Подписание соглашения о сотрудничестве между Амонатбанк, Беларусбанк и “РСК БАНК” Киргизии

"Амонатбонк”, “Беларусбонк” ва “РСК БОНК” созишномаи ҳамкорӣ ба имзо расонданд

114
(Таҷдидшуда 20:24 17.06.2019)
Байни “Амонатбонк”, “Беларусбонк” ва “РСК БОНК”- Қирғизистон дар доираи ҷаласаи 15-уми Иттиҳоди Байнибонкии (ИББ) Созмони Ҳамкории Шанхай (СҲШ), ки дар шаҳри Чолпон-Отаи Қирғизистон баргузор шуд, Созишномаҳои ҳамкорӣ ба имзо расид.

ДУШАНБЕ, 17 июн — Sputnik.  Дар доираи ҷаласаи 15-уми Иттиҳоди Байнибонкии  (ИББ) Созмони Ҳамкории Шанхай (СҲШ) бонкҳои Тоҷикистону Белорус ва Қирғизистон созишномаи ҳамкориро ба имзо расониданд, иттилоъ додааст дафтари матбуоти “Амонатбонк”.

Бино бар иттилои манбаъ, санадҳои ҳамкориро раиси Раёсати “Амонатбонк” Сироҷиддин Икромӣ раиси Раёсати “Беларусбонк” Виктор Ананич ва раиси Раёсати  “РСК БОНК”-и Қирғизистон Азизбек Оморкулов имзо намуданд.

Тавре манбаъ қайд намудааст, созишномаҳои баимзорасида барои тақвияти густариши ҳамкории байнибонкии  кишварҳои аъзои ИББ СҲШ нақши муассир мегузоранд.

Ҳамзамон дар доираи ҷаласаи 15-уми ИББ СҲШ раиси “Амонатбонк” Сироҷиддин Икромӣ бо раиси “Беларусбанк” Виктор Ананич вохӯрӣ намуда, дар он масоили густариши ҳамкории муштарак байни “Амонатбонк” ва “Беларусбонк”-ро баррасӣ намуданд.

Тавре манбаъ зикр намудааст, яке аз масъалаҳои муҳиме, ки дар меҳвари мулоқот қарор дошт, ифтитоҳи суратҳисобҳои муросилотӣ миёни бонкҳо, ҳамзамон табодули таҷрибаи тарафайн, такмили дониши мутахассисон дар марказҳои таълимии “Беларусбанк” ба шумор мерафт.

Манбаъ ёдрас шудааст, ки чунин ҳамкориҳо ҷиҳати ҷалби сармоя ва баланд бардоштани дониши мутахассисони соҳа саривақтӣ буда, барои соҳибкорони ватанӣ, низ дар самти воридот ва содирот намудани молу маҳсулот манфиатовар мебошад.

Ёдрас мешавем, ки Бонки давлатии амонатгузории Тоҷикистон “Амонатбонк” узви Иттиҳоди байнибонкии Созмони  Ҳамкории Шанхай буда, ҳамасола дар ҷаласаҳои  он иштирок менамояд.

114
Барчаспҳо:
имзои созишномаҳои ҳамкорӣ, имзои созишнома, ҳамкорӣ, Амонатбонк, Бонк, Тоҷикистон
Председатель Совета Федерации РФ Валентина Матвиенко

Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт

1432
(Таҷдидшуда 18:19 25.11.2020)
Валентина Матвиенко, раиси Шӯрои Федератсия дар ҷаласаи Комиссия оид ба ҳамкории палатаҳои болоии парлумонҳои Русия ва Тоҷикистон, зарбулмасали тоҷикиро гуфт, ки аз як даст садо намебарояд

ДУШАНБЕ, 25 ноя – Sputnik. Матвиенко зимни ҷаласаи Комиссия дар ҳузури Рустами Эмомалӣ, раиси Маҷлиси миллӣ таъкид кард, ки чунин мулоқотҳо бо риояи қоидаҳои беҳдоштӣ бояд идома дода шаванд.

