Водопроводный кран, архивное фото

Бонки аврупоӣ барои таъмини Хуҷанд бо об 3,5 млн доллар дод

55
(Таҷдидшуда 16:01 11.07.2018)
БТРА барномаи беҳтар намудани обтаъминкунии шаҳри Хуҷанд 3,5 млн. доллар маблағи грантӣ ҷудо намудааст

ДУШАНБЕ, 11 июл — Sputnik. Бонки таҷдид ва рушди Аврупо барои барномаи беҳтаргардонии обтаъминкунии шаҳри Хуҷанд 3,5 млн доллар ҷудо кард.

Тибқи иттилои ТоҷикТА дар доираи барномаи обтаъминкунии шаҳри Хуҷанд 8,8 млн доллар масраф шудааст, ки аз он 5,3 млн доллараш маблағи грантӣ мебошад. Қаблан Тоҷикистон дар доираи ин барнома аз Бонки таҷдид ва рушди Аврупо 1,4 миллион доллар ба даст оварда буд. Дар доираи барномаи мазкур аз ҷумла дар назар аст, ки мушкилоти обтаъминкунӣ дар деҳаи Водник куллан бартараф гардад.

Лозим ба ёдоварист, ки порлумони Тоҷикистон моҳи декабри соли гузашта шартномаи грантиро миёни Тоҷикистону Бонки таҷдид ва рушди Аврупо барои беҳтар намудани обтаъминкунии шаҳри Хуҷанд тасдиқ намуда буд.

Ахиран Бонки рушди Осиё  низ эълон дошт, ки омода аст дар барнома беҳтар намудани обтаъминкунии шаҳри Душанбе ширкат кунад.

Намояндагони созмони молиявӣ ваъда дода буданд, ки барои роҳандозии барномаи мазкур ба Тоҷикистон 41 млн доллар ҷудо хоҳанд кард.

Ин аввалин барнома будааст, ки барои беҳтар намудани иншооти обтаъминкунӣ ва шабакаҳои фозилоти шаҳри Душанбе равона шудааст. 

55
Барчаспҳо:
обтаъминкунӣ, БТРА, Хуҷанд, Бонк, об, кӯмак, грант, Тоҷикистон
Пресс-конференция председателя Комитета гражданских инициатив Алексея Кудрина

Кудрин коҳиши рушди иқтисоди Русия ва афзоиши камбизотиро пешгӯӣ кард

80
(Таҷдидшуда 14:58 28.11.2020)
Роҳбари Палатаи ҳисоби Русия коҳиши рушди иқтисодиёти кишварро пешгӯӣ кард, ки афзоиши камбизоатиро дар пай хоҳад дошт

ДУШАНБЕ, 28 ноя — Sputnik. Уфти иқтисоди Русия назар ба оне ки пешгӯӣ мешавад, бештар хоҳад буд, изҳор дошт Алексей Кудрин, роҳбари Палатаи ҳисоб зимни Анҷумани умумимиллии Русия.

Ӯ таъкид кард, ки уфти пешгӯишаванда назар ба кишварҳои Аврупо камтар мебошад, аммо нисбати рақамҳое, ки дар назар дошта шудаанд, зиёдтар хоҳад буд.

“Иқтисоди Аврупо ба андозаи 8 дарсад, ҳатто қариб 9 дарсад кам хоҳад шуд. Дар мо тавре омори расмӣ мегӯяд, ба андозаи 3,9 дарсади ММД коҳиш хоҳад ёфт. Аммо ман фикр мекунам, ки уфт бештар аз 4 дарсад, ҳатто 4,5 фоиз хоҳад шуд”, - гуфт Кудрин.

Ба гуфтаи роҳбари Палатаи ҳисоб, мушкили асосӣ дар он аст, ки дар пайи уфти иқтисод сифати зиндагии шаҳрвандон бадтар хоҳад шуд. Поинравии сифати зиндагии шаҳрвандон бо нишондоди чандсола дар маҷмуъ ҳамвазн хоҳад буд.  Ӯ афзудааст, ки теъдоди шаҳрвандони ниёзманд дар Русия афзоиш хоҳад ёфт.

“Тақрибан ба миллион нафар шумораи камбизоатҳо дар мо афзоиш хоҳад ёфт”, - илова намуд Кудрин.

Вай муътақид аст, ки пандемияи коронавирус ва дигар омилҳо имкони барқарорсозии фаврии иқтисодро нахоҳанд дод ва ин ба он маъност, ки давлат  бояд захираҳои бештарро барои дастгирии табақаҳои осебпазири ҷомеа равона кунад.

