Ёдгор Файзов, раиси ВМКБ дар ҷаласаи назоратӣ

Аз баррасӣ дар интернет то ҷалби ҳамватанон аз берун: интизории Файзов аз "Помиринвест"

958
(Таҷдидшуда 15:03 24.05.2019)
Ёдгор Файзов, раиси Вилояти Мухтори Куҳистони Бадахшон 24 май бо аъзои кумитаи тадорукотии Форуми байналмилалии "Помиринвест - 2019" мулоқот баргузор намуд

ДУШАНБЕ, 24 май - Sputnik. Тибқи иттилои Ғолиб Ниятбеков, сухангӯи Ҳукумати ВМКБ, дар мулоқот Ёдгор Файзов зикр кард, ки мақсади баргузории анҷумани "Помиринвест” ҷалби сармоя ба вилоят мебошад.

“Инчунин тавассути форуми мазкур мо метавонем ҳамватанони бурунмарзиро низ барои ободонии диёр даъват намоем. Мо бояд ҳар чи зудтар лоиҳаҳое, ки дар форуми байналмилалии "Помиринвест - 2019" баррасӣ мешаванд, амалӣ намоем”, - таъкид кардааст Файзов.

Раиси ВМКБ пешниҳод намудааст, ки сомонаи форуми мазкур бояд фаъол бошад ва тавассути шабакаҳои иҷтимоӣ низ баррасӣ гардад, то ҳамаи соҳибкорон ва ҳамватанони бурунмарзӣ дар мавриди форум маълумот пайдо намоянд.

Файзов ба масъулин супориш додаст, ки макони баргузории форум низ ҳаматарафа санҷида шавад то ки ба талабот ҷавобгӯ бошад.

Ҷумъа Ҷумаъев, сардори раёсати сармоягузорӣ ва идораи амволи давлатии ВМКБ ҳисобот додааст, ки  форуми "Помиринвест - 2019" бо забонҳои тоҷикӣ, русӣ ва англисӣ баргузор карда мешавад.

“Ба қайдгирии иштирокунандагон тариқи cомонаи pamirinvest.org ба роҳ монда мешавад”, - изҳор доштааст Ҷумъаев.

958
Барчаспҳо:
Форуми иқтисоду ҳамкорӣ, ҷалб, сармоягузорӣ, Помир, ВМКБ, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

1861
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

1861
Барчаспҳо:
ВМКБ, пешниҳод, Тоҷикистон
Премьер-министр Таджикистана Кохир Расулзода

Баррасии таъмини барқу гармӣ дар Душанбе: Расулзода гуфт, зимистон бе мушкилӣ сипарӣ шавад

122
(Таҷдидшуда 19:39 23.10.2020)
Қоҳир Расулзода, сарвазири Тоҷикистон, бо омодагиҳо ба зимистон дар шаҳри Душанбе шинос шуда, аз Маркази барқу гармидиҳии Душанбе-2 боздид кард

ДУШАНБЕ, 23 окт - Sputnik. Барои фаъолияти Маркази барқу гармидиҳии “Душанбе-2” дар зимистони оянда бояд 1 миллиону 300 ҳазор тонна ангишт захира карда шавад, ки то имрӯз дар анборҳои Марказ беш аз 922 ҳазор тонна ангишт захира гардидааст, хабар дод “Ховар”.

Манбаъ афзуд, ки Расулзода дар Маркази барқу гармидиҳии Душанбе -2 ҷаласа баргузор карда, тақвият бахшидани ҷараёни кашонидани ангишт ва захираи онро талаб кардааст.

Расулзода ҳамчунин ҷоннок намудани фаъолияти иншооти барқу гармидиҳӣ, пайваст намудани иншооти таъйиноти гуногун бо шабакаҳои гармидиҳӣ ва дигар масъалаҳоро мавриди таҳлилу баррасӣ қарор додаст.

“Барқи тоҷик”: маҳдудият нест, санҷиши профилактикӣ аст

“Барои бе мушкилот сипарӣ намудани давраи тирамоҳу зимистони солҳои 2020-2021 аз  масъулони Вазорати саноат ва технологияҳои нав, Вазорати энергетика ва захираҳои об, Ширкати «Барқи тоҷик» ва дигар сохторҳо ҷоннок намудани фаъолият тақозо карда шуд”, - омадааст дар иттилоия.

Нурекская ГЭС
© Официальная страница пресс-службы президента РТ в Facebook

Манбаъ илова намуд, ки дар давраи тирамоҳу зимистони солҳои 2020-2021 дар шаҳри Душанбе шумораи иншооте, ки бо гармӣ таъмин карда мешаванд, 2511 ададро ташкил медиҳад, ки аз ин 1269 иншоот дар ноҳияи Сино, 500 иншоот дар ноҳияи Исмоили Сомонӣ, 500 иншоот дар ноҳияи Шоҳмансур ва 242 иншоот дар ноҳияи Фирдавсӣ ба қайд гирифта шудаанд, ки нисбат ба ҳамин давраи соли гузашта 331 иншоот зиёд мебошад. Дар маҷмӯъ то имрӯз 98 дарсади иншооти ба қайд гирифташуда барои қабули гармӣ омода карда шудаанд.

Боз торикӣ: чаро Тоҷикистон маҳдудияти нерӯи барқро ҷорӣ кард ва он то кай идома меёбад

Таъкид шудааст, ки барои ба Шабакаҳои гармидиҳӣ пайваст намудани қариб 300 иншооти дигар корҳо идома доранд.

122

Сипоси Ҳабиб аз падараш баъди пирӯзӣ бар Гетҷи-видео

0
Қаҳрамони UFC Ҳабиб Нурмуҳаммадов пас аз шикаст додани Ҷастин Гетҷи навиштаи аввалро нашр кард

ДУШАНБЕ, 25 октябр - Sputnik. Қаҳрамони UFC дар вазни сабук, размикори ҳунарҳои муҳорибаи омехтаи Русия Ҳабиб Нурмуҳаммадов пас аз шикаст додани варзишкори амрикоӣ Ҷастин Гетҷи ба падари худ ташаккур гуфт.

“Падар ташаккур ба шумо барои ҳама чизҳое, ки дар ин зиндагӣ ба ман омӯхтед, Аллоҳ ба шумо дараҷаи баландтарини биҳиштро ато гардонад",- навиштааст Хабиб дар аккаунти худ.

Навиштаи Нурмуҳаммадов пас аз мағлуб кардани Гетҷи ва пас аз эълони хотимаи корномаи варзишияш буд.

Ёдовар мешавем, шаби гузашта Ҳабиб Нурмуҳаммадов размикори амрикоӣ Ҷастин Гетҷиро шикаст дод.

Рақобат ду давр идома карда, размикори доғистонӣ бо усули маъмулияш, буғӣ кардан, ҳарифашро шикас дод.

Пас аз пирӯзӣ ӯ эълон кард, ки ин охирин баромадаш буд. Ӯ гуфт, ба модараш ваъда додааст, ки охирин муҳорибааш аст, ва анҷоми корномаи варзишияшро эълон кард.

0