Евгения Войко

Коршинос бурду бохти Тоҷикистон аз узвият дар Иттиҳоди иқтисодии АвруОсиёро гуфт

378
(Таҷдидшуда 14:12 24.05.2019)
Воридшавии Тоҷикистон ба иттиҳоди иқтисодии Авруосиё ба кишвар манфиатҳои зиёди иқтисодӣ меоварад, аммо эҳтимол аст мақомоти Душанбе аз хароҷоти шомилшавӣ ба Созмон каме дури меҷӯяд, тахмин мекунад коршиноси иқтисодӣ Евгения Войко

 Тоҷикистон 5 сол боз болои масъалаи шомилшавӣ ба Иттиҳоди иқтисозии Авруосиё фикр дорад, аммо то ҳол хулосаи аниқ набаровардааст, ки ба ин Созмон ворид мешавад, ё не.

Эксперт рассказала о плюсах и минусах вступления Таджикистана в ЕАЭС

Аз як тараф Тоҷикистон бо воридшавӣ ба ин Иттиҳод манфиатҳои иқтисодӣ ба бор меорад. Аз тарафи дигар ҳукумати кишвар барои қабули қарори шомилшавӣ ба созмон ҳаракат накардаистодааст ва эҳтиёткорона бо қарздиҳандаи асосии кишвар – Чин ҳамкорӣ кардаистодааст, қайд мекунад дотсенти кафедраи сиёсатшиносии Донишгоҳи моллияи назди ҳукумати Русия Евгения Войко.

“Вақти қабул кардани қарор дар ин бора кайҳо расида буд, аммо то ҳол чизе маълум нест. Манфиатҳои ин Созмон ба Тоҷикистон метавонанд доштани бозори ягонаи умумӣ варафъи  мушкилиҳои гумрукӣ бошанд. Бемуҳобот, омилҳои муҳоҷират низ дар ин ҷо нақши асосӣ мебозанд. Убури озодона дар доираи Иттиҳоди иқтисодии АвруОсиё ба Русия ва дигар кишварҳои аъзо метавонад имкониятҳои будубоши шаҳрвандони Тоҷикистонро беҳтар гардонад. Аз минусҳо метавонанд ин имкони аз даст додани мустақилияти иқтисодӣ ва ҳатто сиёсӣ бошанд, ба ҳар ҳол дар Тоҷикистон чунин меандешанд. Инчунин бо ворид шудан ба созмон барои Тоҷикистон каме хатари аз даст додани дастгириҳои Чин дар кишвар вуҷуд дорад”, - ба  Sputnik гуфт Евгения Войко. 

378
Барчаспҳо:
Русия, иқтисод, созмон, Тоҷикистон
Капитальная реконструкция автодороги Бишкек-Нарын-Торугарт

Оғози таъмири роҳи Ховалинг-Шугнов: бозсозии 63 километр роҳ бо ҷалби соҳибкорони маҳаллӣ

186
(Таҷдидшуда 12:44 10.07.2020)
Дар ноҳияи Ховалинг бахшида ба 30-солагии Истиқлолияти Тоҷикистон бо дастгирии мақомоти вилояти Хатлон ва ҷалби соҳибкорони маҳаллӣ таъмири 63 километр роҳи Ховалинг-Шугнов оғоз гардид

ДУШАНБЕ, 10 июл – Sputnik. Роҳи мошингарде, ки маркази ноҳияи Ховалингро бо ҷамоъати деҳоти Шугнов мепайвандад ва солҳои дароз дар ҳолати ногувор қарор дошт, таъмир хоҳад шуд, иттилоъ хабаргузории АМИТ “Ховар”.

Гуфта шудааст, ки роҳбарияти ноҳия сохтмони роҳи мазкурро ба нақша — чорабиниҳо бахшида ба 30-солагии Истиқлолияти Тоҷикистон шомил намуда, барои тахту ҳамвор ва сангфаршкунии роҳ соҳибкорони маҳаллӣ низ ҷалб гардиданд. Айни замон дар мавзеҳои душворгузари роҳ корҳои барқарорсозӣ ва тахту ҳамворкунии роҳ оғоз гардидааст.

Манбаъ қайд кардааст, ки дар корҳои сохтмонӣ техникаҳои сокинони ҷамоъати деҳот ва Муассисаи давлатии нигоҳдории роҳҳои автомобилгарди ноҳия ҷалб карда шудаанд.

Ҳамзамон манбаъ таъкид доштааст, ки мавзеи аз ҳама душвори роҳ ағбаи Тиюн мебошад, ки 18 километрро ташкил дода баландии он аз сатҳи ҳамворӣ беш аз ҳазор метрро  дар бар гирифта,  ҳамасола бар асари боришот валангор мегардад.

“Муҳандисони роҳсоз ба гардиш ва ҷойҳои ярчфарою хатарзои роҳ аҳамияти махсус дода, дар он мавзеъҳо корҳои сохтмониро ба таври зарурӣ ба роҳ мондаанд. Сангу шағалро аз дарёи Ёхсу, ки дар шафати роҳ мебошад кашонида, ба воситаи техникаю механизмҳои пуриқтидори роҳсозӣ ҳамвор менамоянд. Роҳсозӣ дар шароити кӯҳистон душвор мебошад ва ҳангоми оғози корҳои сохтмонӣ барои муваффақ шудан  қоидаҳои роҳсозиро мебояд қатъиян риоя кард. Дар оянда мумфаршкунии роҳ низ ба нақша гирифта шудааст”, — соҳибкор Муҳиддин Қосимов

Дар ҳамин ҳол, раиси ҷамоати деҳоти Шугнов Изатулло Файзов иброз доштааст, ки роҳбарияти ҷамоат ва соҳибкорон мақсад доранд, ки роҳи мавзеи ағбаи Тиюнро давоми се рӯзи дигар сангфарш намоянд ва баъдан дар қитъаҳои ҳамвори роҳ онро идома диҳанд.

Сокинони деҳаҳои ҷамоати деҳоти Шугнов дастаҷамъона дар ин кори хайр ба соҳибкорон кӯмак расонида истодаанд.

186
Барчаспҳо:
таъмир, Хатлон, вилоят, мақомот, Ховалинг, роҳ, Тоҷикистон
доллары и сомони, архивное фото

Бонки миллӣ арзиши рубл, доллар ва евроро барои имрӯз эълон кард

294
(Таҷдидшуда 12:24 10.07.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 10 июли соли равон эълон кард

ДУШАНБЕ, 10 июл — Sputnik.  Тибқи нишондоди Бонки миллии Тоҷикистон, имрӯз 1 рубли русӣ — 0.1454 сомониро ташкил медиҳад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3096 то 10.3100 сомонӣ арзёбӣ кардааст.

Бонки миллӣ қурби миёнаи фурӯши 1 евроро аз 11.6973 то 11.9000 сомонӣ арзёбӣ кардааст. Тибқи нишондоди Бонки миллии Тоҷикистон арзиши 1 рубли русӣ дар муассиcаҳои ташкилоти қарзии Тоҷикистон аз 0.1454 то 0.1470 сомонӣ арзиш дорад.

Пешбинии коршинос: арзиши доллар тобистон поён мераваду рубл боло

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3096 сомонӣ, 1 евро – 11.6973 сомонӣ ва 1 рубли русӣ — 0.1454 сомонӣ.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

294
Барчаспҳо:
қурби асъор, сомонӣ, асъори хориҷӣ, Тоҷикистон
Пассажирский самолет вылетает из аэропорта города Красноярска

Санаи барқароршавии парвозҳои байналмилалӣ дар Русия дақиқ шуд

0
(Таҷдидшуда 08:46 11.07.2020)
Муовини сарвазири Русия Татяна Голикова дубора барқарор шудани парвозҳои байналмилалии ҳавоӣ дар Русияро эълом кард

ДУШАНБЕ, 9 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.

Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ин меъёрҳоро гурӯҳи машваратии эпидемиологҳо таҳия намуданд.

Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.

Русия омода аст парвозҳоро ба 13 кишвар барқарор кунад 

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

0