Узбекские деньги, архивное фото

Бонки Марказӣ гуфт кадом пулҳои коғазиву филизӣ, дигар ба кор намераванд

653
(Таҷдидшуда 13:00 03.07.2019)
Мақомоти Узбакистон эълон кард, ки аз 1 июли соли равон баъзе аз пулҳои коғазиву филиззиро аз муомилот хориҷ мекунад

ДУШАНБЕ, 3 июл — Sputnik. Узбакистон аз аввали моҳи июл пулҳои коғазиву филиззии 50 ва 100-сӯмии кӯҳнаро аз муомилот хориҷ мекунад, иттилоъ додаастт дафтари матбуоти Бонки марказии Узбакистон.

Тибқи иттилои манбаъ, акнун ин пулҳои коғазиву филиззӣ ҳангоми хариду фурӯш дигар ба кор намераванд.

Дар ҳамин ҳол масъулини Бонки марказии Узбакистон эълон намуданд, ки пулҳои кӯҳнае, ки дар муомилот боқӣ мондааст, аҳолии кишвар метавонад дар хазинаҳои Бонки марказӣ ба пулҳо ва сикаҳои нав иваз намоянд.

Пулҳои навбаромади 10 то 500 сомонӣ дар Тоҷикистон: эълони Бонки миллӣ

Ёдрас мешавем, ки пулҳои 200 ва 500 сӯмии кӯҳна то 1 июли соли 2020 дар муомилот гардиш хоҳанд кард.

Ёдрас мешавем, ки солҳои пеш масъулони Бонки Миллии Тоҷикистон эълон карда буданд, ки бо манзури фарсуда шудани пулҳои хурд дар муомилот тангаҳои филизии навро ба муомилот мебароранд.

Ҷамолиддин Нуралиев, муовини раиси Бонки Миллии Тоҷикистон, гуфта буд, "ин имконият медиҳад, ки фарсудашавии худи асъор камтар шавад ва тангаҳои филизӣ, тавре Шумо медонед, истифодабарии он нисбат ба пулҳои коғазӣ бештар аст."

Дар Тоҷикистон тангаҳои филизӣ дар солҳои 2001, 2006, 2011, 2015 ва 2017 ба муомилот бароварда шудааст. Ҳамчунин моҳи июни соли 2018 тангаҳои филизии 1, 3, 5 сомонӣ ва 10, 20 ва 50 дирам омода шуданд.

Бонки Миллӣ ҳаҷми пулҳои филизӣ танҳо то соли 2015-ро нашр кардааст, ки ба беш аз 31 миллион сомонӣ баробар буд.

Пули миллии сомонӣ, ки ба ифтихори поягузори нахустин давлати тоҷикон Исмоили Сомонӣ номгузорӣ шудааст, дар 30-юми октябри соли 2000 ба муомилот баромад.

653
Барчаспҳо:
Бонки миллӣ, Тоҷикистон, тангаҳои нав дар муомилот, муомилот, пул, Бонк, Узбакистон
Ҷамъоварии пахта, акс аз бойгонӣ

Шиносоии раиси Суғд бо ҷамъоварии пахта дар ноҳияи Бобоҷон Ғафуров

21
(Таҷдидшуда 15:27 28.10.2020)
Раҷаббой Аҳмадзода, раиси вилояти Суғд, барои шиносоӣ бо ҷараёни ҷамъоварии пахта аз ноҳияи Бобоҷон Ғафуров боздид намуд

ДУШАНБЕ, 28 окт — Sputnik. Тибқи иттилои котиботи раиси вилоят, Аҳмадзода ба Кооперативи тиҷоратии ба номи Ҷаббор Расулови ҷамоати деҳоти Ёва ташриф оварда, бо рафти ғунучини ҳосил шинос гардид.​

Сбор урожая хлопка в Турсунзаде
© Официальная страница пресс-службы президента РТ в Facebook

“Тавре иттилоъ дода шуд, соли равон дар ноҳияи Бобоҷон Ғафуров истеҳсоли 18200 тонна пахта ба нақша гирифта шуда, то имрӯз 13234 тонна “тиллои сафед” ҷамъоварӣ шудааст. Пахтакорони ноҳия ҳамарӯза бо кӯмаки ҳашарчиён беш аз 320 тонна пахта чида, ба хирман месупоранд”, - омадааст дар иттилоия.

