Алюминиевый завод ТАЛКО-КРАНТАС в городе Турсунзаде

“Талко” фурӯхта намешавад: ҷузъиёти созишнома бо Чин

1049
(Таҷдидшуда 12:16 05.12.2019)
“Талко” хабару овозаҳо дар бораи фурӯши ширкат ва саҳмияҳои он ба кишварҳои хориҷиро комилан рад кард

ДУШАНБЕ, 4 дек — Sputnik. Як манбаъи расмӣ дар ширкати "Талко" ба Sputnik Тоҷикистон гуфт, дар созишномаи имзошуда ва музокироте, ки дар ҳоли ҳозир миёни “Талко” ва ширкатҳои чинӣ идома дорад, аслан мавзӯъи фурӯши ширкат ва саҳмияҳояш матраҳ нест.

Сухан дар бораи созишнома миёни “Талко” ва CMEC (China Machinery Engineering Corporation), як ширкати давлатии чинӣ меравад, ки апрели соли равон ба имзо расид.

Бино ба он, ширкати чинӣ барои модернизатсияи Ширкати алюминиуми Тоҷикистон 545 миллион доллар ихтисос хоҳад дод. Он замон расонаҳо аз қавли Ҷанг Чун, раҳбари СМЕС навишта буданд, ки модернизатсия дар ду марҳала ва баъди ду сол анҷом хоҳад ёфт.

Дар бораи ҷузъиёти дигари ин созишнома то ба ҳол иттилои кофӣ мавҷуд набуд, то ин ки радиои “Озодӣ” аз қавли Юе Бин, сафири пешини Чин дар Душанбе хабар дод, ки бо сармоягузории 545 – миллиондолларӣ Ширкати алюминиуми тоҷик бозсозиву амалан ба як корхонаи нави замонавӣ ва моликияти муштараки ду тараф табдил дода хоҳад шуд.

Дар баробари ин дар шабакаҳои иҷтимоӣ ҳарфи эҳтимоли фурӯхтани “Талко” ба Чин низ ба миён омад.

“Ширкати алюминийи тоҷик” дар қатори нерӯгоҳҳои "Норак" ва "Роғун" аз соли 2009 ба ин сӯ моликияти истисноии давлати Тоҷикистон ба ҳисоб меравад, ки ин тамоми заминаҳо барои хусусӣ ва ё фурӯши саҳмияҳои он ба ширкату кишварҳои хориҷиро аз миён мебарад.

Дар чунин ҳол, сарусадоҳои ахир ҷузъиёти созишномаи “Талко” ва СМЕС – ро беш аз пеш ҷолиб кардааст.

Ҳамсӯҳбати Sputnik Тоҷикистон дар “Талко” бар ин аст, ки сафири пешини Чин аз ҷузъиёти созишнома ва дигар санадҳои ҳуқуқии Тоҷикистон огаҳӣ надорад.

Вай афзуд, ин шартнома дар чаҳорчӯби EPC+F имзо шудааст, яьне СМЕС маблағ ҷалб намуда, корхонаро месозад ва дар ахири кор, ба истилоҳ, калидро ба “Талко” таслим хоҳад кард.

Ба қавли ӯ, мутолаоти иқтисодиву молиявӣ (ТЭО) - и корхонаро “Талко” бо ширкати “China aluminium” – и Чин омода кардаанд ва СМЕС на фақат сармоягузор нест, балки танҳо паймонкори кулл асту ҷалби маблағгузориро ба ӯҳда дорад.

"Амалан ин як корхонаи ҷадиде хоҳад буд, ки дар ҳудуди “Талко” сохта хоҳад шуд. Тибқи лоиҳа, иқтидори корхона 300 ҳазор тон пешбинӣ шудааст. Аз он 545 миллион доллари созишнома танҳо 435 миллион барои сохтмон истифода мешавад ва 90 миллиони дигар капитали корӣ аст. Ёдатон бошад, чиниҳо дар Қазоқистон як корхонаи алюминиум ба зарфияти солона 250 ҳазор тонро ба ҳазинаи 1 миллиарду 90 миллион доллар сохта буданд. Аён аст, ки ин корхона барои Тоҷикистон хеле арзон меафтад. Қабл аз ҳама аз он ҳисоб, ки зерсохторҳои зарурӣ, аз қабили анбори ашёи хом, роҳи оҳан, корхонаҳои маводи истеҳсолӣ ва ғайра вуҷуд доранд" - гуфт ҳамсӯҳбати Sputnik Тоҷикистон.

Коршиносе, ки аз гуфтани номаш худдорӣ мекунад, ба Sputnik Тоҷикистон ахбори фурӯши “Талко” – ро музҳик хонд.

Ба қавли ӯ, "ҳоло агар дилхоҳ ширкати алюминиуми ҷаҳонро ба савдо гузоред, саг нигоҳ намекунад, зеро тиҷорати ҷаҳонии алюминиум рӯ ба суқут овардааст".

"Тасаввур кунед, ки тайи 70 соли охир қимати як тон алюминиум дар бозори ҷаҳонӣ аз 10 ҳазор ба 1 ҳазору 750 доллари рӯзҳои мо поён омад. Аз сӯи дигар, тайи солҳои ахир абарширкате, назири “Русал” – и Русия дар саросари ҷаҳон дари 6 корхонаи алюминиумашро баст. Ҳатто “China aluminium” – и Чин кори як корхонаашро, ки солона 10 миллион тон истеҳсол дошт, қатъ намуд. Акнун худ бигӯед, ки “Талко” – ро, ки 45 сол пеш бо технологияи замони Шӯравӣ сохта шудааст, кӣ хоҳад харид? Чиниҳо ку нодон нестанд, ки дидаву дониста дар як кори беҳуда маблағгузорӣ кунанд”, - афзуд коршинос.

"Талко" ё Ширкати алюминиуми тоҷик бузургтарин ширкати саноатӣ ё ба истилоҳи мақомот, “корти шиносоии саноати Тоҷикистон” аст.

То замони буҳрони алюминиумӣ онро бузургтарин манбаъи воридоти асъор ба иқтисоди Тоҷикистон низ мехонданд.

Оё вазъи харобе, ки дар пайи коҳиши қимати алюминиум дар бозори ҷаҳонӣ ҳукм меронад, ин ширкати тоҷикиро низ ба вартаи суқут хоҳад бурд?

Дар чунин ҳол, кори сохтмони корхонаи нав барои “Талко” то куҷо мантиқӣ буда метавонад? Ҳамсӯҳбати Sputnik Тоҷикистон дар “Талко” мегӯяд, вазъи буҳронии ширкат, ки дар пайи таҳаввулоти бозори ҷаҳонӣ ба вуҷуд омад, ҳудуди 10 сол ба ин сӯ бо муваффақият мудирият мешавад.

Вай афзуд, модернизатсия ё эҷоди зарфиятҳои ҷадид ҷузъе аз ин барнома ҳастанд.

"Корхона дар пайи модернизатсия муосиртарин таҷҳизоти истеҳсоли алюминийро ба даст хоҳад овард, масалан, идораи он комилан худкор ё компютерӣ хоҳад буд. Барқ ва дигар хароҷоти истеҳсолӣ қариб як баробар коҳиш меёбанд ва ҳам навъи олии алюминиум ба даст меояд, ки дар бозори ҷаҳонӣ қимати бештар дорад.

Бино ба пешбиниҳо, 94% - и алюминиум бо сифати олӣ истеҳсол хоҳад шуд. Дигар бурди “Талко” дар ин аст, ки то солҳои наздик қариб тамоми ашёи хомро аз дохили кишвар ба даст хоҳад овард”, - гуфт ҳамсӯҳбат.

Бо таваҷҷӯҳ ба ин ки тайи як соли ахир “Талко” бо бонку ширкатҳои хориҷӣ ду шартномаи дигар бо ҳазинаҳои миллиондолларӣ дошт, ин андеша дар мағзҳо хутур мекунад, ки ин ширкат ба оғӯши қарзҳои бузурге худро андохтааст.

Қаблан “Талко” бо “ВТБ” – Бонки тиҷорати хориҷии Русия 320 миллион доллар барои хариди гилхок аз Қазоқистон ва 200 (дар навбати аввал 52) миллион евро бо ширкати фаронсавии “Фивз” (Fives) барои таҷдиди сехи анодаш муомилаҳои пулиеро ба роҳ андохта буд.

Зоҳиран бо қарзи Чин маҷмӯи қарзҳои ширкат аз марзи 1 миллиард доллар убур хоҳад кард. Ба қавли масъули “Талко”, то ин маболиғи ҳангуфт ширкат ҳеҷ қарзе надошт ва танҳо бо “Барқи тоҷик” як муомилаи мутақобили қарзӣ дорад.

Вай афзуд, ин пулҳои калон дар асл он қарзҳое нестанд, ки аз сӯи бархе тасаввур мешавад, аз ҷумла шартнома бо ВТБ бо усули припей (пешпардохт) анҷом мешавад ба ин маъно, ки ВТБ маблағи гилхокро ба “Талко” медиҳад ва пас аз фурӯши алюминиум ҳисоббаробарӣ мекунад, яъне ин қарз нест, маблағгузории тиҷоратӣ аст.

 “Ё пас аз модерниза масрафи анод дар ҳар тон алюминиум то як баробар коҳиш меёбад. Қарзи 52 миллион еврои “Фивз” (Fives) аз ҳисоби ҳамин аноди масрафшуда ва тайи 15 сол пардохт мегардад.

Тавре мебинед, ин ҷо низ пардохти қарз аз сӯи ширкати фаронсаӣ дуруст ҳисоб шудааст. Аз ин роҳ ду тараф ҳам дар рушд ва ҳам суд манфиат доранд”, - афзуд манбаъ. Масъули “Талко” мегӯяд, қарзи Чин низ барои дарозмуддат ва бо фоизи хеле кам дарёфт мешавад. Вай афзуд, ҳоло баҳс сари ин аст, ки муҳлати баргардонидани қарз 12 сол бошад, тавре чиниҳо мехоҳанд ё 15 сол, ки ширкат талаб дорад.

“Созишномаҳои бо ду ширкати хориҷӣ ҳоло ниҳоӣ нашудаанд, зеро чанд шарти дигар ҳам бояд иҷро шавад, масалан, созишнома бояд таъйиди Шӯрои нозирони ширкатро гирад ва ҳам дар ин бора қарори ҳукумати Тоҷикистон ба имзо расад. Дигар ин ки “Талко” тамоми қарзҳояшро бидуни кафолати давлатӣ мегирад ва қарзҳои ширкат ба қарзҳои хориҷии давлат ҳеҷ рабте надоранд”, - мегӯяд масъули “Талко”.

Масъули “Талко” шарҳи бештаре дар ин бора надод, аммо коршиносе, ки бо “Sputnik” сӯҳбат кард, мегӯяд, ҷалби маболиғи ҳангуфт барои иқтисоди Тоҷикистон як кори мушкил аст ва бидуни кафолати давлатӣ дарёфт кардани қарз имкон надорад, зеро ширкатҳои тоҷикӣ зарфияти ҷалб ва ҳам бозпас додани даҳу садҳо миллионро надоранд.

“Ин ки ба “Талко” қарз медиҳанд, ба ин маънист, ки ин ширкат қобилияти баргардонидани онро дорад ва худро ба ҳисобдориву аудити байнулмилалӣ айёр кардааст. Ҳоло ширкатҳои бузургтарини алюминиуми ҷаҳон дар ботлохи қарз ғӯтидаанд. Масалан, “Чалко” – и Чин – ширкати бузургтарини алюминиуми ҷаҳон беш аз 15, “Русал” 10 ва ҳатто ширкати “Алюминийи Қазоқистон” 8,5 миллиард доллар қарздор буданду ҳастанд. Ё агар ҳадаф ба по рост кардани корхонаҳои алюминиуми Русия бошад, “ВТБ” ба ҳамон 6 корхонаи аз кор монда қарз медод. Ин, ки пул ба як ширкати тоҷикӣ қарз медиҳанд, ба ақл намегунҷад. Шояд роҳашро ёфтаанд”, - мегӯяд коршинос.

 “Талко” бузургтарин ширкати Тоҷикистон аст, ки тайи даҳ соли ахир тавсеа ёфта, 8 зерширкати дигар - “Талко – ресурс”, “Талко-голд”, “Талко-флюорид”, “Талко-кабел”, “Талко-минералз”, Талко-кемикал, “Ҳайат Реҷенси”, “Созидание” ба вуҷуд овард ва ба ҷуз соҳаи алюминиум ба истихроҷи дигар нави маодин, истеҳсоли маводи кимиёӣ ва хизматрасонӣ машғул аст.

 “Ҳамаи онҳо худкифо ҳастанд, андозу дигар пардохтҳои буҷаро анҷом медиҳанд ва ҳеҷ гоҳ маоши коргаронашонро низ қатъ накардаанд”, - гуфт ҳамсӯҳбати “Sputnik” дар “Талко”.

 Тибқи иттилои расмӣ, соли 2018 даромади софи ширкат 78 миллион долларро ташкил додааст, ки ба қавли масъули “Талко” ҳиссаи ширкати алюминиум дар ҳадди ақал аст.

1049
Барчаспҳо:
созишнома, Тоҷикистон, Чин, ТАЛКО
Доллары, архивное фото

Танҳо дар 4 моҳ: Тоҷикистон ба маблағи беш аз 7 миллион доллар кумак дарёфт кард

171
(Таҷдидшуда 13:23 23.05.2020)
Аз миёни кишварҳои имдодрасон, ки давоми 4 моҳи ахир ба Тоҷикистон кумаки башардӯстона ирсол намуданд, Ӯзбекистон дар мақоми аввал қарор дорад

ДУШАНБЕ, 23 май — Sputnik. Давоми чор моҳи ахири соли равон ба Тоҷикистон аз ҷониби 43 кишвар, кумакҳои башардӯстона ирсол гардид, хабар медиҳад агентии ТоҷикТа.

Ба иттилои манбаъ, кишварҳои имдодрасон ба Тоҷикистон  ба маблағи 7,7 миллион доллар кумак фиристодаанд.

Дар чор моҳи ахир, Тоҷикистон беш аз 4 ҳазор тонна кумакҳои гуманитариро дарёфт кард. Кумакҳои ирсолшуда аз орду равған, доруворӣ, маводҳои тиббӣ ва дигар маҳсулотҳо иборат буданд.

Кумаки башардӯстона: Тоҷикистон ба маблағи 6 миллион доллар маводи доруворӣ гирифт

Зимнан, аз миёни кишварҳои кумакрасон ба Тоҷикистон, Ҷумҳурии Ӯзбекистон дар мақоми аввал қарор дорад. Зеро танҳо дар чор моҳи ахир, Тоҷикистон аз ҳамсоякишвари Ӯзбекистон ба маблағи 2,5 миллион доллар кумакҳои башардӯстона дарёфт кард.

Дар мақоми баъдӣ Чин қарор дорад. Саҳми ин кишвар дар расондани кумак ба Тоҷикистон ба 2 миллион доллар баробар аст.

Федератсияи Русия дар феҳрасти кишварҳои имдодрасон мақоми сеюмро касб мекунад. Дар давоми 4 моҳ, Русия ба маблағи 865 ҳазор доллар ба Тоҷикистон кумакҳои гуманитарӣ ирсол намудааст.

171
Барчаспҳо:
кумак, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Ҷаласаи Ҳукумати Тоҷикистон

Имзои Раҳмон барои таъсиси ширкати нав дар ТАЛКО ва тасвиби созишнома бо Чин

1629
Эмомалӣ Раҳмон, раисиҷумҳури Тоҷикистон, моҳи равон бо имзои қарори Ҳукумат барои ташкили ҷамъияти саҳомии кушодаи “ТАЛКО Индастрис” дар заминаи амволи “Ширкати алюминийи тоҷик” дастур додааст

ДУШАНБЕ, 21 май — Sputnik. Дар қарори Ҳукумат таъкид шудааст, ки “ТАЛКО Индастрис” дар заминаи амволи силсилаи 5 ва 6-и “Ширкати алюминийи тоҷик” таъсис ёфта, аз ҳамаи сабукию имтиёзҳое, ки  “Ширкати алюминийи тоҷик” дорад, бархӯрдор хоҳад буд. Таъкид шудааст, ки сад фоизи саҳмияҳои “ТАЛКО Индастрис” ба “Ширкати алюминийи тоҷик” тааллуқ хоҳад дошт.

Кумитаи давлатии сармоягузорӣ ва идораи амволи давлатии Тоҷикистон муваззаф шудааст, ки дар ҳамкорӣ бо вазорату идораҳои дигар амволи силсилаи 5 ва 6-ро ба тавозуни “ТАЛКО Индастрис” гузаронанду масоили ташкилию ҳуқуқиро ҳал намоянд.

Эмомалӣ Раҳмон дар қарори ҷадиди Ҳукумат инчунин созишнома бо ширкати чинии “China Machinery Engineering Corporation” –ро тасдиқ кард, ки ба таҷдиду навсозии корхона машғул хоҳад шуд.

Қарори Ҳукумат: соҳиби "саҳмияи тиллоӣ" дар "Роғун”, Талко, "Тоҷик Эйр" маълум шуд

Қаблан бо ширкати давлатии мошинсозии Чин, “China Machinery Engineering Corporation” барои навсозии корхона, яъне таҷдиду навсозии силсилаҳои 5 ва 6-уми истеҳсолоти электролиз, созишнома ба имзо расид, ки гуфта мешуд барои он ширкати чинӣ 545 млн. доллар маблағ ҷудо менамояд.

Абдураҳмон Ҳомидзода, директори идоракунандаи “Ширкати Алюминийи Тоҷик”, изҳор дошта буд, ки ширкати давлатии мошинсозии Ҷумҳурии Халқии Хитой корҳои марбут ба навсозиро аз ҳисоби сармояҳои ҷалбшуда роҳандозӣ намуда, пас аз анҷоми он иншоотро пурра ба ҶСК “Ширкати Алюминийи Тоҷик” месупорад.

“Маблағҳое, ки барои навсозӣ ҷудо карда шудаанд, аз ҳисоби фурӯши алюминийе, ки дар хатҳои электролизии нав истеҳсол мешаванд, бозгардонида хоҳад шуд”, - изҳор дошт Ҳомидзода.

Дар мавриди кори ширкат баъди навсозӣ Ҳомидзода гуфт, пас аз навсозӣ иқтидори истеҳсолии силсилаҳои 5 ва 6-уми истеҳсолоти электролиз ба 300 ҳазор тонна дар як сол расонида мешавад.

“Хароҷоти неруи барқ ва намудҳои дигари истеҳсолот тақрибан ду маротиба коҳиш ёфта, беш аз 90 фоизи алюминий бо сифати баланди А7 ва А8 истеҳсол карда мешавад”, - гуфт мудир.

Қаблан парлумони Тоҷикистон тағйирот ба қонунгузории кишварро ба тасвиб расонд, ки бар асоси он ширкати “Талко” ва нерӯгоҳи “Роғун” аз феҳрасти иншооте, ки хусусӣ карданашон мамнуъ мебошад, хориҷ гардиданд.

1629
Барчаспҳо:
Чин, ТАЛКО, Тоҷикистон
Главный корпус больницы Истиклол

Поёнравӣ ё оромии қабл аз тӯфон: дар шифохонаҳои Тоҷикистон чӣ хабар аст?

277
(Таҷдидшуда 02:25 25.05.2020)
Маҷмӯаи иттилооти дасти аввал аз шифохонаҳо нишон медиҳад, ки шуюъи “вируси корона” дар Тоҷикистон сайри нузулӣ дорад. Аммо мутахассисин мегӯянд, барои кафкӯбӣ кардан ҳанӯз вақт ҳаст

ДУШАНБЕ, 24 май — Sputnik. Масъулини дасти кам 10 шифохонаи шаҳру навоҳӣ ва вилоят ба Sputnik Тоҷикистон таъйид карданд, ки теъдоди маризон рӯ ба коҳиш оварда, утоқҳои табобатӣ холӣ мешаванд.

Эмомалии Мирзо, сухангӯи вазорати тандурустӣ ва ҳифзи иҷтимоии Тоҷикистон гуфт, 23 май, вазири тандурустӣ ба вилояти Хатлон сафар дошт, то бо вазъ дар маҳалҳо ошно шавад.

Вай афзуд, бино ба иттилое, ки сардухтурон дар ихтиёри вазир гузоштанд, тайи рӯзҳои ахир теъдоди назарраси маризон шифо ёфта, ба хонаҳои худ рухсат шудаанд.

“Масалан, дар шифохонаи марказии ноҳияи Ёвон ҳамагӣ чор мариз бистарӣ буданд. Ҳамин гуна вазъ дар Шифохонаи марказии шаҳри Бохтар, маркази вилоят низ мушоҳида шуд. Дар умум аз садҳо нафаре, ки тайи 20 рӯзи ахир дар шифохонаҳои ин вилоят таҳти тадовии табибон буданд, ҳудуди 200 нафар боқӣ мондаанд. Инҳо ҳам ба зудӣ рухсат хоҳанд шуд”, - гуфт Эмомалии Мирзо.

Бистарӣ шудани собиқ ноиби раиси парлумон дар шуъбаи эҳёи бемористони сироятӣ-акс

Ба гуфтаи сухангӯи вазорати тандурустӣ, дирӯз аз шифохонаҳои шаҳри Душанбе дар умум 500 нафар, ки бо маризиҳои мухталиф, аз ҷумла “вируси корона” ва “пневмония” бистарӣ буданд, ба хонаҳои худ рухсат шудаанд.

Бино ба иттилои дарёфтӣ, то лаҳзае, ки ин гузориш омода мешуд, дар корпуси 2 – и Маркази миллии тиббии Тоҷикистон - "Шифобахш", маъруф ба Шифохонаи Қарияи Боло, ҳамагӣ 4 мариз бистарӣ буданд ва дар корпусҳои 4, 6, 8 ва кардиологияи ин марказ, ки тақрибан 500 нафар табобат мегирифтанд, се рӯз ба ин сӯ касе бистарӣ нашуда, теъдоди онҳое, ки таҳти назоратанд, аз 100 поён шудааст.

Бино ба манобеъи мо, бештари маризон ба Маҷмааи тандурустии “Истиқлол” муроҷиат мекунанд ва он ҷо низ теъдоди муроҷеин аз садҳо нафари даҳаҳои аввалу дуюми моҳи равон ба 20 – 30 нафар коҳиш ёфта, рӯзщои ахир то 30 - 40 нафар аз шифохона рухсат мешаванд.

Омори мудҳиш: шумори гирифторини COVID-19 дар ҷаҳон аз 5 миллион нафар гузашт

Вазъи ҳамсон дар Шифохонаи маризиҳои сироятӣ ва ҳам Маркази гастроэнтрологияи Душанбе низ мушоҳида мешавад. Сухангӯи вазорати тандурустӣ ва ҳифзи иҷтимоии Тоҷикистон вазъи Вилояти Мухтори Кӯҳистони Бадахшон ва Навоҳии тобеъи ҷумҳуриро низ рӯ ба беҳбудӣ арзёбӣ кард.

“Хушбахтона, Вилояти Мухтори Кӯҳистони Бадахшон дар қиёс бо дигар вилоёт садамаи камтар расида, ҳоло теъдоди маризон бамаротиб коҳиш ёфтааст. Иттилое, ки аз Навоҳии тобеъи ҷумҳурӣ дар ихтиёри мо гузошта мешавад, низ аз поёни омадани мавориди сироят ва фавт ривоят мекунад”, - гуфт Эмомалии Мирзо.

Ду – се рӯз пас

Вилояти Суғд, ки дар баробари пойтахт – Душанбе дуввумин нуқтаи доғи шуюъи “вируси корона” ба ҳисоб мерафт, низ ҳоло шоҳиди беҳбуди вазъ аст.

Ҳанӯз 20 май хабаргузории “Ховар” аз коҳиши муроҷиати маризон ва тадриҷан холӣ шудани шифохонаҳо дар ин вилоят хабар дода буд. Яке аз минтақаҳои доғ ноҳияи Бобоҷон Ғафуров буд, ки бино ба иттилои дарёфтӣ, дирӯз 24 май, охирин гирифторонро рухсат намудааст.

Вазъ дар Хуҷанду Истаравшан, шаҳрҳое, ки мавориди бештари гирифторӣ ба “вируси корона” ва “пневмония” – ро таҷриба кардаанд, низ аз ҳамин қарор аст.

Як манбаъ дар Шифохонаи маризиҳои сироятии шаҳри Хуҷанд, ки бори аслии табобати маризони вазнинро мекашид, ба Sputnik Тоҷикистон гуфт, агар вазъ ба ҳамин минвол идома пайдо кунад, то чанд рӯзи дигар ин шифохона холӣ хоҳад шуд.

Нишонаҳои коронавирус мушоҳида намешуд: сабаби марги раиси Тоҷикобод муйаян шуд

Нигора Наимҷонова, муовини раиси Истаравшан як рӯзи қабл, 24 май, ба Sputnik Тоҷикистон гуфт, ҳоло дар Шифохонаи марказии шаҳр ҳудуди 30 нафар табобат мегиранд.

“Муроҷеъин кам шудаанд ва умедворем, ки то ду – се рӯзи дигар тамоми маризон рухсат шаванд. Аз сӯи дигар, онҳоеро, ки ҳолати сабуку миёна доранд, тариқи гаштҳои хонагӣ ошкор намуда, духтуронро масъули нигоҳубини онҳо кардаем”, - гуфт Нигора Наимҷонова.

Иттилоъе аз ин қабилро дар Шифохонаи марказӣ ва Маркази физиотерпевтии воқеъ дар ноҳияи Ҷаббор Расулов, ки шоҳиди аввалин мавориди расонаишудаи маргумирҳо аз “пневмония” буданд, низ дар ихтиёри мо гузоштанд. Маъруф Ҳоҷибоев, муовини сардори Раёсати тандурустии вилояти Суғд, гуфт, дар ҳоли ҳозир дар 18 ноҳияи вилоят ҳудуди 400 нафар таҳти муроқибати табибон қарор доранд.

“Ҳолати аксарияти кул рӯ ба беҳбудӣ оварда, мавориди вазнин хеле кам шудаанд. Теъдоди фавт низ сахт коҳиш ёфта, ин умедворӣ ба вуҷуд омадааст, ки ба ҳамин қарибӣ вилоят аз ин вабо озод шавад”, - гуфт Маъруф Ҳоҷибоев.

“Мавҷи дуюм”

Дар ҳамин ҳол, ҳамсӯҳбатони мо коҳиши муроҷиати маризон ба шифохонаҳои Тоҷикистонро ҳанӯз анҷоми ин набарди пур аз талафот бо “вируси корона” намебинанд.

Ба қавли онҳо, таҷрибаи кишварҳои дигар нишон медиҳад, ки сайри нузулӣ ё коҳиши мавориди гирифторӣ ҳанӯз комилан аз миён рафтани “вируси корона” буда наметавонад. “Эҳтимол дорад, ки ба истилоҳ, “мавҷи дуюм” моро дар пеш бошад.

Аз ин хотир, мардум набояд фирефтаи ахбори хуш шаванд, балки ҳамоно аз эҳтиёт кор гиранд, пойбанди қавонини беҳдоштиву гигиенаи шахсӣ ва дар хона бимонанд.

Агар вазъ ба ҳамин минвол идома пайдо кунад, тақрибан 20 рӯзи дигар зарур аст, то бигӯем, ки кор тамом шуд ва итминони хотир пайдо кунем”, - гуфт яке аз онҳо.

Дар ҳамин ҳол, оморе, ки вазорати тандурустии Тоҷикистон рӯзи 24 май нашр кард, ҳикоят аз коҳиши ками мавориди гирифторӣ ба “вируси корона” мекунад.

Роҳандозии озмоишгоҳи вирусологӣ дар Хуҷанд барои муайян кардани коронавирус

Бино ба ин манбаъ, аз соати 17 – и рӯзи 22 ба ҳамин соати 23 май дар кишвар 191 (рӯзи қабл 187) ҳолати нави гирифторӣ ба ин маризӣ сабт шуда, теъдоди умумии ибтило ба 2929 маврид расидааст. Масъулин мегӯянд, ин натиҷаи санҷиш ё тестҳоест, ки як ҳафтаи қабл гирифта, ҳоло таъйид шудаанд ва ин бозгӯи вазъи рӯзҳои ахир нест.

277