Шариф Рахимзода. Архивное фото

Раҳимзода: “Талко” ва “Роғун” моликияти миллӣ боқӣ мемонанд

2059
(Таҷдидшуда 13:04 22.01.2020)
Кумитаи иқтисод ва молияи Маҷлиси намояндагони Тоҷикистон баҳсҳо дар бораи хусусӣ кардани нерӯгоҳи “Роғун” ва “Талко” ё Ширкати алюминиуми Тоҷикистонро рад кард

ДУШАНБЕ, 22 янв — Sputnik. Ин Кумита яке аз дастандаркорони тағйироти ахир ба Қонун “Дар бораи хусусигардонии моликияти давлатӣ” буд, ки заминаи хусусӣ кардани амволи “Роғун” ва “Талко” – ро фароҳам карда, аммо мӯҷиби баҳсҳои шадид дар ҷомиа шудааст.

Ин ду иншооти муҳими стратегии Тоҷикистон қаблан моликияти истисноии давлат шинохта шуда, тибқи Қонун “Дар бораи хусусигардонии моликияти давлатӣ” хусусӣ кардани онҳо манъ шуда буд. Ҳоло интиқодҳо аз он аст, ки чӣ тавр мешавад, моликияти миллиро хусусӣ кард, бахусус ки ризоияти мардум ба даст наомадааст.

Шариф Раҳимзода, раиси Кумитаи иқтисод ва молияи Маҷлиси намояндагон ба Sputnik Тоҷикистон гуфт, тағйироти мазкур дар кумитаҳои зидахл мавриди баҳсу баррасиҳои хеле шадид қарор гирифта, моҳияти моликияти миллӣ ё истисноии давлат будани он ҳифз шудааст.

 “Ҳадаф ин ҷо дигар аст. Сухан дар бораи бархе объектҳои дуюмдараҷае меравад, ки ин ду иншоот дар тавозуни худ доранд, аммо дигар зарурат ба онҳо нест, балки барои онҳо зиёновар аст ва садди роҳи рушди онҳо мешавад. Моҳият боқӣ мемонад. Ягон тағйир намешавад. Худи объектҳо хусусӣ нахоҳанд шуд. Фақат бархе сохтмону биноҳое ҳастанд, ки барои давлат зарароваранд, ҳамонҳо аз тавозуни объектҳо бароварда мешаванд”, - гуфт Раҳимзода.

 Маҷлиси намояндагони Тоҷикистон 15 январи соли равон дар ҷаласаи навбатии худ бар асоси пешниҳоди ҳукумати кишвар ба Қонун “Дар бораи хусусигардонии моликияти давлатӣ” тағйир ворид кард. Лоиҳаи ин тағйирот бо имзои Эмомалӣ Раҳмон, раисҷумҳури Тоҷикистон аз 30 декабри соли 2019 вориди Маҷлиси намояндагон шудааст.

Бино ба он, аз моддаи 9-и Қонун “Дар бораи хусусигардонии моликияти давлатӣ” истилоҳоти “неругоҳи барқи обии “Роғун” ва “Корхонаи воҳиди давлатии “Ширкати Алюминийи Тоҷик” ҳазф шуданд.

Моддаи 9-и қонуни мазкур иншоотеро дарбар мегирад, ки хусусӣ карда намешаванд.

Манъи хусусӣ кардани “амволи нерӯгоҳи барқи обии “Норак”, нерўгоҳи барқи обии “Роғун” ва корхонаи воҳиди давлатии “Ширкати Алюминийи Тоҷик” низ соли 2009 бо пешниҳоди ҳукумат ва таъйиди Маҷлиси намояндагони Тоҷикистон анҷом ёфта буд.

 Инак, бо гузашти 11 сол “Роғун” ва “Ширкати алюминийи тоҷик” аз ин феҳрист хориҷ шуданд ва заминаи хусусӣ шудани амволи онҳо фароҳам шуд. Чаро ҳукумати Тоҷикистон ба ин натиҷа расид, ки амволи ин ду иншооти стратегӣ ва ҳам моликияти истисноии давлат хусусӣ шаванд?

Орзу Аҳмадзода, муовини раиси Кумитаи давлатии сармоягузорӣ ва идораи амволи давлатӣ, ки дар палатаи поёнии парлумони Тоҷикистон ба хотири тавзеҳи лоиҳа ҳузур ёфта буд, гуфтааст, ки ҳадаф баланд бардоштани самаранокии фаъолияти ҶСК “Ширкати Алюминийи Тоҷик” ва танзими саҳмияҳои НБО “Роғун” аст.

Ба қавли ӯ, “Талко” ва як қатор корхонаҳои ғайриистеҳсолии он низ ба ҷамъиятҳои саҳҳомӣ бо 100 фоиз саҳми давлат табдил дода ва соли 2010 ба маблағи беш аз 800 миллион сомонӣ саҳмияҳои “Роғун” ба шаҳрвандони кишвар фурӯхта шуданд.

Мавсуф аз ироаи тавзеҳот ба рӯзноманигороне, ки ҷаласа парлумониро пайгирӣ мекарданд, худдорӣ кард ва мавзӯъ аз ин роҳ норӯшан монд.

Коршиносе, ки нахост номаш зикр шавад, гуфт, тағйироти ахир эҳтимолан ба сармоягузории 545 – доллараи Чин ва дигар ширкатҳои ҷаҳонӣ дар тарҳи навсозии “Талко” рабт дорад ва ҳам ҳукумати Тоҷикистон дар сармоягузории “Роғун” ба мушкили молӣ дучор омадааст.

“Чиниҳо, таври маълум, бидуни замонати воқеӣ сармоягузорӣ намекунанд, масалан, пул, ки доданд, ҳатман ягон кон ё саҳм тақозо мекунанд. Кам касе ба ин таваҷҷӯҳ кард, ки моҳи ноябри гузашта “Талко” ба ҷамъияти саҳҳомӣ табдил шуд. Ин ба он маъност, ки ин ширкат акнун метавонад саҳмияҳояшро фурӯшад. Аз сӯи дигар, буҷети Тоҷикистон соли гузашта хеле ба сахтӣ иҷро шуд ва ин ба он маъност, ки “Роғун” – ро танҳо аз ҳисоби буҷет намешавад сармоягузорӣ кард”, - афзуд ӯ.

Шариф Раҳимзода мегӯяд, дар гузашта низ ҳар ширкат ё шахси алоҳида, ки мехостанд дар “Талко” ё “Роғун” сармоягузорӣ кунад, дасти боз доштанд ва бо мувофиқа ва ризоияти дуҷониба метавонистанд вориди амал шаванд: “Тағйирот дар қонун зарурӣ буданд, чун бидуни онҳо намешавад, ки объектҳои дуюмдараҷаро хусусӣ кард. Қонун ҳамаи объектҳоро, ки ба онҳо марбут буданд, дарбар мегирифт. Қаблан ҳам сармоягузорӣ буд. Сармоягузорӣ чӣ аст? Хариди саҳмияҳо дар ҷамъияти саҳҳомӣ. Ҳар кӣ харидор шуду пешниҳод кунад ва шартҳояш дуруст гирад, бидуни мушкил метавонад соҳиби саҳмия шавад”, - гуфт раиси Кумитаи иқтисод ва молияи Маҷлиси намояндагони Тоҷикистон.

Як манбаъ дар “Ширкати алюминиуми тоҷик”, ки ҳанӯз моҳи ноябри соли гузашта ба ҷамъияти саҳҳомӣ табдил ёфтааст, низ ба Sputnik Тоҷикистон гуфт, тағйироти ахир дар қонунгузорӣ ба моҳияти моликияти миллӣ ё давлатӣ будани ин ширкат таъсире нахоҳанд дошт.

“Ҷамъияти саҳҳомӣ ин худ як шакли хусусигардонӣ аст, аммо агар дар бораи ширкати мо бигӯем, 100 дарсади саҳмияҳо дар дасти давлат боқӣ мемонанд”.

Дар гузашта раҳбарияти “Талко” эълон дошта буд, ки зерширкатҳои ин ширкат дар ҳамдастӣ ва сармоягузории ширкатҳои хориҷӣ бунёд шуда, ҳоло фаъолият доранд, аммо қисмати умдаи саҳмияҳо дар дасти худи “Талко” – аст.

2059
Барчаспҳо:
вакил, иқтисод, Маҷлис, баҳсҳо, Тоҷикистон, Роғун, ТАЛКО
Ведущий научный сотрудник Института экономики РАН Зарина Дадабаева

Дадабоева: Минтақаҳои озоди иқтисодии Тоҷикистон ҳоло мушкили муҳоҷиратро ҳал намекунанд

120
(Таҷдидшуда 13:00 12.08.2020)
Муҳаққиқи Институти иқтисодиёти Академияи илмҳои Русия, доктори илмҳои сиёсӣ Зарина Дадабаева шарҳ дод, ки оё имкон дорад бо кумаки Минтақаҳои озоди иқтисодӣ ҷараёни муҳоҷират аз Тоҷикистон ба Россия кам карда шавад

ДУШАНБЕ, 12 авг — Sputnik.  Зарина Дадабоева дар суҳбат бо Sputnik Тоҷикистон гуфт, аз Тоҷикистон захираҳои озоди корӣ асосан ба Русия барои кор мераванд.

Бо мақсади коҳиш додани ҷараёни муҳоҷират, дар Тоҷикистон минтақаҳои озоди иқтисодӣ ташкил карда шуданд, ки ҳоло тавони коҳиши муҳоҷиратро надоранд, гуфт коршинос.

Ҳиссаи шаҳрвандони хориҷӣ дар МОИ набояд аз 20% шумораи кормандон зиёд бошад ва барои кор дар ин минтақаҳо бояд шаҳрвандони Тоҷикистонро ҷалб шаванд, илова кард Дадабоева.

"Дар тӯли ин муддат, тақрибан 800 ҳазор нафар аз аҳолии маҳаллӣ ба кор ҷалб шуданд, ки то ҳол ин мушкилро ҳал намекунад", шарҳ дод, мутахассиси Пажӯҳишгоҳи иқтисодии Академияи илмҳои Русия.

Дадабоева иброз дошт, ки агар сармоягузорон ба минтақаҳои саноатӣ маблағгузорӣ кунанд, ин ҳам барои худи онҳо ва ҳам барои Тоҷикистон фоидаовар хоҳад буд ва чунин ҷараёни бузурги муҳоҷирони меҳнатӣ вуҷуд нахоҳад дошт.

Муовини вазир: дар МОИ “Кӯлоб” 4 ҳазор сокини шаҳр бо кор таъмин мешаванд

Бозгашт ба масъалаи минтақаҳои озоди иқтисодӣ, коршинос қайд кард, ки онҳо дар савдои хориҷӣ, баланд бардоштани иқтисодиёт ва рушди саноат дар Тоҷикистон нақши ҳалкунанда нахоҳанд дошт.

120
Барчаспҳо:
кор, Вазорати меҳнат ва муҳоҷират, иқтисод, муҳоҷират, Тоҷикистон
Денежные купюры США

Низоми тандурустии Тоҷикистон аз буҷа 25 миллион доллар кам пул гирифт

80
(Таҷдидшуда 12:46 12.08.2020)
Дар нимаи аввали соли 2020 ягон бахши давлатии Тоҷикистон 100% аз ҳисоби буҷаи давлат маблағгузорӣ нашудааст

ДУШАНБЕ, 12 авг — Sputnik.  Бино ба маълумоти Агентии омори назди президенти ҷумҳурӣ, ниҳодҳои давлатии Тоҷикистон маблағе, ки аз буҷаи кишвар пешниҳод мегардад, пурра нагирифтаанд.

Тибқи иттилои агентӣ, дар нимсолаи аввали соли 2020, ҳеҷ як бахши давлатӣ аз ҳисоби буҷети давлатӣ 100% маблағгузорӣ нашудааст.

Ҳамин тавр, дар соҳаи тандурустӣ, ҳатто бо назардошти давраи пандемияи коронавирус, танҳо 72,7% маблағи аслӣ равона шудааст.

Агентии омор шарҳ дод, ки барои рушди соҳаи тандурустӣ 66,9 миллион доллар масраф шудааст, ки аз ҳаҷми нақшаи буҷаи давлатӣ 25 миллион доллар камтар аст.

Манбаъ мегӯяд, дигар соҳаҳо ба ҳисоби миёна 64% -и нақша маблағгузорӣ шудаанд.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Вазорати молияи Тоҷикистон гуфт, ҳаҷми умумии буҷаи давлатӣ дар нимсолаи аввали соли ҷорӣ аз 950,5 миллион доллар зиёд аст, ки ин аз нақшаи ислоҳшуда 44,6 миллион доллар камтар мебошад.

80
Барчаспҳо:
Вазорати тандурустӣ, Вазорати молия, маблағ, буҷа, Тоҷикистон
Народный поэт Таджикистана Гулназар Келди

Гулназар Келдӣ зери дастгоҳи нафасдиҳии сунъӣ гузаронда шуд

0
(Таҷдидшуда 17:14 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон бадтар шудааст

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст кардаанд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Ахиран шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

0