Вид на город Хорог, ГБАО.

Озмуни 930 000 доллараи БАТР барои азнавсозии хати оби Хоруғ

285
(Таҷдидшуда 11:51 09.08.2019)
Бонки Таҷдид ва Рушди Урупо барои азнавсозии хати об ва ташноби шаҳри Хоруғ паймонкор меҷӯяд

ДУШАНБЕ, 9 авг — Sputnik. Бонки Таҷдид ва Рушди Урупо ба мақомоти Вилояти Мухтори Кухистони Бадахшон хабар дода, ки маблағгузорӣ барои азнавсозии хати об ва ташноби шаҳри Хоруғ шурӯъ гардид.

Дар ин бора сухангӯи раиси вилоят, Ғолиб Ниятбеков хабар додааст.

Гуфта мешавад, ки ба ин хотир, барои ду тендер бо маблағи 930 000 долар озмун эълон шудааст.

"Дар рӯзҳои наздик боз озмуни мазкур барои се тендери нав баргузор мешавад", - омадааст дар хабарнома.

Бино ба гузориши манбаъ, шартномаи ҳамкорӣ оид ба тоза ва коркарди партовҳо дар Дастгоҳи иҷроияи Президенти Ҷумҳурии Тоҷикистон қарор дошта, пас аз анҷоми таътили вакилон ҷиҳати таҳлилу баррасӣ ба Маҷлиси намояндагон манзур мегардад.

Ёдовар мешавем, ки  Бонки Таҷдид ва Рушди Урупо барои барқароркунии хати обу ташноб ва коркарди партовҳои сахт 8 миллион евро ҷудо намуда буд, ки 4 миллион еврои он ба тариқи грант ҷудо гардида буд.

Пойгоҳи обу ташноби шаҳри Хоруғ солҳои 60 – и асри гузашта барои 7 ҳазор аҳолии он давра бо иқтидори 630 метри кубӣ бунёд гардида буд.

Имрӯз аҳолии шаҳр беш аз 31 ҳазор нафарро ташкил дода, қариб 5 маротиба афзоиш ёфтааст, ки талаботи пойгоҳи ташноб ба 2,5 ҳазор метрии кубӣ баробар шудааст ва аксарияти хатҳои обу коррезӣ дар ҳолати фарсудашавӣ карор гирифтаанд.

Дар назар аст, ки барои азнавсозии хати обу коррезӣ 4 миллион евро ба кор бурда шавад. 

Тарҳи дигар, ин идоракунии партовҳои сахти маишии шаҳри Хоруғ аст, ки ҳазинаи сохтмони он 4 миллион евро гуфта шудааст, ки аз ин 2 миллиони он ҳамчун қарзи бонкӣ мебошад.

Дар асосии амалисозии ин лоиҳа тамоми нуқтаҳои партови шаҳри Хоруғ аз навсози ва бо қутиҳои ахлопарто таъмин хоҳанд шуд.

Илова бар ин, дар доираи амалисозии лоиҳаи мазкур тасмим аст, ки зиёда аз 11 адад техникаи махсуси комуналӣ барои интиқоли партов таъмин гардида, бунёди мошинсарой ва бозсозии бинои хоҷагии манзили камуналии шаҳр низ дар назар дошта шудааст.

285
Барчаспҳо:
азнавсозӣ, Бонки таҷдид ва рушди Аврупо, ВМКБ, Хоруғ, Тоҷикистон
Заведующая сектором Центра постсоветских исследований Института экономики РАН Елена Кузьмина

Кузмина: кушодашавии транзит тавассути Эрон масири лоҷувардӣ барои Тоҷикистон хоҳад буд

270
Кушодани роҳи транзит ба Эрон тавассути Афғонистон барои Тоҷикистон хеле муҳим аст, гуфт Елена Кузнетсова, мудири бахши Маркази пажӯҳишҳои пасошӯравии ИМЭМО РАН ба номи Е.Примаков

ДУШАНБЕ, 2 июн – Sputnik. Афғонистон омодагии худро барои интиқоли бор тавассути қаламраваш аз Эрон ба Тоҷикистон ва Узбакистон танҳо пас аз кушодани марзҳо байни Эрон ва Туркманистон эълом кард.

Ба андешаи Елена Кузнетсова ба Sputnik Тоҷикистон гуфт:"Ин масири лоҷувардӣ барои Тоҷикистон ва тамоми Осиёи Марказист. Ҳама гуна масирҳои транзитӣ барои ин кишварҳо хеле муҳиманд, зеро ин давлатҳо ба баҳр дастрасӣ надоранд".

Ба ақидаи ӯ, ин бо Афғонистон, ҳадди ақалл аз ҷиҳати бехатарии бор, душворӣ пеш меорад, ҳарчанд мақомоти Афғонистон амнияти комилро ваъда медиҳанд.

Ӯ мегӯяд, новобаста ба он ки пандемияи коронавирус вуҷуд  дорад, аммо ҳаракатҳои транзитӣ қатъ нагашт.

"Нахуст сухан дар бораи ҳалли масъалаҳои тарифҳои байнидавлатӣ ва иқтисодӣ ва пеш аз ҳама транзитӣ меравад. Бо назардошти вазъи душвори иқтисодии Туркманистон пеш аз пандемия, ҳоло яке аз имкониятҳои ин кишвар баланд бардоштани тарифҳои транзитӣ мебошад, ки барои ҳамаи давлатҳои дигар фоидаовар нест", - коршинос мешуморад.

Аммо, ба гуфтаи вай, ҳоло кишварҳо сари ин масъала ба мувофиқа нарасидаанд.

