Оғози парвандаи ҷиноӣ алайҳи муҳосибҳо дар Вазорати кишоварзии Тоҷикистон

© Sputnik Конверт с деньгами, архивное фото
Конверт с деньгами, архивное фото - Sputnik Тоҷикистон
Обуна шудан
Ожонси назорати молиявӣ ва мубориза бо фасоди Тоҷикистон аз ифтитоҳи парвандаи ҷиноӣ алайҳи сармуҳосиб ва муҳосиб дар Вазорати кишоварзӣ хабар додааст

ДУШАНБЕ, 14 авг — Sputnik. Тибқи иттилои Ожонс, парвандаи ҷиноӣ алайҳи сармуҳосиб Қушоқова Мавлуда Сафаровна ва муҳосиб Маҳмадшоева Манижа ифтитоҳ шудааст.

Портфель, архивное фото - Sputnik Тоҷикистон
Собиқ муҳосиби “Султони Кабир”: сардори нави Хадамоти зиддиинҳисорӣ кист - акс

Манбаъ афзуд, Қушоқова дар вазифаи сармуҳосиби Муассисаи давлатии "Комиссияи давлатии озмоиши навъи зироатҳои кишоварзӣ ва муҳофизати навъҳо"-и Вазорати кишоварзӣ ва Маҳмадшоева дар мақоми муҳосиби ин муассиса кор карда, бо маслиҳати пешакӣ даст ба азхудкунии маблағҳо ва сохтакории хизматӣ задаанд.

Ожонс таъкид кардааст, ки муҳосибҳои мазкур тариқи сохтакорӣ аз ҳисоби бастҳои холӣ маош ҳисоб карда, беш аз 96 ҳазор сомониро гирифта, ба манфиати худ истифода намудаанд.

"Қушоқова тариқи маслиҳати пешакӣ бо Маҳмадшоева аз моҳи январи соли 2017 то моҳи майи соли 2019 ба асноди расмӣ дидаю дониста маълумоти бардурӯғ ворид намуда, аз ҳисоби бастаҳои холӣ – "вакантҳо" варақаҳои музди меҳнати электрониро сохтакорӣ намуда, бо ин роҳ музди маош ҳисоб карда, дар як чанд ҳолат маблағи 96 ҳазору 403,55 сомониро азонихуд намуда, ба манфиати шахсиашон сарф кардаанд", - иттилоъ додааст Ожонс.

Манбаъ таъкид намудааст, ки аз рӯи ҳолатҳои нисбати Қушоқова ва Маҳмадшоева бо моддаҳои 245 ва 323-и Кодекси ҷиноӣ парванда оғоз гардида, тафтишоти пешакӣ идома дорад.

Назари худи айбдоршавандаҳо феълан дар бораи ин қазия маълум нест.

Лентаи хабарҳо
0