Ифтитоҳи маркази барқу-гармидиҳии Душанбе-2

Намояндаи баландпояи Чин аз муассисаҳои сохти кишвараш дар Душанбе боздид кард

63
Муовини раиси Кумитаи доимии Маҷлиси умумихитоии вакилони мардумии Чин Алекен Еминбахе аз маркази барқу гармдиҳии "Душанбе-2" боздид кард

ДУШАНБЕ, 24 май — Sputnik. Имрӯз муовини якуми раиси Маҷлиси намояндагони Тоҷикистон Абдуҷаббор Азизӣ ва  муовини раиси Кумитаи доимии Маҷлиси умумихитоии вакилони мардумии Чин Алекен Еминбахе аз муассисаҳои сохти Чин дар Душанбе боздид карданд.

Намояндаи баландпояи Чин зимни сафари худ ба Тоҷикистон аз мавзеъҳои зебоманзари ноҳияи Варзоб ва осорхонаи миллӣ ва "Кохи Наврӯз" боздид кардааст.

Қарор аст, меҳмонон фардо аз   майдони  "Дӯстӣ",  Боғи устод Рӯдакӣ,  Маҷмааи Нишон ва Парчами миллии Тоҷикистон дидан намоянд.

Лозим ба ёдоварист, ки 23 майи соли ҷорӣ, раиси Кумитаи доимии Маҷлиси умумихитоӣии вакилони мардумии Ҷумҳурии Мардумии Чин Алекен Еминбахе бо сафари расмӣ ба Тоҷикистон омад.

Вай зимни сафари худ бо раиси Маҷлиси намояндагони Маҷлиси Олии Тоҷикистон Шукурҷон Зуҳуров мулоқот кард.

Дар мулоқот вазъ ва дурнамои муносибатҳои дуҷонибаи Тоҷикистону Чин баррасӣ шуд.

Зимни мулоқот Шукурҷон Зуҳуров таъкид кард, ки бо талошҳои муштарак ҳаҷми тиҷорати молу маҳсулот миёни Тоҷикистону Чин дар соли 2020 то беш аз 3 млрд. доллар хоҳад расид. 

"Соли 1992 ҳаҷми мубодилаи тиҷоратӣ байни кишварҳои мо ҳамагӣ 2,7 миллион доларро ташкил медод, аммо ҳоло он 300 маротиба афзоиш ёфтааст. Мо боварӣ дорем, ки бо талошҳои муштарак ҳаҷми тиҷорати молу маҳсулот миёни ҷумҳуриҳои мо дар соли 2020 то беш аз 3 миллиард доллар хоҳад расид"- таъкид кардааст Зуҳуров.

Дар ҳоли ҳозир тиҷорати молу маҳсулот миёни ду кишвар 600 миллион долларро ташкил медиҳад.

Чин бузургтарин сармоягузори Тоҷикистон ба шумор меравад. Ин кишвар тарҳҳои гуногуни стратегии Тоҷикистонро сармоягузорӣ мекунад.

Барои мисол Чин дар Тоҷикистон дар лоиҳаҳои сохтмони роҳи автомобилгарди "Душанбе-Чаноқ", Душанбе-Данғара, хатти баландшиддати нирӯи барқи "Шимол-Ҷануб", хатти 220 киловолтаи барқи "Лолазор-Хатлон", хатти 220 киловолтаи барқи "Хуҷанд-Айнӣ",  Маркази барқу гармидиҳии "Душанбе-2", нақби "Шар-шар" дар шоҳроҳи Душанбе-Кӯлоб-Хоруғ-Кулма-Қароқурум, нақби роҳи оҳани Душанбе-Қурғонтеппа беш аз як миллиард доллар сармоягузорӣ кардааст.

63
Барчаспҳо:
боздид, Алекен Еминбахе, Шукурҷон Зуҳуров, Чин, Душанбе
Первый вице-премьер Таджикистана Давлатали Саид, архивное фото

Норасоиҳоро бартараф кунед: супориши Давлаталӣ Саид ба роҳбарони МОИ

64
(Таҷдидшуда 11:54 25.01.2021)
Муовини якуми Сарвазири Тоҷикистон таъкид доштааст, ки мақсади асосӣ аз таъсиси минтақаҳои озоди иқтисодӣ - ин зиёд намудани истеҳсоли маҳсулоти ба содирот нигаронидашуда мебошад

ДУШАНБЕ, 25 янв— Sputnik.  Ахиран дар шаҳри Душанбе таҳти раёсати муовини якуми Сарвазири Тоҷикистон Давлаталӣ Саид, ки ҳамзамон раиси Шӯрои нозирон оид ба масъалаҳои минтақаҳои озоди иқтисодӣ дар Тоҷикистон мебошад, ҷаласаи навбатии Шӯрои мазкур бо иштироки намояндагони вазорату идораҳои марбута баргузор гардид.

Ба нақл аз АМИТ “Ховар” дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ — муовини Вазири рушди иқтисод ва савдо вобаста ба иҷрои қарорҳои ҷаласаҳои пештараи Шӯрои нозирон ва роҳбарони МОИ-и “Суғд”, “Данғара”, “Панҷ”, “Ишкошим” ва “Кӯлоб” шунида шуд.

Давлаталӣ Саид, муовини якуми Сарвазир дар ин ҷаласа таъкид доштааст, ки мақсади асосӣ аз таъсиси минтақаҳои озоди иқтисодӣ- ин зиёд намудани истеҳсоли маҳсулоти ба содирот нигаронидашуда мебошад.

Давлаталӣ Саид ба ҳар камбудиву норасоиҳои ҷойдоштаи дар ҳар  як минтақаи озоди иқтисодӣ таъкид карда, ба роҳбарони минтақаҳои озоди иқтисодӣ вобаста ба бартараф намудани норасоиҳо, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби сармоя, зиёд намудани истеҳсоли маҳсулоти воридотивазкунӣ ва содирот намудани онҳо ба хориҷи мамлакат супоришҳои қатъӣ дод.

Гуфта шудааст, ки аз натиҷаи ҷаласа қарорҳои Шӯрои нозирон бо санади дахлдор қабул гардиданд.

64
Барчаспҳо:
Давлаталӣ Саид, содирот, истеҳсол, таъсис, Минтақаҳои озоди иқтисодӣ, Тоҷикистон
Доллар на земле, архивное фото

Татбиқи лоиҳаҳои сармоягузории давлатӣ ба маблағи 3,5 млрд. доллар дар Тоҷикистон

143
(Таҷдидшуда 00:42 25.01.2021)
Ба ҳолати 1 январи соли 2021 дар Тоҷикистон 70 адад лоиҳаҳои сармоягузории давлатӣ ба маблағи умумии 39,9 млрд. сомонӣ ё 3,5 млрд. доллар мавриди татбиқ қарор доштааст

ДУШАНБЕ, 25 янв— Sputnik. Ахиран дар Кумитаи давлатии сармоягузорӣ ва идораи амволи давлатӣ бо иштироки муовини якуми Сарвазири Тоҷикистон Давлаталӣ Саид ҷаласа оид ба ҷамъбасти натиҷаҳои рафти татбиқи лоиҳаҳои сармоягузории давлатӣ ва фаъолияти агентиҳои амаликунандаи онҳо дар соли 2020 баргузор гардид.

Бино бар иттилои дафтари матбуоти Кумитаи давлатии сармоягузорӣ дар ҷаласа роҳбарони вазорату идораҳои дахлдори кишвар, агентиҳои иҷроия ва татбиқкунандаи лоиҳаҳои сармоягузории давлатӣ иштирок намуданд.

Таъкид шудааст, ки зимни ҷаласа татбиқ ва азхудкунии маблағҳои лоиҳаҳои сармоягузории давлатӣ дар соли 2020, натиҷаҳои ноилгардида ва камбудию норасогиҳои дар доираи лоиҳаҳо баррасӣ шуд.

Ҳамзамон дар ҷаласа қайд гардидидааст, ки барои рушди соҳаҳои афзалиятноки мамлакат ба ҳолати 1 январи соли 2021, 70 адад лоиҳаҳои сармоягузории давлатӣ ба маблағи умумии 39,9 млрд. сомонӣ ё 3,5 млрд. доллари амрикоӣ мавриди татбиқ қарор дошта, аз онҳо 29 лоиҳаи грантӣ, 6 лоиҳаи қарзӣ ва 35 лоиҳа дар ҳаммаблағгузории қарз ва грант иборат мебошанд.

Дар ин ҷаласа Муовини якуми Сарвазири Тоҷикистон, Давлаталӣ Саид барои ҳалли масъалаҳои ба миён омада ва бартараф намудани камбудию норасогиҳои ҷойдошта ба масъулин дастуру супоришҳои мушаххас додааст.

143
Барчаспҳо:
маблағ, лоиҳа, сармоягузорӣ, Тоҷикистон