Глава Нацбанка Таджикистана Джамшед Нурмахмадзода

Раиси Бонки миллӣ сабаби болоравии қурби долларро гуфт

632
(Таҷдидшуда 16:57 24.07.2019)
Давоми шаш моҳи соли равон қурби расмии сомонӣ нисбатан муътадил буда нисбат ба доллар 0,1 фоиз коҳиш ёфт, ки нисбат ба ҳамин давраи соли гузашта 3,7 банди фоизӣ кам мебошад

ДУШАНБЕ, 24 июл — Sputnik. Раиси Бонки миллии Тоҷикисто Ҷамшед Нурмаҳмадзода, зимни нишасти матбуотӣ, сабаби беқурбшавии пули миллиро шарҳ дод.

Ба гуфтаи вай, солҳои пеш аз буҳрони молиявӣ дар Русия то 80 дарсади пулҳои интиқолдодаи муҳоҷирони меҳнатӣ аз Русия бо доллар фиристода мешуд, аммо пас аз буҳрони молиявӣ интиқоли долларро аз ин кишвар манъ карда шуд.

“Давлати абарқудрати Русия сиёсаташро дигар карду, интиқоли долларро ба Тоҷикистон манъ кард. Русия доларҳои интиқолдодашударо танҳо бо рубли русӣ пардохт мекард”, - гуфт вай.

Вай таъкид дошт, ки ҳамон замон Бонки миллӣ маҷбур шуд, барои қенеъ намудани талаботи мардум ба асъори хориҷӣ, аз Русия бо фоизи муайян рубли русӣ харидорӣ намуданд.

Ҷамшед Нурмаҳмадзода, ноустувории қурби рубли русӣ, омилҳои вобаста ба болорави ва пастравии нархи нафту газ, таҳримҳо ва манъи интиқоли доллар аз Русия ба Тоҷикстонро сабаби асосии беқурбшавии сомонӣ арзёбӣ кард.

Вай афзуд, Бонки миллӣ дар гузашта барои пешгирӣ аз амалҳои ҳаннотӣ аз тарафи саррофон, чораҳои ҷидди андешид ва дар ин сиёсати пешгирифта Бонки ба натиҷаҳои мусбат ҳам расид.

Раиси Бонки миллӣ таъкид намуд, ки чораҳои амали намудаи Бонк боиси муътадил гаштани қурби сомонӣ шуд.

Бонки миллии Тоҷикистон дар давоми нимсолаи якуми соли 2019 сиёсати реҷаи қурбии “шинокунандаи танзимшаванда, бе муайян ва эълон кардани ҳудудҳои тағйирёбии қурб”-ро идома дод.

Ӯ гуфт, тағйирёбии муътадили қурб зери таъсири якчанд равандҳои мусоиди иқтисодию молиявии ҷаҳону минтақа, бахусус давлатҳои шарикони асосии тиҷоратӣ ва инчунин маҷмӯи чораҳои татбиқшавандаи сиёсати пулию қарзӣ сурат гирифт.

Аз ҷумла вай афзуд, ки устуворшавии қурби пули миллии шарикони асосии тиҷоратӣ, аз қабили рубли русӣ 9,2 фоиз, рубли беларусӣ 5,4 фоиз, тангаи қазоқӣ 1,0 фоиз ва юани чинӣ 0,1 фоиз нисбат ба доллар ба қайд гирифта шуд, ки ба муътадилии қурби сомонӣ замина гузошт.

Айни замон аз ҷониби ташкилотҳои қарзӣ талаботи шахсони воқеӣ ва ҳуқуқӣ қонеъ карда шуда истодааст.

632
Барчаспҳо:
омилҳо, доллар, беқурбшавӣ, пули миллӣ, Ҷамшед Нурмаҳмадзода, Бонки миллӣ, Тоҷикистон