Розлив воды. Архивное фото

MADE IN TAJIKISTAN: нӯшокиҳои “Ҳавотоғ” ва “Лимонад №1” беҳтарин дониста шуданд

292
(Таҷдидшуда 10:53 24.02.2019)
Обҳои   нӯшокии “Ҳавотоғ” ва “Лимонад №1” аз ҷониби ҳакамони   озмун беҳтарин дониста шуда, ширкати “Евро-Азия -2005” бо  дипломи фахрӣ,  мукофоти “Ситораи тиллоӣ”  ва “Медали тиллоӣ”  сарфароз гаронида шудааст

ДУШАНБЕ, 24 фев — Sputnik. Дар доираи намоишгоҳи “Продэкспо-2019” ҳамзамон озмуни байналмилалии “Маҳсулоти беҳтарин-2019» баргузор гардид, ки дар он маҳсулоти  корхонаи тавлидотии Тоҷикистон- ҶСП “Евро Азия-2005”, аз ҷумла  обҳои ташнагишикани “Ҳавотоғ” ва “Лимонад №1” аз ҷониби ҳакамони   озмун беҳтарин дониста шуданд, иттилоъ додааст ожонси “Ховар”.

Бояд таъкид кард, ки чор корхонаи тавлидотии Тоҷикистон - “Нурфуд”, “Евро Азия-20052, “Сахо К”, “Тавҳид ва компания” дар Намоишгоҳи 26-уми байналмилалии маҳсулоти ғизоии “Продэкспо-2019”, ки дар пойтахти Россия- шаҳри  Москва доир гардид, маҳсулоти худро муаррифӣ намуданд.

“Продэкспо-2019” яке аз намоишгоҳҳои бузурги маҳсулоти ғизоӣ дар сатҳи ҷаҳонӣ маҳсуб ёфта, дар он беш аз 2500 ширкат аз 69 кишвари ҷаҳон, назири Россия, Тоҷикистон,  Беларус, Гурҷистон, Туркия, Қазоқистон, Ҳиндустон, Германия, Чин, Ҳолланд, Ӯзбекистон, Уругвай ва дигар давлатҳо ширкат намуданд.

Дар доираи намоишгоҳи “Продэкспо-2019” ҳамзамон озмуни байналмилалии “Маҳсулоти беҳтарин-2019” баргузор гардид. Дар он маҳсулоти  корхонаи тавлидотии Тоҷикистон- ҶСП “Евро Азия-2005”, аз ҷумла  обҳои нӯшокии “Ҳавотоғ” ва “Лимонад №1” аз ҷониби ҳакамони   озмун беҳтарин дониста шуданд. Ширкати “Евро-Азия -2005” бо  дипломи фахрӣ,  мукофоти “Ситораи тиллоӣ”  ва “Медали тиллоӣ”  сарфароз гаронида шудааст.

Бояд тазаккур дод, ки иштироки корхонаҳои истеҳсолии Тоҷикистон дар Намоишгоҳи байналмилалии маҳсулоти ғизоии “Продэкспо-2019” бо мусоидати Палатаи савдо ва саноати Тоҷикистон сурат гирифт.

 

 

292
Барчаспҳо:
истеҳсол, оби нӯшокӣ, об, Тоҷикистон