"Барои Тоҷикистон, ин боз ҳам муҳимтар аст, зеро дар ин кишвар муддати тӯлонӣ ҳамлу нақл дар ҳоли маҳдуда қарор дошт, ки дар имкони рушди иқтисодӣ таъсири ҷиддӣ гузошт", гуфт коршинос.

Қаблан Рӯҳуллоҳ Латифӣ, сухангӯи Идораи гумруки Ҷумҳурии Исломии Эрон (IRICA) гуфт, кишвараш аз 1 июн сарҳадҳоро бо Туркманистон боз мекунад.

Гуфта мешавад ин танҳо дар ҳоле имконпазир мегардад, ки чораҳои зиддиэпидемиологӣ пурра риоя карда мешаванд.

Мақомоти Афғонистон дар робита ба ин гуфтааст, ки дар рӯзҳои наздик, Афғонистон омода аст, ки роҳи транзити Эронро тавассути кишвараш ба Тоҷикистон ва Узбакистон кушояд, аммо дар баробари ин шарт гузоштааст, ки Эрон сарҳади Туркманистонро боз кунад.

 

 

270
Барчаспҳо:
коло, транзит, Туркманистон, Эрон, Афғонистон, Тоҷикистон
Таджикские сомони и рубли, архивное фото

Ҷаҳиши қурби рубл дар Тоҷикистон: Бонки миллӣ арзиши асъори хориҷиро эълон кард

953
(Таҷдидшуда 10:51 02.06.2020)
Давоми як шабонарӯзи ахир дар бозори расмии асъори Тоҷикистон арзиши рубл нисбат ба пули миллӣ то ду сомонӣ боло рафтааст

ДУШАНБЕ, 1  июн — Sputnik. Тибқи нишондоди Бонки миллии кишвар арзиши 1 рубли русӣ то 0.1468 ва дар бозори нақдии кишвар 0.1480 сомонӣ арзиш дорад. Ин нишондод рӯзи гузашта ба 0.1444 то 0.1465 сомонӣ баробар буд.

Ин ниҳод қурби миёнаи фурӯши 1 долларро дар муассисаҳои қарзии Тоҷикистонро аз 10.2707 то 10.2700 сомонӣ арзёбӣ кардааст.

Бонки миллӣ қурби миёнаи фурӯши евроро 11.4107 то 11.5000 сомонӣ арзёбӣ кардааст.

Миёни бонкҳои кишвар нишондоди асъори хориҷа дар “Бонки Эсхата” болотар буда хариду фурӯши 1 рубл аз 0.1470 то 0.1505 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1480 ва дар “Алифбон” бошад 1 рубл аз 0,1460 то 0,1500сомонӣ нишон дода шудааст.

Болоравии рубл ҳамзамон дар бозори асъори байналмилалӣ дар ҳолест, ки доллар тайи ду моҳи ахир дар ҳоли суқут қарор дорад. Коршиносон низ пешгӯӣ мекунанд, ки дар пайи ҳаводиси ахир дар ИМА ва танишҳояш бо Чин метавонад ба коҳиши доллар сабаб гардад.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

953
Барчаспҳо:
асъор, евро, доллар, сомонӣ, рубл, Бонки Миллӣ, Тоҷикистон
Ребенок в воде на закате, архивное фото

Ҷасади писари 9-сола, ки бо падараш дар дарёи Хумбов сарозер шуд, пайдо гашт

0
(Таҷдидшуда 03:08 03.06.2020)
Ҷасади писари 9-сола, ки ҳамроҳ бо падараш дар натиҷаи садамаи нақлиётӣ ба дарёи Хумбов сарозер шуда буд, пас аз ду рӯз тақрибан 300 метр поёнтар аз ҷои ҳодиса, дар соҳили дарё пайдо шуд

ДУШАНБЕ, 3 июн - Sputnik. Бино бар иттилои дафтари матбуоти Кумитаи ҳолатҳои фавқулодда, ҷасади Худоиев Умари 9-сола, ки рӯзи 31-ми майи сол равон ҳамроҳ бо падараш дар як садамаи нақлиётӣ дар дарёи Хумбов сарозер шуда буд, ахиран тақрибан 300 метр поёнтар аз ҷойи ҳодиса, дар соҳили дарё пайдо шуд.

Худоиев Умар писари Худоиев Аслншоҳ, сардори бахши Раёсати Кумитаи ҳолатҳои фавқулоддаи ноҳия Ванҷ будааст.

Манбаъ таъкид доштааст, ки кормандони шуъбаи Кумитаи ҳолатҳои фавқулоддаи Тоҷикистон дар ноҳияи Ванҷ ҷасади Умари хурдсолро ба пайвандонаш супурданд.

Ёдрас мешавем, ки садамаи нақлиётие, ки дар он падари писар ба ҳалокат расиданд, санаи 31-уми майи соли равон дар километри 109 шоҳроҳи Душанбе-Дарвоз-Хоруғ, дар мавзеъи Шоҳидони ҷамоати деҳоти Қалъаи Хумб сурат гирифт.

Худрави тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

КҲФ қайд намудааст, ки ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама то ҳол маълум нест.

Аммо ба гуфтаи шоҳидон худрав ба умқи тақрибан 80 метр ба дарёи Хумбов сарозер мешавад.

Бар асари ин садамаи мудҳиш ду нафар (падару писар) ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд.

0
Барчаспҳо:
пайдо, ҳодиса, дарё, писар, падар, ҷасад, Тоҷикистон