Министр экономического развития и торговли Таджикистана Негматулло Хикматуллозода, архивное фото

Аз ҳамкорӣ то сармоягузорӣ ба иқтисод: шарҳи Ҳикматуллозода аз ҳамкорӣ бо Русия

114
(Таҷдидшуда 21:26 17.04.2019)
Вазири рушди иқтисоди Тоҷикистон эълон намуд, ки имрӯз Тоҷикистон наздик бо 70 минтақаи Русия ҳамкориро ба роҳ монда, кишвар ба таҳкими равобити мутақобилан судманди тиҷоратию иқтисодӣ бо Русия аҳамияти хос медиҳад.

ДУШАНБЕ, 17 апр - Sputnik. Неъматулло Ҳикматуллозода, вазири рушди иқтисод ва савдои Тоҷикистон дар ҷараёни Конференсияи 7-уми ҳамкории байниминтақавии Русия ва Тоҷикистон, ки дар шаҳри Маскав баргузор шуд, эълон намуд, ки минтақаҳои Русия бо маҳсулоти Тоҷикистон хуб ошно ҳастанд ва маҳсулоти Тоҷикистон  дар бозорҳои Русия ба таври маъмулӣ мавҷуд аст.

 “Мо ҳамгироӣ дар сатҳи минтақаҳоро ҳамчун яке аз самтҳои страгегӣ ва ояндадори муносибатҳои иқтисодии Тоҷикистону Русия арзёбӣ менамоем”,-таъкид намуд Вазири рушди иқтисод ва савдои Тоҷикистон.

Неъматулло Хикматуллозода инчунин зикр намуд, ки Тоҷикистон ба таҳкими равобити мутақобилан судманди тиҷоратию иқтисодӣ бо Русия, аҳамияти хос медиҳад.

Ба гуфтаи вай рушди мутақобилан судманди равобити тиҷоратию иқтисодии Тоҷикистону Русия барои рушди устувори иқтисоди миллӣ аҳамияти муҳим дорад.

“Имрӯз Русия яке аз шарикони асосии иқтисодии хориҷии Тоҷикистон ба шумор меравад. Ба ҳиссаи он 25 дарсади ҳаҷми умумии муомилоти савдои хориҷии ҷумҳурӣ, аз ҷумла зиёда аз 30 дарсади маҳсулоти воридотшаванда рост меояд. Соли 2018 ҳаҷми додугирифт миёни ду кишвар  дар муқоиса бо соли 2017 9,3 дарсад афзуда, зиёда аз 1 миллиард долларро ташкил дод”, - қайд намуд Неъматулло Ҳикматуллозода.

Инчунин вай афзуд, ки ҳамкории сармоягузорӣ яке аз самтҳои муҳими ҳамгироии иқтисодии ду кишвар мебошад.

“Тайи даҳсолаи охир ҳаҷми сармоягузории Россия дар иқтисодиёти Тоҷикистон тақрибан 1.7 миллиард доллар, аз ҷумла сармоягузории мустақим — 930 миллион долларро ташкил дод”, - гуфт вазири рушди иқтисоди Тоҷикистон.

Неъматулло Ҳикматуллозода, вазири рушди иқтисоди Тоҷикистон қайд намуд, ки сармоягузории Русия ба бахшҳои иқтисодиёти Тоҷикистон, ба хусу ба энергетика, истеҳсолоти саноатӣ, соҳаи истихроҷи маъданҳои кӯҳӣ, металлургӣ ва сохтмонӣ, нақлиёти ҳавоӣ ва роҳи оҳан, кишоварзӣ, телекоммуникатсия ва саноати технологияҳои баланд равона гардидааст.

Имрӯз дар Тоҷикистон бо сармоягузории Русия 149 корхона фаъолият доранд. Аз ин теъдод 40 корхона бевосита ба Русия мутааллиқ буда, 109 корхонаи дигар муштарак мебошанд.

114
Барчаспҳо:
минтақаҳо, Вазири рушди иқтисод, ҳамкорӣ, иқтисод, Русия, Тоҷикистон
Первый вице-премьер Таджикистана Давлатали Саид, архивное фото

Норасоиҳоро бартараф кунед: супориши Давлаталӣ Саид ба роҳбарони МОИ

116
(Таҷдидшуда 11:54 25.01.2021)
Муовини якуми Сарвазири Тоҷикистон таъкид доштааст, ки мақсади асосӣ аз таъсиси минтақаҳои озоди иқтисодӣ - ин зиёд намудани истеҳсоли маҳсулоти ба содирот нигаронидашуда мебошад

ДУШАНБЕ, 25 янв— Sputnik.  Ахиран дар шаҳри Душанбе таҳти раёсати муовини якуми Сарвазири Тоҷикистон Давлаталӣ Саид, ки ҳамзамон раиси Шӯрои нозирон оид ба масъалаҳои минтақаҳои озоди иқтисодӣ дар Тоҷикистон мебошад, ҷаласаи навбатии Шӯрои мазкур бо иштироки намояндагони вазорату идораҳои марбута баргузор гардид.

Ба нақл аз АМИТ “Ховар” дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ — муовини Вазири рушди иқтисод ва савдо вобаста ба иҷрои қарорҳои ҷаласаҳои пештараи Шӯрои нозирон ва роҳбарони МОИ-и “Суғд”, “Данғара”, “Панҷ”, “Ишкошим” ва “Кӯлоб” шунида шуд.

Давлаталӣ Саид, муовини якуми Сарвазир дар ин ҷаласа таъкид доштааст, ки мақсади асосӣ аз таъсиси минтақаҳои озоди иқтисодӣ- ин зиёд намудани истеҳсоли маҳсулоти ба содирот нигаронидашуда мебошад.

Давлаталӣ Саид ба ҳар камбудиву норасоиҳои ҷойдоштаи дар ҳар  як минтақаи озоди иқтисодӣ таъкид карда, ба роҳбарони минтақаҳои озоди иқтисодӣ вобаста ба бартараф намудани норасоиҳо, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби сармоя, зиёд намудани истеҳсоли маҳсулоти воридотивазкунӣ ва содирот намудани онҳо ба хориҷи мамлакат супоришҳои қатъӣ дод.

Гуфта шудааст, ки аз натиҷаи ҷаласа қарорҳои Шӯрои нозирон бо санади дахлдор қабул гардиданд.

116
Барчаспҳо:
Давлаталӣ Саид, содирот, истеҳсол, таъсис, Минтақаҳои озоди иқтисодӣ, Тоҷикистон
Доллар на земле, архивное фото

Татбиқи лоиҳаҳои сармоягузории давлатӣ ба маблағи 3,5 млрд. доллар дар Тоҷикистон

155
(Таҷдидшуда 12:18 25.01.2021)
Ба ҳолати 1 январи соли 2021 дар Тоҷикистон 70 адад лоиҳаҳои сармоягузории давлатӣ ба маблағи умумии 39,9 млрд. сомонӣ ё 3,5 млрд. доллар мавриди татбиқ қарор доштааст

ДУШАНБЕ, 25 янв— Sputnik. Ахиран дар Кумитаи давлатии сармоягузорӣ ва идораи амволи давлатӣ бо иштироки муовини якуми сарвазири Тоҷикистон Давлаталӣ Саид ҷаласа оид ба ҷамъбасти натиҷаҳои рафти татбиқи лоиҳаҳои сармоягузории давлатӣ ва фаъолияти агентиҳои амаликунандаи онҳо дар соли 2020 баргузор гардид.

Бино бар иттилои дафтари матбуоти Кумитаи давлатии сармоягузорӣ дар ҷаласа роҳбарони вазорату идораҳои дахлдори кишвар, агентиҳои иҷроия ва татбиқкунандаи лоиҳаҳои сармоягузории давлатӣ иштирок намуданд.

Таъкид шудааст, ки зимни ҷаласа татбиқ ва азхудкунии маблағҳои лоиҳаҳои сармоягузории давлатӣ дар соли 2020, натиҷаҳои ноилгардида ва камбудию норасогиҳои дар доираи лоиҳаҳо баррасӣ шуд.

Ҳамзамон дар ҷаласа қайд гардидидааст, ки барои рушди соҳаҳои афзалиятноки мамлакат ба ҳолати 1 январи соли 2021, 70 адад лоиҳаҳои сармоягузории давлатӣ ба маблағи умумии 39,9 млрд. сомонӣ ё 3,5 млрд. доллари амрикоӣ мавриди татбиқ қарор дошта, аз онҳо 29 лоиҳаи грантӣ, 6 лоиҳаи қарзӣ ва 35 лоиҳа дар ҳаммаблағгузории қарз ва грант иборат мебошанд.

Дар ин ҷаласа муовини якуми сарвазири Тоҷикистон, Давлаталӣ Саид барои ҳалли масъалаҳои ба миён омада ва бартараф намудани камбудию норасоиҳои ҷойдошта ба масъулин дастуру супоришҳои мушаххас додааст.

155
Барчаспҳо:
маблағ, лоиҳа, сармоягузорӣ, Тоҷикистон
Сотрудники ФСБ РФ во время задержания гражданина одной из Центрально-азиатских республик

Боздошти ҷавони 22 сола дар пойтахт барои ташкили фоҳишахона

0
(Таҷдидшуда 11:43 25.01.2021)
Вазорати умури дохилаи Тоҷикистон аз боздошти ҷавони 22 сола дар пойтахт барои ташкили фоҳишахона хабар дод

ДУШАНБЕ, 25 янв— Sputnik. Бино бар иттилои дафтари матбуоти вазорати умури дохилаи Тоҷикистон,  ҷавони мазкур дар хонаи иҷорагирифтааш фоҳишахона ташкил карда, аз марду зане, ки ба хонаи ӯ барои алоқаи ҷинсӣ меомаданд 150 сомонӣ мукофотпулӣ мегирифтааст. 

Тибқи иттилои манбаъ зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 22-солаи сокини шаҳри Душанбе бо гумони ташкил ва нигаҳдошти фоҳишахона дастгир карда шуд.

Гуфта шудааст, ки номбурда, дар хонаи иҷорагирифтааш, воқеъ дар кӯчаи Сино ба ҷавони 24 ва зани 35-соли сокинони шаҳрҳои Турсунзода ва Душанбе барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст.

Дар ҳоли ҳозир, аз рӯи ҳодиса мазкур тафтишот идома дорад.

Ёдрас мешавем, ки тибқи қонуни нави Тоҷикистон шахсоне, ки ба ташкил ё нигаҳдошти фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд.

0
Барчаспҳо:
ҷавон, Вазорати умури дохилаи Тоҷикистон, боздошт, фоҳишахона, Тоҷикистон