Сомони и рубли, архивное фото

Бонки миллӣ арзиши доллар, рубл ва евроро барои имрӯз эълон кард

3997
(Таҷдидшуда 12:57 09.07.2019)
Бонки миллии Тоҷикистон қурби асъори хориҷиро дар кишвар барои 9 июл, муқаррар кардааст

ДУШАНБЕ, 9 июл — Sputnik. Тибқи иттилои Бонки миллӣ, қурби миёнаи фурӯши 1 рубли русӣ дар бозори нақди кишвар аз 0.1478  то 0.1500 сомониро ташкил медиҳад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро  аз  9,4398 то 9,4400 сомонӣ арзёбӣ кардааст, аммо корафтодагон мегӯянд, бо ин арзиш пайдо кардани доллар ғайриимкон мебошад ва қурби аслӣ хеле болотар аз он мебошад.

Бонки миллӣ қурби миёнаи фурӯши 1 евроро аз 10,5924 то 10,9000 сомонӣ арзёбӣ кардааст.

Шикваи зани 75-сола аз “Агроинвестбонк”: на 2000 долларамро медиҳанду на фоизашро

Ин ниҳод таъкид намудааст, ки дар бозори расмии ғайринақдӣ имрӯз қурби 1 доллари ИМА – 9,4398  сомонӣ, 1 евро – 10,5924 сомонӣ ва 1 рубли русӣ - 0,1478  сомониро ташкил медиҳад.

Фоиз не, пуламро диҳед: маслиҳати БМ ба модари танҳо барои пулситонӣ аз “Агроинвестбонк”

БМТ ҳушдор додааст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, ҷавобгарии маъмурӣ ва ҷиноятӣ дар пай дорад.

3997
Барчаспҳо:
Тоҷикистон, барои имрӯз, қурби асъор, Бонки миллии Тоҷикистон
Бинои Бонки миллии Тоҷикистон, акс аз бойгонӣ

Раиси Бонки миллӣ сабаби боло рафтани қурби долларро гуфт: кори ҳаннотон маҳдуд мешавад

408
(Таҷдидшуда 14:29 30.11.2020)
Ҳоким Холиқзода, раиси навтаъйини Бонки миллии Тоҷикистон, дар парлумон сабабҳои болоравии қурби доллар дар кишварро шарҳ дод

ДУШАНБЕ, 30 ноя — Sputnik. Холиқзода зимни баррасии сиёсати пулию қарзии кишвар дар ҷаласаи ахири парлумон изҳор дошт, ки аз сабабҳои асосии баланд шудани қурби фурӯши доллари нақди ИМА дар ҷумҳурӣ, ин зиёд шудани талабот ба он, идома ёфтани тавозуни манфии савдои кишвар ва коҳишёбии вуруди пул ва сармояи хориҷӣ ба ҷумҳурӣ мебошад.

Ӯ афзуд, ки дар натиҷа пешниҳоди асъори хориҷӣ дар бозори дохилӣ кам шуда буд.

“Бинобар ин, Бонки миллии Тоҷикистон барои коҳиш додани таъсири хавфҳои асъории ҷойдошта ва аз байн бурдани фарқияти байни қурби расмӣ ва қурби фурӯши доллари нақди ИМА дар бозори дохилии асъор, ду маротиба тасҳеҳи (коррексияи) якдафъаинаи қурби расмии доллари ИМА-ро амалӣ гардонид, бори аввал 20 марти соли 2020 то 5,0 фоиз ва бори дуюм 4 ноябри соли 2020 то 9,3 фоиз”, - навишт нашрияи парлумонии “Садои мардум” аз қавли Холиқзода.

Раиси нави Бонки миллии Тоҷикистон шарҳ додааст, ки тасҳеҳи мазкур имкон медиҳад, ки воридот ва интиқоли маблағ тавассути низоми бонкии кишвар бештар гардида, манфиати интиқолдиҳандагони маблағ аз хориҷи кишвар ҳимоя гардад. Ӯ инчунин муътақид аст, ки дар пайи ин иқдом шаффофияти амалиёт таъмин шуда, фаъолияти ҳаннотон дар бозорҳои ғайрибонкии нақдӣ маҳдуд мегардад.

