Деньги в кошельке, архивное фото

Бонки ҷаҳонӣ сабаби ташаннуҷи вазъи иҷтимоиву иқтисодӣ дар Тоҷикистонро гуфт

449
(Таҷдидшуда 13:35 13.11.2019)
Ташаннуҷи иҷтимоиву иқтисодӣ дар Тоҷикистон бархоста аз набуди амният дар кишвар ва ҳаммарзии он бо Афғонистон аст

ДУШАНБЕ, 13 ноя — Sputnik. Маҳдудияти имконоти таъмини кор ва сатҳи баланди камбизоатӣ дар деҳот дар Тоҷикистон хавфи ташаннуҷи вазъи иҷтимоиву иқтисодиро ба миён меорад, гуфта шудааст дар гузориши вижаи Бонки ҷаҳонӣ.

Таҳлилгарони ташкилоти қарзӣ таҳқиқотеро анҷом доданд, ки дар он хавф ва устувории иқтисоди Тоҷикистон аз таъсирҳои беруна таъкид шудааст.

Тибқи гузориши Бонки ҷаҳонӣ  ташаннуҷи иҷтимоиву иқтисодӣ дар Тоҷикистон бархоста аз набуди амният дар кишвар ва ҳаммарзии он бо Афғонистон аст. Инчунин дар Тоҷикистон хавфҳои иҷтимоӣ вуҷуд доранд, ки аз сатҳи пасти хизматрасонӣ дар деҳот сурат мегиранд.

Дар навбати худ, Бонки ҷаҳонӣ тасмим гирифтааст ба ҷумҳурӣ барои поин овардани хавфҳои гуногун кумак расонад. Ба ҳамин хотир, Бонки ҷаҳонӣ қасд дорад идораҳои дохилӣ дар Тоҷикистонро пурзур кунаду, гуфтугӯ бо аҳолиро ба роҳ монад, ҳамчунин сатҳи хизматрасонӣ ба ҷавононро беҳтар намояд. Инчунин ин ниҳоди молиявӣ тасмим дорад имкониятҳои нави иқтисодӣ дар соҳаи сайёҳӣ ва агробизнесро ташкил намояд.   

Дар ҳоли ҳозир, Бонки ҷаҳонӣ стратегияи наверо роҳандозӣ намудааст, ки дар он масоили осебпазирӣ, мухолифат ва хушунат дарбар гирифта шудааст. Мутахассисони Бонки Ҷаҳонӣ бар онанд, ки ин иқдом метавонад вазъи маблағгузориро барои ҳалли мушкилоте, ки дар Тоҷикистон мавҷуданд, беҳтар намояд.

449
Барчаспҳо:
Бонки ҷаҳонӣ, Афғонистон, ҳаммарз, кишвар, амният, иҷтимоӣ, иқтисодӣ, Тоҷикистон
Работа инвестиционной компании, архивное фото

Рушди иқтисод коҳиш ёфт: коронавирус ба соҳаҳои иқтисоди миллӣ таъсир расонд

43
(Таҷдидшуда 16:02 03.08.2020)
Вазири рушди иқтисод ва савдои Тоҷикистон иттилоъ дод, ки ҳаҷми маҷмӯи маҳсулоти дохилӣ дар шашмоҳаи якуми соли равон 32,4 млрд. сомонӣ ва рушди воқеии он 3,5 фоизро ташкил дод, ки нисбат ба ҳамин давраи соли гузашта 4 банди фоизӣ кам аст

ДУШАНБЕ, 3 авг — Sputnik. Завқӣ Завқизода, вазири рушди иқтисод ва савдои Тоҷикистон, имрӯз зимни нишасти матбуотӣ таъкид кард, ки таҳлили натиҷаҳои рушди иҷтимоию иқтисодӣ дар нимсолаи якум нишон дод, ки пандемияи коронавирус дар ҷаҳон ба соҳаҳои иқтисоди миллӣ низ бетаъсир намонд.

 “Дар шаш моҳи якуми соли 2020 хизматрасонии пулакӣ ба аҳолӣ нисбат ба ҳамин давраи соли гузашта 14 фоиз, дар ҳаҷми умумии тақрибан 2 миллиард сомонӣ коҳиш ёфт”, - афзуд Завқизода.

