Рахмон и Рустам Эмомали посетили Национальный парк Таджикистана

Ҷойи кори бештар: Эмомалӣ Раҳмон ва Рустам Эмомалӣ корхонаи мебелсозиро ба истифода доданд

750
Корхонаро соҳибкор Изатулло Давлатов бо сарфи бештар аз 27 миллион сомонӣ бунёд кардааст. Дар корхонаи навбунёд 80 нафар ба ҷои кор таъмин шудаанд

ДУШАНБЕ, 15 мар — Sputnik. Имрӯз, 15 март раисҷумҳури Тоҷикистон Эмомалӣ Раҳмон ва раиси шаҳри Душанбе Рустам Эмомалӣ дар ноҳияи Фирдавсии пойтахт дар маросими ифтитоҳи корхонаи мебелсозии Ҷамъияти дорои масъулияти маҳдуди “Бисот” иштирок намуданд. Дар ин бора дафтари матбуоти раисҷумҳури Тоҷикистон хабар медиҳад.

Бино бар иттилои манбаъ, корхонаро соҳибкор Иззатулло Давлатов бо харҷи 27 миллион сомонӣ бунёд кардааст.

"Дар ин ҷо асосан номгӯи зиёди мебел, аз қабили мизу курсиҳо барои хона ва муассисаҳои таълимӣ, мебел барои коргоҳу ошхона, маҷмӯи мебел барои манзилҳои истиқоматӣ ва дарҳои байниҳуҷравии замонавӣ истеҳсол карда мешавад", - гуфта мешавад дар иттилои манбаъ.

Корхонаи нав 80 нафарро бо ҷои кор таъмин кардааст. Масолеҳи хом ба "Бисот" аз Русияву Итолиё ва Туркия ворид карда мешавад.

Дар шафати ин корхона ҳамчунин як бинои хуштарҳу замонавии сеошёна, ки толори фурӯши мебели “Бисот” ном гирифтааст, мавриди баҳрабардорӣ қарор дода шуд.

Оянда дар шафати корхонаи мазкур бунёди коргоҳи истеҳсоли қисмҳои металии мебел ва як бинои нуҳошёнаи истиқоматӣ барои коргарон ба нақша гирифта шудааст.

Дар марҳилаи дуюм бо мавриди баҳрабардорӣ қарор гирифтани корхонаи нав воридоти қисмҳои металии мебел аз хориҷи кишвар коҳиш меёбад ва дар ин замина маҳсулоти тайёр бо нархи нисбатан арзон пешниҳоди харидорон карда мешавад.

750