Вид на город Хорог, ГБАО.

Аз Ҳинд то Чин: дар Хоруғ Форуми байналмилалии "Помиринвест - 2019" баргузор шуд

272
(Таҷдидшуда 17:13 06.08.2019)
Дар шаҳри Хоруғи ВМКБ аз ҷониби Кумитаи давлатии сармоягузорӣ ва идораи амволи давлатӣ ва мақомоти вилоят Форуми байналмилалии сармоягузории Помиринвест - 2019 баргузор шуд

ДУШАНБЕ, 6 авг — Sputnik. Дар Форуми мазкур беш аз 150 кас, аз ҷумла роҳбарону масъулони мақомоти давлатӣ, сармоягузорон аз ИМА, Канада, Покистон,  Ҳиндустон ва Чин, доираҳои соҳибкории шаҳри Душанбе, ВМКБ, вилоятҳои Суғду Хатлон иштирок намудаанд.

Бино ба гузориши хадамоти матбуотии мақомоти вилоят, дар қисмати расмии Форум раиси ВМКБ, Ёдгор Файзов, муовини раиси Кумитаи давлатии сармоягузорӣ ва идораи амволи давлатӣ Аҳмадзода Орзу Ҳусейн, муовини вазири молия Гулмуродзода Карим, муовини раиси Кумитаи рушди сайёҳӣ Амонзода Ширин, роҳбари намояндагии Ташкилоти Оқохон оид ба рушд дар Ҷумҳурии Тоҷикистон Қозидавлат Қоимдодов ва директори генералии ширкати “Помирэнерҷӣ” Ҷумаев Далер сухан гуфтанд.

Аз ҷониби муовини директори генералии “Тоҷинвест” – назди Кумитаи давлатии сармоягузорӣ ва идораи амволи давлатӣ Ҷавоҳирлаъл Музаффарӣ портали сармоягузорӣ ва соҳибкории В2В муаррифӣ карда шудааст.

Файзов, диққати ҳозиринро ба имкониятҳои сармоягузорӣ дар вилоят ҷалб намуда, оид ба самтҳо ва имкониятҳои мавҷудаи ҳамкорӣ ва ҳалли мушкилоти вобаста ба пешбурди фаъолияти сармоягузорию соҳибкорӣ дар вилоят ибрози ақида намудааст.

Муовини Раиси Кумитаи давлатии сармоягузорӣ ва идораи амволи давлатӣ Аҳмадзода Орзу доир ба тадбирҳои андешидани Ҳукумати Ҷумҳурии Тоҷикистон дар самти беҳтаргардонидани фазои сармоягузорию соҳибкорӣ, инчунин самтҳои ояндадори ҳамкорӣ суханронӣ кардааст.

Ҳамзамон дар доираи чорабинӣ намоишгоҳи молу маҳсулот баргузор шуда, навори видоии имкониятҳои сармоягузории Вилояти Мухтори Куҳистони Бадахшон ба намоиш гузошта шудааст.

Тибқи иттилои манбаъ, ҳамчунин чорабинӣ дар се панели алоҳида дар мавзӯҳои “Роҳҳо ва усулҳои такмили сиёсати давлатӣ дар самти сармоягузориву соҳибкорӣ дар ВМКБ”, “Минтақаҳои озоди иқтисодӣ ҳамчун омили суръатбахши саноатикунонии Тоҷикистон” ва “Имкониятҳои рушди соҳибкорӣ дар бахши сайёҳӣ ва ҷалби сармоя ба инфрасохтори саёҳӣ” идома намуд.

Дар доираи мулоқоти В2В соҳибкорон бо соҳибкорон имкониятҳои ба роҳ мондани ҳамкорӣ мавриди баррасии ҷонибҳо қарор гирифтааст.

Аз натиҷаи баргузории мулоқоту мустақими соҳибкорону сармоягузорон баимзорасонии як қатор санадҳои ҳамкорӣ ба нақша гирифта шудааст.

Мавриди зикр аст, ки дар доираи баргузории Форуми байналмилалии сармоягузории Помиринвест – 2019 рӯзҳои 7–8 август баргузории як қатор чорабиниҳои дигар, аз ҷумла шиносоӣ бо имкониятҳои сайёҳии вилоят, боздид аз корхонаҳои истеҳсолӣ ва дигар чорабиниҳои марбут ба муаррифии имкониятҳои сармоягузорӣ дар Вилояти Мухтори Куҳистони Бадахшон ба нақша гирифта шудааст.

272
Барчаспҳо:
сармоягузорӣ, иқтисод, Форуми иқтисоду ҳамкорӣ, ВМКБ, Тоҷикистон
Махмадтоир Зокирзода

Раиси Маҷлиси намояндагон: Кодекси нави андоз то охири сол пешниҳод мешавад

47
Маҳмадтоир Зокирзода, раиси Маҷлиси намояндагони Тоҷикистон, аз ҳадафҳое гуфт, ки соли равон намояндагони мардумӣ пеш гузоштаанд

ДУШАНБЕ, 5 июл — Sputnik. Зокирзода дар ҷаласаи ахири парлумон зимни ҷамъбасти фаъолияти Иҷлосияи якуми Маҷлиси намояндагон, даъвати шашум ба масъалаи дастгирии бахши хусусӣ таъкид кард.

