Ҷамъоварии гандум, акс аз бойгонӣ

Ҷамъоварии ғалла дар Тоҷикистон дар арафаи анҷомёбист

64
(Таҷдидшуда 10:49 10.11.2019)
Вазорати кишоварзии Тоҷикистон гузориш дод, ки то даҳаи аввали моҳи равон дар кишвар наздики 825 ҳазор тонна ғалла ҷамъоварӣ шуд

ДУШАНБЕ, 10 ноя — Sputnik. Кишоварзони Тоҷикистон то даҳаи аввали моҳи ноябр қариб 290 ҳазор гектар ғаллазорро даравида, зироати 280 ҳазор гектари онро барои истеҳсол омода намудаанд.

Имсол дар ҷумҳурӣ 291 ҳазору 510 гектар зироати ғалла кишт шуд, хабар дод нашрияи “Ҷумҳурият” бо такя ба Вазорати кишоварзӣ.  

Манбаъ афзуд, дар ҷумҳурӣ маъракаи ҷамъоварии ҳосили ғалла аз кишти такрорӣ дар арафаи анҷомёбист.

“Ҳосили умумии зироати ҷамъоваришуда 824 ҳазору 828 тоннаро ташкил дод, ки дар муқоиса ба ҳамин давраи соли гузашта зиёд мебошад. Дар маъракаи ҷамъоварии ҳосили ғалла беш аз 1100 комбайн сафарбар гаштааст”, - омадааст дар матлаб.

Манбаъ таъкид намудааст, ки дар баъзе минтақаҳои баландкӯҳи Тоҷикистон ҷамъоварии ҳосили ғалла, идома дошта, то охири моҳи ноябри соли ҷорӣ ба итмом хоҳад расид.

64