ХБА, акс аз бойгонӣ

ХБА метавонад барномаи нави қарздиҳии имтиёзнокро дар Тоҷикистон роҳандозӣ намояд

105
(Таҷдидшуда 13:21 14.09.2018)
Барои баррасии барномаи нав ба Тоҷикистон ҳайати намояндагии Хазинаи Байналмилалии Асъор (ХБА) таҳти сарварии роҳбари ҳайат хонум Падамжа Ханделвал ба Душанбе омадааст

ДУШАНБЕ, 14 сен — Sputnik. Тоҷикситон ва ХБА, роҳандозии Барномаи нави ХБА (Механизми васеи қарздиҳӣ (ECF)) бо Тоҷикистонро баррасӣ мекунанд, иттилоъ додааст хадамоти матбуоти Бонки милли Тоҷикистон.

"Бо мақсади баргузории музокирот оид ба роҳандозии Барномаи нави ХБА (Механизми васеи қарздиҳӣ (ECF)) бо Тоҷикистон, гуруҳи кории ХБА таҳти сарварии роҳбари ҳайати ХБА оид ба Тоҷикистон хонум Падамжа Ханделвал бо сафари корӣ дар шаҳри Душанбе қарор доранд", — иттилоъ додааст манбаъ.

Муовини якуми Раиси БМТ Ҷамолиддин Нуралиев ва намояндагони ХБА масъалаи роҳандозии барномаи мазкурро баррасӣ намуданд. Муовини якуми БМТ ба ҳайати ХБА дар бораи рушд ва дурнамои нишондиҳандаҳои макроиқтисодии Тоҷикистон, рушди бахшҳои воқеӣ, монетарӣ ва молиявӣ дар солҳои 2017-2018, аз ҷумла сатҳи таваррум, унсурҳои пулӣ, нишондиҳандаҳои устувории молиявӣ маълумоти мушаххас пешниҳод намуд.

Ҷамолиддин Нуралиев таваҷҷуҳи намояндагони ХБА-ро ба дурнамои рушди интиқоли маблағҳои пулӣ, ба роҳ мондани муносибатҳои сифатан нави молиявӣ ва тиҷоратӣ бо Туркия ва Узбакистон, татбиқи лоиҳаи НБО "Роғун", талабот оид ба маблағгузории беруна дар солҳои минбаъда (2019-2021) дар Тоҷикистон, ҷалб намуд.

Инчунин вай дар бораи нақши барориши евробондҳо ба бозорҳои байналмилалӣ маълумот дод.

Қаблан иттилоъ дода шуда буд, ки роҳбари Ҳайати ХБА оид ба Тоҷикистон хонум Падамжа Ханделвал талошҳои ҳукумати Тоҷикистонро, барои ворид намудани ислоҳот дар баъхши иқтисоди миллиро мусбат баҳогузорӣ кардааст. Дар дидор бо масъулини бахши иқтисоди Тоҷикистон сиёсати иқтисодии ҳукумати ҷумҳуриро дастгирӣ кард ва гуфт ба ҳамкорӣ барои расидан ба ҳадафи рушд омода аст.

Инчунин хабар дода шуда буд, ки ҳукумати Тоҷикистон дурнамои рушди иқтисодро дар соли оянда тасдиқ намудааст. Дар соли ҷорӣ рушди иқтисоди кишвар бояд 7,3 дарсад ва дар соли 2019 7-7,6 дарсад ташкил диҳад. 

105
Барчаспҳо:
ХБп, имтиёзнок, БМТ, қарз, Роғун, Тоҷикистон, Тоҷикистон
День города в Душанбе

БАОР гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

267
(Таҷдидшуда 13:22 24.11.2020)
Коршиносони БАОР мегӯянд, афзоиши рушди иқтисодӣ, афзоиши интиқоли маблағҳои муҳоҷирон ва фароҳам овардани фазои мусоиди сармоягузорӣ - чунин тағйирот Тоҷикистонро пас аз пайвастан ба Иттиҳоди иқтисодии АвруОсиё интизор аст

ДУШАНБЕ, 24 ноя - Sputnik.  Вуруди эҳтимолии Тоҷикистон ба Иттиҳоди иқтисодии АвруОсиё (ИИАО) ба иқтисоди ҷумҳурӣ таъсири назарраси мусбӣ мерасонад, иқтидори тиҷоратӣ ва сармоягузории онро нишон медиҳад, гуфта мешавад дар гузориши таҳлилии Бонки АвруОсиёии Рушд (БАОР).

"Афзалиятҳои асосии Тоҷикистон аз вуруди эҳтимолӣ ба Иттиҳоди иқтисодии АвруОсиё дар се самт ошкор карда мешаванд: татбиқи афзалиятҳои бозори умумии меҳнати ИИАО, ифшои потенсиали тиҷоратӣ ва сармоягузории Ҷумҳурии Тоҷикистон. Тибқи ҳисобу китоби муаллифон, афзоиши суръати солонаи рушди иқтисоди Тоҷикистон метавонад то 3 банди фоизиро ташкил диҳад",- омадааст дар гузориш.

