Национальный банк Таджикистана, архивное фото

Бонки миллӣ фаъолияти ТАҚХ “Молия ва сармоя”-ро маҷбуран қатъ кард

404
(Таҷдидшуда 14:55 19.06.2019)
Бонки миллии Тоҷикистон бо қарори навбатӣ фаъолияти Ташкилоти амонатии қарзии хурди “Молия ва сармоя”-ро қатъ кард

ДУШАНБЕ, 19 июн — Sputnik.  Бо қарори навбатии Раёсати Бонки миллӣ аз 18 июни соли равон фаъолияти ТАҚХ “Молия ва сармоя” қатъ карда шуд, иттилоъ додааст дафтари матбуоти Бонки миллӣ.

Тавре Бонки миллӣ эълон намудааст, мутобиқи моддаи 26 Қонуни Тоҷикистон “Дар бораи ташкилотҳои маблағгузории хурд” ва моддаҳои 8,9 ва 12 Қонуни Тоҷикистон “Дар бораи барҳамдиҳии ташкилотҳои қарзӣ фаъолияти ТАҚХ “Молия ва сармоя” тариқи барҳамдиҳии маҷбурӣ қатъ карда шуд.

Инчунин Бонки миллӣ таъкид намудааст, ки дар асоси қарори зикршуда иҷозатномаи ТАҚХ “Молия ва сармоя”, ки аз ҷониби Бонки барои анҷом додани амалиётҳои бонкӣ дода шудааст, бозхонд карда шуд.

“Самтҳои дигари фаъолияти ташкилотҳои зикргардида дар асоси қарори қабулгардида аз ҷониби Бонки миллии Тоҷикистон дар доираи қонунгузории амалкунанда баррасӣ карда мешаванд”, - эълон намудааст Бонки миллии Тоҷикистон. 

404
Барчаспҳо:
фаъолият, қатъ, барҳамдиҳӣ, Бонки миллӣ, Тоҷикистон
Праздник мёда, хлеба и картофеля в г. Худжанд

Марзҳои баста дар дарони вирус монеа нашуд: гардиши молу маҳсулоти Тоҷикистон афзоиш ёфт

38
(Таҷдидшуда 01:56 02.07.2020)
Аз оғози имсол то кунун гардиши молу маҳсулоти Тоҷикистон нисбат ба ҳамин давраи соли гузашта 9 дарсад афзоиш ёфтааст

ДУШАНБЕ, 2 июл — Sputnik. Бино бар иттилои Ожонси омори Тоҷикистон, аз моҳи январ то майи соли равон гардиши молу маҳсулоти хориҷии Тоҷикистон ҳудуди 1 миллиарду 871 миллион доллар буда, ки нисбат ба ҳамин давраи соли гузашта 159 миллион доллар бештар будааст.

Сотрудницы предприятия по переработке плодовоовощной продукции
© Официальная страница пресс-службы президента РТ в Facebook.

Аз январ то моҳи май Тоҷикистон маҳсулоте ба арзиши ҳудуди 558 миллион доллар содир кард, ки нисбат ба муддати мушобеҳи соли гузашта 74 дарсад, муодили 238 миллион доллар бештар аст.

Тоҷикистон дар ин муддат бо 108 кишвари ҷаҳон равобити тиҷорӣ дошт.

Бештари маҳсулоти Тоҷикистон ба кишварҳои Швейтсария, Туркия, Қазоқистон ва Узбакистон содир шуд.

Сангҳо ва филизоти гаронбаҳо ва нимақиматӣ, маҳсулоти маъданӣ (семент, сангҳои гаронбаҳо, ангиштсанг, барқ), маводи нассоҷӣ ва маҳсулоти он, филизоти поя ва маҳсулоти ҳосил аз онҳо аз муҳимтарин маҳсулоти содиротии Тоҷикистон будааст.

Ҳамчунин дар ин муддат як миллиарду 273 миллион доллар коло ба Тоҷикистон ворид шуд, ки 2 дарсад (муодили 29 миллион доллар) камтар аз муддати мушобеҳи соли гузашта буд.

Маҳсулоти маъданӣ, фаровардаҳои нассоҷӣ, маҳсулоти кимиёӣ, фаровардаҳои ғизоӣ, филизоти поя ва филизот, маҳсулоти гиёҳӣ аз ҷумлаи маҳсулоти воридотӣ ба Тоҷикистон будааст.