Ӯ афзуд, ки танҳо бо даъватҳо  - "биёед сармоягузорӣ бештар шавад, тиҷорат зиёд гардад" чизе ҳосил намешавад. Раиси Шӯрои Федератсия таъкид намуд, ки барои амалишавӣ мо бояд шароит фароҳам созем.

"Масоили умури сармоягузорию иқтисодиро мо бояд бо назардошти пайомадҳои пандемия баррасӣ намоем. Муҳим аст, ки ба таҳкими қонунгузорӣ, дастгирии соҳибкорӣ, корхонаҳои хурду миёна, корхонаҳои муштарак таваҷҷуҳ кунем, баъзе авлавиятҳоро дар марҳилаи берун шудан аз пандемия муайян созем", - гуфт Матвиенко.

“Шукри Худо, масъалаи ҳалнашаванда надорем”

Ба гуфтаи Матвиенко, дар маҷмуъ ҳамкории иқтисодии Тоҷикистону Русия мунтазам рушд ёфта истодааст ва зикр намуд, ки 23 дарсади тиҷорати хориҷии Тоҷикистон ба Русия рост меояд.

"Ин ҳамкориҳоро бояд бо иродаи сиёсии худ таҳким бахшем. Барои соҳибкорӣ фазои сиёсӣ миёни ду кишвар бисёр муҳим аст. Соҳибкорон ба кишвар мераванд, агар шоҳиди муносибатҳои дӯстона миёни давлатҳо бошанд. Шукри Худо мо дар ин маврид масъалаи ҳалнашаванда надорем", - гуфт раиси Шӯрои Федератсия.

Ӯ илова намуд, ки аз ҷониби дигар вазифаи парлумон аст, ки меъёрҳои қонунгузорӣ ҳамоҳанг шаванд, то ҳадди имкон шароитҳо монанд бошанд то соҳибкорию оғози кори нав осон гардад.

Матвиенко таъкид намуд, ки барои сармоягузор бисёр муҳим аст, ки қоидаҳои кор дар майдони иқтисодии Тоҷикистон шаффоф ва фаҳмо бошанд.

"Бояд талош кунем, ки бештар бо соҳибкорон иртибот дошта бошем, фаҳмонем, шарҳ диҳем. Ҳайатҳои соҳибкорон тарафайн сафар кунанд, то бахши соҳибкорӣ пуштибонии сиёсиро эҳсос намояд ва он гоҳ фаъолтар хоҳад шуд", - гуфт раиси Шӯрои Федератсия.

Ӯ хотиррасон кард, замоне ки танҳо дар бораи густариши тиҷорат суҳбат мерафт, гузашт. Ба гуфтаи Матвиенко, ҳозир замона дигар асту бояд корхонаҳои муштарак ташкил шаванд, лоиҳаҳои ҷадид ва табодули сармоягузорӣ роҳандозӣ карданд.

“Барои он ки ин ҳама амалӣ гардад, заминаҳои ташкилӣ заруранд, шояд бо иштироки давлат ин кор роҳандозӣ гардад. Вазифаи вазорату идораҳо аст, ки чӣ гуна корро амалӣ мекунанд, то барои соҳибкорон муфиду бошад, додугирифтҳо миёни Тоҷикистону Русия бидуни миёнаравҳо сурат гиранд”, - таъкид кард Матвиенко.

Ӯ дар охир зарбулмасали тоҷикиро зикр намуд, ки аз як даст садо намебарояд ва илова намуд, ки имрӯз дар Маскав аз ҳарду тараф дастҳо фароҳаманд ва бояд талош кард, то ҳарчи бештар садо ҳосил шавад.

1432
Барчаспҳо:
парлумон, мулоқот, Валентина Матвиенко, Тоҷикистон, Русия
Пул, акс аз бойгонӣ

Гузашти Чину гуфтушунид бо дигарон: муҳлати бештари Тоҷикистон барои баргардондани қарз

330
(Таҷдидшуда 15:09 25.11.2020)
Мақомоти Тоҷикистон бо бархе аз қарздеҳони кишвар гуфтушунид доранд, то муҳлати баргардондани қарзҳо тамдид карда шавад

ДУШАНБЕ, 25 ноя – Sputnik. Бонки содиротию воридотии Чин ва Бунёди кувайтии рушд розӣ шудаанд, ки баргардондани қисме аз қарзҳояшон мавқуф гузошта шавад.

Файзиддин Қаҳҳорзода, вазири молияи Тоҷикистон, гуфт, дар доираи ташаббуси кишварҳои G-20 хизматрасонии 43,2 миллион доллари амрикоии қарзӣ, ки аз Бонки содиротию воридотии Чин ва Фонди кувайтии рушд ҷалб гардид, то охири соли 2021 мавқуф гузошта шуд.

"Чунин ҳамкорӣ бо Клуби Париж, Бонки KFW-и Ҷумҳурии Федеративии Олмон, Бонки "Натикс"-и Ҷумҳурии Фаронса ва Департаменти кишоварзии Иёлоти Муттаҳидаи Амрико идома дорад", - навиштааст нашрияи парлумонии "Садои мардум" аз қавли Қаҳҳорзода.

Манбаъ афзуд, дар моҳҳои январ – сентябри соли ҷорӣ барои татбиқи лоиҳаҳои афзалиятдоштаи кишвар 5 созишномаи нави қарзӣ ба маблағи умумии 459,5 миллион доллари амрикоӣ бо ташкилотҳои гуногуни молиявӣ ба имзо расонида шуд.

Вазир: қарзи давлатии Тоҷикистон ба беш аз 43 дарсади ММД расид

Вазири молия таъкид кард, ки дар боробари созишномаҳои имзошуда инчунин ҷалби 562 миллион доллари амрикоии қарзии имтиёзнок дар назар аст.

Тибқи иттилои расмӣ, то 1 октябри соли 2020 ҳаҷми умумии қарзи давлатии Тоҷикис­тон 3,7 миллиард доллари амрикоӣ, ё худ 43,3 фоизи ММД-ро ташкил медиҳад. Барои хизматрасонии қарзи беруна дар соли 2021  ҳудуди 213,5 миллион доллар, соли 2022 -  238,2 миллион ва соли 2023 - 243,3 миллион доллари амрикоӣ ба нақша гирифта шудааст.

330
Барчаспҳо:
муҳлат, қарз, Тоҷикистон

“Дасти Худо” ва беҳтарин голи асри 20: ёде аз Марадона - навор

0
(Таҷдидшуда 12:04 26.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61 - сола аз олам гузашт

Марадона бо тими миллии Аргентина дар соли 1986 қаҳрамони ҷаҳон шуда буд. Намоиши Марадона дар он ҷоми ҷаҳонӣ яке аз баёдмондатарин лаҳзаҳои таърихи футболро рақам зад, ба хусус ду голе, ки ба тими миллии Англия зад.

Марадона дар он мусобиқа як голро бо даст вориди дарвозаи ҳариф кард, ки бо “Дасти Худо” маъруф шуд. Голи дуввуми Марадона, ки пас аз гир додани бисёре аз бозингарони Англия ба самар расид, ба эътиқоди бисёре аз алоқамандони футбол зеботарин голи ҷоми ҷаҳонӣ аст. Ин гол беҳзтарин голи асри 20 дониста шуд.

Марадона дар тимҳои мухталифе монанди “Барселона” ва “Наполи”бози кардааст..

Муввафақтарин даврони варзишии ӯ дар бошгоҳи “Наполи” буд, ки ҳамроҳ бо ин тим қаҳрамони Итолиё ва Аврупо шуд. 

Диего Марадона пас аз анҷоми даврони бозӣ ба мураббигӣ рӯ овард, аммо натавонист дар ин роҳ муваффақ шавад. Охирин ҳузури Марадона ба унвони мураббӣ рӯи тими “Химнасия ва Эксгрима” аз Ла-Платаи Аргентина буд.

Ҳамчунин ӯ соли 2008 ба муддати ду сол сармураббии тими милли Аргетина низ буд ва ин тимро ба як чаҳоруми ниҳоии ҷоми ҷаҳон дар соли 2010 дар Африқои ҷанубӣ расонд.

0
Барчаспҳо:
даргузашт, Аргентина, Марадона