Пахта, акс аз бойгонӣ

Нурӣ қимату агроном кам: Қулиев мушкили пахтакорони тоҷикро гуфт

124
(Таҷдидшуда 10:08 24.11.2019)
Ҳабибулло Қулиев, мутахассиси соҳаи кишоварзии минтақаи Кӯлоб, коста будани пахтакориро дар бархе аз навоҳии кишвар ба он рабт дод, ки аксари деҳқонони пахтакор дониши кишоварзӣ надоранду агрономҳо низ дар навоҳӣ каманд

ДУШАНБЕ, 24 ноя — Sputnik. Қулиев гуфт, феълан дар шуъбаҳои кишоварзии шаҳру навоҳӣ як агроном кор мекунад, ки наметавонад саривақт ба кишоварзон маслиҳати зарурӣ диҳад.

"Дар шуъбаҳои кишоварзии шаҳру ноҳияҳои минтақа  ҳамагӣ як агроном фаъолият менамояд, ки ба роҳбарони ҳазорҳо хоҷагии деҳқонӣ маслиҳати зарурию саривақтии соҳавӣ дода наметавонад. Аз ин рӯ, ҳадди ақал дар назди ҷамоатҳои деҳот ба кор қабул кардани агроном аз манфиат холӣ нест", - навиштааст рӯзномаи “Ҷумҳурият” аз қавли Қулиев.

Ширкати русӣ асалҳои Тоҷикистонро ба бозорҳои Русия мебарорад

Манбаъ афзуд, ки мушкили дигари пахтакорон имрӯзҳо бо  нархи дандоншикан аз хориҷи мамлакат дастрас намудани нуриҳои азотӣ ва минералӣ мебошад.

"Худ қазоват кунед, ки пахтакор як халта доруи минералиро  бо арзиши 270 сомонӣ дастрас мекунад, вале корхонаҳои коркарди пахта маҳсулоти онҳоро бо нархи ночиз мехаранд. Ин омилест, ки ҳавасмандии деҳқонро нисбат ба кишти пахта аз байн бурда истодааст. Ҳолати мазкур ба иҷро нагардидани нақшаи кишту коҳиш ёфтани ҳосилнокии он оварда расондааст", - омадааст дар матлаб.

Дар идома пешниҳод шудааст, ки барои рушди пахтакорӣ дар навбати аввал  масъалаи нархи хариди пахта ва  барқарорсозии корхонаи нуриҳои азотии Вахш ҳарчи зудтар бояд мавриди баррасӣ қарор гирад.

“Ба кор ҷалб намудани агрономҳои варзидаи соҳа дар ҷамоатҳои деҳот низ амри зарурист. То кай ин мушкилиҳоро масъулони соҳа бо ҳисоботи бардурӯғ пардапӯш менамоянд? Боиси таассуф аст, ки хоҷагие, ки аз як гектар дусад килограмм ҳосил нагирифтааст, аз иҷрои нақша барвақт ҳисобот медиҳад”, - таъкид шудааст дар матлаби “Ҷумҳурият”.

124
Барчаспҳо:
кишоварзӣ, пахта, Кӯлоб, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

1622
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

1622
Барчаспҳо:
ВМКБ, пешниҳод, Тоҷикистон
Премьер-министр Таджикистана Кохир Расулзода

Баррасии таъмини барқу гармӣ дар Душанбе: Расулзода гуфт, зимистон бе мушкилӣ сипарӣ шавад

116
(Таҷдидшуда 19:39 23.10.2020)
Қоҳир Расулзода, сарвазири Тоҷикистон, бо омодагиҳо ба зимистон дар шаҳри Душанбе шинос шуда, аз Маркази барқу гармидиҳии Душанбе-2 боздид кард

ДУШАНБЕ, 23 окт - Sputnik. Барои фаъолияти Маркази барқу гармидиҳии “Душанбе-2” дар зимистони оянда бояд 1 миллиону 300 ҳазор тонна ангишт захира карда шавад, ки то имрӯз дар анборҳои Марказ беш аз 922 ҳазор тонна ангишт захира гардидааст, хабар дод “Ховар”.

Манбаъ афзуд, ки Расулзода дар Маркази барқу гармидиҳии Душанбе -2 ҷаласа баргузор карда, тақвият бахшидани ҷараёни кашонидани ангишт ва захираи онро талаб кардааст.

Расулзода ҳамчунин ҷоннок намудани фаъолияти иншооти барқу гармидиҳӣ, пайваст намудани иншооти таъйиноти гуногун бо шабакаҳои гармидиҳӣ ва дигар масъалаҳоро мавриди таҳлилу баррасӣ қарор додаст.

“Барқи тоҷик”: маҳдудият нест, санҷиши профилактикӣ аст

“Барои бе мушкилот сипарӣ намудани давраи тирамоҳу зимистони солҳои 2020-2021 аз  масъулони Вазорати саноат ва технологияҳои нав, Вазорати энергетика ва захираҳои об, Ширкати «Барқи тоҷик» ва дигар сохторҳо ҷоннок намудани фаъолият тақозо карда шуд”, - омадааст дар иттилоия.

Нурекская ГЭС
© Официальная страница пресс-службы президента РТ в Facebook

Манбаъ илова намуд, ки дар давраи тирамоҳу зимистони солҳои 2020-2021 дар шаҳри Душанбе шумораи иншооте, ки бо гармӣ таъмин карда мешаванд, 2511 ададро ташкил медиҳад, ки аз ин 1269 иншоот дар ноҳияи Сино, 500 иншоот дар ноҳияи Исмоили Сомонӣ, 500 иншоот дар ноҳияи Шоҳмансур ва 242 иншоот дар ноҳияи Фирдавсӣ ба қайд гирифта шудаанд, ки нисбат ба ҳамин давраи соли гузашта 331 иншоот зиёд мебошад. Дар маҷмӯъ то имрӯз 98 дарсади иншооти ба қайд гирифташуда барои қабули гармӣ омода карда шудаанд.

Боз торикӣ: чаро Тоҷикистон маҳдудияти нерӯи барқро ҷорӣ кард ва он то кай идома меёбад

Таъкид шудааст, ки барои ба Шабакаҳои гармидиҳӣ пайваст намудани қариб 300 иншооти дигар корҳо идома доранд.

116
Члены террористического движения Талибан в Афганистане

Толибон раиси як минтақаи ҳаммарз бо Тоҷикистонро рабуданд

0
(Таҷдидшуда 18:53 24.10.2020)
Давраи навбатии тақобули толибҳо ва ҳукумати Афғонистон дар минтақаҳои ҳаммарз бо Тоҷикистон: мансабдори минтақавӣ дуздида шуд

ДУШАНБЕ, 24 окт — Sputnik. Толибон иҷрокунандаи вазифаи раиси Ишкошимро дар музофоти шимолии Таҳор рабуданд, хабар медиҳад нашрияи Ariana News.

Саифурраҳмон аз ҷониби ҷангиён рӯзи панҷшанбе соатҳои 16:00 дуздида шудааст.

Бино бар иттилои шоҳидон, толибҳо мансабдорро вақте ки аз ҷои кор ба манзилаш бармегашт, бурдаанд.

Котиби матбуоти полиси Таҳор Халил Асир далели дуздида шудани раиси Ишкошимро таъйид кард, аммо аз ироаи маълумоти бештар худдорӣ намуд.

“Толибон қудрат мехоҳанд, на сулҳ! Амрико моро фиреб дод” – мусоҳиба бо Фаҳими Куҳдоманӣ

Ин ҳодисаро бо муташанниҷ шудани тақобули толибҳо ва қувваҳои ҳукуматӣ дар минтақаҳои ҳаммарз бо Тоҷикистон, аз ҷумла музофоти Таҳор иртибот медиҳанд, аммо тасдиқи расмии ин маълумот нест.

 

0