Центр по изготовлению сухофруктов

Бозоргул Ширинова ба занон тарзи нави хушк кардани зардолуро меомӯзонад

268
(Таҷдидшуда 14:00 21.06.2018)
Зани соҳибкор дар ноҳияи Вахш Маркази омӯзишии мевахушккунӣ ифтитоҳ кардааст

ДУШАНБЕ, 21 июн — Sputnik. Ассотсиатсияи миллии занҳои соҳибкори Тоҷикистон хабар медиҳад ки дар ноҳияи Вахш соҳибкор Бозоргул Шинринова дар замини наздиҳавлигиаш маркази омӯзишиимевахушккунӣ ифтитоҳ кардааст.

Бино бар иттилои манбаъ, маркази бо тамоми ашёҳои лозимаи хушкунии зардолу ва дигар намуди меваҳо таъмин шудааст.

Дар маросими оғози расмии марказ намояндаи Ожонсии Амрико оид ба рушди байналмилалӣ Боб Рено, муовинони раиси ноҳияи Вахш Абдуллоев С. ва Зоирзода Ф. инчунин соҳибкорзанони кишоварзу дастандаркорон иштирок намуданд.

"Ташабуси навбатии Ассотсиатсияи миллии занҳои соҳибкори Тоҷикистон ва лоиҳаи USAID ба рушди фаъолияти соҳибкории занон манфиатбахш буда, дар беҳтар гардидани даромади молиявии кишоварзон мусоидат хоҳад кард", — изҳор доштааст муовини аввали раиси ноҳияи Вахш.

Вай афзуд, пештар дар ноҳияи Вахш аз тарафи ҳамин ташкилот ду қитъаи намоишии истеҳсоли қулфинай бо таври муосир ва Маркази омӯзишии қаннодӣ таъсис дода шуда буд.

Дар ҳамин ҳол манбаъ тавзеҳ додааст, ки марказ  бо мақсади омӯзонидани тарзи дуруст ва босифати хушк кардани мева ташкил карда шудааст.

Муҳайё гардидани чунин шароити мусоид ба соҳибкорзанон ва боғдорон имкон медиҳад, ки хушкунии зардолу ва дигар намуди меваҳоро омӯзанд ва аз ин барои худ фоидаи бештар ба даст оранд.

268
Барчаспҳо:
Ассосиатсия, Рудаки, Вахш, хушкмева, мева, бонувон, соҳибкор, занон, Душанбе, Тоҷикистон
Денежные купюры, архивное фото

Коршиносон гуфтанд, ҳафтаи оянд бо доллар чи хоҳад шуд

785
Иқтисоддонҳо пешгӯии дақиқ карданд, ки ҳафтаи оянд, аввали моҳи ию вазъи доллар нисбат ба рубл чигуна хоҳад шуд

ДУШАНБЕ, 29  май — Sputnik. Ба гуфти Андрей Кадулин, сардори шӯъбаи таҳлилии бонки “Санкт Петербург” ҳафтаи аввали моҳи июн, зери таъсири муқовимати шадид байни Чин ва Иёлоти Муттаҳида хоҳад буд.

"Бозорҳо рӯйдодҳои ин мавзӯъро дар пасманзар гузошта, диққати бештарро ба барқарорсозии фаъолияти соҳибкорӣ дар ҷаҳон равона мекунанд. Танҳо изҳороти қатъӣ ва ҳамзамон ҷонибҳои муноқиша таъсири намоёни манфӣ хоҳанд дошт" гуфт иқтисоддон дар суҳбат бо "Российской газете".

Ба гуфтаи таҳлилгар, лаҳзаи ҷолибтарин ин интишори сатҳи бекорӣ дар Иёлоти Муттаҳида 5 июн хоҳад буд. Пешгӯӣ шудааст, ки ин рақам метавонад ба 20% бирасад.

Иқтисоддон инчунин қайд кард, ки дар аввали моҳи июн ба рубл вазъи бозори нафт ва тарси сармоягузор фишор меорад.

"Дар ин ҷо як мусбати мӯътадил ба нақша гирифта шудааст - гуфтушунидҳое, ки ОПЕК + барои тавсеаи ҳаҷми ҷории коҳиши истеҳсолот оғоз кардааст, дар сурати муваффақ шудан, нархҳоро дастгирӣ мекунанд ва потенсиали таҳкими рублро тақвият хоҳанд дод" гуфт ӯ.

