Бинои Додситонии кулли Тоҷикистон, акс аз бойгонӣ

Парванда алайҳи 2 мард барои гирифтани 1 кило тилловории зан ва қарзи “Тоҷиксодиротбонк”

107
(Таҷдидшуда 15:40 13.09.2019)
Додситонии кулли Тоҷикистон алайҳи ду мард барои гирифтани наздики як кило тилловории зан ва таҳияи ғайриқонунии қарз ба номаш дар “Тоҷиксодиротбонк” парвандаи ҷиноӣ кушодааст

ДУШАНБЕ, 13 сен — Sputnik. Додситонии кул ду сокини Душанбе – мардони 49 ва 53-соларо дар қаллобӣ ва гирифтани ғайриқонунии кредит муттаҳам мекунад.

Тибқи иттилои ВУД,  марди 49-солаи сокини шаҳри Душанбе дар маслиҳати пешакӣ бо марди 53-солаи дигар даст ба қаллобӣ задааст.

 Манбаъ афзуд, ки муттаҳамон моҳи ноябри соли 2013 бо маслиҳати пешакӣ бо марди 53-солаи сокини пойтахт бо роҳи фиреб ба боварии зани 53-солаи сокини кӯчаи Борбади шаҳри Душанбе даромада, аз ӯ 953,3 грамм маснуоти тилловорӣ гирифтаанд.

Пирзода дар бораи фурӯши “Тоҷиксодиротбонк” ба арабҳо, пули мардум ва бонки исломӣ

Арзиши тилловориҳои гирифтаи ин ду мард 30 ҳазор доллари амрикоӣ арзёбӣ шуда, онҳо ба соҳоиби ҷавоҳирот ваъда додаанд, ки дар муддати 1-моҳ онҳоро фурӯхта, маблағашро бармегардонанд.

ВУД, афзуд, муттаҳамон маснуотҳоро бар ивази қарзашон ба шахси дигар дода, ба зани соҳиби мол ба маблағи 30 000 доллари амрикоӣ зарар расонидаанд.

“Инчунин, номбурдагон бо маслиҳати пешакӣ бо мақсади ғайриқонунӣ гирифтани кредит ба боварии зани мазкур даромада, аз “Тоҷиксодиротбонк” дар асоси шартномаи қарзӣ 29 000 доллари амрикоӣ қарз гирифта, ба манфиати шахсиашон сарф намудаанд”, - омадааст дар иттилоия.

Манбаъ таъкид намуд, ки феълан таҳқиқи парвандаҳои ҷиноӣ алайҳи муттаҳамон аз сӯи Додситонии кулли Тоҷикистон идома дорад.

107
Барчаспҳо:
қаллобӣ, дастгир, парванда, Додситонии кулли ҶТ, Тоҷикистон-Душанбе
Монеты, архивное фото

Вазир: қарзи давлатии Тоҷикистон ба беш аз 43 дарсади ММД расид

201
(Таҷдидшуда 20:20 22.11.2020)
Вазири молияи Тоҷикистон мегӯяд, қарзи давлатии ҷумҳурӣ то ҳол беш аз 43 дарсади маҷмӯи маҳсулоти дохилӣ, ММД-ро ташкил медиҳад

ДУШАНБЕ, 22 ноя – Sputnik. Файзиддин Қаҳҳорзода, вазири молия зимни баррасии барномаи нави қарзгирии Тоҷикистон дар парлумон гуфт, то 1 октябри соли 2020 ҳаҷми умумии қарзи давлатии ҷумҳурӣ  3,7 миллиард  доллари амрикоиро ташкил медиҳад.

Ба гуфтаи вазир, дар моҳҳои январ – сентябри соли ҷорӣ барои татбиқи лоиҳаҳои афзалиятдоштаи кишвар 5 созишномаи нави қарзӣ ба маблағи умумии 459,5 миллион доллари амрикоӣ бо ташкилотҳои гуногуни молиявӣ ба имзо расонида шуд.

Нашрияи парлумонии “Садои мардум” аз қавли Қаҳҳорзода афзуд, ки  ҳаҷми қарзи давлатии ҷумҳурӣ ба ҳолати аввали октябри соли равон ба 43,3 фоизи Маҷмӯи маҳсулоти дохилии кишвар баробар мебошад.

Ба гуфтаи вазири молияи Тоҷикистон, барои хизматрасонии қарзи беруна дар соли  2021 ҳудуди 213,5 миллион  доллар, соли 2022 -  238,2 миллион доллар ва соли 2023 ҳудуди 243,3 миллион доллари амрикоӣ ба нақша гирифта шудааст.

Қаҳҳорзода тавзеҳ дод, ки дар буҷа барои соли 2021 барои хизматрасонии қарзи берунаи давлатӣ 2,3 миллиард сомонӣ пешбинӣ шуда, 1 миллиард сомонии он барои пардохти қарзи асосӣ ва 861,1 миллион сомонӣ барои пардохти фоизҳои он аз ҳисоби буҷети ҷумҳуриявӣ равона карда мешавад.

201
Барчаспҳо:
ММД, Тоҷикистон
Министр финансов республики Таджикистан Файзиддин Каххорзода

Вазир аз нақшаи қарзгирии Ҳукумат барои сохтмони "Роғун" гуфт: чанд ва аз кӣ?

1133
(Таҷдидшуда 19:11 22.11.2020)
Давлати Тоҷикистон ният дорад, барои сохтмони нерӯгоҳи "Роғун" боз ҳудуди 340 миллион евро қарз бигирад

ДУШАНБЕ, 22 ноя – Sputnik. Файзиддин Қаҳҳорзода, вазири молияи Тоҷикистон, зимни баррасии барномаи қарзгирии кишвар барои соли 2021 ва дурнамои нишондиҳандаҳои он барои солҳои 2022-2023 аз нақшаи қарзгирӣ барои сохтмони НБО "Роғун" гуфт.

Ба гуфтаи вазир, феълан 8 созишномаи қарзӣ дар сатҳи лоиҳавӣ қарор доранд, ки калонтаринашон қарз  барои сохтмони  НБО "Роғун" мебошад.

Ӯ тавзеҳ дод, ки барои сохтмони НБО "Роғун"  гирифтани 340 миллион евро дар назар аст. Дар мавриди қарздиҳандагон Қаҳҳорзода илова намуд, ки тибқи нақша бояд аз бонкҳои аврупоӣ - Credit Suisse ва Landesbank Baden — Wiirttember гирифта шавад.

Дар маҷмуъ ба иттилои нашрияи парлумонии "Садои мардум", вазир таъкид намуд, ки барномаи нави қарзгирӣ барои соли 2021 ва дурнамо барои солҳои 2022-2023 ҳудуди 59 лоиҳаи қарзии амалкунанда ва 8 созишномаи қарзии дар сатҳи лоиҳавӣ қарордоштаро дар бар мегирад.

Ин дар ҳолест, ки Эмомалӣ Раҳмон, раисҷумҳури Тоҷикистон, моҳи октябри соли равон дар мулоқот бо сохтмончиёни "Роғун" гуфт,  аз аввали корҳои барқарорсозии иншооти нерӯгоҳи "Роғун", яъне аз соли 2008 то ба ҳол ба ин иншоот 25 миллиарду 340 миллион сомонӣ маблағ равона гардидааст.

1133
Барчаспҳо:
қарз, сохтмон, Тоҷикистон
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

0
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон