Сбор урожая в Таджикистане

Хатлон маҳсулоташро ба Русия, Қазоқистон, Афғонистон ва Украина содирот мекардааст

231
(Таҷдидшуда 14:22 23.05.2019)
Ҳамасола кишоварзони шаҳру ноҳияҳои вилояти Хатлон майдони кишти зироати гуногун ва боғоти содиротиро бештар намуда, баробари таъмини талаботи дохилӣ ба хориҷ аз кишвар ҳам дар ҳаҷми зиёд маҳсулот содир менамоянд

ДУШАНБЕ, 23 май — Sputnik.  Дар чор моҳи соли равон ҳаҷми умумии истеҳсоли маҳсулоти кишоварзӣ дар ҳамаи бахшҳои хоҷагидории вилояти Хатлон ба 797 миллиону 254 ҳазор сомонӣ расидааст, ки нишондоди мазкур нисбат ба ҳамин давраи соли гузашта 65 миллиону 508 ҳазор сомонӣ зиёд будаааст, иттилоъ додааст дафтари матбуоти раисҷумҳури Тоҷикистон.

Тибқи иттилои манбаъ, ҳаҷми истеҳсоли маҳсулоти кишварзӣ дар ҳамаи бахшҳои ҷамъиятӣ ва хоҷагиҳои деҳқонӣ, дар ин давра 191 миллиону 630 ҳазор сомониро ташкил додааст, ки дар муқоиса ба ҳамин давраи соли гузашта 43 миллиону 258 ҳазор сомонӣ зиёд аст.

Манбаъ зикр намудааст, ки соли равон кишоварзони вилояти Хатлон дар майдони 308 ҳазору 124 гектар кишти зироати гуногунро ба роҳ мондаанд.

“Дар ин давра 129 ҳазор 906 гектар ғалладонагиҳо, 130 ҳазору 898 гектар зироати техникӣ, аз ҷумала пахта, 19 ҳазор 19 гектар сабзавот, 6 ҳазору 526 гектар картошка, 11 ҳазору 627 гектар полезиҳо ва 10 ҳазору 148 геткар хӯроки чорво кишт карда шудааст”,- қайд намудааст дафтари матбуоти раисҷумҳур.             

Инчунин гуфта шудааст, ки имрӯз ҳосили 500 гектар ғаллазор ҷамъоварӣ гардидааст, ки кишоварзон 1 ҳазору 750 тонна маҳсулот ба даст овардаанд ва ин нишондод нисбат ба ҳамаи давраи соли гузашта 760 тонна зиёд мебошад.

Аз майдони 6 ҳазору 891 гектар сабзавот бошад, то имрӯз 186 ҳазору 302 тонна маҳсулот ҷамъоварӣ шудааст.

Аз майдони умумии зироати картошка бошад, ҳосили 1 ҳазору 396 гектари он гирдоварӣ ва 22 ҳазору 388 тонна ҳосил ба даст омадааст.

Тавре дафтари матбуоти раисҷумҳур таъкид доштааст, соли равон бо мусоид омадани обу ҳаво ҳосили сабазвоту меваҷот нисбат ба солҳои қаблӣ бамаротиб зиёд буда, кишоварзони шаҳру ноҳияҳои вилояти Хатлон тавонистаанд, дар баробари таъмини бозори дохилӣ раванди содироти онро ба хориҷ аз кишвар ҳам афзоиш диҳанд.

То имрӯз аз майдони умумии боғҳои ҳосилдиҳандаи шаҳру ноҳияҳои вилоят 3 ҳазору 388 тонна маҳсулот, аз ҷумла гелос, олу, шафтолу ва зардолу ҷамъоварӣ гардидааст.

Аз ҳаҷми умумии ҳосили боғот то ба ҳолати 17 майи соли равон 13 ҳазору 113 тонна маҳсулот содирот шудааст.

Аз ҷумла, 12 ҳазору 292 тонна пиёз ба Русия, Қазоқистону Афғонистон ва Украина содирот шудааст. 

231
Барчаспҳо:
Қазоқистон, Русия, вилояти Хатлон, Хатлон, маҳсулот, содирот, кишоварзӣ, соҳаи кишоварзӣ, рушди соҳаи кишоварзӣ, Тоҷикистон