҷикистон.

Баженов илова намуд, ки вазъи бозори асъор аз вазъи ҷаҳонӣ вобаста аст.

"Ин, ба гуфтаи онҳо, бо мо чандон дурахшон нест. Пешгӯӣ кардан, ки рубл қавӣ хоҳад буд ва боқимонда асъор заиф ё баръакс - (ғайриимкон аст - таҳрир). Ман фикр мекунам, ки ҳама меафтанд. Савол дар он аст, ки кай, дар куҷо ва барои чӣ вақт ", хулоса кард ӯ.             

Аз коҳиши рубл то суқути доллар: Бонки миллӣ арзиши асъорро барои имрӯз эълон кард

Ёдовар мешавем, дар бозори асъори Тоҷикистон, ки рубл то марзи 150 сомонӣ расида буд, тайи ду ҳафтаи охир дар ҳоли коҳишёбист. Имрӯз арзиши 1000 рубл дар Бонки миллии Тоҷикистон 144 сомонӣ муаян шуда, дар  дигар бонкҳо то 147 сомонӣ мерасад.

126
Российской военно-транспортной авиации 89 лет

Даргузашти Назарбегим Муборакшоева, собиқ раиси шаҳри Хоруғ

0
(Таҷдидшуда 17:16 12.07.2020)
Назарбегим Муборакшоева имрӯз, 12 июл аз олам даргузашт. Ӯ собиқ раиси шаҳри Хоруғ ва ноҳияи Рӯшони ВМКБ буд

ДУШАНБЕ, 12 июл – Sputnik. Назарбегим Муборакшоева корманди давлатӣ, собиқ раиси ноҳияи Рӯшон ва шаҳри Хоруғи ВМКБ аз олам даргузашт.

Дар ин бора журналист Улфатхоним Маҳмадшоева дар фейсбук дар гурӯҳи Pamir news хабар додааст.

0
Барчаспҳо:
Хоруғ, шаҳр, раис, собиқ, ВМКБ, даргузашт