Таҳлилгар интизор дорад, ки аввали моҳи июн доллар тақрибан 71 рубл савдо мешавад.

Пул нест: касри буҷет дар чаҳор моҳ ба 60 миллион доллар расид

Дар бозори асъори Тоҷикистон низ чанд ҳафтаи ахир доллар дар ҳоли суқут қарор дошта, рубл бошад мавқеи аввалии худро дубора мегирад.

Дар ҳоли ҳозир тибқи нишондоди Бонки миллии Тоҷикистон  имрӯз қурби миёнаи фурӯши асъори хориҷии нақд дар муассиcаҳои ташкилоти қарзии Тоҷикистон 1 доллар аз 10.2685 то 10.2700 сомонӣ; 1 евро аз 11.3457 то 11.5000 сомонӣ ва 1 рубли русӣ аз 0.1439 то 0.1450 сомонӣ арзиш дорад.

785
Барчаспҳо:
сомонӣ, доллар, рубл, иқтисод, коршинос
Национальный банк Таджикистана

Рӯйхати "сиёҳи" Бонки миллӣ нав шуд: киҳо ва кадом созмонҳо шомиланд

795
(Таҷдидшуда 10:18 29.05.2020)
Теъдоди умумии афроде, ки дар иртибот бо терророризм ва ифротгароӣ гумонбар мешаванд, давоми соли ахир қариб ду баробар зиёд шудааст

ДУШАНБЕ, 29  май — Sputnik. Дар Тоҷикистон рӯйхати шахсони воқеӣ ва ҳуқуқӣ, ки бо терроризм алоқаманданд, нав карда шуд, хабар медиҳад Департаменти мониторинги молиявии Бонки миллии Тоҷикистон.

Ҳамин тариқ, шумораи умумии афрод, ки дар робита бо террористон ва экстремист гумонбар мешаванд, нисбати соли гузашта қариб ду баробар зиёд шудааст. Агар як сол пеш 1356 нафар ба қайд гирифта шуда бошад, пас дар ҳоли ҳозир - 2647 нафар аст.

Моҳи апрели соли гузашта ин рӯйхат ду қисм, нахуст афроди воқеие, ки аз ҷониби Тоҷикистон ҳамчун “шахсони бо терроризм алоқадошта” ва дуввум “шахсони бо ифротгароӣ дастдошта” ҷудо шуда буд

Ҳамакнун, танҳо як рӯйхат вуҷуд дорад, ки ба он 15 созмону ташкилотҳои террористӣ ва экстремистиро, ки дар Тоҷикистон манъ карда шудаанд, шомиланд, ки аз ин қабиланд:

"Ал-Қоида", "Ихвон ул-Муслимин (Бародарони мусалмон)", "Лашкари-Тайиба", "Ҳаракати Толибон", "Ҳаракати исломии Ӯзбекистон", "Давлати исломии Ироқу Шом", "Ҷабҳат ан-Нусра", "Ҷамоати Ансоруллоҳ", "Ҳизби наҳзати исломии Тоҷикистон", "Ҷамъияти Исломӣ", "Паймони миллии Тоҷикистон", "Ҷамъияти Таблиғ", "Даъват ба ислом", "Тоҷикистони озод", "Гурӯҳи 24".

Қаблан Бонки миллии Тоҷикистон дар як баёнияи худ эълон кард, ки рӯйхати шахсони ба терроризм алоқамандро Бонк тартиб намедиҳад, чунки он аз ҷониби мақомоти дахлдоре, ки бар зидди терроризм мубориза мебрад муайян карда мешавад.

“Тартиб додани рӯйхати шахсони бо терроризм алоқаманд дар салоҳияти Бонки миллии Тоҷикистон нест”, - зикр намудааст бонки миллии Тоҷикистон.

Ҳамзамон БМТ қайд намудааст, ки Тартиб мутобиқи талаботҳои Қатъномаҳои Шурои Амнияти Созмони Милали Муттаҳид (ША СММ), Гурӯҳи тадбиқи чораҳои молиявӣ (ФАТФ), қонунҳои Ҷумҳурии Тоҷикистон “Дар бораи мубориза бар зидди терроризм” ва “Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом” ба роҳ монда шудааст.

 

795
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

537
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

537
Барчаспҳо:
Тоҷикистон