Манбаъ афзуд, Раҷаббой Аҳмадзода дар суҳбат бо масъулини соҳаи кишоварзии вилоят ва ноҳия таъкид кард, ки кишоварзон бояд бо истифода аз рӯзҳои офтобии фасли тирамоҳ ҷамъоварии ҳосилро ҳарчи зудтар ба анҷом расонанд. Изҳори боварӣ карда шуд, ки заркорони ноҳия рӯзҳои наздик нақшаи пешбинишударо иҷро менамоянд.

Сипас Аҳмадзода бо фаъолияти корхонаҳои пахтатозакунии “Зафариён”  ва “Юсуфсаркор” шинос шудааст, ки дар ин корхонаҳо коркарди пахта муташаккилона ба роҳ монда шуда, даҳҳо нафар сокинони маҳаллӣ бо ҷойи корӣ таъмин гардидаанд.

Раиси вилоят ҳамзамон ба манзили сокини ноҳия, собиқадори соҳаи кишоварзӣ ва механизатори номии вилоят Аҳмадҷон Қосимов ташриф оварда, ӯро аёдат намуд.

Ба иттилои котиботи раиси Суғд, механизатори хизматнишондодаи Тоҷикистон Аҳмадҷон Қосимов аз таваҷҷуҳи доимии роҳбарияти мамлакат изҳори хушнудӣ намуда, барои ободиву шукуфоии бештари Ватани азиз дасти дуо бардошт.

21
Барчаспҳо:
пахтачинӣ, раиси Суғд, Тоҷикистон
Абдуқодир Вализода, раиси тозатаъйини шаҳри Кӯлоб

Барномаи якмиллиардии рушди Кӯлоб ҳамагӣ 55 фоиз иҷро шуд: гузориши Вализода ба Раҳмон

216
(Таҷдидшуда 12:41 28.10.2020)
Абдуқодир Вализода, раиси шаҳри Кӯлоб, дар ҷаласаи Ҳукумат таҳти раёсати Эмомалӣ Раҳмон аз ҷараёни татбиқи барномаи рушди иҷтимоию иқтисодии шаҳри Кӯлоб барои солҳои 2015-2019, ки арзиши умумии он беш аз 1 миллиард сомонӣ мебошад, гузориш дод

ДУШАНБЕ, 28 окт — Sputnik. Тибқи иттилои котиботи раисиҷумҳури Тоҷикистон, барномаи мазкур 262 лоиҳаро ба маблағи умумии 1 миллиарду 46 миллиону 700 ҳазор сомонӣ, аз ҷумла аз буҷети ҷумҳуриявӣ 237 миллиону 500 ҳазор сомонӣ, буҷети вилоятӣ 5,8 млн сомонӣ, буҷети маҳаллӣ 23,7 млн сомонӣ, маблағҳои худӣ 187,1 млн сомонӣ, маблағҳои сармоягузориҳои дохилию хориҷӣ 592,6 млн сомониро дар бар мегирифт.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

"Ин Барнома аз 5 бахш, аз ҷумла бахши иқтисодӣ -саноат, кишоварзӣ, ҳифзи иҷтимоӣ - маориф, фарҳанг, тандурустӣ, инфрасохтор - таъминот бо оби нӯшокӣ, коммуналӣ, ҳолатҳои фавқулодда ва таъминоти захиравӣ иборат буд", - омадааст дар иттилоия.

Котиботи раисиҷумҳур афзуд, дар давоми амалишавии барнома то ба имрӯз ба маблағи 578 миллиону 871 ҳазор сомонӣ корҳо иҷро гардид, ки 55,3 фоизи нишондиҳандаи барномаро ташкил медиҳад.

