Национальный банк Таджикистана

Бонки миллӣ ба ташкилоти “Суғуртаи аввалини миллӣ” иҷозатномаи нав пешниҳод кард

75
Раёсати Бонки милии Тоҷикистон ба Ҷамъияти саҳомии пӯшидаи Ташкилоти суғуртавии “Суғуртаи аввалини миллӣ” барои фаъолияти суғуртавӣ аз рӯи намудҳои муайян, то 2-юми июни соли 2021 иҷозатномаи нав пешниҳод кард

ДУШАНБЕ, 6 авг — Sputnik. Дафтари матбуоти Бонки миллӣ хабар додааст, ки Раёсати Бонк бинобар сабаби тағйир ёфтани шакли ташкилию ҳуқуқии Ташкилоти суғуртавии “Суғуртаи аввалини миллӣ” ва иваз шудани маҳалли ҷойгиршавии он то 2-юми июни соли 2021 иҷозатномаи нав додааст.

“Раёсати Бонки миллӣ мутобиқи банди 1 моддаи 12 Қонуни Тоҷикистон “Дар бораи иҷозатномадиҳӣ ба баъзе намудҳои фаъолият”, банди 1 боби 10 Низомнома дар бораи хусусиятҳои иҷозатномадиҳӣ ба баъзе намудҳои фаъолият қарори навбатиро аз 5 августи соли 2019, таҳти № 88 ба тасвиб расонид, ки тибқи он бинобар сабаби тағйир ёфтани шакли ташкилию ҳуқуқии ҷамъиятӣ ва иваз шудани маҳалли ҷойгиршавии он, ба Ташкилоти суғуртавии “Суғуртаи аввалини миллӣ” Иҷозатнома ҷиҳати амалисозии фаъолияти суғуртавӣ аз рӯи намудҳои муайян, тавассути аз нав ба расмият даровардан ба муҳлати то 2-юми июни соли 2021 дода шуд”, - таъкид намудааст манбаъ.

Дар ҳамин ҳол, масъулини Бонки миллӣ қайд намуданд, ки мутобиқи қарори мазкур Иҷозатномаи ҶДММ Ташкилоти суғуртавии “Суғуртаи аввалини миллӣ” аз 2 июни соли 2016, аз эътибор соқит дониста шуд.

Раёсати Бонки миллӣ Идораи назорати суғуртавиио уҳдадор намудааст, ки дар Феҳристи ягонаи давлатии иштирокчиёни касбии бозори суғурта доир ба тағйироти мазкур сабти дахлдор ворид намояд.

75
Барчаспҳо:
Душанбе, суғурта, ташкилот, иҷозатнома, Тоҷикистон, Бонки миллӣ
Эмомали Рахмон, архивное фото

Кӣ COVID 19-ро ба бизнес табил дод? Раҳмон бархе номҳоро гуфт

1327
(Таҷдидшуда 15:12 03.07.2020)
Эмомалӣ Раҳмон, раисиҷумҳури Тоҷикистон аз мақомдороне интиқод кард, ки ба нақзи қонунҳои бахши беҳдошт даст задаанд. Ӯ инчунин бархе номҳоро гуфт, ки бо сӯиистифода аз COVID – 19 ба фиребкорию пулкоркунӣ машғул шудаанд

ДУШАНБЕ, 3 июл — Sputnik. Эмомалӣ Раҳмон дар мулоқот бо фаъолони Суғд, таъкид кард, ки масъулон бояд хароҷоти мақсадноку суроғавии кумакҳои башардӯстона, таъмини муассисаҳои тандурустӣ бо таҷҳизоти тиббӣ, доруворӣ ва маводи безараргардониро ҷиддӣ назорат намоянд.

Ӯ гуфт, санҷишҳои прокурорӣ ҳолатҳоеро ошкор намудаанд, ки шахсони алоҳида аз вазъи бамиёномада истифода бурда, ба фиреби истеъмолкунандагон даст задаанд.

"Масалан, мудири анбори беморхонаи марказии шаҳри Конибодом Муминов Н. аз ташкилоти ҷамъиятии “Имдоди Ғайрат” 15 дона либоси махсуси тиббиро ба маблағи 120 сомонӣ харидорӣ намуда, онро беасос ва ғайриқонунӣ бо нархи 250 сомонӣ фурӯхтааст”, - изҳор дошт Раҳмон.

Ӯ афзуд, сокини шаҳри Исфара Пӯлотов С. бошад, дар давоми моҳи майи соли равон бе иҷозатномаи мақомоти давлатӣ ва бе таъмини шароити дахлдор ба истеҳсоли маҳлули тиббии антисептикӣ машғул гардида, 22 майи соли 2020 ғайриқонунӣ 3200 адад маҳлули антисептикии қалбакӣ омоданамудаашро дар бозори шаҳр ба фурӯш баровардааст.

“Ғайр аз ин, ӯ такроран 23 майи соли равон 2400 адад маҳлули антисептикии ғайриқонунӣ омоданамудаашро ба сокини шаҳри Исфара Ҷӯраев Р. ба маблағи 4320 сомонӣ фурӯхтааст. Нисбат ба номбурда 18 июни соли 2020 парвандаи ҷиноятӣ оғоз гардидааст”, - илова намуд Раҳмон.

