Вывеска Управляющей компании РУСАЛ

Кохонаи “ТАЛКО Кемикал” ширкати “Русал”-и Россияро бо маҳсулот таъмин кард

247
(Таҷдидшуда 16:57 26.10.2019)
Корхонаи “ТАЛКО Кемикал”-и ноҳияи Ёвон дар зарфи 8 моҳи соли равон беш аз 1530 тонна фториди алюминий ба Русия содирот намудааст

ДУШАНБЕ, 26 окт — Sputnik. Бино бар иттилои дафтари матбуоти ҳукумати вилояти Хатлон, корхонаи “ТАЛКО Кемикал”-и ноҳияи Ёвон ширкати “Русал”-и Россияро бо 1534 тонна маҳсулот таъмин намудааст.

Тавре манбаъ қайд намудааст, корхонаи мазкур дар соли равон 2216,5 тонна фториди алюминий, 374,2 тонна криолит, 339,6 тонна кислотаи сулфат ва 744,6 тонна коагулянтро ба маблағи беш аз 34 миллион сомонӣ фурӯхтааст.

Манбаъ қайд намудааст, ки дар зарфи 8 моҳи соли равон 1534,7 тонна фториди алюминий ба Русия содирот шудааст, ки нисбат ба ҳамин давраи соли гузашта 1045 тонна зиёд мебошад.

Инчунин, 374,2 тонна криолит ва 681,8 тонна фториди алюминий ба корхонаи алюминбарории тоҷик, 744,6 тонна коагулянт ба КВД “Обу корез”-и шаҳри Душанбе ва 339,6 тонна кислотаи сулфат ба дигар корхонаҳои саноатии ҷумҳурӣ ба фурӯш рафт.

Эраҷ Раҳмонов, директори генералии ҶДММ “ТАЛКО Кемикал” қайд намудааст, ки соли гузашта дар корхона 3 ҳазору 362 тонна фториди алюминий, 465 тонна криолит, 11 ҳазору 625 тонна кислотаи сулфат истеҳсол шуда буд.

“Ин маҳсулот барои эҳтиёҷоти “Ширкати алюминийи тоҷик” истифода шуда, соли гузашта ширкати “Русал”-и Русия бо 1534 тонна маҳсулот таъмин гардид. Ба Ҷумҳурии Озарбойҷон 60 тонна криолит ва ба Қазоқистон 19 тонна фториди алюминий фурӯхта шуд”, - зикр намудааст Эраҷ Раҳмонов.

Дар ҳамин ҳол вай илова кардааст, ки ҳаҷми солонаи маҳсулоти истеҳсолшаванда дар корхона аз рӯи лоиҳа 18 ҳазор тонна фториди алюминий, 12 ҳазор тонна криолит ва то 130 ҳазор тонна кислотаи сулфат мебошад. Дар корхона 546 мутахассиси ватанӣ бо ҷойи кор таъмин буда, музди моҳонаи онҳо беш аз 2 ҳазор сомониро ташкил медодааст.

247
Барчаспҳо:
Ёвон, содирот, маҳсулот, Русия, РУСАЛ, ТАЛКО, Тоҷикистон
Грузовик с газом, архивное фото

Боз гаронтар: газ 4,5 сомонӣ шуд. Оё нарх поён меравад?

221
(Таҷдидшуда 16:34 06.08.2020)
Қимати гази моеъ, аз умдатарин маводи сӯзишвории нақлиёт дар Тоҷикистон боз ҳам боло рафта ба 4, 5 ва ҳатто дар баъзе аз таъмингоҳҳои маводи сухт то ба 4, 7 сомонӣ баробар шудааст. Зимнан ин нархнома назар ба як моҳи қабл беш аз 55 % баланд гуфта мешавад

ДУШАНБЕ, 6 авг – Sputnik. Шурӯъ аз имрӯз нархи гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон тағйир ёфтааст.

Бино ба иттилоъи манобеъи Sputnik Тоҷикистон ҳоло арзиши як литр гази моеъ ба 4, 5 – 4, 7 сомонӣ боло рафтааст.

Ин дар ҳолест, ки оғози ҳафтаи ҷорӣ нархи он дар аксар нуқтаҳои фурӯши сӯзишворӣ 4, 2 ва 4, 3 сомонӣ муқаррар шуда буд.

Сабаби боло рафтани қиммати газро масъулини ширкатҳои фурӯши маводи сӯхт расман шарҳ намедиҳанд. Як корманди нуқтаи фурӯши сӯзишворӣ (автозаправка) дар ноҳияи Варзоб гуфт, барои ӯ ҳам дақиқ маълум нест, ки чаро нархи газ рӯз ба рӯз боло меравад.

“Мо коргари оддӣ ҳастем. Шахсан ман танҳо дастгоҳи газдиҳандаро ба баки мошинҳо насб мекунам. Маблағи фурӯши газро нафари дигар дар хазина қабул мекунад. Ростӣ барои мо ҳам маълум нест сабаби болоравии нарх, инро роҳбарон медонанд”, иброз намуд, ҳамсуҳбти мо.

Дар ҳамин ҳол аксар ронандаҳои нақлиёт аз баланд шудани нархи газ изҳори нигаронӣ мекунанд. Онҳо мегуянд, баланд шудани арзиши газ дар замони хуруҷи пандемияи COVID -19 ба ҷайби зарба мезанад.

Коршинос сабабҳои ҷаҳиши  нархи гази моеъ дар Тоҷикистонро гуфт

"Нархи газ ба кори мо таъсир мерасонад. Нархи газ гарон шуд гуфта, нархи хизматрасонии мусофиркашони (таксӣ) ро зиёд кунем, ҳеҷ кас намешинад. Дар ин миён мо бояд ҳар моҳ маблағи патентро супорем. Агар нарх ҳамингуна боло рафтан гирад, кори мо тамом мешавад”, - гуфт ронандаи таксӣ.

Коршиносон мегуянд, тағйири нархи газ дар Тоҷикистон дар замони хуруҷи пандемияи COVID-19 ба вуҷуд омад.

Дар оғози моҳи май вақте мақомот сабти бемории вируси каронаро расман тасдиқ карданд, гаштугузори мошинҳо дар шаҳру навоҳии кишвар ба маротиб коҳиш ёфт.

Дар ин миён қимати газ то ба 2, 4 сомонӣ поён рафт. Аммо баъди хатми муҳлати қарантинаи хонагӣ ва эълони вазъи муътадили беҳдоштӣ дар кишвар ҳаракати восиатҳои нақлиёт бештар шуд ва ба ин минвол нархи гази моеъ умдатарин василаи ҳаракатдиҳандаи нақлиёт ҳам рӯз ба рӯз баланд шуд.

Ҳоло бар тибқи мушоҳидаҳо нархи газ дар қиёс ба як моҳи пеш беш аз 55 % баланд шуда то ба 4, 5 - 4, 7 сомонӣ баробар шудааст.

Иктишофи нафту гази Тоҷикистон: танҳо ду ширкат, ҳарду ҳам кор намекунанд

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст. "Фароз”, "Газпром", "Газойл", "Роҳи Сомон нафт" ва “Суғднефт” аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

Саридораи геологияи гуфт, дар Тоҷикистон чи қадар кони нафту газ аст

Аммо то кунун ҳеҷ кадом аз ин ширкатҳо дар бораи сабабҳои болоравии нарх расман изҳори назар накардаанд. Ин вазъ то кай давом мекунад ва нархи газ кай поён меравад? Ин суолест, ки ҳоло бештар аз ҳар вақти дигар масъулинро манзур медорад.

221
Барчаспҳо:
НФС, шикоят, сокинон, гарон, нарх, гази моеъ, Тоҷикистон
Экономический рост, архивное фото

Иқтисоддонҳо мегӯянд ММД Тоҷикистон дар соли оянд 7% рушд мекунад, агар...

38
Вазорати рушди иқтисодии Тоҷикистон вазъеро номбар кард, ки афзоиши ММД-и кишварро дар соли 2021 беш аз 7% таъмин карда метавонад

ДУШАНБЕ, 6 авг — Sputnik. Дар Тоҷикистон, афзоиши маҷмӯи маҳсулоти дохилӣ дар соли 2021 ҳадди аққал 7% пешбинӣ шудааст, хабар медиҳад Авеста бо такя ба Вазорати рушди иқтисод ва савдои ҷумҳурӣ.

Ин ниҳод  иҷрои пешбинии хушбинонаро  танҳо бо иҷрои як шарт имконпазир медонад.

Ба гуфтаи вазорат, афзоиши ММД дар Тоҷикистон аз 7% хоҳад гузашт, танҳо агар мавҷи дуввуми коронавирус вуҷуд надошта бошад.

"Баъзе ташкилотҳои молиявии байналмилалӣ низ пешгӯии хушбинона пешкаш мекунанд. Дар сурати мӯътадил шудани вазъ, афзоиши ММД-и ҷумҳурӣ то нишондиҳандаҳои оғози пандемия, яъне зиёда аз 7% таъмин карда мешавад", - гуфтааст вазорат.

Пул нест: касри буҷет дар чаҳор моҳ ба 60 миллион доллар расид

Ҳамзамон, коршиносон бар он назаранд, ки ба ғайр аз вазъи пандемия, бояд ба интиқоли маблағҳои муҳоҷирони меҳнатӣ, воридшавии сармоя ба иқтисодиёти Тоҷикистон ва кори корхонаҳо низ таваҷҷӯҳ зоҳир карда шавад.

Қаблан вазири рушди иқтисод ва савдои Тоҷикистон Завки Завкизода гуфта буд, ки дар шаш моҳи аввали соли 2020 афзоиши ММД 3,5% буд.

Вазорати молия: нақшаи буҷет иҷро нашуд

Ҳамзамон, тибқи пешгӯиҳои Бонки ҷаҳонӣ, дар соли 2020 ММД-и Тоҷикистон то 2% коҳиш хоҳад ёфт ва дар соли 2021 афзоиши он ба 3,7% дар назар аст.

38
Молоток судьи в суде, архивное фото

Се соли зиндон: суди Хуҷанд ҳукми корманди қалбакии идораи зидди фасодро эълон кард

0
(Таҷдидшуда 17:22 06.08.2020)
Суди шаҳри Хуҷанд нисбати Нуриддинов Анвархӯҷа Ҳайдарович, ки худро корманди Идораи мубориза бо коррупсия хонда аз мақомдорони давлатӣ бо ҳар баҳона пул меситонд, ҷазои маҳрум сохтан аз озодӣ таъин намудааст

ДУШАНБЕ, 6 авг – Sputnik. Суди шаҳри Хуҷанд дар рафти мурофияи додгоҳӣ се ҳолати қаллобии Нуриддиновро ошкор намуда, нисбати ӯ бар асоси Қонуни ҷинояии Тоҷикистон ҷазо таъин намудааст.

Ба иттилои Акбар Шарифӣ, сухангӯи Раёсати вазорати корҳои дохилӣ дар вилояти Суғд, дар ҷараёни маҷлиси судӣ таъкид шудааст, ки Нуриддинов Анвархӯҷа дар се ҳолат тариқи суҳбати телефонӣ худро корманди Идораи мубориза бо коррупсия муаррифӣ карда, аз як раиси ҷамоат ва ду хизматчии давлатии дигар барои гуё ифшо накардани камбудиҳои кориашон ҷамъ 9,2 ҳазор сомонӣ ситонидааст.

"Ҳаракатҳои мардумфиребона тавассути суҳбати телефонӣ сурат гирифта, баъди ба мувофиқа расидан Нуриддинов ба ҳайси шогирд ва иҷрокунандаи супориши роҳбар ба назди ҷабрдидаҳо омада, маблағи маслиҳатшударо ба даст меорад. Ҳол он, ки нафари сеюм вуҷуд надошт ва нафари дар телефон суҳбаткарда низ, худи ӯ мебошад", - иттилоъ медиҳад Шарифӣ.

Боздошти кормади ҳукумати Кӯлоб аз суи Ожонси зидди фасод бо ҷурми заминфурӯшӣ

Судшаванда Нуриддинов Анвархӯҷа Ҳайдарович, сокини 26 солаи шаҳри Хуҷанд буда, ягон ихтисоси касбӣ надорад ва дар ҳеҷ куҷо расман кор намекунад. Ӯ моҳи марти соли 2019 дар асоси моддаҳои 11 ва 237 и Кодекси ҷиноӣ суд шуда нисбаташ бо ҳукми суди шаҳри Хуҷанд ҷазо дар намуди ҷарима тадбиқ шудааст.

Қаблан дар нишасти матбуотӣ Шараф Аваззода, сардори Раёсати Агентии назорати давлатии мубориза бо коррупсия дар вилояти Суғд, гуфт дар ҳоле аз амалҳои ғайриқонунии ин сокини шаҳри Хуҷанд огоҳ шудаанд, ки ӯ худро корманди ниҳоди онҳо хонда ба ситонидани маблағи шаҳрвандон машғул шудааст.

Тафтиши саросарии "Агроинвестбонк": Ожонси зидди фасод пулҳои “гумшуда”-ро меҷӯяд

Суди шаҳри Хуҷанд ҳолатҳои айбдории Нуриддинов Анвархӯҷа Ҳайдаровичро бар асоси моддаи 247 қисми 2 бандҳои "а" ва "в" - и  асноди ҷиноӣ баррасӣ намуда, нисбати номбурда ҷазои маҳрум сохтан аз озодӣ ба муҳлати 3 сол бо адо кардани ҷазо дар Калонияи ислоҳии дорои низоми умумӣ бо ҳуқуқи маҳрум сохтан аз ишғоли мансабҳои муайян ва машғул шудан ба фаъолияти муайян таъин кардааст.

0
Барчаспҳо:
Ожонси зидди фасод, қалбакӣ, корманд, ҳукм, Хуҷанд, суд