ДУШАНБЕ, 27 авг — Sputnik. Бино ба иттилои сомонаи помир инвест, ҳамоиши байналмилалии сармоягузорӣ "Помир Инвест 2018" рӯзи 16 сентябр дар шаҳри Хоруғи ВМКБ баргузор хоҳад шуд.
Ба гуфтаи манбаъ, мақсад аз баргузории форуми мазкур ҷалби сармояи хориҷӣ ба соҳаи тиҷорату сайёҳӣ дар ВМКБ будааст.
Манбаъ таъкид кардааст, ки зимни ҳамоиши мазкур пеш аз ҳама масъалаҳои рушди сайёҳӣ ва инфрасохторҳои он, барқарор намудани ҳамкориҳои тиҷоративу иқтисодӣ бо кишварҳои ҳамсоя ва кишварҳои хориҷи дуру наздик, суръат бахшидани татбиқи барномаҳои рушди иҷтимоиву иқтисодӣ дар ВМКБ ва ғайра баррасӣ мешаванд.
Қарор аст, дар форуми мазкур сармоягузорони хориҷиву маҳалӣ, донорҳо, намондагони вазорату идораҳои Тоҷикистон ва ташкилотҳои байналмилалӣ иштирок хоҳанд кард.
