Трудовые мигранты, архивное фото

Аз бекорӣ то меҳнати солиму қарзҳои имтиёзнок: дар Суғд ҳуқуқи меҳнаткашон баррасӣ шуд

262
Масъулони мақомоти ҳифзи ҳуқуқи меҳнаткашон дар Суғд дар як нишаст масоили ҳуқуқ ва меҳнати бехатарро баррасӣ намуданд

ДУШАНБЕ, 30 апр - Sputnik. Дар остонаи рӯзи ҷаҳонии ҳифзи меҳнаткашон, масъулин дар як нишаст ҳуқуқи коргарон, шароити меҳнати солим ва вазифаи корфармоёнро муҳикима кардаанд.

Шарифулло Абдуллозода, раиси Шӯрои иттифоқҳои касабаи вилояти Суғд таъкид  намуд, ки ташкили корхонаву ташкилотҳо ба зиёд шудани ҷойҳои корӣ ва баланд бардоштани сатҳи иқтисодиву иҷтимоии сокинон мусоидат мекунад.

“Мардуми Тоҷикистон ҳуқуқи маънавии зиндагии шоистаро доранд. Ва ин аст, ки Ҳукумати Тоҷикистон санадҳои муҳим ба монанди Ҳадафҳои рушди ҳазорсола, Стратегияи милли рушди Тоҷикистон то давраи соли 2030 ва даҳҳо дигар барномаҳои давлатию соҳавиро қабул намудааст, ки мавриди амал қарор дода мешаванд”, - афзуд вай. 

Дар ҳамин ҳол, Камол Толибзода, муттахассиси Раёсати хадамоти давлатии назорат дар соҳаи меҳнат муҳофизат ва шуғли аҳолӣ дар вилояти Суғд гуфт, ки дар се моҳаи соли ҷорӣ ниҳоди онҳо 59 корхона ва ташкилотҳоро мавриди санҷиш қарор дода, дар паи он, 177 мавриди нақз шудани ҳуқуқи коргаронро ошкор намудааст, ки бештари ин ҳолатҳо марбут ба масоили саривақт пардохт нашудани музди меҳнати коргарон будааст.

Камол Толибзода, қайд намуд, ки назар ба ҳисоби моҳи январи соли ҷорӣ, ҳоло қарздории корхонаҳо аз маоши коргарон ба 276 ҳазор сомонӣ зиёд гардида, бештар аз нисфи ин маблағ марбут ба ҶСК “Комбинати маъдантозакунии Адрасмон” аст, ки 70% и қарздории корхонаҳо дар вилоятро ташкил медиҳад. Дар соҳаи кишоварзӣ ба гуфтаи ӯ қарздорӣ асоси дар назди коргарон сохторҳои агентии беҳдошти замин ва обёрӣ дар шаҳру ноҳияҳо вилоят  будааст.

Наврузовский карнавал в Нуреке
© Официальная страница пресс-службы президента РТ в Facebook

“Бояд руирост гуфт, ки баъзе корфармоён, барои бастани шартномаи меҳнатӣ бо коргарон  ҳавасманд нестанд. Зеро ин яке аз роҳҳои аз ҷониби кордиҳанда сарфи назар намудани қонунгузории Тоҷикистон дар самти ҳимояи ҳуқуқи шаҳрвандон ба меҳнат мебошад. Аз сабаби он, ки шартномаи меҳнатӣ баста нашудааст, коргарро ягон мақомот ҳимоя карда наметавонад ва ба мушкилӣ дучор мешавад”, - гуфт Камол Толибзода.  

Қонуни Тоҷикистон ҳифзи меҳнат, чорабиниҳои ҳуқуқӣ, иҷтимоӣ, иқтисодӣ, ташкилию техникӣ ва санитарию табобатиро пешбинӣ мекунад, аммо амалан на ҳамаи ин ҳолатҳо барои меҳнаткашон тадбиқ карда мешавад. Дар баъзе ҳолатҳо шароити носолими кор дар коргоҳҳо ба ҳодисаҳои нохуш гирифтор шудани коргарон боис мегардад.

Бино ба иттилоъи расмӣ давоми се моҳи аввали соли равон дар вилояти Суғд 10 ҳодисаи маргбор ба қайд гирифта шудааст, ки коргарон дар вақти корӣ қарор доштанд.

Дар ҳамин ҳол Шермуҳаммад Нодирӣ, сардори раёсати агентии меҳнат ва шуғли аҳолӣ дар вилояти Суғд мегуяд, ки дар вилоят ба ҳолати 1 уми апрели соли равон, 8 ҳазору 890 нафар бекор расман ба қайд гирифта шудааст.

Ба гуфтаи Нодирӣ ин ниҳод ба ҷуз сапти номи бекорон барои бо шуғл фаро гирифтани онҳо талош мекунад. Он ба ҷузъ баргузории ярмаркаҳои ҷойҳои холии корӣ ҳар моҳ дар шаҳру ноҳияҳои Суғд барои бекорон то се ҳазор сомонӣ қарзҳои имтиёзноки давлатӣ пешниҳод мекунанд.