Вазири иқтисод зикр кард, ки дар ин давра хизматрасонии пулакӣ, аз ҷумла дар меҳмонхонаҳо 45,3 фоиз, тарабхонаҳо 17,3 фоиз, мусофиркашонӣ 8,7 фоиз, аз ҷумла бо нақлиёти ҳавоӣ 57,8 фоиз ва роҳи оҳан 21,4 фоиз, гардиши савдо 5,2 фоиз, маблағгузорӣ ба сармояи асосӣ 4,6 фоиз, аз ҳисоби манбаъҳои хориҷӣ 26 фоиз, воридот 4 фоиз ва боркашонӣ 3,3 фоиз, бахусус бо нақлиёти ҳавоӣ 38 фоиз коҳиш ёфтанд.

Завқӣ Завқизода, илова кард, ки нархи ҷаҳонии пахта ба санаи 27 июли соли равон нисбат ба аввали сол 197 доллар ва алюминий 104 доллар паст шуд, ки ин ба ҳаҷми содирот бетаъсир намемонад.

Инчунин вай қайд кард, ки дар давраи ҳисоботӣ ҳаҷми воридот аз давлатҳои ҳамшарики асосии тиҷоратӣ, ба монанди Чин 18,3 фоиз, Туркия 22,2 фоиз, Япония 43 фоиз, Украина 52,3 фоиз, Эрон 11,7 фоиз кам гардид, ки сохтори онро таҷҳизоти технологӣ, ашёи хом барои саноати коркард, мошинолот ва дигар маҳсулоти зарурӣ ташкил медиҳад.

“Ҳарчанд ки пайомадҳои иқтисодии пандемияи коронавирус ба соҳаҳои иқтисоди миллӣ эҳсос мешавад, вале бо мақсади кам кардани таъсири хавфҳои эҳтимолии COVID-19 силсилаи тадбирҳо роҳандозӣ гардида истодаанд”, - гуфт вазири иқтисод.

Ҳамзамон Завқӣ Завқизода, афзуд, ки оид ба пешгирӣ ва кам намудани таъсири хавфҳои эҳтимолии пандемияи коронавирус ба иқтисоди миллӣ аз 19 марти соли 2020 нақшаи чорабиниҳо тасдиқ гардида, мавриди амал қарор дорад.

43
Барчаспҳо:
маҷмуи маҳсулоти дохилӣ, рушд, миллӣ, иқтисод, вирус, Тоҷикистон
Министр экономразвития и торговли Завки Завкизода

Вазири иқтисод: паҳлӯҳои мусбату манфии узвият ба Иттиҳодияи иқтисодии АвруОсиё меомӯзем

309
Вазири рушди иқтисод ва савдои Тоҷикистон эълон дошт, ки ҷумҳурӣ барои пайваст шудан ба Иттиҳодияи иқтисодии АвруОсиё шитоб надорад ва ҳукумат ҳоло паҳлӯҳои мусбату манфии узвият ба иттиҳодияро мавиди омӯзиш қарор додааст

ДУШАНБЕ, 3 авг — Sputnik. Завқӣ Завқизода, вазири рушди иқтисод ва савдои Тоҷикистон зимни нишасти матбуотӣ қайд кардааст, ки мақомоти кишвар ҳоло суду зиёни дигар кишварҳоро, ки ба Иттиҳоди иқтисодии АвруОсиё пайвастанд мавриди омӯзиш қарор додааст.

 Вай афзул, ки танҳо пас аз омӯзиши дақиқу мӯшикофона ва таҳлил дар бораи узвияти кишвар ба ин Иттиҳод тасмим гирифта хоҳад шуд.

Завқӣ Завқизода афзуд, ки бо назардошти таҷрибаи кишварҳои ҳамсоя тамоми паҳлӯҳои мусбату манфии узвият ба ин иттиҳодия мавриди омӯзиш қарор дода шудааст.

Зубетс гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

“Қарор дар бораи узвият ба Иттиҳоди иқтисодии АвруОсиё ҳоло қабул нашудааст ва маълум ҳам нест, ки он кай аз ҷониби ҳукумат қабул мешавад”, - зикр кард Завқизода.

Ёдрас мешавем, ки ахиран сардори Хадамоти гумруки ҷумҳурӣ Хуршед Каримзода зимни нишасти матбуотӣ дар ин робита изҳор намуд, ки  қабл аз узвият ба ин ё он созмону иттиҳод, ҳамаи паҳлӯҳои мусбату манфии оқибати онро омӯхтан лозим аст.

“Дар яке аз бандҳои шартномаи Иттиҳоди иқтисодии Авруосиё қайд карда шудааст, ки амалиёти воридоту содироти байни кишварҳои узви Иттиҳод аз пардохти боҷи содиротӣ озод карда мешавад, лекин мо медонем, ки қисмати зиёди буҷети кишвари мо аз ҳисоби маблағи боҷи содиротӣ пур мешавад ва аз даст додани ин сарчашма мувофиқи мақсад ба назар намерасад”, - қайд кард Хуршед Каримзода.

309
Барчаспҳо:
иқтисод, Ҳукумат, АвруОсиё, пайвастан, Вазири рушди иқтисод, Тоҷикистон

Хайр Маскав: маросими пӯшидашавии Олимпиадаи соли 1980 - аксҳои нодир

0
(Таҷдидшуда 19:45 03.08.2020)
  • Маросими пӯшидашавии Олимпиадаи XXII соли 1980
  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
Рӯзи 3 августи соли 1980 дар Маскав маросими пӯшидашавии Бозиҳои тобистона баргузор гардид. Ин маросим аз зеботарин маросимҳо дар таърихи олимпиада шинохта шудааст

Бозиҳои тобистонаи олимпии соли 1980 дар Маскав аз 19 июл то 3 август идома кард. Ин нахустин олимпиада дар қаламрави Урупои Шарқӣ буд. 

Макони асосии баргузории мусобиқаҳо шаҳри Маскав буд. Вале бархе аз рақобатҳо дар Таллин, Киев, Ленинград ва Минск низ гузаронида шуданд.

Ба Бозиҳои тобистонаи олимпии соли 1980 - 5179 варзишкор аз 80 давлати ҷаҳон омада буданд.

Номбардорони Тоҷикистон дар Олимпиадаи соли 1980

Маросими пӯшидашавии Олимпиада рӯзи 3 август баргузор гардид. Барномаи консертӣ чанд соат идома кард.

Байрақи сафеди олимпӣ фароварда шуд ва таҳти навои Эдуард Артёмов "Эй варзиш ту ҳамеша пешравӣ ҳастӣ" духтарон бо пироҳанҳои якранг ба майдон баромаданд ва композитсияи даврони Юнони қадимро нишон доданд. Оташи олимпӣ ҳамон лаҳза хомӯш шуд.

Дар рӯи экран симои Хирсак - рамзи Олимпиадаи соли 80-ум намудор шуд. Расми Хирсакро навиштаҷоти "Роҳи сафед" ҳамроҳӣ мекард.

Яке аз ҳассостарин лаҳазот ашкрезии хирсак шуд.

Дар охири маросим меҳмононро сюрприз интизор буд. Дар мобайни майдон таҳти суруди "Хайр Маскав" дар иҷрои Лев Лешенко ва Татяна Антсиферева хирси бузурге бо пуфакҳо пайдо шуд.

Таҳти суруд ва замоне, ки Хирсак ба ҳаво бармехост, аксари мардум ашк мерехтанд.

Олимпиадаи соли 1980 то ҳол дар хотири меҳмонон ва аксари тамошобинону варзишкорон нақш бастааст. Ин бозиҳо яке аз боадолаттарин дар таърихи варзиш шинохта шудаанд, зеро пас аз итмоми онҳо ягон аризаи шикоятӣ ба комиссияи варзишӣ ворид нашудааст.

0
  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Маросими пӯшидашавии Олимпиадаи XXII соли 1980, 3 август дар майдони ба номи Ленин (Лужники) баргузор гардид.

  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
    © Sputnik / Дмитрий Донской

    Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).

  • Маросими пӯшидашавии Олимпиадаи XXII соли 1980
    © Sputnik / Юрий Сомов

    Маросими пӯшидашавии Олимпиадаи XXII соли 1980.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Олимпиадаи соли 1980 натанҳо барои шаҳрвандони ИҶШС балки мардуми ҷаҳон рухдоди муҳиме шуд.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Торжественная церемония закрытия Игр XXII Олимпиады. Центральный стадион имени В.И. Ленина 3 августа 1980 года.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Барои миллионҳо меҳмони хориҷӣ Бозиҳои олимпии соли 1980 дар Маскав бо меҳмоннавозӣ ва меҳрубонии мардуми рус ёддошт шуд.

  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Оташбозӣ дар маросими пӯшидашавии Олимпиадаи XXII соли 1980 дар майдони Лужники.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Олимпиадаи соли 1980 яке аз бозиҳои боадолаттарин дар ҷаҳони варзиш шинохта шудааст, чун дар давоми мусобиқот ягон аризаи шикоятӣ дар бораи натиҷаҳои бозиҳо навишта нашудааст.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Маросими пӯшидашавии Олимпиадаи XXII соли 1980 дар майдони Лужники.

  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
    © Sputnik / Владимир Акимов

    Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд.

Барчаспҳо:
маросим, олимпиада, Маскав