Болғаи додгоҳ, акс аз бойгонӣ

Нуҳ соли зиндони раиси хоҷагии деҳқонӣ барои напардохтани қарзи Ҳукумат

688
Додгоҳи ноҳияи Исмоили Сомонӣ Муртазо Шарифов, сардори 48-солаи хоҷагии деҳқонии Ғузни ҷамоати деҳоти Обурдони ноҳияи Мастчоҳро барои саривақт барнагардондани қарзи фонди ҳукуматӣ ба 9 соли зиндон маҳкум кардааст

ДУШАНБЕ, 22 мар — Sputnik. Тибқи иттилои додгоҳи ноҳияи Исмоили Сомонӣ, Шарифов барои хариду нигоҳубини гусфанд, тариқи “Амонатбонк”  аз “Фонди дастгирии соҳибкории назди Ҳукумати Тоҷикистон” ба номи шиносаш Идӣ Ваҳобов 700 ҳазор сомонӣ қарз гирифтааст.

Манбаъ афзуд, қарзи мазкур соли 2015 бо 12 фоизи солона ба муҳлати ду сол дода шудааст.

“Шарифов Муртазо Охунович пас аз гирифтани 700 000 сомонӣ аз бонки мазкур 110 000 сомонии онро ба дасти Ваҳобов Идӣ барои пардохти фоизҳои қарзи бонкӣ дода, боқимондаро барои пешрафти корҳои хоҷагӣ ва ба манфиатҳои шахсии худ сарф кардааст”, - иттилоъ дод додгоҳ.

Бар асоси парванда, Шарифов ҳамагӣ 833,24 сомонии қарзи асосиро пардохт намуда, 699 ҳазору 166,76 сомонии дигарашро надодааст.

Шарифов инро дар мурофиаи додгоҳӣ низ эътироф кардааст ва додгоҳ ӯро барои тасарруфи пулу моли ба тариқи кредит додашуда 9 сол аз озодӣ ва 4 сол аз ҳаққи машғул шудан ба соҳибкорӣ маҳрум кардааст.

688
Барчаспҳо:
зиндон, ҳукми суд, парвандаи ҷиноӣ, ҷавобгарӣ, Тоҷикистон
Картофель

Оғози ҷамъоварии картошка дар Тоҷикобод: 1 кило 2,8 сомонӣ дар сари замин

91
(Таҷдидшуда 16:59 11.07.2020)
Дар ноҳияи Тоҷикобод, яке аз минтақаҳои картошкапарвари Тоҷикистон ҷамъоварии ҳосили барвақтии картошка оғоз гардид

ДУШАНБЕ, 11 июл — Sputnik. Дар Тоҷикобод майдони кишти картошка дар ҳамаи шаклҳои хоҷагидорӣ ба 2005 гектар расонида шуд, ки нисбат ба  соли гузашта 84,5 фоиз зиёдтар аст.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

"Аз 2005 гектар кишти картошка 937,7 гектараш ба сохтори кишоварзӣ рост меояд. Дар хоҷагиҳои коллективӣ ва инфиродии деҳқонӣ нисбат ба соли гузашта 272,7 гектар майдони кишти картошка васеъ гардонида шудааст", - хабар дод "Ховар".

Манбаъ афзуд, имрӯзҳо дар хоҷагии деҳқонии "Нӯшор"-и ноҳия ҷамъоварии ҳосили картошкаи барвақтӣ оғоз гардида, натиҷаи ғундоштани  ҳосили имсола нишон медиҳад, ки заҳмати  кишоварзон  натиҷаи дилхоҳ ба бор овардааст.

Юсуфҷон Худойдодов аз деҳаи Шарқиён анъанаи дерини деҳқонони ноҳияро, ки маъмулан даҳаи дуюми моҳи август ба ҷамъоварии картошка оғоз менамоянд, шикаст.

"Номбурда 7 июл  қитъаи картошкаи хоҷагии деҳқониашро, ки майдони  0,40 гектарро ташкил медод, ҷамъоварӣ намуд. Дар ин рӯз раиси ноҳия Қадриддин Фақерзода ва намояндаи Ҳукумати Ҷумҳурӣ Олимҷон Муҳаммадҷонзода  иштирок намуда, ба Юсуфҷон барори кор хостанд, навиштааст "Ховар".

Юсуфҷон Худойдодов изҳор доштааст, ки 15 март картошка кишт намуда будам.

"Тухмии маҳаллии навъи "сафедак"-ро аз деҳаи Ширинчашма харидорӣ карда, 4 моҳ пеш шинонда будам. Имрӯз хурсанд ҳастам, ки ҳосил пухта расид ва  харидор аз шаҳри Душанбе пайдо шуд, ки ба ҷамъоварӣ шурӯъ намудам. Чуноне ки  мебинед зарар надидам,  12 тонна картошка бо нархи ҳар килояш 2 сомониву 85 дирамӣ аз сари замин ба фурўхтам", - таъкид кардааст кишоварз.

Қаблан дар пайи болоравии нархи картошка дар Тоҷикистон, раисиҷумҳур Эмомалӣ Раҳмон даъват кард, ки майдони кишти картошка зиёд карда шавад.

91
Барчаспҳо:
ҳукумати ноҳияи Тоҷикобод, нарх, картошкапарварӣ, Тоҷикистон
Эксперт РИСИ Иван Баженов

Баженов: дурнамои рубли русӣ дар бозори ИДМ равшан аст

90
(Таҷдидшуда 16:55 11.07.2020)
Чаро рубл дар бозори асъори кишварҳои ИДМ мавқеи хуб дорад, шарҳ дод муҳаққиқи Институти таҳқиқоти стратегии Русия  Иван Баженов

ДУШАНБЕ, 9 июл – Sputnik. Ба гуфтаи Баженов, дурнамои пули Русия дар бозори иштирокчиёни Иттиҳоди Давлатҳои Мустақил дурахшон аст.

Коршинос ин ҳолатро бо он шарҳ медиҳад, ки барои кишварҳои ИДМ пайдо кардани асъори дигари  устувор дар гумон аст.

"Рубл дар кишварҳои собиқ Иттиҳоди Шӯравӣ хеле хуб арзёбӣ мешавад. Гузашта аз ин, бозори Русия дар муқоиса бо ҳамаи бозорҳои кишварҳои Иттиҳоди Давлатҳои Мустақил хеле калон аст" - гуфт пажӯҳишгари Институти таҳқиқоти стратегии Русия Иван Баженов дар мусоҳиба бо Sputnik Тоҷикистон.

Баженов илова намуд, ки вазъи бозори асъор аз вазъи ҷаҳонӣ вобаста аст.

"Ин, ба гуфтаи онҳо, бо мо чандон дурахшон нест. Пешгӯӣ кардан, ки рубл қавӣ хоҳад буд ва боқимонда асъор заиф ё баръакс - (ғайриимкон аст - таҳрир). Ман фикр мекунам, ки ҳама меафтанд. Савол дар он аст, ки кай, дар куҷо ва барои чӣ вақт ", хулоса кард ӯ.             

Аз коҳиши рубл то суқути доллар: Бонки миллӣ арзиши асъорро барои имрӯз эълон кард

Ёдовар мешавем, дар бозори асъори Тоҷикистон, ки рубл то марзи 150 сомонӣ расида буд, тайи ду ҳафтаи охир дар ҳоли коҳишёбист. Имрӯз арзиши 1000 рубл дар Бонки миллии Тоҷикистон 144 сомонӣ муаян шуда, дар  дигар бонкҳо то 147 сомонӣ мерасад.

90
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон