Министерство финансов РТ. Архивное фото

Сафири Эрон хостори афзоиши ҳаҷми мубодилоти иқтисодии Теҳрону Душанбе шуд

118
(Таҷдидшуда 01:31 11.12.2019)
Сафири Эрон дар Тоҷикистон бар зарурати афзоиши ҳаҷми мубодилоти иқтисодии Теҳрону Душанбе таъкид кард

ДУШАНБЕ, 11 дек - Sputnik. Муҳаммадтақии Собирӣ, сафири Эрон дар дидор бо Файзиддин Қаҳҳорзода, вазири молияи Тоҷикистон дар хусуси роҳҳои густариши равобити ду кишвар дар заминаҳои иқтисодӣ ва молӣ табодули назар кард, иттилоъ додааст хабаргузории “Parstoday”.

Тибқи иттилои манбаъ, сафири Эрон дар Тоҷикистон бо ишора ба зарфиятҳои боло ва моҳияти мукаммал будани иқтисоди Эрону Тоҷикистон омодагии Эронро барои ҳамкорӣ дар ҳама заминаҳо ва иҷрои тарҳҳои муштарак бо Тоҷикистон эълом кард.

Вазири молияи Тоҷикистон ҳам дар ин дидор бо ишора ба собиқаи тӯлонии дӯстӣ ва иштирокоти ду миллат ва давлатҳои Эрону Тоҷикистон гуфт, бо таваҷҷуҳ ба тавонмандии фаннӣ ва содиротии ширкатҳои эронӣ Тоҷикистон дар бисёре аз заминаҳо омодаи ҳамкорӣ барои сохти корхонаҳои муштарак аст.

Ёдрас мешавем, ки ахиран Иззатуллоҳ Сатторӣ, вазири кишоварзии Тоҷикистон зимни дидор бо сафири Эрон гуфт, ки ҷумҳурӣ барои ҳамкорӣ ва истифода аз таҷрибаи Эрон дар бахши кишоварзӣ омода аст.

Вазири кишоварзии Тоҷикистон дар дидор бо Муҳаммадтақии Собирӣ, сафири Эрон дар Тоҷикистон, бар зарурати густариши беш аз пеши равобити дуҷониба таъкид кард.

Муҳаммадтақии Собирӣ, сафири Эрон дар Тоҷикистон низ дар ин дидор бо ишора ба таҳаввулоти мусбати чандмоҳаи ахир дар равобити ду кишвар гуфт, Эрон дар бахши кишоварзӣ дар заминаҳои тавлид ва тавсеаи мошинолоти кишоварзӣ, таъмин ва ислоҳи тухмии маҳсулот, густариши мустаҳкам кардани соҳилҳо ва ҳифозати хок, афзоиши зариби худиттикоии маҳсулоти роҳбурдии асосӣ ва тавсеаи обзипарварӣ ва парвариши моҳӣ дар дарё ва парвариши парандагон, дастовардҳои қобили таваҷҷуҳе доштааст.

Сафири Эрон дар Тоҷикистон тавсеаи боғот, тавсеа ва фароварии гиёҳони доруӣ, шабакаҳои обёрӣ ва заҳкашиву сомонаҳои навини обёрӣ, густариши зерсохтҳои иттилоотӣ ва иртиботӣ ва афзоиши тавлидоти саноеи такмилӣ ва табдилӣ дар бахши кишоварзиро аз дигар дастовардҳои Эрон дар заминаи кишоварзӣ унвон кард.

Собирӣ гуфт, бо таваҷҷуҳ ба оби фаровон ва заминҳои муносиби кишт дар Тоҷикистон, Эрон омодаи ҳамкорӣ дар тамоми заминаҳои бахш кишоварзӣ бо ин кишвар аст.

118
Барчаспҳо:
Теҳрон, Душанбе, иқтисод, афзоиш, Эрон, Тоҷикистон
Таджикские сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

206
(Таҷдидшуда 09:44 19.01.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 19 январ эълон кард

ДУШАНБЕ, 19 янв— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1516 сомонӣ нишон дода шудааст.

Доллари амрикоӣ пас аз якбора боло рафтан дар соли гузашта, дар ҳоли суқут қарор дорад. Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6346 то 13.9000 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз аз 00.1516 то 0.1550 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1525
0,1555 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1525 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Таъиноти кадрӣ аз Бонки миллӣ то Прокуратураи генералӣ: президент кадрҳоро ҷобаҷо кард

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

206
Барчаспҳо:
арзиши асъор, Бонки Миллӣ, Тоҷикистон
Кухня типовой 2-комнатной квартиры

Коҳиши муҳоҷирон иҷораи хонаро дар Русия арзон кардааст

139
(Таҷдидшуда 16:38 18.01.2021)
Коҳиши теъдоди муҳоҷирон дар Русия дар замони пандемияи коронавирус боиси поин рафтани нархи иҷораи хонаҳо дар шаҳрҳои калони кишвар шудааст

ДУШАНБЕ, 18 янв — Sputnik. Дар ҷамъбасти соли 2020 нархи иҷораи хона дар шаҳрҳои калони Русия кам шуд.

Коршиносон яке аз сабабҳоро кам шудани теъдоди муҳоҷирон гуфтанд. Ба панҷгонаи шаҳрҳое, ки нархи иҷораи манзил дар онҳо аз ҳама зиёд поин рафтааст, Маскав ва Санкт-Петербург низ шомил шудаанд.

“Ин ҳолат аз як сӯ ба рафтани муҳоҷирон аз шаҳрҳои калон ва аз ҷониби дигар ба фароҳам шудани имкони кори фосилавӣ рабт дорад”, - изҳор дошт мудири кулли пойгоҳи амволи ғайриманқул, Павел Лутсенко.

Ӯ дар суҳбат бо "МК" изҳор доштааст, нархи иҷораи манзили якҳуҷраӣ дар Маскав  ба 37,9 ҳазор, дуҳуҷраӣ - 45,4 ҳазор ва сеҳуҷраӣ - 55 ҳазор рубл расидааст.

Бар асоси арзёбиҳои ин таҳлилгар, нархи иҷораи манзилҳои аз як то сеҳуҷраӣ мутаносибан дар Санкт-Петербург - 11,4%, 14,5%, 13,2% ва дар Маскав 10,9%, 12,9% ва 13,9% кам шудааст.

Инчунин коҳишёбӣ ба дастрас шудани ипотека дар хонаҳои навбунёд рабт дода мешавад, ки дар натиҷа ниёз ба иҷора кам шудааст.

Манбаъ таъкид кард, ки нархи иҷораи хонаҳо танҳо дар Новосибирск, Волгоград, Омск, Красноярск ва Самара боло рафтааст.

139
Барчаспҳо:
хона, иҷора, муҳоҷирон, Русия
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон