Торговля на рынке Мехргон

Баландшавии нархи гӯшт, дорӯ ва чиптаи ҳавопаймо дар Тоҷикистон

445
(Таҷдидшуда 13:40 21.11.2019)
Дар Тоҷикистон нархи гӯшт ба таври эҳсосшаванда баланд шуд. Ҳамчунин нархи нон, маҳсулоти ордӣ, сабзавот, ширу маҳсулоти ширӣ ва ғайраҳо гарон шудааст

ДУШАНБЕ, 21 ноя — Sputnik. Тайи 9 моҳи соли ҷорӣ нархи маҳсулоти озуқаворӣ дар Тоҷикистон 9,2 дар сад боло рафтааст, омадааст дар иттилоияи Агентии омори назди президенти Ҷумҳурии Тоҷикистон.

Миёни маҳсулоти озуқаворӣ аз ҳама зиёд нархи гӯшт – 21,1 дар сад, гарон шудааст.  Нархи нон ва хӯришҳои аз орд тайёр мешудагӣ 17,2 фоиз, сабзавот – 11,3%, шир ва маҳсулоти ширӣ – 3,5 дар сад гарон шудааст.

Ғайр аз маҳсулоти озуқа нархи дигар молу ашё низ боло рафтааст. Масалан нархи дорӯворӣ дар Тоҷикистон тайи 9 моҳи соли ҷорӣ 12,3  дар сад, техникаҳои рӯзғордорӣ – 6,9 гарон шудааст.

Ҳамчунин нархи маҳсулоти сохтумонӣ низ дар кишвар ба таври эҳсосшаванда баланд шудааст, масалан, нархи хишти пухта ба 5,8 дар сад боло рафтааст.

Нархи чиптаҳои ҳавопаймо чун ҳамеша имсол низ аз гароншавӣ боз намонда, баробар ба 6,3 фоиз боло рафтааст.

Дар ин ҳол нархи тарофаҳои хизматрасониҳои маишӣ 3,6 ва арзиши роҳкиро дар нақлиёти ҷамъиятӣ 2,9 дар сад боло рафтаанд.

445
Барчаспҳо:
гӯшт, дӯкони чиптафурӯшӣ, гарон, нарх, Тоҷикистон
Денежные купюры

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

425
(Таҷдидшуда 12:24 26.02.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки давоми ҳафта дар ҳоли коҳишёбист

ДУШАНБЕ, 26 фев— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1530 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.8277 то 13.9100 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1523 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1510- 0,1535 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1510 то 0.1540 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

425
Барчаспҳо:
сомонӣ, доллар, рубл, Бонки милии Тоҷикистон
Таджикские сомони и рубли, архивное фото

Ҷаҳиши рубл дар бозори асъори Тоҷикистон: сомонӣ заиф мешавад

1244
(Таҷдидшуда 00:01 25.02.2021)
Тағйироти назаррас дар қурби асъор аз охири ҳафтаи гузашта то ҳол дар Тоҷикистон ин болоравии якбораи рублу доллару евро дар баробари сомонӣ мебошад

ДУШАНБЕ, 25 фев - Sputnik. Бонки миллии Тоҷикистон қурби асъори хориҷиро нисбат ба сомонӣ барои имрӯз эълон кард, ки тибқи нишондод асъори миллӣ дар ҳоли заифшавист.

Қурби рубл, ки чанде қабл поин рафта буд, давоми ҳафтаи равон ба таври назаррас боло рафт.

Тибқи нишондоди Бонки миллии кишвар, арзиши рубл танҳо давоми як шабонарӯз беш аз 3 сомонӣ гарон шуд. Ҳоло барои 1000 рубл дар кишвар 155 сомону 30 дирам муқаррар шудааст.

Доллар низ пас аз каме боло рафтан дорад ба нишондоди аввали худ бармегардад ва имрӯз як доллар дар Тоҷикистон 11,3045 сомонӣ арзиш дорад.

Дар мавриди қурби асъори Аврупо бошад, он тули чанд муддат аст, ки калобанда дар марзи 13,6500 то 13,7500 қарор мегирад. Ин ниҳод қурби як евро барои 25 феврал 13,7169 сомонӣ муқаррар кардааст.

Дар мавриди поинравии асъори миллӣ Наврӯз Валиев, сардори шӯъбаи минтақавии Бонки миллӣ дар Хуҷанд мегӯяд, то замони тағйир наёфтани тавозуни савдо ва зиёд нашудани ҳаҷми содироти мол, вазъи бозори асъор осебпазир ва фишор ба қурби пули миллӣ эҳсосшаванда боқӣ мемонад.

Чаҳор бонки мушкилдори Тоҷикистон назди амонатгузорон ҳудуди 90 миллион доллар қарздоранд

Ёдовар мешавем, ки дар Тоҷикистон тамоми амалиёти мубодила танҳо дар бонкҳо ва филиалҳои онҳо, ташкилотҳои қарзӣ, нуқтаҳои махсус, нуқтаҳои интиқоли пул, банкоматҳо ва терминалҳо иҷозат дода мешавад.

Дар сурати риоя накардани меъёрҳо, вайронкунандагон ба ҷавобгарии маъмурӣ кашида мешаванд.

1244

Норозигии мухлисон баъди эълони шикасти Ғаффоров ва ваъдаи президенти "Ахмат" - видео

0
(Таҷдидшуда 15:19 27.02.2021)
Дар зӯрозмоии Absolute Championship Akhmat (ACA) 118 дар Маскав дар пайи сабқати Азам Ғаффоров, размикори тоҷик ва рақиби бразилиягияш Чарз Энрике моҷаро бархест

Доварони сабқат пирӯзиро ба размикори бразилиягӣ доданд, ки ин боиси норозигии мухлисони  Азам Ғаффоров шуд.

Нахуст низомиёни “Росгвардия” талош карданд, норозиёнро ором созанд ва сипас ба назди онҳо Абузайд Висмурадов, президенти бошгоҳи “Ахмат” омад. Ӯ ваъда дод, ки қазияро ҳал мекунанд.

Худи Азам Ғаффоров дар пайи сабқат дар суҳбат бо хабарнигорон аз тасмими доварон изҳори норозигӣ кард. Ӯ бо ишора ба рақибаш, ки ба зӯр аз майдон берун омада ҳаракат мекард, изҳор дошт, ки ин ҷо маълум буд, кӣ пирӯз гардид.

Ғаффоров таъкид кард, ки худро пирӯзи ин сабқат медонаду омода буд даври дигар ҳам зӯрозмоӣ кунад.

Феълан Ғаффорови 27-сола 11 пирӯзӣ ва ду бохт дорад.  Ҳар ду шикаст ҳам бо қарори доварон дода шудааст.

0
Барчаспҳо:
сабқат, мухлисон, Тоҷикистон