Эълони IRS дар бораи пулгирӣ бо корт

© Sputnik / Амир ИсаевПлатный участок дороги в Варзоб, архивное фото
Платный участок дороги в Варзоб, архивное фото - Sputnik Тоҷикистон
Обуна шудан
Ширкати IRS, ки ба ҷамъоварии пул дар масири Душанбе – Чаноқ машғул аст, эълон кард, ки хадамоташро тариқи пардохти ғайринақдӣ ироа мекунад

ДУШАНБЕ, 27 июн — Sputnik. IRS бо нашри як изҳорот эълон кард, ки ронандагон минбаъд метавонанд пул ба ин ширкатро тариқи кортҳои троллингӣ пардохт кунанд.

Ремонт дороги, архивное фото - Sputnik Тоҷикистон
Ширкати IRS ҳаракати тамоми намуди нақлиёти боркашро маҳдуд кард

“Бо мақсади тавсеа бахшидани пардохти ғайринақдӣ ва нисбатан қулай намудани гузариши воситаҳои нақлиёт аз тариқи плазаҳои толлингӣ аз шумо хоҳиш менамоем, ки ба мутахассисони филиали Ширкат, ки дар ҳар плаза қарор доранд, муроҷиат ва аз ин намуди хидматрасонӣ истифода намоед”, - таъкид кардааст ширкат дар хитоб ба ронандагон.

Ин ширкат таъкид кардааст, ки гузаштан ба пардохти ғайринақдӣ ба манфиати ронандагон хоҳад буд.

Ин дар ҳолест, ки охири соли гузашта Эмомалӣ Раҳмон, раисиҷумҳури Тоҷикистон бо имзои қарори Ҳукумат тамоми ниҳодҳои давлатиро муваззаф карда буд, ки то 1 апрели соли 2019 пешниҳоди ҳамаи хадамот ба аҳолиро тариқи пардохти ғайринақдӣ фароҳам кунанд.

Бар асоси қарори Ҳукумат, вазорату идораҳои давлатие, ки ба ироаи хадамоти пулакӣ машғуланд, ба таври ҳатмӣ муваззаф шуда буданд, ки аз 1 апрели соли ҷорӣ дар баробари пули нақд ҳамаи навъҳои пардохтҳои электрониро барои ҳамаи намуди хадамот қабул кунанд.

Лентаи хабарҳо
0