Алишер Усмонов: "олигарх" нестам, дар Русия танҳо як “олигарх” мондаст

© Sputnik / Рамиль Ситдиков / Гузариш ба медиабонкАлишер Усманов, архивное фото
Алишер Усманов, архивное фото - Sputnik Тоҷикистон
Обуна шудан
Алишер Усмонов, милёрддори узбактабори Русия, гуфт, мафҳуми “олигарх”-ро хуш намедорад ва худро аз ҷумлаи онҳо намешуморад

ДУШАНБЕ, 1 окт — Sputnik. Алишер Усмонов мегӯяд, “олигарх” шахсест, ки тиҷораташро аз Ҳукумат гирифтааст.

Алишер Усманов, архивное фото - Sputnik Тоҷикистон
Аз узбак буданам ифтихор мекунам: шиори тиҷорати Алишер Усмонов

“Ман худи калимаи “олигарх”-ро таҳаммул карда наметавонам. “Олигарх” нафарест, ки ҳама чизро муфт гирифтааст. Ман ҳеч гоҳ ба ин гуруҳ шомил набудам ва нестам”, - изҳор доштааст Усмонов зимни суҳбат дар шабакаи телевизионии “Россия-1”.

Ӯ афзудааст, ки феълан дар Русия танҳо як “олигарх” боқӣ мондааст. 

 “Ман бар инам, ки дар қатори “олигарх”-ҳо танҳо як савора боқӣ мондааст. Қатор холист, танҳо як нафар то ҳол дар он равон аст... Олигархи дигар нест”, - таъкид намудааст милёрддор.  

Усмонов “охирин олигарх”-и Русияро ном набурд, танҳо изҳор дошт, ки феълан ба ин нафар як ширкат тааллуқ дорад.

Президент Узбекистана Шавкат Мирзиёев - Sputnik Тоҷикистон
Дархости Шавкат Мирзиёев аз Алишер Усмонов барои кумак ба Узбакистон

Маҷаллаи Forbes, Алишер Усмонов, раиси ширкати "Металлоинвест"-ро дар зинаи даҳуми доротарин афроди Русия қарор додааст.  Дороии ӯ дар соли 2018 ба 2,7 милёрд коҳиш ёфта, ба 12,5 милёрд баробар шудааст.

Усмонов калонтарин “бенефитсиар” – судбарандаи “USM Holdings” мебошад, ки ширкатҳои "Металлоинвест", "Мегафон" ва як ҳиссаи “Mail.Ru Group”-ро дар ихтиёр дорад.

Моҳи январи соли ҷорӣ Вазорати молияи ИМА дар “гузориши кремлӣ”  Алишер Усмоновро аз ҷумлаи “олигарх”-ҳои наздик ба Владимир Путин, раисиҷумҳури Русия ном бурдаст.

Лентаи хабарҳо
0