Талко, акс аз бойгонӣ

“Талко” куҳна шуд: Раҳмон қарораш дар бораи корхонаи алюминийро шарҳ дод

1287
(Таҷдидшуда 15:36 14.10.2019)
Эмомалӣ Раҳмон, раисиҷумҳури Тоҷикистон, дар бораи ҷалби сармояи хориҷӣ ба калонтарин корхонаи саноатии кишвар “Ширкати алюминийи Тоҷик” суҳбат карда, гуфт дар оянда иқтидораш то 1 миллион тонна расонда мешавад

ДУШАНБЕ, 14 окт — Sputnik. Эмомалӣ Раҳмон имрӯз дар мулоқот бо масъулини бахши саноати кишвар гуфт, Ҳукумат талош дорад, бо дарназардошти фарсудашавӣ ва куҳна шудани таҷҳизоти як қатор корхонаҳо,  алалхусус, корхонаи воҳиди давлатии “Ширкати алюминийи Тоҷик”, ки 44 сол пеш бунёд гардида буд, ба онҳо сармояи ватаниву хориҷиро ҷалб намояд.

Раисиҷумҳур зикр кард, ки бо ин мақсад қарори Ҳукумати Тоҷикистон аз 31 июли соли 2019 қабул шуд, ки тибқи он Корхонаи воҳиди давлатӣ ба Ҷамъияти саҳҳомии кушодаи “Ширкати алюминийи Тоҷик” табдил дода мешавад.

“Дар назар аст, ки бо ҷалби сармояи хориҷӣ дар дурнамои наздик корхонаи истеҳсоли алюминийи аввалия бо иқтидори 300 ҳазор тонна дар як сол ба истифода дода мешавад ва корхонаи нав бо низоми автоматикунонидашудаи идораи равандҳои технологӣ ва технологияҳои каммасраф муҷаҳҳаз гардонида шуда, арзиши аслии алюминий дар он паст мегардад”, - таъкид намуд Эмомалӣ Раҳмон.

Тавсифи ХБА аз болобарии нархи барқ ва тавсияҳои нав

Ӯ илова кард, ки баъди бунёди корхонаи нав корхонаи амалкунанда пурра таҷдид карда шуда, иқтидори умумии истеҳсолии ширкат дар оянда то як миллион тонна алюминий дар як сол расонида мешавад. Ба гуфтаи раисиҷумҳур, дар натиҷа ҳазорҳо ҷойи кории нав таъсис ва иқтидори содиротии кишвар афзун мегардад.

Супориш Раҳмон ба Ҳукумат дар мавриди ноқилҳо

Эмомалӣ Раҳмон дар идома зикр кард, ки ҳарчанд корхонаи истеҳсоли ноқилҳо аз алюминий дар мамлакат фаъолият менамояд, аммо ҳамасола ба Тоҷикистон дар ҳаҷми 350-400 миллион сомонӣ ноқилҳо ва маҳсулоти ниёзи мардум аз ин фулузот ворид карда мешаванд.

“Ба Ҳукумати кишвар зарур аст, ки ҷиҳати ба роҳ мондани истеҳсолоти воридотивазкунанда аз алюминий дар кишвар чораҳои таъхирнопазир андешад”, - изҳор дошт Раҳмон.

Ӯ ба роҳбарияти “Ширкати алюминийи Тоҷик” супориш дод, ки иҷрои саривақтӣ ва босифати лоиҳаи азнавсозии корхонаи истеҳсоли алюминийи аввалияро таъмин намуда, ҷиҳати самаранок ба роҳ мондан ва зиёд намудани коркарди ниҳоии алюминийи аввалия, афзоиш додани ҳаҷми содироти маҳсулоти истеҳсолшаванда ва дарёфти сарчашмаҳои азнавсозии пурраи корхона дар дурнамои наздик тадбирҳои зарурӣ андешад.

Роҳбари ширкати “Талко Голд” ба Аҳмадзода чӣ ваъда дод?

Суҳбати раисиҷумҳур аз навсозии “Талко” дар ҳолест, ки хабар дода шуд, ки корхонаи давлатии “China Machinery Engineering Corporation”-и  Чин корхонаи “Талко”-ро бозсозӣ хоҳад кард. Лоиҳаи мазкур ду сол идома ёфта, харҷи он 545 миллион долларро ташкил медиҳад. Дар доираи лоиҳаи мазкур Ширкати Чин тасмим дорад баъд аз бозсозии корхона, истеҳсоли алюминиюмро то 300 ҳазор тон афзоиш диҳад.

1287
Барчаспҳо:
навсозӣ, сармоя, тақвияти истеҳсолии корхонаи ТАЛКО, ТАЛКО, саноат, Тоҷикистон
Грузовик с газом, архивное фото

Боз гаронтар: газ 4,5 сомонӣ шуд. Оё нарх поён меравад?

200
(Таҷдидшуда 16:34 06.08.2020)
Қимати гази моеъ, аз умдатарин маводи сӯзишвории нақлиёт дар Тоҷикистон боз ҳам боло рафта ба 4, 5 ва ҳатто дар баъзе аз таъмингоҳҳои маводи сухт то ба 4, 7 сомонӣ баробар шудааст. Зимнан ин нархнома назар ба як моҳи қабл беш аз 55 % баланд гуфта мешавад

ДУШАНБЕ, 6 авг – Sputnik. Шурӯъ аз имрӯз нархи гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон тағйир ёфтааст.

Бино ба иттилоъи манобеъи Sputnik Тоҷикистон ҳоло арзиши як литр гази моеъ ба 4, 5 – 4, 7 сомонӣ боло рафтааст.

Ин дар ҳолест, ки оғози ҳафтаи ҷорӣ нархи он дар аксар нуқтаҳои фурӯши сӯзишворӣ 4, 2 ва 4, 3 сомонӣ муқаррар шуда буд.

Сабаби боло рафтани қиммати газро масъулини ширкатҳои фурӯши маводи сӯхт расман шарҳ намедиҳанд. Як корманди нуқтаи фурӯши сӯзишворӣ (автозаправка) дар ноҳияи Варзоб гуфт, барои ӯ ҳам дақиқ маълум нест, ки чаро нархи газ рӯз ба рӯз боло меравад.

“Мо коргари оддӣ ҳастем. Шахсан ман танҳо дастгоҳи газдиҳандаро ба баки мошинҳо насб мекунам. Маблағи фурӯши газро нафари дигар дар хазина қабул мекунад. Ростӣ барои мо ҳам маълум нест сабаби болоравии нарх, инро роҳбарон медонанд”, иброз намуд, ҳамсуҳбти мо.

Дар ҳамин ҳол аксар ронандаҳои нақлиёт аз баланд шудани нархи газ изҳори нигаронӣ мекунанд. Онҳо мегуянд, баланд шудани арзиши газ дар замони хуруҷи пандемияи COVID -19 ба ҷайби зарба мезанад.

Коршинос сабабҳои ҷаҳиши  нархи гази моеъ дар Тоҷикистонро гуфт

"Нархи газ ба кори мо таъсир мерасонад. Нархи газ гарон шуд гуфта, нархи хизматрасонии мусофиркашони (таксӣ) ро зиёд кунем, ҳеҷ кас намешинад. Дар ин миён мо бояд ҳар моҳ маблағи патентро супорем. Агар нарх ҳамингуна боло рафтан гирад, кори мо тамом мешавад”, - гуфт ронандаи таксӣ.

Коршиносон мегуянд, тағйири нархи газ дар Тоҷикистон дар замони хуруҷи пандемияи COVID-19 ба вуҷуд омад.

Дар оғози моҳи май вақте мақомот сабти бемории вируси каронаро расман тасдиқ карданд, гаштугузори мошинҳо дар шаҳру навоҳии кишвар ба маротиб коҳиш ёфт.

Дар ин миён қимати газ то ба 2, 4 сомонӣ поён рафт. Аммо баъди хатми муҳлати қарантинаи хонагӣ ва эълони вазъи муътадили беҳдоштӣ дар кишвар ҳаракати восиатҳои нақлиёт бештар шуд ва ба ин минвол нархи гази моеъ умдатарин василаи ҳаракатдиҳандаи нақлиёт ҳам рӯз ба рӯз баланд шуд.

Ҳоло бар тибқи мушоҳидаҳо нархи газ дар қиёс ба як моҳи пеш беш аз 55 % баланд шуда то ба 4, 5 - 4, 7 сомонӣ баробар шудааст.

Иктишофи нафту гази Тоҷикистон: танҳо ду ширкат, ҳарду ҳам кор намекунанд

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст. "Фароз”, "Газпром", "Газойл", "Роҳи Сомон нафт" ва “Суғднефт” аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

Саридораи геологияи гуфт, дар Тоҷикистон чи қадар кони нафту газ аст

Аммо то кунун ҳеҷ кадом аз ин ширкатҳо дар бораи сабабҳои болоравии нарх расман изҳори назар накардаанд. Ин вазъ то кай давом мекунад ва нархи газ кай поён меравад? Ин суолест, ки ҳоло бештар аз ҳар вақти дигар масъулинро манзур медорад.

200
Барчаспҳо:
НФС, шикоят, сокинон, гарон, нарх, гази моеъ, Тоҷикистон
Экономический рост, архивное фото

Иқтисоддонҳо мегӯянд ММД Тоҷикистон дар соли оянд 7% рушд мекунад, агар...

38
Вазорати рушди иқтисодии Тоҷикистон вазъеро номбар кард, ки афзоиши ММД-и кишварро дар соли 2021 беш аз 7% таъмин карда метавонад

ДУШАНБЕ, 6 авг — Sputnik. Дар Тоҷикистон, афзоиши маҷмӯи маҳсулоти дохилӣ дар соли 2021 ҳадди аққал 7% пешбинӣ шудааст, хабар медиҳад Авеста бо такя ба Вазорати рушди иқтисод ва савдои ҷумҳурӣ.

Ин ниҳод  иҷрои пешбинии хушбинонаро  танҳо бо иҷрои як шарт имконпазир медонад.

Ба гуфтаи вазорат, афзоиши ММД дар Тоҷикистон аз 7% хоҳад гузашт, танҳо агар мавҷи дуввуми коронавирус вуҷуд надошта бошад.

"Баъзе ташкилотҳои молиявии байналмилалӣ низ пешгӯии хушбинона пешкаш мекунанд. Дар сурати мӯътадил шудани вазъ, афзоиши ММД-и ҷумҳурӣ то нишондиҳандаҳои оғози пандемия, яъне зиёда аз 7% таъмин карда мешавад", - гуфтааст вазорат.

Пул нест: касри буҷет дар чаҳор моҳ ба 60 миллион доллар расид

Ҳамзамон, коршиносон бар он назаранд, ки ба ғайр аз вазъи пандемия, бояд ба интиқоли маблағҳои муҳоҷирони меҳнатӣ, воридшавии сармоя ба иқтисодиёти Тоҷикистон ва кори корхонаҳо низ таваҷҷӯҳ зоҳир карда шавад.

Қаблан вазири рушди иқтисод ва савдои Тоҷикистон Завки Завкизода гуфта буд, ки дар шаш моҳи аввали соли 2020 афзоиши ММД 3,5% буд.

Вазорати молия: нақшаи буҷет иҷро нашуд

Ҳамзамон, тибқи пешгӯиҳои Бонки ҷаҳонӣ, дар соли 2020 ММД-и Тоҷикистон то 2% коҳиш хоҳад ёфт ва дар соли 2021 афзоиши он ба 3,7% дар назар аст.

38
Мужчина с ножом в руках, архивное фото

Боздошти Меҳровар барои қатли додараш дар Душанбе-видео

0
Вазорати умури дохилии Тоҷикистон аз боздошти як ҷавони 24 солаи пойтахт хабар медиҳад, ки дар куштори додараш муттаҳам мешавад

 

ДУШАНБЕ, 6 авг — Sputnik. Бино ба гузориши ин ниҳод, бо гумони бародаркушӣ  Бобоҷонов Меҳровари 24 сола боздошт гаштааст.

Ба иттилои манбаъ, куштор дар заминаи муноқишаи лафзӣ ва якдигарнофаҳмӣ санаи 15 июл тақрибан соати 15:20 ба вуҷуд омадааст.

Манбаъ мегӯяд, дар ин рӯз Бобоҷонов Меҳровар бо бародараш Бобоҷонов Бахтовари 18 сола муноқиша намуда додарашро зери латукӯб қарор додааст.

Боздошти марде, ки ба гардани бародараш корд зад

Гуфта мешавад,Марҳум Бобоҷонов Бахтовар ҳамчун чораи муҳофизатӣ бо корди ошхонагӣ ба бародарааш ҳамла мекунад, аммо гумонбаршуда корди ӯро аз дасташ гирифта, як маротиба ба қафаси синааш зарба мезанад.

Дар натиҷаи зарби корди бародар бинобар сабаби рафтани хуни зиёд додар дар ҷойи ҳодиса ба ҳалокат мерасад, афзудааст манбаъ.

Вазорат шарҳ надодааст, ки чи омил боиси якдигарнофаҳми ва ҳатто куштор гаштааст.

ВУД мегӯяд, нисбат ба ҳодисаи мазкур тафтишот идома дорад.

Ин нахустин ҳолати кордкашии бародар ба бародар набуда, даҳ рӯз пеш кормандони пулиси шаҳри Конибодом 

як сокини 40-солаи маҳаллиро бо гумони қасдан расонидани зарари миёна ба саломатии додараш боздошт карданд.

Ҳамзамон ин ниҳод, қабл аз ин  як марди 42-сола, сокини шаҳри Истаравшанро боздошт кард, ки пас аз майнӯшӣ бо бародари 41-солааш ҷангу ҷанҷол намуда, як маротиба ба гарданаш корд задааст.

 

 

0