Ӯ таъкид намуд, ки ҳолати иҷрои қонунгузорӣ дар самти ҳифзи саломатии аҳолӣ аз ҷониби мақомоти прокуратура мунтазам мавриди санҷиш қарор гирифт.

"Дар натиҷа ҳолатҳои аз тарафи шахсони мансабдор риоя нагардидани меъёр ва қоидаҳои ҳифзи саломатии аҳолӣ, муомилоти маводи дорувории пастсифат, бе иҷозатнома ва бо вайрон кардани талаботи қонунгузорӣ машғул шудан ба фурӯши маводи доруворӣ азонихудкунии маблағҳои буҷетӣ ва дигар қонунвайронкуниҳо ошкор карда шудаанд", - хабар дод раисиҷумҳур.

Ба гуфтаи Президент, дар натиҷаи санҷишҳо дар ин самт 45 парвандаи ҷиноятӣ оғоз карда шудааст.

Ин дар ҳолест, ки қаблан расонаҳо дар Тоҷикистон ва гуруҳе аз фаъолон дар шабакаҳои иҷтимоӣ аз ҷой доштани ҳолатҳои фурӯши ғайриқонунии лавозимоти беҳдошт дар бархе аз муассисаҳои тиббии кишвар хабар дода буданд, аммо мақомоти тандурустӣ ин иддаоро рад мекарданд.

 

1327
Барчаспҳо:
пул, вируси нав, Тоҷикистон
Сомони и доллары, архивное фото

Аз коҳиши рубл то суқути доллар: Бонки миллӣ арзиши асъорро барои имрӯз эълон кард

661
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Тибқи нишондодҳо рубл тайи ҳафтаи равон беш аз ду сомонӣ поин рафтааст

ДУШАНБЕ, 3 июл — Sputnik. Тибқи нишондоди Бонки миллии Тоҷикистон арзиши 1 рубли русӣ то 0.1446  ва дар бозори нақдии кишвар 0.1500 сомонӣ арзиш дорад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3088 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6366 то 11.9000 сомонӣ арзёбӣ кардааст.

Бар пояи нишондодҳои ахир, арзиши рубл дар бозори асъори кишвар, ки аввали ҳафтаи равон каме боло буд, имрӯз ҷумъа ҳадди ақат то ду сомонӣ поин рафтааст.

 Доллар бошад, давоми ҳафтаи равон дар ҳоли суқут қарор дорад, аммо коршиносони умури иқтисод қаблан гуфта буданд, ки ҷаҳиши ин астъор дар моҳи июл шурӯъ хоҳад шуд.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1475 то 0,1495 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1460 то 0.1500 ва дар “Алифбон” бошад 1 рубл аз 0,1455 то 0,1490 сомонӣ нишон дода шудааст.

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

 

661
Встреча Президента Беларуси Александра Лукашенко и Президента Таджикистана Эмомали Рахмона

Раҳмон Лукашенкоро ба солгарди истиқлолияти Белорусия табрик кард

0
(Таҷдидшуда 16:13 03.07.2020)
Президенти Тоҷикистон Эмомалӣ Раҳмон ва як қатор раҳбарони дигари ҷаҳон ба президенти Беларус Александр Лукашенко барқияи табрикотӣ ирсол кардаанд

ДУШАНБЕ, 3 июл — Sputnik. Президенти Тоҷикистон Эмомалӣ Раҳмон ба ҳамтои беларусаш Александр Лукашенко барқияи шодбошӣ ирсол намудааст, иттилоъ медиҳад хабаргузории “БелТА” бо истинод ба хадамоти матбуоти дастгоҳи раёсати ҷумҳури он кишвар.

Дар барқияи табрикотӣ Эмомалӣ Раҳмон ба рушди ҳамкориҳои иқтисодӣ миёни ду кишвар дахл кардааст.

"Ҳамкорӣ бо Белорусия дар сиёсати хориҷии Тоҷикистон мақоми аввалиндараҷаро ишғол мекунад ва итминон дорам, ки бо саъю кӯшишҳои муштарак мо тамоми имконоти потенсиалии кишварҳоямонро барои ноил шудан ба ҳадафҳои муштарак баҳри  ояндаи осоишта ва хушбахтии ду кишвар пурра татбиқ хоҳем кард" гуфтааси президенти ҷумҳурӣ дар паёми шодбошияш .

Ҳамчуни раҳбарони Русия, Чин, Фаронса ИМА ва Бритониёи Кабир низ Лукашенкоро бо иди миллии кишвари Белорус табрик кардаанд.

Лукашенко нақл кард, ки чӣ гуна дӯсташ Раҳмон вориди Душанбе шуд, то тартибот ҷорӣ кунад

укашенко нақл кард, ки чӣ гуна дӯсташ Раҳмон вориди Душанбе шуд, то тартибот ҷорӣ кунад

Гуфта мешавад, номаҳои табрикотӣ аз ҷониби ҳамаи сарони давлатҳои Осиёи Марказӣ фиристода шудаанд.

0