Ба гуфтаи таҳлилгарони БАОР, сатҳи баланди ҳамгироии кунунии тиҷорӣ бо давлатҳои ИИАО яке аз шартҳои асосии вуруди Тоҷикистон ба ассотсиатсияи интегратсионии АвруОсиё мебошад.

"Индекси аҳамияти тиҷорати мутақобила бо ӯ дар соли 2019 39% -ро ташкил дод - ин аз нишондиҳандаҳои бисёр аъзои ҷории иттиҳод баландтар аст", - гуфта мешавад, дар хабар.

Ҳамзамон, коршиносон таъкид мекунанд, ки омили асосии рушди Тоҷикистон дар сурати ҳамгироӣ бо ИИАО бартариҳои марбут ба иштироки он дар бозори ягонаи меҳнат хоҳад буд.

"Агар ҷумҳурӣ ба ИИАО ҳамроҳ шавад, тибқи маълумоти БАОР, метавон на танҳо интиқоли маблағҳои пулӣ, балки музди меҳнати муҳоҷиронро ба ҳисоби миёна то 10-30% афзоиш дод. Ҳамаи ин тағйиротҳо дар тӯли 5 соли пас аз пайвастан ба иттиҳод вуруди иловагии ҷамъшудаи воридоти пули нақд ба кишварро дар ҳаҷми 1,3-1,5 миллиард доллар фароҳам меорад ",-гуфта мешавад дар гузориш.

Вазири иқтисод: паҳлӯҳои мусбату манфии узвият ба Иттиҳодияи иқтисодии АвруОсиё меомӯзем

Инчунин вуруди эҳтимолии Тоҷикистон ба ИИАО дар давраи миёнамӯҳлат ба соддагардонии қоидаҳои пешбурди тиҷорат ва фароҳам овардани шароити мусоид дар ҷумҳурӣ барои ҷалби сармояи мустақим мусоидат мекунад.

"Таъсири пайвастани эҳтимолии Тоҷикистон ба Иттиҳоди иқтисодии АвруОсиё барои бартараф ё кам кардани маҳдудиятҳои сохторӣ ба қадри имкон пурратар амалӣ хоҳад шуд. Инҳо масъалаҳои низоми мусоиди институтсионалӣ, роҳҳои нақлиёт, таъмини дастрасӣ ба бозорҳо ва рушди маҷмӯи обу энергетикаро дар бар мегиранд ",- гуфт Евгений Винокуров, сариқтисодчии БАОР.

Таҳлилгарон қайд мекунанд, ки пайвастани Тоҷикистон ба ИИАО инчунин ба ҳадафҳои суботи макроиқтисодӣ мусоидат мекунад: таваррум дар сатҳи 5% ба эътидол оварда мешавад ва сатҳи қарз нисбати ММД 5-8 банди фоизӣ коҳиш меёбад.

Зубетс гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

БАОР созмони байналмилалии молиявист, ки Русия ва Қазоқистон моҳи январи соли 2006 бо мақсади мусоидат ба рушди иқтисоди бозории давлатҳои узв, рушди устувори иқтисодии онҳо ва тавсеаи робитаҳои тиҷоративу иқтисодии мутақобила таъсис додаанд. БАОР инчунин Арманистон, Белорус, Қирғизистон ва Тоҷикистонро дар бар мегирад.

267
Барчаспҳо:
ҳамкорӣ, даромад, рушд, иқтисод, фоида, пайвастан ба ИИАО, Тоҷикистон
Сомони и рубли, архивное фото

Аз болоравии рублу доллар ва евро то уфти сомонӣ: эълони қурби асъор

454
(Таҷдидшуда 11:03 24.11.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 24 ноябр эълон кард

ДУШАНБЕ, 24 ноя — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1472 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро 13.4567 то 13.6000 сомонӣ арзёбӣ кардааст.

Хариду фурӯши 1 рублро бошад, Бонки миллӣ имрӯз аз 0.1480 то 0.1500 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" нишондоди асъор нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1485 то 0,1505 сомонӣ муқаррар кардааст.

Дар “Спитаменбонк” бошад арзиши 1 рубл аз 0.1485 то 0.1510 ва дар “Алифбонк” бошад 1 рубл аз 0,1485 то 0,1515 сомонӣ нишон дода шудааст.

Пешгӯии коршиносон: қурби доллар ва рубл дар ноябр чанд хоҳад буд?

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

454
Барчаспҳо:
қурби асъор, Бонки Миллӣ, Тоҷикистон

Вазорат аз 39 ҳолати нави сироятёби ба COVID-19 дар Тоҷикистон хабар дод

0
(Таҷдидшуда 19:02 24.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 24 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 39 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 24 ноябр 11 ҳазору 971 ҳолатро ташкил медиҳад.

"Дар як шабонарӯзи охир 43 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 355 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8% - и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID - тадбир ва чораҳои заруриро амалӣ менамояд.

0
Барчаспҳо:
фавт, вазорат, вируси корона, Тоҷикистон