Русия (гардиши молии тиҷорати дуҷониба 420 миллион доллар) , Қазоқистон (391 миллион доллар) , Швейтсария (306 миллион доллар), Чин (189 миллион доллар), Туркия ( 140 миллион доллар) ва Узбакистон (116 миллион доллар) шарикони аслии тиҷорати хориҷии Тоҷикистон дар ин давра буданд.

38
Барчаспҳо:
марз, вирус, гардиши мол, гардиши молу коло, афзоиш, маҳсулот, Тоҷикистон
На одной из автозаправочных станций

Бардорад зам кун: нархи сӯзишворӣ дар Тоҷикистон боло рафт

1587
Ба дунболи нисбатан сабук шудани вазъи сироятёбӣ ба бемории ҳамагири COVID-19 ва зиёдшавии ҳаракати нақлиёт, арзиши гази моеъ, умдатарин маводи сӯзишворӣ дар Тоҷикистон гарон шудааст

ДУШАНБЕ, 1 июл – Sputnik. Ронандаҳои воситаи нақлиёт дар вилоятҳои Суғду Хатлон ва шаҳри Душанбе дар бораи гарон шудани нархи маводи сӯзишворӣ хабар доданд.

“Ҳоло арзиши 1 литр гази моеъ дар нуқтаҳои фурӯши сӯзишворӣ дар шаҳру навоҳии вилояти Суғд то ба 25% боло рафта ба 3, 2 - 3, 5 сомонӣ баробар шудааст”,-гуфт ронандаи таксӣ дар Хуҷанд.

Ҳамсӯҳбати дигари мо аз шаҳри Бохтари вилояти Хатлон низ дар бораи гароншавии арзиши сӯзишворӣ зикр кард. Ӯ гуфт, як ҳафта қабл дар шаҳр ва навоҳии Хатлон нархи 1 литр гази моеъ ҳамагӣ 2, 8 сомонӣ рақам зада мешуд, ҳоло ба бештар аз 3, 5 сомонӣ гарон шудааст.

Дар пайи болоравии нархи газ, арзиши бензин ва дизел ҳам то ба 5, 2 ва 6, 2 сомонӣ боло рафтааст. Мақомоти расмии Тоҷикистон сабаби баландравии нархи маводи сӯзишвориро шарҳ надодаанд.

Аммо бархе манобеъ сабаби дакка хӯрдани нархи маводи сӯхтро ба коҳиши шиддати бемории COVID-19 ва бештар шудани ҳаракати воситаҳои нақлиёт дар кишвар рабт медиҳанд. Як корманди нуқтаи фурӯши сӯзишворӣ дар ноҳияи Ҷаббор Расулови Суғд дар суҳбат зикр кард, ки баъди камтар шудани маҳдудиятҳо, ҳоло гаштугузори мошинҳо дар роҳҳои кишвар зиёд шудааст ва аз ин лиҳоз талабот ба хариди газу бензин афзудааст.

"Ҳоло гаштугузори мошинҳо зиёдтар шудааст ва хариди сӯзишворӣ ҳам бештар шудааст. Вақте талабот ба мол зиёд шуд, нархи он тағйир меёбад. Мисле, ки бардорад зам кун, набардорад кам", - гуфт ҳамсуҳбати мо.

Бархе дигар аз кормандони таъмингоҳҳои сӯзишворӣ сабаби боло рафтани нархро ба болоравии қиммати доллар рабт медиҳанд.

Дар шароити кунунӣ аксар воситаҳои нақлиёт дар Тоҷикистон аз ҳисоби гази моеъ ҳаракат мекунанд ва ба гуфтаи ронандаҳо ин ба вазъи иқтисодии онҳо бастагӣ дошта, чунин навъи маводи сӯхт назар ба бензин арзонтар гуфта мешавад. Аммо иқтисодшиносон бо ишора ба ҳаҷми маош дар Тоҷикистон дар бораи гаронии арзиши молу маҳсулот, аз ҷумла баланд будани қимати сӯзишворӣ таъкид меварзанд.

Кишвари Тоҷикистон маводи сӯхт, аз ҷумлаи гази моеъ ва бензину дизелро аз хориҷа, умдатан аз кишвари Русия ва Қазоқистон ворид мекунад. Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст. Дар пайи гароншавии маводи сӯхт, ҳоло дар бозорҳо нархи маводи ниёзи аввал аз ҷумла орду равған ҳам назар ба моҳҳои қаблӣ боло рафтааст.

1587
Барчаспҳо:
сӯзишворӣ, Агентии давлатии танзими бахши маводи сӯхту энержии Қирғизистон, Тоҷикистон