Вывеска на здании Сохибкорбанка в Душанбе. Архивное фото

"Соҳибкорбонк" "Тавҳидбонк" шуду мехоҳад тибқи қонунҳои шариат кор кунад

826
(Таҷдидшуда 16:12 10.07.2019)
Бо қарори Шӯрои нозирони бонк расмиёти гузариши “Соҳибкорбанк” аз фаъолияти бонкии анъанавӣ ба фаъолияти бонкии исломӣ санаи 1-уми марти соли 2019 ва мӯҳлати ба итмом расидани расмиёти гузариш санаи 1-уми августи соли 2019 муқарррар гардида буд

ДУШАНБЕ, 10 июл — Sputnik. Тибқи қарори Маҷлиси умумии солонаи саҳмиядорони ҶСК “Соҳибкорбонк” аз 12 июни соли равон “Соҳибкорбанк” ба “Тавҳидбонк”, табдил дода шуд, иттилоъ додааст дафтари матбуоти бонк дар саҳифаи расмиаш дар Facebook.

 Бино бар иттилои манбаъ санаи 26 июни соли равон ба Феҳристи ягонаи қайдгирии давлатии Бонк дар Шӯъбаи бақайдгирии давлатии шахсони ҳуқуқӣ ва соҳибкорони инфиродӣ дар шаҳри Душанбе тағйирот ворид карда, санаи 01 июли соли 2019 Шаҳодатномаи дар бораи бақайдгирии ҶСК “Тавҳидбонк” ба расмият дароварда шуд.

Манбаъ таъкид намудааст, ки ҶСК “Тавҳидбонк” вориси ҳамаи ҳуқуқу ӯҳдадориҳои ҶСК “Соҳибкорбонк” ҳисобида мешавад.

Инчунин суроғаи макомоти идоракунии бонки марказии “Тавҳидбонк” ва реквизитҳои Бонк бе тағйир мононда шуд.

Бонк хотиррасон шудааст, ки бо мақсади аз бонки анъанавӣ ба бонки исломӣ табдил додани ҶСК “Соҳибкорбонк” санаи 14 марти соли 2017 Ёддошти тафоҳум миёни Корпоратсияи Исломии рушди бахши хусусӣ (ICD) ва ҶСК “Соҳибкорбонк” ба имзо расида буд.

Шайх Абдулло ба БМТ: бо сармоягузорони Қатар бонки исломӣ бисозед

Санади мазкур аз ҷониби Шӯрои нозирон ва Маҷлиси умумии саҳмдорони бонк ҷонибдорӣ карда шуда дар ин асно, байни Корпоратсияи Исломии рушди бахши хусусӣ (ICD) ва ҶСК “Соҳибкорбонк” барои табдили бомуваффақияти бонк аз бонки анъанавӣ ба бонки исломӣ Созишнома “Оиди пешниҳоди хизматрасонии мушовирӣ” ба мӯҳлати 1 сол аз санаи 26 феврали соли 2018 то 26 феврали соли 2019 ба имзо расид.

“Лоиҳаи табдилдиҳии бонк аз 9 ҷузъ (компонент) иборат буда, барои татбиқи он бо мувофиқа бо Корпоратсияи Исломии рушди бахши хусусӣ (ICD) Нақшаи корӣ таҳия гардида мутаносибан 9 гурӯҳи корӣ таъсис дода шуда буд”, - зикр намудааст манбаъ.

Раванди табдилдиҳии Бонк дар марҳилаи анҷомёбӣ қарор дошта дархости расмӣ барои гирифтани иҷозатномаи бонкдории исломӣ ба Бонки миллии Тоҷикистон ирсол шудааст. Оғози амалиётҳои бонкдории исломӣ баъди гирифтани иҷозатномаи БМТ ва анҷоми васли низоми автоматикунонидаи бонкдории исломӣ дар назар аст.

826
Барчаспҳо:
табдил, "Соҳибкорбонк", Бонки исломӣ, Бонк, Тоҷикистон
Қурбон Ҳакимзода, раиси вилояти Хатлон

Раиси Хатлон хост, кишоварзон корро аз Абдукаримов омӯзанд-акс

100
(Таҷдидшуда 20:44 03.07.2020)
Қурбон Ҳакимзода, раиси вилояти Хатлон, кори раиси хоҷагии деҳқонии "Саховат", Қиёмиддин Абдукаримовро намунаи ибрат хонд

ДУШАНБЕ, 3 июл — Sputnik. Ҳакимзода аз рафти кишти такрорӣ ва намоиши маҳсулоти кишоварзӣ дар хоҷагии деҳқонии "Саховат", воқеъ дар деҳоти ба номи Г. Юсуфоваи ноҳияи Ёвон боздид кард.

Тибқи иттилои котиботи ҳукумати Хатлон, Қиёмиддин Абдукаримов, раиси  "Саховат" ба Ҳакимзода хабар дод, ки шумораи саҳмдорони хоҷагӣ ба 20 нафар мерасад.

"Майдони умумии замини хоҷагӣ 18,3 га (корами обӣ) буда, дар 6 гектари он пахта, дар 3 гектар гандум, 1,4 гектар боғ, 7 гектар беда, 0,5 гектар маккаи дон, 0,5 гектар пиёзу дигар анвои сабзавот парвариш карда мешавад", - омадааст дар иттилоия.

Манбаъ афзуд, саҳмдорони хоҷагии деҳқонии "Саховат" ҳамасола тавассути истифодаи оқилонаи заминҳои дар ихтиёрдоштаашон ҳосили хуб ба даст оварда, хароҷоти рӯзгори худро таъмин менамоянд ва як қисмати онро ба фурӯш мебароранд.

Раиси вилоят аз фаъолияти бисёрсола ва таҷрибаи ғании Қиёмиддин Абдукаримов дар соҳаи кишоварзӣ ситоиш карда, дар мулоқот бо саҳмдорон ва деҳқонон онҳоро ба коромӯзӣ аз Абдукаримов даъват намуд.

Ба иттилои котибот, Қурбон Ҳакимзода дар ин мавзеъ ҳамчунин аз намоиши маҳсулоти кишоварзии оростаи деҳқонони хоҷагӣ дидан кард.

100
Барчаспҳо:
хоҷагиҳои деҳқонӣ, кишоварзӣ, Хатлон, Тоҷикистон
Корхона дар Хуҷанд, акс аз бойгонӣ

Суғд беш аз нисфи маҳсулоти саноатии Тоҷикистонро тавлид мекунад: Раҳмон гуфт, нокофист

113
(Таҷдидшуда 20:32 03.07.2020)
Дар панҷ моҳи соли 2020 ҳиссаи вилояти Суғд дар таркиби ҳаҷми истеҳсоли маҳсулоти саноатии Тоҷикистон 51 фоиз ва суръати рушди он 18 фоизро ташкил кардааст

ДУШАНБЕ, 3 июл — Sputnik. Дар ин бора Эмомалӣ Раҳмон, раисиҷумҳури Тоҷикистон дар мулоқот бо фаъолони Суғд хабар дода, афзуд, ки дар ин давра дар ҳудуди вилоят 29 корхона бо 370 ҷойи нави корӣ таъсис дода шуд.

"Аз ҷумла 10 корхона доир ба истеҳсоли хӯрокворӣ, 5 корхонаи дӯзандагӣ, 10 корхонаи истеҳсоли масолеҳи сохтмон таъсис дода шудааст, ки ин нишондиҳандаҳо нисбат ба имконияту захираҳои вилоят тамоман паст мебошанд", - таъкид кард раисиҷумҳур.

Эмомаллӣ Раҳмон афзуд, ки бо чунин нишондиҳандаҳо дар муҳлатҳои муқарраршуда расидан ба ҳадафи стратегӣ - саноатикунонии босуръати кишвар бисёр мушкил мегардад.

"Таҷриба нишон медиҳад, ки дар шароити паҳншавии бемориҳои сироятӣ зиёд намудани ҳаҷми истеҳсоли маҳсулоти ватанӣ ва таъсиси ҷойҳои корӣ яке аз тадбирҳои асосӣ ва муҳимми пешгирӣ кардани пайомадҳои манфии он ба иқтисодиёт мебошад. Дар ин росто, зарур аст, ки доир ба таъмини фаъолияти муназзами соҳаҳои истеҳсолӣ ва пешгирии аз кор мондани корхонаҳо тадбирҳои иловагӣ андешида шаванд", - илова намуд раисиҷумҳур.

113
Барчаспҳо:
Эмомалӣ Раҳмон, Суғд, Тоҷикистон
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Муттаҳам дар таҷовузи духтари сесола: оғози мурофиаи парвандаи Зиеёв дар суди Душанбе: акс

803
(Таҷдидшуда 00:00 04.07.2020)
Додгоҳи шаҳри Душанбе ба баррасии парвандаи марде оғоз кардааст, ки дар таҷовузи духтарчаи сесола муттаҳам мешавад

ДУШАНБЕ, 3 июл — Sputnik. Дафтари матбуотии додгоҳи пойтах бо нашри аксҳо аз оғози баррасии парвандаи таҷовузи духтари сесола хабар додааст.

Тибқи иттилои манбаъ, мурофиаи додгоҳӣ имрӯз, 3 июли дар толори судии суди шаҳри Душанбе бо парвандаи ҷиноятӣ бо айбдории Зиёев Юсуф Раҷабалиевич барои содир намудани таҷовуз ба номуси духтарчаи се сола оғоз шудааст.

Ба иттилои манбаъ Зиёев Юсуф  бо моддаҳои 138 қисми 3 банди “а”, 139 қисми 4 банди “а” ва 127 қисми 1 Кодекси ҷиноятии ҷумҳурии Тоҷикистон гунаҳгор дониста мешавад.

Дафтари матбуотии додгоҳи Душанбе ҷузъиёти пурраи парвандаро нашр накардааст.

Тибқи Кодекси ҷиноятии Тоҷикистон қисими сеюми моддаи 138 (таҷовуз ба номус нисбат ба духтари баръало ба синни чордаҳсолагӣ нарасида ё хеши наздик) – аз 12 то 25 соли зиндон ё ҳукми қатл ё ҳабси умрбод пешбинӣ шудааст.

  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
1 / 3
Пресс-служба столичного суда
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Ҳамчунин қисми чори моддаи 139-и Кодекси ҷиноии кишвар барои ҳаракати зўроварии дорои хусусияти шаҳвонӣ нисбат ба шахси баръало ба синни чордаҳсолагӣ нарасида аз 15 то 20 соли зиндонро дар бар мегирад.

Қисми якуми моддаи 127 бошад дидаю дониста дар хатар монондан ва нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад ва аз сабаби хурдсолӣ, пиронсолӣ, беморӣ ё аз сабаби оҷизии худ имконияти андешидани чораҳои худмуҳофизатиро надорад, ҳангоме, ки шахси гунаҳгор метавонист ба ин шахс ёрӣ расонад ва вазифадор буд нисбати ў ғамхорӣ зоҳир намояд ё худаш ўро дар ҳолати барои ҳаёт ё саломатиаш хатарнок гузоштанро дар бар гирифта, ашхоси муттаҳам бо чунин моддаро ду сол зиндон таҳдид мекунад.

803