Экономический рост, архивное фото

Тоҷикистон ба бахши иҷтимоии кишвар дар соли 2020 беш аз 1 миллиард доллар равона кард

118
(Таҷдидшуда 12:53 05.09.2019)
Дар соли 2020 аз буҷети Тоҷикистон ба бахши иҷтимоии кишвар нисбат ба соли равон 75 миллион доллар бештар равона хоҳад шуд

ДУШАНБЕ, 5 сен — Sputnik. Дар Тоҷикистон барои рушди соҳаи иҷтимоии кишвар дар соли 2020 11 миллиарду 310 миллион сомонӣ (беша 1,1 миллиард доллар ) равона хоҳад шуд, иттилоъ додааст хабаргузории ТоҷикТА.

Эмомалӣ Раҳмон, раисиҷумҳури Тоҷикистон, акс аз бойгонӣ
© Официальная страница пресс-службы президента РТ в Facebook.

Маблағи мазкур нисбат ба соли равон 726 миллион сомонӣ, ки муодили 75 миллион доллар мебошад, зиёд будааст.

Тибқи иттилои Вазорати рушди иқтисод ва савдои Тоҷикистон, ба бахши иҷтимоии кишвар 43,2 дарсад аз ҳаҷми умумии маблағҳое, ки дар будҷаи кишвар дар соли 2020 пешбинӣ шуда буд, равона хоҳад шуд.

Нақшаи андоз иҷро нашуд: муовини раиси Кумита сабабашро гуфт

Бояд қайд кард, ки дар соли равон будҷаи Тоҷикистон 23 миллиарду 774 миллион сомонӣ (2,455 миллиард доллар)-ро ташкил медиҳад. Аммо то ҳол ҳаҷми будҷаи соли оянда маълум нест.

Дар ҳоли ҳозир, ҳукумати Тоҷикистон лоиҳаи Қонун “Дар бораи будҷаи давлатӣ барои соли 2020”-ро мавриди баррасӣ қарор додааст.

Қарор аст, лоиҳаи мазкур то охири моҳи сентябр соли равон ба Парлумони Тоҷикистон пешниҳод шавад.

118
Барчаспҳо:
баррасӣ, Ҳукумат, буҷаи иҷтимоӣ, иҷтимоӣ, будҷа, Тоҷикистон
Лекарства в аптеке Душанбе

То дусад донаӣ парасетамол хариданд: сардори Хадамоти зиддинҳисорӣ дар бораи нархи дору

73
(Таҷдидшуда 13:02 15.07.2020)
Абдулмаҷид Муминзод, сардори Хадамоти зиддиинҳисории назди Ҳукумати Тоҷикистон, ҷаҳиши ахири нархи дорувориро ба мардум вобаста донист, ки ба таҳлука афтиданд

ДУШАНЕБ, 15 июл – Sputnik. Муминзод зимни нишасти матбуотӣ изҳор дошт, ки ба боло бурдани нархи доруворӣ асосан чаканафурӯшҳо даст заданд, ки аз таҳлукаи мардум сӯиистифода намуданд.

Ӯ афзуд, ки мардум ба таҳлука афтид, сабтҳои видеоӣ аст, ки як парасетамолро то 100-200 донаӣ харид мекунанд, ки дар натиҷа камчинӣ дар бозор пайдо шуд.

Ба гуфтаи Муминзод, кормандони ниҳодаш аз рӯзи аввали болоравии нарх, дар ҳар нуқтаи доруфурӯшӣ санҷиш гузаронда, зиёда аз 50 санади ҳуқуқвайронкунии маъмурӣ тартиб доданд.

Ӯ таъкид намуд, ки дар пайи ин ҳолат Ҳукумат дорувориро ба феҳрасти молҳои аз нигоҳи иҷтимоӣ муҳим ворид намуд, ки дар сурати зарурат нархи он аз ҷониби давлат назорат мешавад.  Сардори Хадамот ин тасмимро барои дастгирии қишри осебпазир муҳим хонд.

Ин дар ҳолест, ки чанд ҳафта қабл Ҳукумат, доруворию молҳои тиббӣ ва нуриҳои минералӣ барои хоҷагии қишлоқро ба феҳрасти маводи дорои аҳамияти иҷтимоӣ ворид намуд, ки феълан 19 номгӯи молро дар бар мегирад.

"Дексамитазон" дору алайҳи коронавирус: Созмони ҷаҳонии беҳдошт онро пазируфт

Дар сархати маҳсулоти дорои аҳамияти иҷтимоӣ, ки нархашон аз ҷониби давлат назорат мешавад, орди навъи 1 ва 2 ва сипас нон, макарон, гандум, биринҷ, картошка, сабзавот – сабзӣ, пиёз, карам, шакар, равғани растанӣ, маҳсулоти ширӣ, нахуд, гӯшт, тухми мурғ, намак, чой, ғизои кӯдакон ва маводи сӯхт ҷой гирифтаанд. Бо қарори нав, доруворию молҳои тиббӣ ва инчунин нуриҳои минералӣ, органикӣ ва кимиёвӣ барои хоҷагии қишлоқ низ шомили ин рӯйхат гардиданд.

73
Барчаспҳо:
дору, нарх, Тоҷикистон
Золото

Геологияи тоҷик гуфт, сокининон дар чанд минтақа метавонанд тилло шӯянд

281
(Таҷдидшуда 10:51 15.07.2020)
Саридораи геологияи Тоҷикистон мегӯяд, бо дастури ҳукумат минтақаҳои тиллошӯиро барои фаъолияти фардӣ дар кишвар қитъабандӣ кардаанд

ДУШАНБЕ, 15 июл – Sputnik. Оймаҳмадзода Илҳомҷон, роҳбари Саридораи геологияи тоҷик имрӯз зимни як нишасти хабарӣ  гуфт, то имрӯз дар кишвар 145 қитъаро муаян кардаанд, ки сокинон метавонанд дар он ҷой тилло шӯянд.

Ба иттилои манбаъ,  ин минтақаҳоро  дар ҳудуди 900 киллометир дар шаҳру навоҳии Айнӣ, Бохтар, Ванҷ, Дарвоз, Дӯстӣ, Лахш, Масчоҳи кӯҳӣ, Муминобод ва Мурғоб ҷудо кардаанд.

Манбаъ водии Зарафшонро мисол оварда гуфт,  дар ин минтақа 31 қитқи тиллошӯӣ муаян шудааст, ки 8 то дар Масҷоҳи кӯҳӣ, 13 то дар Айнӣ ва 8 қитъа дар Панҷакент мебошад.

Номбурда гуфт, шаҳрвандон баъди иҷозатномаи Вазорати молия метавонанд озодона ба тиллошӯйӣ дар ин минтақаҳо машғул шаванд.

Ӯ гуфт, барои фаъолияти фардии тиллошӯйӣ баъзе талаботҳо ҳаст, ки яке аз он техникаи истифодашаван набояд аз 50 қувваи асп зиёд набошад.

Қаблан Файзиддин Қаҳҳорзода, вазири молияи Тоҷикистон дар нишасти расонаӣ гуфт, ки тарҳи ироаи иҷоза ба шаҳрвандон бобати истихроҷи тилло ва дигар фулӯзоти қиматбаҳо бо ибтикори раисҷумҳури кишвар таҳия шуда, ба шаҳрвандон ҳуқуқи истихроҷи мустақилли тиллоро хоҳад дод. Барои ин шаҳрвандонро мебояд танҳо аз вазорати молия иҷоза дарёфт кунанд.

Номбурда гуфт, бар асоси ин тарҳ, шаҳрвандон дар ҷойҳое, ки дар ихтиёри ягон ширкат нест, тилло истихроҷ хоҳанд кард.

Шаҳрвандон тиллои тавлидшударо озодона ба ниҳодҳои молии кишвар хоҳанд фурӯхт ва ин ниҳодҳо нархи хариди тилло аз шаҳрвандонро таъин хоҳанд кард.

 

 

 

281
Верующий молится, архивное фото

Ҷарима ва ихроҷи шаҳрванди Тоҷикистон аз Русия барои ташкили намоз дар хобгоҳ

55
(Таҷдидшуда 13:19 15.07.2020)
Дар шаҳри Тулаи Русия як муҳоҷири тоҷикро барои ташкили намоз дар хобгоҳи муҳоҷирон ба пардохти 30 ҳазор рубл ҷарима муваззаф намуданд. Ҳамчунин ин шаҳрванди Тоҷикистонро аз қаламрави Русия депорт мекунанд

ДУШАНБЕ, 15 июл – Sputnik. Маркази ҳомии ҳуқуқи инсон ба номи "Сова" аз ҷарима шудан ва ихроҷи як муҳоҷири тоҷик ба далели барпо кардани намози ҷамоат дар хобгоҳи коргарони муҳоҷири тоҷикистонӣ дар Русия хабар дод.

Хабаргузории "Парс тудей" бо такя ба маълумоти маркази ҳомии ҳуқуқи инсони Сова хабар медиҳад, ки мақомоти қудратӣ муддаӣ шудаанд, ки ин шаҳрванди Тоҷикистон дар утоқи хеш дар хобгоҳи коргарони муҳоҷири тоҷикстонӣ дар шаҳри Тулаи Русия барои 15 нафар намоз ташкил мекард, дар ҳоле, ки иҷозатномаи расмии идораи муфтиёти ин минтақаро надоштааст.

То 116 сомонӣ ҷарима: ҳушдори мақомот ба намозгузорон дар рӯзҳои ҷумъа

Додгоҳи маҳаллӣ ин шаҳрванди Тоҷикистонро ба иттиҳоми фаъолитҳои ғайримуҷози таблиғотӣ ва ҳамоҳанг накардани хондани намози ҷамоат бо идораи муфтиёти шаҳри Тула ба пардохти ҷаримаи молӣ ба маблағи 30 ҳазор рубли русӣ ва ихроҷ аз қаламрави Русия маҳкум кардааст.

Ёдовар мешавем, Русия ба мисли дигар кишварҳо дар замони авҷи маризии коронавирус баргузор намудани намози оммаро манъ карда буд.

Анқариб муддати ду моҳ масоҷид дар Русия барои намозгузор баста буд.

55
Барчаспҳо:
намоз, хобгоҳ, ҷарима, истихроҷ, Тоҷикистон, Русия