Московский нефтеперерабатывающий завод (НПЗ)

Тоҷикистон ба комплекси сӯзишворию энергетикӣ беш аз 440 миллион доллар ҷудо намудааст

164
Тибқи лоиҳаи буҷаи давлатии Тоҷикистон, ҳаҷми маблағгузории комплекси сӯзишворию энергетикӣ кишвар 445,8 миллион долларро ташкил медиҳад

ДУШАНБЕ, 31 окт — Sputnik. Тоҷикистон ҳаҷми маблағгузории комплекси сӯзишворию энергетикии кишварро барои соли 2019 муайян намудааст, иттилоъ додааст хабаргузории ТоҷикТА дар истинод ба Вазорати молияи Тоҷикистон.

Тибқи лоиҳаи буҷаи давлатии Тоҷикистон, ки ҳоло барои баррасӣ ба ҳукумати ҷумҳурӣ равон шудааст, ҳаҷми маблағгузории комплекси сӯзишворию энергетикии кишвар беш аз 4,2 миллиард сомониро  ташкил медиҳад.

Тибқи иттилои манбаъ буҷаи Тоҷикистон, мисли солҳои қаблӣ хусусияти иҷтимоиашро ҳифз намудааст. Тибқи санади мазкур, Тоҷикистон барои рушди соҳаи иҷтимоӣ наздик ба 10,4 миллиард сомонӣ (1,1 миллиард доллар) равона хоҳад кард.

Дар ҳамин ҳол, тибқи лоиҳаи буҷаи ҷумҳурӣ, соҳаи кишоварзӣ наздик ба 725 миллион сомонӣ, нақлиёт ва комуникатсия 618 миллион сомонӣ маблағгузорӣ хоҳад шуд.

Ҳаҷми умумии бахши хароҷоти буҷаи давлатӣ дар соли 2019 наздик ба 23,8 миллиард сомонӣ ё 2,5 миллиард доллар, баробар хоҳад шуд. Нишондиҳандаи мазкур нисбат ба буҷаи соли 2018 дар ҳаҷми 2,5 миллиард сомонӣ ё 265,3 миллион доллар зиёд будааст.

164
Барчаспҳо:
сӯзишворӣ, энергетика, буҷа, иқтисод, Тоҷикистон
Таджикские сомони и рубли, архивное фото

Уфти якбораи рубл: Бонки миллӣ қурби асъори хориҷиро эълон кард

358
(Таҷдидшуда 09:15 07.07.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Тибқи нишондодҳо дар бонкҳои кишвар рубл тайи ҳафтаи равон аз 4 то наздики 7 сомонӣ поин рафтааст

ДУШАНБЕ, 7 июл — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1431 сомонӣ  ва дар бозори нақд бошад 0.1460 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3092 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6762то 11.9000 сомонӣ арзёбӣ кардааст.

Бар пояи нишондодҳои ахир, арзиши рубл дар бозори асъори кишвар, ки ҳафтаи гузашта каме боло буд, ин ҳафта дар бонкҳои кишвар аз 4 то наздики 7 сомонӣ поин нишон дода шудааст.

Доллар бошад, давоми ҳафтаи равон дар ҳоли суқут қарор дорад, аммо коршиносони умури иқтисод қаблан гуфта буданд, ки ҷаҳиши ин астъор дар моҳи июл шурӯъ хоҳад шуд.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ҷаҳиши боварнакардании доллар дар тобистон: пешгӯии иқтисоддонҳо

Ин бонк хариду фурӯши 1 рублро имрӯз аз 0,1465 то 0,1490 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1430 то 0.1475 ва дар “Алифбонк” бошад 1 рубл аз 0,1335 то 0,1490 сомонӣ нишон дода шудааст.

Иқтисодчиён пешбинии дақиқи қурби долларро то тирамоҳ гуфтанд

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

358
Барчаспҳо:
поин, евро, доллар, сомонӣ, рубл, қурби асъор, Бонки Миллӣ
График на бирже, архивное фото

Холиқзода гуфт,  ба рушди иқтисоди Тоҷикистон чи омилҳо монеа мешаванд

168
(Таҷдидшуда 17:52 05.07.2020)
Рушди иқтисодии Тоҷикистон аз чӣ вобаста аст, гуфт директори Маркази татбиқи лоиҳаҳои шарикии давлат ва бахши хусусӣ Абдухолик Холиқзода

ДУШАНБЕ, 5 июл — Sputnik.  Коҳиши иқтисодиёти ҷаҳонӣ дар соли 2020 ба рушди иқтисодии Тоҷикистон халал мерасонад, гуфт Абулхолиқ Холиқзода, директори Маркази татбиқи лоиҳаҳои шарикии давлат ва бахши хусусии Кумитаи давлатии сармоягузорӣ ва идораи амволи давлатии Тоҷикистон дар сущбат бо “Ховар”.

“Мушоҳида мегардад, ки бо пайдоиш ва шуруъи бемории сироятии СOVID – 19 дар аксарияти кишварҳои ҷаҳон бинобар таъсироти манфии он ба коҳишёбии маҳсулнокии фаъолият дар натиҷаи беморшавӣ, ҳаҷми маҳсулоти истеҳсолнашуда дар корхонаҳои саноатӣ, маҷмуан паст гардидани даромаднокӣ дар ҳамаи соҳаҳо дар паёмади муваққатан ва ё пурра аз даст додани фаъолнокии корӣ оварда расонид”,- гуфтааст ӯ.

Бо ишора ба пешгӯии таҳлилгарон, Холиқзода қайд кард, ки бӯҳрони иқтисодӣ дар ҷаҳон боиси кам шудани 30-40% сармоягузорӣ мегардад.

Директори марказ диққатро ба он ҷалб кард, ки якчанд омилҳо ба рушди иқтисодии Тоҷикистон таъсир мерасонанд.

Ҳушдори БМТ аз хатарҳои коронавирус ба иқтисод: меъёри бозтамвилро кам кард

“Ба рушди иқтисодиёти Тоҷикистон айни замон таназзули иқтисодиёти ҷаҳонӣ дар соли 2020, пӯшидани сарҳадҳо, сустшавии иқтисодиёти Россия ва Чин ба сифати шарикони асосӣ, кам шудани содироти молҳои ватанӣ, кам шудани интиқоли маблағҳои хориҷӣ ва даромади хонаводаҳо, бефаъолӣ дар соҳаҳои тиҷорат ва сайёҳӣ, кам гардидани савдо ва сайёҳон таъсиргузор хоҳанд буд”,-зикр кард ӯ .

168
Доктор возле приемного отделения

Фавти 198 мариз давоми як рӯз: омори тозаи коронавирус дар Русия

5
(Таҷдидшуда 13:06 07.07.2020)
Шабонарӯзи гузашта дар Русия 198 нафар аз маризии сироятии коронавирус ба ҳалокат расиданд, ки 24 қурбонӣ ба шаҳри Маскав рост меояд

ДУШАНБЕ, 7 июл — Sputnik. Дар Русия агар теъдоди мавориди ҷадиди сироятшавӣ ба маризии коронавирус рӯ ба коҳишшавӣ ниҳодааст, шумораи ҳолатҳои фавт ҳамоно дар ҳоли афзуншавӣ аст.

Шабонарӯзи гузашта аз ин маризӣ дар Русия дасти кам 198 нафар ҷон бохтанд, хабар медиҳад Ситоди фаврӣ оид ба коронавирус дар ин кишвар.

Бар хабари манбаъ, бо илова шудани 198 ҳолати нав, теъдоди умумии қурбониён аз ин маризии даҳшатбор ба 10 494 нафар баробар шудааст.

 Александр Гинсбург: Ваксинаи Русия ду сол аз коронавирус муҳофизат мекунад

Ситод мегӯяд, аз ҳама беш мавориди фавт дар шаҳри Санкт - Петербург сурат гирифтааст. Давоми як рӯз дар ин шаҳр 48 мариз ҷон аз даст доданд.

Ҳамчунин 24 ҳолати фавт ба шаҳри Маскав рост меояд. Дар Подмосковие 18 мавриди фавт аз коронавирус ба қайд гирифта шудааст.

Зимнан, Cитоди фаврӣ қайд намудааст, ки шабонарӯзи гузашта 9551 нафар аз вируси COVID - 19  шифо ёфтанд ва аз дармонгоҳҳо мураххас шуданд.

Дар маҷмӯъ аз авоили паҳншавии маризии коронавирус дар Русия 463 880 бемор шифо ёфтанд.

5
Барчаспҳо:
фавт, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон