"ТАЛКО" ва Кумитаи сайёҳӣ: имзои санадҳои нави ҳамкорӣ миёни Тоҷикистон ва Швейтсария
(Таҷдидшуда 16:51 06.11.2019)
Имрӯз дар чорчӯби мулоқоти Эмомалӣ Раҳмон бо доираи соҳибкорони Швейтсария миёни Тоҷикистону ин кишвар санадҳои нави ҳамкорӣ имзо шудандДУШАНБЕ, 6 ноя — Sputnik. Дар доираи сафари расмӣ дар Конфедератсияи Швейтсария мулоқоти Президенти Тоҷикистон Эмомалӣ Раҳмон бо доираи соҳибкорону сармоягузорон ва роҳбарони ширкатҳои ин кишвар баргузор шуд.
Бино ба гузориши котиботи раисиҷумҳур, Эмомалӣ Раҳмон дар форуми соҳибкорон бо нутқи пурмуҳтаво суханронӣ кардааст..
© Sputnik / Амир Исаев
Раисиҷумҳур, ин мулоқотро иқдоми муҳим дар самти роҳандозии ҳамкории мутақобилан судманди тиҷоратию иқтисодии кишварҳо арзёбӣ карда, барои доираи васеи намояндагони соҳибкорию молиявии Конфедератсияи Швейтсария имкониятҳои фарохи ҳамкорӣ ва сармоягузорӣ дар Тоҷикистонро муаррифӣ намудааст.
Кишвардор таъкид кардааст, ки Тоҷикистон имрӯз дар чаҳорчубаи стратегияи дарозмӯҳлати рушди миллии худ барномаҳои зиёд ва судовари иқтисодиро амалӣ менамояд, ки татбиқашон ҷалби сармояи бештари хориҷиро тақозо дорад.
Дар ин самт лоиҳаҳои гуногун дар соҳаҳои тандурустӣ, иқтисод, захираҳои обу энергетика, ҳамзамон дар самти рушди институтҳои ҷомеаи шаҳрвандӣ дар Тоҷикистон тариқи ниҳодҳои дахлдори Конфедератсияи Швейтсария маблағгузорӣ мешаванд.
Лоиҳаҳо дар соҳаҳои гуногуни энергетика, инфрасохторӣ, бахши истеҳсолоти саноатӣ, саноати кўҳӣ, сабук ва хӯрокворӣ, аз ҷумла коркарди маҳсулоти кишоварзии аз ҷиҳати экологӣ тоза, металлҳо ва сангҳои қиматбаҳо, нахи пахта, пилла ва умуман, истеҳсоли маҳсулоти ниҳоӣ аз ашёи хом, бахшҳои молия ва бонкдорӣ, сайёҳӣ ва дорусозӣ, барои кишвари мо аз самтҳои афзалиятноки ҳамкорӣ бо доираи соҳибкорону сармоягузорони хориҷӣ мебошад.
Раҳмон ба Швейтсария ва Фаронса сафар кард
Дар охир Эмомалӣ Раҳмон изҳори боварӣ кардааст, ки рушди муносибатҳои ҳамкорӣ дар бахшҳои гуногун ва истифодаи имкону захираҳо барои мардумони ҳар ду кишвар судовар хоҳад буд.
Раисиҷумҳур, аз доираи соҳибкорон ва сармоягузорони Конфедератсияи Швейтсария даъват кардааст, ки ҷиҳати ошноии наздик ва ба роҳ мондани ҳамкории зичу мутақобилан судманд ба Тоҷикистон омада, дар татбиқи лоиҳаҳое, ки аз лиҳози иқтисодӣ фоидаи зиёд меоранд, иштирок намоянд.
Манбаъ афзуда, ки дар анҷоми мулоқот имкониятҳои иқтисодии Тоҷикистон ба таври муфассал муаррифӣ гардида, миёни аъзои ҳайати расмии Тоҷикистон ва намояндагони доираи тоҷирону сармоягузорони Конфедератсияи Швейтсария мубоҳисаи судманд баргузор шудааст.
“Талко” куҳна шуд: Раҳмон қарораш дар бораи корхонаи алюминийро шарҳ дод
Имзои санадҳои нави ҳамкорӣ
Дар форум ҷонибҳо дар ҳузури Эмомалӣ Раҳмон 3 санади нави ҳамкориро ба имзо расониданд:
- Ёддошти тафоҳум байни Палатаи муштараки савдои Швейтсария ва Палатаи савдо ва саноати Ҷумҳурии Тоҷикистон дар бораи ҳамкорӣ;
- Ёддошти тафоҳум байни Созмони миллии маркетингии Швейтсария ва Кумитаи рушди сайёҳии назди Ҳукумати Ҷумҳурии Тоҷикистон оид ба ҳамкорӣ дар соҳаи сайёҳӣ;
- Ёддошти тафоҳум байни Ширкати “Гленкор”-и Конфедератсияи Швейтсария ва Ширкати “Талко”-и Ҷумҳурии Тоҷикистон оид ба интиқоли мутақобилаи молу маҳсулот ба маблағи 1,3 миллиард доллари амрикоӣ.
Барчаспҳо:
Путин: уфти иқтисод аз замони Ҷанги дуввуми ҷаҳонӣ бузургтар буд
(Таҷдидшуда 17:13 27.01.2021)
Президенти Русия Владимир Путин ҷаҳонро аз афзоиши ташаннуҷ дар ҷомеа бинобар таназзули иқтисод ҳушдор дор ДУШАНБЕ, 27 январ - Sputnik. Соли 2020 коҳиши иқтисодӣ бузургтарин пас аз Ҷанги дуюми ҷаҳон буд, гуфт президенти Русия Владимир Путин дар Форуми умумиҷаҳонии иқтисодӣ дар Давос.
Путин таваҷҷӯҳро ба аз даст додани даромади меҳнатии 3,5 триллион доллар дар 9 моҳи соли гузашта ҷалб кард.
"Нишондиҳанда афзоиш меёбад ва дар баробари он ташаннуҷи ҷомеа. Ҳамзамон, барқарорсозии пас аз бӯҳрон осон нест",- гуфт сарвари давлат.
Роҳбари Русия қайд кард, ки 20-30 сол пеш онҳо сиёсати болоравии макроиқтисодиро истифода мебурданд, аммо ҳоло ин захираҳо кор намекунанд, зеро захираҳо тамом шудаанд.
Форуми ҷаҳонии иқтисодии Давос 2021 аз 24 то 29 январ баргузор мешавад.
Чорабинӣ ба мавзӯи "Тағйироти бузург" бахшида шудааст. Дар форум президенти Русия Владимир Путин низ ширкат варзид.
Коршиносон асъори фоидаовар барои соли 2021-ро гуфтанд
(Таҷдидшуда 12:40 27.01.2021)
Коршиносони молиявӣ гуфтанд, ки кадом асъорҳо метавонад дар соли 2021 даромади сармоягузорӣ ба даст орад ва баръакс, аз кадомҳо бояд худдорӣ кардДУШАНБЕ, 27 январ - Sputnik. Коршиносон дар муколама бо РИА Новости гуфтанд, ки барои ба даст овардани фоида аз сармоягузорӣ бояд дар соли 2021 ба кадом асъорҳо сару кор гирифт.
©
Sputnik / Владимир Трефилов
"Интизор меравад, ки Бонки марказии ИМА сиёсати "доллари заиф"-ро татбиқ мекунад. Мо тахмин мезанем, ки сармоягузорӣ бо евро метавонад нисбат ба доллар даромади бештар ба даст орад. Инчунин бояд ба юани чинӣ назар кард, ки метавонад дар муқобили доллар ва евро боло раванд ", - гуфт директори НРАМ Сергей Гришунин.
Иқтисодшинос инчунин франки Швейтсарияро қайд карда, илова намуд, ки фарқияти калони қурби асъор ба татбиқи он халал мерасонад, ки ин ҷолибияти сармоягузории онро коҳиш медиҳад.
Гришунин ҳушдор дод, ки сармоягузорӣ ба асъорҳои сусти рушдёбанда ба мисли лираи туркӣ метавонад аз ҷиҳати молиявӣ хатарнок бошад.
Стратегисти сармоягузории "Открытие брокер" Константин Бушуев гуфт, ки имсол метавон ба асъори "молӣ" - долларҳои Австралия ва Канада, инчунин асъори кишварҳои рӯ ба тараққӣ - реали Бразилия ва песои Мексика диққат дод.
Дурнамои хушоянд: нархи нафт дар соли 2021 чанд хоҳад буд
Коршинос равшанӣ андохт, ки худи ин асъорҳо воситаҳои фоидаовар нестанд, аммо воситаҳои фоиданоки молиявӣ (саҳмияҳо ва вомбаргҳо), ки бо асъори дигар кишварҳо харида шудаанд, метавонанд даромаднокии зиёд ба даст оранд.
Барчаспҳо:
Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додаастДУШАНБЕ, 27 янв — Sputnik. Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.
Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё 1998 ба ивази 300 доллар бо ҳадафи ҳимоя харид.
Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.
Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.
Барчаспҳо: