Эмомалӣ Раҳмон, раисиҷумҳури Тоҷикистон бо Рустами Эмомалӣ, шаҳрдори Душанбе ва Қоҳир Расулзода, сарвазири Тоҷикистон, акс аз бойгонӣ

Дидан мехоҳад: Раҳмон сабаби бо худ бурдани Рустамро дар сафарҳо гуфт

5574
(Таҷдидшуда 13:51 09.01.2020)
Эмомалӣ Раҳмон, раисиҷумҳури Тоҷикистон, дар мулоқот бо деҳқонони шаҳри Турсунзода сабаби ӯро ҳамроҳӣ кардани Рустами Эмомалӣ, шаҳрдори Душанбе дар сафар гуфт

ДУШАНБЕ, 9 янв — Sputnik. Раисиҷумҳури Тоҷикистон изҳор дошт, ки имсол нахустин соле буд, ки дар арафаи соли нав нархҳо дар бозорҳои пойтахт боло нарафтанд. Раҳмон далели боло нарафтани нархро дар бозорҳо ба афзоиши истеҳсолоту қонеъ кардани талаботи мардум рабт дод.

"Имсол аввалин соле аст, ки дар бозорҳои пойтахти мо нархи меваю сабзавот ва ҳатто маҳсулоти гӯштию ширӣ боло нарафт. Барои чӣ нарафт? Барои он ки истеҳсолот, таъминот зиёд буд. Талаботи аҳолиро қонеъ кард", - гуфт Раҳмон дар мулоқот бо кишоварзон, ки навори онро телевизионҳои давлатӣ зимни ҷамъбасти ҳафта нашр карданд.

Фотиҳахонии Раҳмону Рустами Эмомалӣ дар хонаи Ҳоҷӣ Камол дар рӯзи ҷумъа-акс

Ӯ масъалаи баланд бардоштани маданияти истифодаи замин ва то 4 ҳосил гирифтанро ба миён гузошта, таъкид намуд, ки теъдоди гармхонаҳо бояд бештар шавад.

Раисиҷумҳури Тоҷикистон илова намуд, ки шаҳрдори Душанбе низ ӯро дар сафарҳо ба навоҳӣ, аз ҷумла шаҳри Турсунзода ҳамроҳӣ мекунад, чун мехоҳад бинаду мардуми пойтахтро бо маҳсулот таъмин кунад.  

Аз Қасри миллат то Масҷиди ҷомеъ: вуруди гулу дарахтони хориҷӣ бо нархи 25 миллион сомонӣ

"Мана раиси шаҳри Душанбе ҳамроҳи ман омаданд. Дидан мехоҳанд, барои таъмин кардани аҳолии пойтахт, мардуми хадамонро бо сабзавоти тару тоза ва аз лиҳози экологӣ тоза", - изҳор дошт Эмомалӣ Раҳмон.

Раисиҷумҳур зикр намуд, ки аҳолӣ сол ба сол зиёд шуда истодааст ва барои таъминоташ бо маҳсулоти худӣ бояд заҳмати бештар кашид.

5574
Барчаспҳо:
маҳсулот, нарх, дар бозорҳо, Душанбе, Тоҷикистон
Здание Налогового комитета при Правительстве РТ. Архивное фото

Кумитаи андоз 13 шаҳру навоҳии қарздорро гуфт: бештарашон дар Хатлон

633
(Таҷдидшуда 19:41 31.10.2020)
Кумитаи андози Тоҷикистон гуфтааст, сарфи назар аз чораҳои андешидашуда зарфи нӯҳ моҳи соли равон нақшаи андоз ва дигар пардохтҳои ҳатмӣ иҷро нашуда, ба ҷойи 8 млрд 143,3 млн сомонии пешбинишуда, ба буҷети давлатӣ 7 млрд 497,0 млн сомонӣ ворид гардид,

ДУШАНБЕ, 31 окт — Sputnik. Ин ниҳод дар ҳисоботи нуҳмоҳааш гуфтааст, 13 шаҳру навоҳии кишвар аз иҷрои нақҳаи андоз набаромаданд.

