Заседание счётной палаты

Палатаи ҳисоб беш аз 102 миллион сомонӣ зарари молиявиро ошкор кард

708
(Таҷдидшуда 10:33 22.10.2019)
Палатаи ҳисоби Тоҷикистон эълон намудааст, ки зимни санҷишҳои аудитории вазорату идораҳо субъектҳои хоҷагидорӣ, марказ ва гурӯҳҳои татбиқи лоиҳаҳои сармоягузорӣ, бонкҳо ва дигар муассисаҳои буҷетӣ беш аз 102 миллион зарари молиявӣ ошкор намудааст

ДУШАНБЕ, 22 окт — Sputnik. Мутахассисони Палатаи ҳисоби Тоҷикистон зимни 217 санҷиши аудиторӣ дар вазорату идораҳо, субъектҳои хоҷагидорӣ, марказ ва гурӯҳҳои татбиқи лоиҳаҳои сармоягузорӣ, бонкҳо ва дигар муассисаҳои буҷетӣ  дар зарфи нуҳ моҳи соли равон 102,5  миллион сомонӣ зарари молиявӣ  ошкор намуданд, иттилоъ додааст дафтари матбуоти Палатаи ҳисоби кишвар.

Тавре манбаъ қайд намудааст, ин нуқта зимни натиҷагирӣ аз фаъолияти Палатаи ҳисоби кишвар дар ҷаласаи ҳисоботӣ, ки дар ҳузури раиси Палатаи ҳисоби кишвар Қарахон Чиллазода доир гардид, зикр шуд.

Қарахон Чиллазода гуфт, ки Палатаи ҳисоби кишвар фаъолияти худро дар асоси дастуру супоришҳои Президенти Тоҷикистон Эмомалӣ Раҳмон, қарорҳои Ҳукумати Тоҷикистон, қонунҳои марбутаи кишвар,   инчунин дастуру супоришҳои раисҷумҳур дар мулоқот бо кормандони соҳаҳои молия, андоз, гумрук, сармоягузорӣ ва бонкҳо ба роҳ мондааст.

Ҳамзамон дар ҷаласаи ҳисоботи мутахассисону сардорони раёсатҳо шунида шуда, аз ҷониби роҳбарияти Палата барои боз ҳам беҳтар намудани сатҳу сифати фаъолият дастуру тавсияҳои судманд дода шуданд.

Дар ҷараёни ҷаласа масъалаҳои гуногуни пешбурди соҳаи аудит ва риояи методологияи амалкунанда баррасӣ гардид.

708
Барчаспҳо:
санҷиш, ошкоркунии хисороти молиявӣ, ошкор, зарар, Палатаи ҳисоб, Тоҷикистон
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1926
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1926
Барчаспҳо:
бозор, нуқтаи назар, Тоҷикистон
Таджикские деньги, архивное фото

Харҷро кам кунед: дастури Президент дар пайи иҷро нашудани нақшаи андоз

1148
(Таҷдидшуда 20:35 31.05.2020)
Эмомалӣ Раҳмон, раисиҷумҳури Тоҷикистон дар шароити феълӣ, ки нақшаи андозу пардохтҳои ҳатмӣ иҷро нашуда истодаанд, дастур додаст, ки хароҷоти дуюмдараҷа кам карда шавад

ДУШАНБЕ, 31 май - Sputnik. Раисиҷумҳур дар мулоқот бо феъолони Хатлон гуфт, соли 2019 нақшаи андозҳо ва андози иҷтимоӣ дар вилоят 100 фоиз иҷро шудааст, вале дар чор моҳи соли 2020 иҷрои 4 намуди андоз таъмин нашудааст.

“Тамоюли пастравии ин нишондиҳанда ба сатҳи иҷтимоии вилоят таъсири манфӣ мерасонад, чунки қариб 90 фоизи қисми хароҷоти буҷети вилоят ба соҳаҳои иҷтимоӣ равона гардидааст”, - изҳор дошт Раҳмон.

Ӯ роҳбарони вилоят, шаҳру ноҳияҳо, Вазорати молия ва Кумитаи андозро муваззаф кард, ки камбудиҳои ҷойдоштаро сари вақт бартараф карда, рушди тамоми соҳаҳо, афзоиши даромади буҷет, такмили низоми андозбандӣ, таъмини шаффофият, баланд бардоштани самаранокии хароҷоти буҷет ва нигоҳ доштани вазъи мутавозини маблағгузории буҷетро таъмин намоянд.

“Дар шароити имрӯза бинобар иҷро нагардидани нақшаи андозҳо ва пардохтҳои ҳатмӣ масъулини шаҳру ноҳияҳои вилоятро зарур аст, ки ҷиҳати иҷрои босифати нишондиҳандаҳои қабулшуда, кам намудани хароҷоти дуюмдараҷа, коҳиш додани ҳаҷми бақияпулиҳои андоз, идораи самараноки амволи давлатӣ, фарогирии пурраи амалиёти молиявӣ, фароҳам овардани шароити мусоид барои соҳибкорӣ ва мунтазам дастгирӣ кардани соҳибкорон, ташаккули манбаъҳои нави андозбандӣ, ба ин васила зиёд намудани ҳаҷми воридоти маблағҳо ба буҷет ва пардохти саривақтии музди меҳнат ва нафақа пайваста чораҷӯӣ намоянд”, - таъкид кард Эмомалӣ Раҳмон.

1148
Кобилчон Гиёев

Ғайриинтизор: Қобилҷон Гиёевро аз вазифа барканор карданд

1189
(Таҷдидшуда 13:43 01.06.2020)
Қобилҷон Гиёев, сардухтури Шифохонаи марказии ноҳияи Рашт, ки бо табобати ғайримаъмули “вируси корона” маъруф шуда буд, аз вазифа барканор шудааст

ДУШАНБЕ, 1 июн – Sputnik. Мавсуф дар таъйиди ин хабар ба Sputnik Тоҷикистон гуфт, ин барканорӣ дар пайи як мактуби шикоятии Раҳимҷон Муқимӣ, раиси ноҳияи Рашт ба вазорати тандурустӣ ва ҳифзи иҷтимоии аҳолӣ сурат гирифтааст.

Джамолиддин Абдуллозода, министр здравоохранения и социальной защиты Таджикистан
пресс-служба Минздрава Таджикистана
“Муҳтавои ин мактуб ҳанӯз бароям рӯшан нест, аммо ин субҳ аз Ғарм занг заданд, ки зуд ба ноҳия баргардам, зеро фармони сабукдӯш шуданам аз сӯи вазири тандурустӣ ва ҳифзи иҷтимоии аҳолӣ имзо шудааст. Ҳоло меравам, ки дафтару калидро ба сардухтури нав таслим диҳад”, - гуфт Қобилҷон Гиёев.

Мавсуф аз ин ки ба ҷои ӯ чӣ касе ба курсии ӯ такя хоҳад зад, изҳори беиттилоотӣ кард. Аммо бино ба иттилои дарёфтӣ, ба ҷои ӯ Насриддин Солиев, сардухтури ноҳияи Рашт таъин шудааст. Мавсуф қаблан низ дар ин ноҳия сардухтур будааст.

Тафсилоти бештар нашр мешавад.

1189