“То ин давра 6 ҳазору 123 нафарро бо шуғл ва ҷои кор таъмин карда шудаанд. Ба 553 нафар аз шумори умумии онҳо то се ҳазор сомонӣ қарзҳои имтиёзнок пешниҳод карда шуд”,-  афзуд Нодирӣ.

Дарёфти ҷои кор дар Тоҷикистон ҳоло яке аз мушкилоти асосӣ ба ҳисоб меравад. Ба далели ин мушкил ҳамасола садҳо ҳазор нафар сокинони Тоҷикистон барои муҳоҷирати корӣ ба Русия мераванд. Тибқи иттилои ғайрирасмӣ ҳоло шумори муҳоҷирони тоҷик дар ҳудуди Русия наздик 1 милиону 200 ҳазор нафар расидааст.

262
Барчаспҳо:
ҳуқуқ, ҳимоят, Рӯзи меҳнаткашон, Суғд, Тоҷикистон

Путин: уфти иқтисод аз замони Ҷанги дуввуми ҷаҳонӣ бузургтар буд

65
(Таҷдидшуда 17:13 27.01.2021)
Президенти Русия Владимир Путин ҷаҳонро аз афзоиши ташаннуҷ дар ҷомеа бинобар таназзули иқтисод ҳушдор дор

ДУШАНБЕ, 27 январ - Sputnik. Соли 2020 коҳиши иқтисодӣ бузургтарин пас аз Ҷанги дуюми ҷаҳон буд, гуфт президенти Русия Владимир Путин дар Форуми умумиҷаҳонии иқтисодӣ дар Давос.

Путин таваҷҷӯҳро ба аз даст додани даромади меҳнатии 3,5 триллион доллар дар 9 моҳи соли гузашта ҷалб кард.

"Нишондиҳанда афзоиш меёбад ва дар баробари он ташаннуҷи ҷомеа. Ҳамзамон, барқарорсозии пас аз бӯҳрон осон нест",- гуфт сарвари давлат.

Роҳбари Русия қайд кард, ки 20-30 сол пеш онҳо сиёсати болоравии макроиқтисодиро истифода мебурданд, аммо ҳоло ин захираҳо кор намекунанд, зеро захираҳо тамом шудаанд.

Форуми ҷаҳонии иқтисодии Давос 2021 аз 24 то 29 январ баргузор мешавад.

Чорабинӣ ба мавзӯи "Тағйироти бузург" бахшида шудааст. Дар форум президенти Русия Владимир Путин низ ширкат варзид.

65
Доллары в миниатюрной тележке

Коршиносон асъори фоидаовар барои соли 2021-ро гуфтанд

245
(Таҷдидшуда 12:40 27.01.2021)
Коршиносони молиявӣ гуфтанд, ки кадом асъорҳо метавонад дар соли 2021 даромади сармоягузорӣ ба даст орад ва баръакс, аз кадомҳо бояд худдорӣ кард

ДУШАНБЕ, 27 январ - Sputnik. Коршиносон дар муколама бо РИА Новости гуфтанд, ки барои ба даст овардани фоида аз сармоягузорӣ бояд дар соли 2021 ба кадом асъорҳо сару кор гирифт.

"Интизор меравад, ки Бонки марказии ИМА сиёсати "доллари заиф"-ро татбиқ мекунад. Мо тахмин мезанем, ки сармоягузорӣ бо евро метавонад нисбат ба доллар даромади бештар ба даст орад. Инчунин бояд ба юани чинӣ назар кард, ки метавонад дар муқобили доллар ва евро боло раванд ", - гуфт директори НРАМ Сергей Гришунин.

Иқтисодшинос инчунин франки Швейтсарияро қайд карда, илова намуд, ки фарқияти калони қурби асъор ба татбиқи он халал мерасонад, ки ин ҷолибияти сармоягузории онро коҳиш медиҳад.

Гришунин ҳушдор дод, ки сармоягузорӣ ба асъорҳои сусти рушдёбанда ба мисли лираи туркӣ метавонад аз ҷиҳати молиявӣ хатарнок бошад.

Стратегисти сармоягузории "Открытие брокер" Константин Бушуев гуфт, ки имсол метавон ба асъори "молӣ" - долларҳои Австралия ва Канада, инчунин асъори кишварҳои рӯ ба тараққӣ - реали Бразилия ва песои Мексика диққат дод.

Дурнамои хушоянд: нархи нафт дар соли 2021 чанд хоҳад буд

Коршинос равшанӣ андохт, ки худи ин асъорҳо воситаҳои фоидаовар нестанд, аммо воситаҳои фоиданоки молиявӣ (саҳмияҳо ва вомбаргҳо), ки бо асъори дигар кишварҳо харида шудаанд, метавонанд даромаднокии зиёд ба даст оранд.

245
Барчаспҳо:
евро, доллар, фоиданок, асъор
Мужчина с автоматом в руке, архивное фото

Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео

0
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додааст

ДУШАНБЕ, 27 янв — Sputnik.  Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.

Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё  1998 ба ивази 300 доллар бо ҳадафи ҳимоя харид.

Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.

Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.

0
Барчаспҳо:
силоҳ, шаҳри Турсунзода, Тоҷикистон