Ба иттилои манбаъ, бештари шаҳру навоҳии қарздор дар вилояти Хатлон, аз қабили Бохтар 88,2%, Кушониён 94,4%, Вахш 93,0%, Хуросон 94,0%, Қубодиён 97,6%, Ҷомӣ 90,0%, Панҷ 93,6%, Шаҳритуз 97,4%, Леваканд 83,0% мебошад.

Манбаъ мегӯяд, дар вилояти Суғд бошад, танҳо Хуҷанд (95,6%) аз иҷрои нашаи ҷамъоварии андоз набаромад.

Гуфта мешавад ҳамзамон Роғун 91,5%, Турсунзода 84,6% ва Рӯдакӣ 91,2% низ нақшаро иҷро накардаанд, ки дар умум аз ин ҳисоб ба буҷет 91,0 млн сомонӣ ворид нашуд.

Беш аз 27 миллион қарзи Нусратулло Файзуллоев ва Убайдуллоев аз андоз

Кумитаи андоз гуфтааст, дар умум вилоятҳо нақшаи андозро иҷро карданд, аммо Раёсати андози андозсупорандагони калон, ки воридоти маблағҳо аз ин ҳисоб ба буҷети ҷумҳуриявӣ пешбинӣ шудааст - 53,0% таъмин кард.

Ин ниҳод гуфтааст, таъмин нагардидани иҷрои сифатии нақшаи андозҳо, пеш аз ҳама, аз ҷониби кормандони мақомоти андоз дар сатҳи зарурӣ иҷро накардани уҳдадориҳои мансабӣ, аз ҷумла, пурра татбиқ накардани муқаррароти қонунгузории андоз, супоришҳои роҳбарияти Кумита оид ба пешгирии қонунвайронкуниҳо, сари вақт ва дар сатҳи дахлдор анҷом надодани корҳои назоратӣ ва тавзеҳотию фаҳмондадиҳӣ вобаста мебошад.

Дигар омиле, ки ба ин сабаб шуд, ба миён омадани пандемияи коронавирус, ки таъсирашро бевосита ба иқтисодиёти Тоҷикистон низ расонида истода, боиси нокифоя афзоиш ёфтани манбаъҳои андозбандӣ дар аксарияти шаҳру ноҳияҳо, коҳиш ёфтани хизматрасониҳои ширкатҳои ҳавопаймоӣ, фурудгоҳҳо ва ширкатҳои хизматрасонӣ ба ҳамин соҳаҳо, ширкатҳои сайёҳӣ, меҳмонхонаҳо, коҳиш ёфтани гардиши савдои чакана ва ногувор шудани вазъи молиявии баъзе аз корхонаҳо гардидааст.

Дар қонуни нави андоз ҳам бандҳо зиёд шуданду ҳам сафҳа

 Сабаби дигаре, ки ба таъмин нашудани иҷрои нақшаи қисми даромади буҷети давлатӣ таъсир расонида истодааст, ин дар сатҳи зарурӣ афзоиш наёфтани музди меҳнат ва шумораи коргарон дар баъзе корхонаю ташкилотҳо мебошад, ки манбаи андозбандии андоз аз даромад ва андози иҷтимоӣ ба ҳисоб меравад, афзудааст манбаъ.

633
Барчаспҳо:
қарз, нақша, кумитаи андоз, Тоҷикистон
Денежные купюры.

Бонки миллӣ арзиши рубл, доллар ва евроро барои имрӯз эълон кард

148
(Таҷдидшуда 15:01 31.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 31 октябр эълон кардааст

ДУШАНБЕ, 31 окт — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1302 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 10.3398 то 10.3400 сомонӣ арзёбӣ кардааст. 

Уфти рекордии рублу ҷаҳиши доллар: Бонки миллӣ арзиши асъори хориҷиро эълон кард

Бонки миллӣ қурби миёнаи фурӯши 1 евроро 12.0707 то 12.5000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1302 то 0.1330 сомонӣ муқаррар намудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3398 сомонӣ, 1 евро – 12.0707 сомонӣ ва 1 рубли русӣ — 0.1302 сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

148
Барчаспҳо:
Бонки Миллӣ, қурби асъор, Тоҷикистон
Пожар, архивное фото

Сержант то омадани оташнишонҳо сӯхторро хомӯш кард

0
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

0
Барчаспҳо:
оташхомӯшкунӣ, сӯхтор, Тоҷикистон