Доллар на земле, архивное фото

Дар бонкҳо доллар несту дар бозори сиёҳ арзиши як доллар ба 10 сомонӣ расид

283
Дар рӯзҳои ахир арзиши сомонӣ, пули миллии Тоҷикистон дар бозори ба истилоҳ “сиёҳ”-и кишвар дар баробари асъори хориҷӣ ҷиддан коҳиш ёфтааст. Тоҷирон мегуянд, ки дар бозори ғайрирасмӣ нархи сад доллари амрикоӣ аз 1000 сомонӣ ҳам гузаштааст

ДУШАНБЕ, 16 май — Sputnik. Ҳарчанд дар нуқтаҳои фурӯши асъор дар бонкҳои тиҷоратӣ арзиши 1 доллар 9 сомонию 42 дирам муқаррар шудааст, аммо харидории доллар аз нуқтаҳои  тақрибан ғайриимкон аст, иттилоъ додааст хабаргузории Parstoday  дар истинод ба сомонаи Авесто.

Тибқи иттилои манбаъ, таи рӯзҳои ахир арзиши доллар дар бозори ғайри расмӣ дар Тоҷикистон ба 10 сомонӣ расид.

Дар ҳамин ҳол дар сомонаи расмии Бонки миллии Тоҷикистон арзиши як доллар 9 сомонӣ ва 43 то 9 сомонӣ ва 44 дирам сабт шудааст.

Афзоиши қурби доллар дар баробари сомонӣ дар Тоҷикистон замоне рух дод, ки таҳияи доллар дар бонкҳо ва марказҳои муҷози тиҷории ин кишвар ғайримумкин аст, чароки аз оғози соли 2019 фаолони бахши хусусии Тоҷикистон аз камбуди доллар дар бонкҳои тиҷории ин кишвар шикоят мекарданд ва коршиносон ба 10 сомонӣ расидани арзиши як долларро баъид намедонистанд.

Бонкҳои тиҷорӣ ва марокизи муҷози молии ин кишвар эълом кардаанд танҳо аз мардум доллар харида мешавад ва барои фуруш арзи зиёде дар ихтиёр надоранд.

Дар бонки тиҷории Қазоқитон дар шаҳри Душанбе танҳо ба 25 нафари аввале, ки аз субҳ барои хариди доллар дар саф истодаанд ба ивази ҳар муштарӣ то 300 доллар фурухта мешавад.

Дар Тоҷикистон барои пешгирӣ аз афзоиши нархи арзҳои хориҷӣ дар соли 2015 ба бастани тамомии саррофиҳо иқдом карданд, ки ин тадбир низ корсоз нашуд.

Аммо коршиносон афзоиши тавони содирот ва воридот ба нафъи воридотро омили аслии навасоноти арзӣ дар ин кишвар унвон мекунанд. Зеро аз маҷмуъи 1 миллиарду 300 миллион доллар муомилоти тиҷорати хориҷии Тоҷикистон таи чаҳор моҳи нахусти соли равон 1 миллиард воридот ва наздик ба 300 миллион доллар содирот будааст.

283
Барчаспҳо:
бозори сиёҳ, "бозори сиёҳ", болоравии нарх, камбуд, доллар, Тоҷикистон
Президент Республики Таджикистан Эмомали Рахмон

Дастури Раҳмон барои муътадил нигоҳ доштани нархҳо

554
Эмомалӣ Раҳмон, раисиҷумҳури Тоҷикистон, имрӯз дар ҷаласаи Ҳукумат масъалаи нарх дар бозорҳои ҷумҳуриро ба миён гузошт

ДУШАНБЕ, 27 окт — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон бо мақсади ҳифзи амнияти озуқаворӣ ва муътадил нигоҳ доштани нархҳо дар бозори истеъмолии кишвар назди мақомдорон вазифа гузоштааст. 

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

Дар ин маврид иҷрои қатъии супоришҳои Ҳукумати мамлакат вобаста ба истифодаи самараноки замин, гирифтани ду-се ҳосил аз ҳар як қитъаи он ва дар ин асос зиёд намудани майдони кишти картошка ва зироатҳои дигар, хусусан, ғалладонагиҳо, лӯбиёгиҳо, шолӣ ва ҷуворимаккаи дон ва ғайра зикр шудааст.

Эмомалӣ Раҳмон инчунин таъкид намудаст, ки самарабахш ва оқилона истифода намудани маблағҳои буҷети давлатӣ боиси рушди иқтисоди миллӣ ва баланд шудани сатҳу сифати зиндагии мардуми кишвар мегардад ва аз тамоми роҳбарони вазорату идораҳо ва мақомоти иҷроияи ҳокимияти давлатӣ масъулияти баландро талаб кардаст.

Раисиҷумҳури Тоҷикистон аз мақомдорони кишвар пеш аз ҳама амалӣ намудани афзалиятҳои стратегии муҳими давлатӣ, аз ҷумла раҳоии кишвар аз бунбасти коммуникатсионӣ, ба даст овардани истиқлолияти энергетикӣ, таъмини амнияти озуқаворӣ, ҳифзи иҷтимоии аҳолӣ ва бехатарии давлат ва саноатикунониро талаб намудааст. 

554
Барчаспҳо:
нарх, Эмомалӣ Раҳмон, Тоҷикистон
Ҷаласаи Ҳукумати Тоҷикистон

Ҳукумат ҳаҷми буҷаи 2021-ро гуфт: барои кадом соҳа чанд пул?

1181
(Таҷдидшуда 20:33 27.10.2020)
Ҳукумати Тоҷикистон, таҳти раёсати Эмомалӣ Раҳмон имрӯз лоиҳаи қонуни буҷаи давлатӣ барои соли 2021 ва дурнамои нишондиҳандаҳои буҷети давлатӣ барои солҳои 2022-2023-ро баррасӣ кард, ки тибқи он буҷаи соли оянда аз имсола 1,6 миллиард зиёдтар мешавад

ДУШАНБЕ, 27 окт — Sputnik. Даромади умумии буҷети давлатӣ барои соли 2021 дар ҳаҷми 27,6 миллиард сомонӣ ба нақша гирифта шудааст, ки нисбат ба буҷети соли 2020 ба маблағи 1,6 миллиард сомонӣ ё 6,1 фоиз зиёд мебошад.

Даромад аз ҳисоби чӣ?

“Бо дарназардошти дурнамои рушди соҳаҳои иқтисодии кишвар даромади ҷории буҷети давлатӣ дар ҳаҷми 20,5 миллиард сомонӣ пешбинӣ гардидааст. Афзоиши ин нишондиҳанда нисбат ба буҷети тасдиқшудаи соли 2020 ба маблағи 1 миллиард сомонӣ ё 5,1 фоиз зиёд ба нақша гирифта шудааст”, - омадааст дар иттилоия.

Котиботи раисиҷумҳур тавзеҳ дод, ки таъмини нақшаи даромади ҷории буҷети давлатӣ аз ҳисоби сарчашмаҳои андозӣ дар ҳаҷми 18,8 миллиард сомонӣ бо афзоиши 890 миллион сомонӣ, воридоти маблағҳои ғайриандозӣ 1,4 миллиард сомонӣ бо афзоиши 110 миллион сомонӣ ва грантҳо барои дастгирии буҷет дар ҳаҷми 300 миллион сомонӣ пешбинӣ гардидааст.

Таъкид гардид, ки хароҷоти умумии буҷети давлатӣ барои соли 2021 дар ҳаҷми 28,1 миллиард сомонӣ пешбинӣ шудааст, ки он нисбат ба буҷети тасдиқгардидаи соли ҷорӣ 1,7 миллиард сомонӣ зиёд мебошад.

Котиботи раисиҷумҳур илова намуд, ки Ҳукумати мамлакат афзалиятнокии маблағгузории соҳаҳои иҷтимоии кишварро нигоҳ дошта, дар буҷети давлатии Ҷумҳурии Тоҷикистон барои соли 2021 барои ин соҳаҳо 13,2 миллиард сомонӣ пешбинӣ намудааст, ки он 47 фоизи ҳаҷми умумии хароҷоти буҷет ё 14,2 фоизи маҷмӯи маҳсулоти дохилиро ташкил медиҳад.

Барои кадом соҳа чанд сомонӣ?

“Аз ҷумла, барои маблағгузории соҳаҳои маориф дар ҳаҷми беш аз 5,6 миллиард сомонӣ бо афзоиши 592 миллион сомонӣ, тандурустӣ 2,4 миллиард сомонӣ бо афзоиши 509 миллион сомонӣ, ҳифзи иҷтимоии аҳолӣ 4,2 миллиард сомонӣ бо барзиёдии 262,7 миллион сомонӣ, фарҳанг ва варзиш 1 миллиард сомонӣ бо афзоиши 69,8 миллион сомонӣ пешбинӣ гардидааст”, - омадааст дар иттилоия.

Дар ҷаласаи Ҳукумат Эмомалӣ Раҳмон вобаста ба вазъи ҷаҳони имрӯза ва бо дарназардошти таъсири пандемияи бемории КОВИД-19, дар чунин шароити ҳассос барои ноил гардидан ба ҳадафҳои муайяннамудаи Ҳукумати Тоҷикистон татбиқи мутавозини сиёсати буҷету андоз ва пулию карзиро зарур шумурдааст.

Ӯ назди масъулин барои иҷрои саривақт ва босифати барномаву нақшаҳои зиддибуҳронии қабулнамудаи Ҳукумати мамлакат, барои зиёд намудани даромади буҷет пурра ба андозбандӣ фаро гирифтани тамоми манбаъҳои даромад, кам намудани бакияпулиҳои андозӣ ва пешгирии пайдоиши бақияпулиҳои нав, инчунин, баланд бардоштани интизоми молиявӣ ва андоз дар сохторҳои давлатӣ ва ғайридавлатӣ ва субъектҳои хоҷагидорӣ, таъмини истифодаи самаранок ва мақсадноки маблағҳои дар буҷети давлатӣ пешбинишуда, суръат бахшидан ба саноатикунонии босуръати кишвар, таъсиси корхонаҳои нав бо технологияҳои муосир, истеҳсоли маҳсулот ва хизматрасониҳои рақобатноки ба содирот нигаронидашуда ва ивазкунандаи воридот ва дар ин асос зиёд намудани ҷойҳои нави корӣ вазифаҳо гузоштааст.

1181
Барчаспҳо:
давлатӣ, буҷа, даромад, Тоҷикистон
Грузовик с товарами, архивное фото

Роҳҳоро ифлос мекунед: чаро дар Суғд мошинҳои боркашоро ҷарима мекунанд

9
(Таҷдидшуда 11:09 28.10.2020)
Раёсати бозрасии давлатии автомобилӣ дар Суғд ба ронандагони мошинҳои боркаш ҳушдор медиҳад, ки минбаъд ҳангоми ҳаракат дар кӯчаҳо аз болопӯши ҳимоявӣ истифода баранд, то роҳро ифлос накунанд

ДУШАНБЕ, 28 окт — Sputnik.  Кормандони БДА дар вилояти Суғд зимни гузаронидани чорабинии мақсаднок нисбати 20 нафар ронандаи боркашон маводи маъмурӣ тартиб додаанд, гузориш медиҳад ВКД Тоҷикистон.

Ҳамзамон ба чанде аз роҳбарони корхонаву ширкатҳои сохтмонӣ барои рафъи камбудиҳо амрномаҳо дода шуд.

Бино бар иттилои манбаъ, ронандаҳои мазкур  тариқи ҷодаҳои нақлиётгарди маркази маъмурии вилояти Суғд шаҳри Хуҷанд ва ноҳияҳои атрофи он ҳамарӯза кашонидани борҳои пошхӯрандае аз қабилу хоку шағал тавассути нақлиётҳои боркаш машғул буда, роҳро ифлос мекунанд.

Ба иттилои БДА маҳз бо ҳамин сабабҳо дар чорроҳа ва кӯчаҳои асосӣ рехтаҳои шағалу хок тозагии шаҳри Хуҷандро ифлос мекунад. 

"Мутассифона ронандаҳо ва ягон нафар аз роҳбарони ташкилоту корхонаҳое, ки аз хизматрасонии кирояи ин нақлиётҳои боркаш истифода мебаранд, барои тозаю озода нигоҳ доштани кӯчаву роҳҳо чораҷӯӣ намекунанд ва сари ин масъала ташаббусе ҳам нишон намедиҳанд. Тавсияву дастур ба ронандаҳои боркаш ҷиҳати пӯшонидани бордони нақлиёт тавассути пардаҳои сахти резинӣ кифоя аст, ки пеши чунин бетартибии ислоҳшаванда гирифта шавад", - мегӯяд манбаъ.

БДА аз  ронандаҳои воситаҳои нақлиёт ва роҳбарони корхонаву ширкатҳои сохтмонӣ талаб мекунад, ки иҳати тозаву озода нигоҳ доштани кӯчаву роҳҳо масъулият ҳис кунанд. Ба ҳолатҳои бепардаи ҳимоявӣ кашонидани борҳои пошхӯранда роҳ надиҳанд ва хислати покизакорӣ нишон дода, оини шаҳрдориро риоя намоянд.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Кодекси ҳуқуқвайронкунии маъмурӣ дар моддаи 291 қисми 2 барои ифлос кардани роҳ ва бавуҷуд овардани монеа барои ҳаракат дар роҳ ба шахсони воқеъӣ ба андозаи аз 5 то 7 нишондиҳанда ва ба шахсони мансабдор ба андозаи аз 20 то 30 нишондиҳанда барои ҳисобҳо ва моддаи 322 барои бо нақлиёт кашонидани борҳои пошхуранда, ки пардаи ҳимоявӣ надоранд, ба андозаи аз 2 то 3 нишондиҳанда барои ҳисобҳо ҷаримаи маъмурӣ муқаррар кардааст.

 

9