"Дар давраи амалишавии Барнома 17 корхона ва коргоҳҳои истеҳсолӣ сохта ба истифода супорида шуданд. Дар соҳаи ҳифзи иҷтимоӣ 14 лоиҳа ба маблағи 6,9 млн сомонӣ ба нақша гирифта шуда, 4 лоиҳа иҷро, 8 лоиҳа қисман ва 2 лоиҳа иҷро нагардид. Маблағҳои лоиҳаҳои иҷрошуда 1,1 млн сомонӣ ё 15,8 фоизро ташкил дод", - илова кард дафтари матбуоти раисиҷумҳури Тоҷикистон.

Дар давраи амалишавии барнома дар ҳамаи соҳаҳои хоҷагии халқи шаҳр 14 ҳазору 742 ҷойи кори нави доимӣ ва мавсимӣ таъсис дода шудаст.

Эмомалӣ Раҳмон ба Ҳукумати ҷумҳурӣ, роҳбарияти Мақомоти иҷроияи ҳокимияти давлатии шаҳри Кӯлоб ва дигар сохторҳои марбутаи давлатӣ дастур доданд, ки “Барномаи рушди иҷтимоию иқтисодии шаҳри Кӯлоб барои солҳои 2015-2019” босифат ва пурра дар амал татбиқ карда шавад.

216
Барчаспҳо:
рушд, барнома, шаҳри Кӯлоб, Тоҷикистон
Медицинская каталка в больнице, архивное фото

Дар Бадахшон 7 бунгоҳи тиббӣ бунёд мешавад

0
(Таҷдидшуда 16:04 28.10.2020)
Сохтмони бунгоҳи тиббии ноҳияи Ванҷ, Дарвоз, Роштқалъа, Ишкошим, Мурғоб, Шуғнон ва Маркази саломатии деҳоти Дерзуд дар ноҳияи Рӯшон дар назар дошта шудааст

ДУШАНБЕ, 28 окт — Sputnik. Дар Вилояти Мухтори Кӯҳистони Бадахшон сохтмони 7 бунгоҳи тиббӣ дар назар аст, хабар медиҳад Вазорати тандурустии Тоҷикистон.

"Дар  ноҳияҳои Вилояти Мухтори Кӯҳистони Бадахшон барои беҳтар гардонидани заминаи моддию техникии муассисаҳои Кумаки аввалини тиббию санитарӣ (КАТС) 7 адад бунгоҳи тиббӣ ба нақша гирифта шудааст", - тавзеҳ медиҳад мабаъ.

Гуфта мешавад, бунгоҳҳо бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва маблағгузории Барномаи  Рушди СММ сохта мешаванд.

Бунгоҳҳои тиббӣ дар ноҳияҳои Ванҷ, Дарвоз, Роштқалъа, Ишкошим, Мурғоб, Шуғнон ва Рӯшон бунёд мегарданд.

"Тибқи нақша, сохтмони бунгоҳи тиббии Убари даргоҳ дар ноҳияи Ванҷ, Умарак дар ноҳияи Дарвоз, Миденвед дар ноҳияи Роштқалъа, Гармчашма дар ноҳияи Ишкошим, Чечекдеҳ дар ноҳияи Мурғоб,  бунгоҳи тиббии Чошкандез дар ноҳияи Шуғнон ва Маркази саломатии деҳоти Дерзуд дар ноҳияи Рӯшон дар назар дошта шудааст", - афзудааст вазорати тандурустӣ.

Таъмири 17 пули мошингузар дар ВМКБ

Дастрасии аҳолии минтақаҳои дурдасти мамлакат ба хизматрасонии тиббӣ, пешгирии бемориҳои гуногун, коҳиш додани хавфи фавти модару кӯдак ва таъсиси ҷойҳои хатнаи кӯдакон ҳамеша дар мадди назари роҳбарони давлату Ҳукумати ҷумҳурӣ қарор дорад. Аз ин рӯ ба истифода додани  бунгоҳи тиббӣ дар ноҳияҳои дурдаст барои сокинони ин деҳа ҳаётан муҳим мебошад.

 

 

 

 

0