80
Барчаспҳо:
афзоиш, сатҳи камбизоатӣ, Русия
Глава Нацбанка Таджикистана Хоким Холикзода

Раиси наву ваъдаи нав: Бонки миллӣ нархҳоро дар бозори дохилӣ устувор нигаҳдорӣ хоҳад кард

1131
(Таҷдидшуда 13:19 27.11.2020)
Ахиран дар парлумони Тоҷикистон санади Дурнамои сиёсати пуливу қарзии ҷумҳурӣ барои соли 2021 ва дар давраи миёнамуҳлат қабул гардид

ДУШАНБЕ, 27 ноя — Sputnik. Зимни баррасии ин санад Ҳоким Холиқзода, раиси тозатаъйини Бонки миллии Тоҷикистон қайд кард, ки ҳадафи аслии Бонки миллӣ дар таҳияи ин санад дар нигаҳдории нархҳо дар бозори дохилии истеъмолӣ дар сатҳи устувор ифода меёбад, иттилоъ додааст дафтраи матбуоти палатаи поёнии парлумони Тоҷикистон.

Ба гуфтаи Холиқзода, он тавассути истифодаи механизму фишангҳои сиёсати пулию қарзӣ барои пешгирии фишороварии омилҳои монетарӣ ба сатҳи нархҳо амалӣ мегардад.

Вай илова кардааст, ки идомаи ислоҳот дар самти тақвияти сиёсати пулию қарзӣ бо мақсади нигоҳдории сатҳи таваррум пешбинӣ шудааст, ки барои таъмини рушди устувори иқтисодӣ ва баланд бардоштани сатҳи некуаҳволии мардум заминаи мусоид фароҳам меорад.

Сандаи қабулшуда шарҳи мухтасари вазъи молиявӣ-иқтисодӣ ва сиёсати пуливу қарзиро дар соли 2021 дар бар мегирад. Ҳамчунин он аз нишондиҳандаи мақсаднок ва татбиқи механизму абзори сиёсати пуливу қарзии кишвар дар соли 2021 ва дар давраи миёнамуҳлат иборат аст.

Бояд гуфт, ки тибқи иттилои Ожонсии омори Тоҷикистон дар ин давра нархҳо ба маҳсулоти хӯрокворӣ 9,6%, маҳсулоти ғайриозуқа - 4,4% ва хизматрасониҳои пулакӣ - 3,6% боло рафтанд.

Ёдрас мешавем, ки Ҳоким Холиқзода як ҳафта пеш ба ҷойи раиси пешин Ҷамшед Нурмаҳмадзода раиси БМТ таъин шуд. То ин дам ӯ ба ҳайси муовини раиси Бонки миллӣ кор мекард.

1131
Барчаспҳо:
мубориза, нарх, ваъда, Дурнамои нав, санад, Бонки миллӣ, Тоҷикистон

Дар Хатлон 941 иншооти тандурустӣ бунёду навсозӣ мешавад

0
(Таҷдидшуда 20:57 28.11.2020)
Дар вилояти Хатлон бахшида ба истиқболи сазовори 30-солагии Истиқлоли Тоҷикистон бунёди 941 иншооти тандурустӣ дар назар аст

ДУШАНБЕ, 28 ноя — Sputnik. Ба истиқболи 30-солагии Истиқлолияти давлатӣ ва баланд бардоштани сатҳу сифати хизматрасонии тиббӣ ба аҳолӣ дар вилояти Хатлон 532 иншооти соҳаи тандурустӣ бунёд гардидааст, хабар дод нашрияи парлумонии “Садои мардум”.

Манбаъ аз қавли шуъбаи иттилоотию таҳлилии Дастгоҳи раиси вилояти Хатлон хабар дод, то ҷашни Истиқлол дар вилоят бунёду навсозии 941 иншооти тиббӣ ба нақша гирифта шудааст, ки наздики 70 дарсади он мавриди баҳрабардорӣ қарор дорад.

“Аз ҷумла, 27 беморхона, 55 маркази саломатӣ, 159 бунгоҳи тиббӣ, 142 нуқтаи хатнакунӣ, 14 таваллудхона ва 135 дорухона дар хизмати аҳолӣ қарор дода шуд”, - омадааст дар иттилоия.

Таъкид шудааст, ки айни ҳол сохтмони иншооти калонҳаҷм, аз қабили бинои Маркази перинаталӣ ва Маркази табобатии бемориҳои қалб дар шаҳри Бохтар, Беморхонаи бисёрсоҳа бо 200 кати бистарикунонӣ ва Маркази саломатӣ барои қабули 300 бемор дар ноҳияи Қубодиён, Беморхонаи касалиҳои сироятӣ дар ноҳияи Данғара ва Беморхонаи рақамӣ дар ноҳияи Ҷалолиддини Балхӣ, бомаром идома дошта, дар арафаи анҷомёбист.

Инчунин, дар деҳот сохтмони бунгоҳ ва марказҳои саломатӣ идома дорад.

Нашрия зикр намудааст, ки ҳоло дар вилояти Хатлон 115 муассисаи сохтори госпиталӣ ва 41 муассисаи амбулаторию госпиталӣ фаъолият менамоянд.

0
Барчаспҳо:
сохтмон, Тоҷикистон