408
Барчаспҳо:
қурб, доллар, Тоҷикистон
Пресс-конференция председателя Комитета гражданских инициатив Алексея Кудрина

Кудрин коҳиши рушди иқтисоди Русия ва афзоиши камбизотиро пешгӯӣ кард

104
(Таҷдидшуда 14:58 28.11.2020)
Роҳбари Палатаи ҳисоби Русия коҳиши рушди иқтисодиёти кишварро пешгӯӣ кард, ки афзоиши камбизоатиро дар пай хоҳад дошт

ДУШАНБЕ, 28 ноя — Sputnik. Уфти иқтисоди Русия назар ба оне ки пешгӯӣ мешавад, бештар хоҳад буд, изҳор дошт Алексей Кудрин, роҳбари Палатаи ҳисоб зимни Анҷумани умумимиллии Русия.

Ӯ таъкид кард, ки уфти пешгӯишаванда назар ба кишварҳои Аврупо камтар мебошад, аммо нисбати рақамҳое, ки дар назар дошта шудаанд, зиёдтар хоҳад буд.

“Иқтисоди Аврупо ба андозаи 8 дарсад, ҳатто қариб 9 дарсад кам хоҳад шуд. Дар мо тавре омори расмӣ мегӯяд, ба андозаи 3,9 дарсади ММД коҳиш хоҳад ёфт. Аммо ман фикр мекунам, ки уфт бештар аз 4 дарсад, ҳатто 4,5 фоиз хоҳад шуд”, - гуфт Кудрин.

Ба гуфтаи роҳбари Палатаи ҳисоб, мушкили асосӣ дар он аст, ки дар пайи уфти иқтисод сифати зиндагии шаҳрвандон бадтар хоҳад шуд. Поинравии сифати зиндагии шаҳрвандон бо нишондоди чандсола дар маҷмуъ ҳамвазн хоҳад буд.  Ӯ афзудааст, ки теъдоди шаҳрвандони ниёзманд дар Русия афзоиш хоҳад ёфт.

“Тақрибан ба миллион нафар шумораи камбизоатҳо дар мо афзоиш хоҳад ёфт”, - илова намуд Кудрин.

Вай муътақид аст, ки пандемияи коронавирус ва дигар омилҳо имкони барқарорсозии фаврии иқтисодро нахоҳанд дод ва ин ба он маъност, ки давлат  бояд захираҳои бештарро барои дастгирии табақаҳои осебпазири ҷомеа равона кунад.

104
Барчаспҳо:
афзоиш, сатҳи камбизоатӣ, Русия
Ширин Амонзода, вазири меҳнат, муҳоҷират ва шуғли аҳолии Тоҷикистон

Қабули қонуни нав: вазири меҳнат гуфт, мутахассисони бозоргир омода мешаванд

0
(Таҷдидшуда 17:02 30.11.2020)
Ширин Амонзода, вазири нави меҳнат, муҳоҷират ва шуғли аҳолии Тоҷикистон, мегӯяд, дар кишвар қонуне қабул шуд, ки алоқамандии бозори меҳнат ва таҳсилоти касбиро пурзӯр месозад

ДУШАНБЕ, 30 ноя — Sputnik. Маҷлиси намояндагони Тоҷикистон дар ҷаласаи ахир қонун “Дар бораи тайёр намудани мутахассисон бо назардошти талаботи бозори меҳнат”-ро қабул кард.

Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, мутобиқи қонуни мазкур ҷалби соҳаҳои иқтисодиёт, аз ҷумла корфармоён ва вазорату идораҳои соҳавӣ ба раванди тайёр кардани мутахассисон пешбинӣ шудаст.

Вазир гуфт, корфармоёну вазоратҳои соҳавӣ бевосита дар таҳияи Таснифоти миллии тахассусҳо, стандартҳои ҳар як касб, баҳодиҳӣ ва шаҳодатномакунии малакаи касбии мутахассисони омодашаванда иштирок менамоянд, ки ин алоқамандии бозори меҳнат ва низоми таҳсилоти касбиро қавӣ мегардонад.

“Илова бар ин, ҷорӣ намудани Низоми миллии тахассусҳо барои фаъолияти босамари минбаъдаи мутахассисони дараҷаи гуногун дар дохил ва хориҷи кишвар мусоидат менамояд”, - хабар дод нашрияи парлумонии “Садои мардум” аз қавли Амонзода.

Ӯ илова намуд, ки бо васеъшавӣ ва амиқгардии дониш ва фаҳмиши функсионалии таснифоти тахассусӣ,  имконоти ҳамкории Тоҷикистон бо давлатҳои дигар зиёд мешавад.

0
Барчаспҳо:
ҷалби мутахассисони ҷавон, бозори меҳнат, Тоҷикистон