Ӯ аз паёми Эмомалӣ Раҳмон, раисиҷумҳури Тоҷикистон, иқтибос овард, ки “Ҳадафи мо аз такмили қонунгузорӣ, ки ба дастгирӣ ва рушди бахши хусусӣ, махсусан, истеҳсоли маҳсулоти ниҳоӣ равона гардидааст, ҷорӣ намудани низоми дақиқи андозбандӣ, сода гардонидани расмиёти иҷозатдиҳиву иҷозатномадиҳӣ ва кам кардани шумораи онҳо, ба талаботи замони муосир мутобиқ намудани тартиби пешниҳоди хизматрасониҳои давлатӣ ва роҳандозии чораҳои ҳавасмандгардонӣ мебошад”.

Раиси Маҷлиси намояндагони Тоҷикистон афзуд, ҳоло дар ин замина барои таҳияи Кодекси нави андоз кор идома дошта, то охири соли равон он бояд пешниҳод карда шавад.

Ӯ инчунин ҳушдор дод, ки дар пайи хуруҷи  COVID-19 бо сабаби шиддат гирифтани буҳрони иқтисодиву молиявӣ, баланд гардидани сатҳи бекорӣ ва камбизоатӣ, норасоии ғизо ва болоравии нархҳо  вазъият дар ҷаҳон боз ҳам мушкил мегардад.

47
Барчаспҳо:
Кодекси андоз, Тоҷикистон
Здание Национального банка Таджикистана, архивное фото

Бонки миллӣ арзиши рубл, доллар ва евроро барои имрӯз эълон кард

268
(Таҷдидшуда 11:42 04.07.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 23 июни соли равон эълон кард

ДУШАНБЕ, 4 июл — Sputnik.  Тибқи нишондоди Бонки миллии Тоҷикистон арзиши 0.1441 сомониро ташкил медиҳад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3090 то 10.3100 сомонӣ арзёбӣ кардааст.

Бонки миллӣ қурби миёнаи фурӯши 1 евроро аз 11.5708 то 11.9000 сомонӣ арзёбӣ кардааст. Тибқи нишондоди Бонки миллии Тоҷикистон арзиши 1 рубли русӣ дар муассиcаҳои ташкилоти қарзии Тоҷикистон аз 0.1441 то 0.1490 сомонӣ арзиш дорад.

Пешбинии коршинос: арзиши доллар тобистон поён мераваду рубл боло

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3090 сомонӣ, 1 евро – 11.5708 сомонӣ, 1 рубли русӣ — 0.1441 сомонӣ.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

268
Барчаспҳо:
барои имрӯз, қурби асъор, Тоҷикистон
Российской военно-транспортной авиации 89 лет

Даргузашти Шоира Бузрукова сартабиби таваллудхонаи вилоятӣ дар Хуҷанд

0
Шоира Бузрукова, сардухтури таваллудхонаи вилояти Суғд сана 4 июли соли 2020 дар шаҳри Хуҷанд аз олам даргузашт

ДУШАНБЕ, 5 июл — Sputnik. Дар бораи марзи табиб Назира Ғаффорӣ дар саҳифаи фейсбукияш иттилоъ додааст.

Баҳодурхон Раҳматов, донишноманигори шинохтаи тоҷик
Сарредаксияи илмии Энсиклопедияи миллии Тоҷик
“4 июли соли 2020 дили яке аз инсонҳои наҷиб, табиби ҳозиқ, вориси арзандаи Сино, бонуи оқилу бафазилат, номзади илмҳои тиб, роҳбари кордону ташаббускор, ташкилотчии моҳир, зани соҳибмаърифату соҳибикром, матиниродаву накӯкор, зиндагидӯсту зебопараст, ҳалиму меҳрубон, хушсухану хушодоб, модари мушфиқу ғамхор Бузурукова Шоирахон Камоловна аз тапиш бозмонд”,-навиштааст хонум Ғаффорӣ.

Ба навиштаи ӯ, Шоирахон Камоловна барои рушди соҳаи тандурустӣ дар вилоят, ҳифзи саломатии модару кӯдак ва ҳамчун вакили мардумӣ дар Маҷлисҳои вакилони халқи шаҳри Хуҷанд ва вилояти Суғд дар ҳалли бисёр масъалаҳои мубрами ҳаёти ҷомеа, хосатан дар соҳаи тиб саҳми шоиста гузоштааст.

Аммо дар бораи аз чи беморӣ фавтидани табиб иттилоъ дода нашудааст.

Гуфта мешавад, Шоира Бузрукова, дар раёсати тандурустии вилояти Суғд кор кардаву муддатҳо  таваллудхонаи шаҳри Хуҷандро роҳбарӣ мекард.

Солҳои охир вай ба ҳайси сардухтури таваллудхонаи вилояти Суғд  ва ҳамзамон вакили мардумӣ дар Маҷлисҳои вакилони халқи шаҳри Хуҷанд ва вилояти Суғд буд.

0