Таджикский алюминиевый завод, архивное фото

Тафсилоти нав: “Талко” “модар” - и чанд “духтар” мешавад?

897
(Таҷдидшуда 09:50 27.01.2020)
Ширкати алюминуми тоҷик ё “Талко” далоили ба ширкати саҳомӣ табдил ёфтанашро шарҳ дода, гуфтааст, ки як идда корхонаҳояш ба “ашхоси ҳуқуқӣ”, ё ба таъбири дигар, ширкатҳои фаръӣ табдил хоҳанд шуд

ДУШАНБЕ, 27 янв — Sputnik. Тибқи қарори ҳукумати Тоҷикистон (аз 31 июли соли 2019) аз 1 ноябри соли 2019 Ширкати алюминиуми тоҷик аз корхонаи воҳиди давлатӣ ба ширкати саҳомии озод табдил ёфт, ки 100 дарсад саҳми он мутааллиқи ҳукумати Тоҷикистон аст. Аммо бо ин таҳаввулот дар “Талко” тамом намешавад.

Бино ба иттилоияи ширкат, ки дастраси Sputnik Тоҷикистон шудааст, тибқи ин қарор, ширкати зертобеъи “Талко” - “Алюминсохтмон” низ ба ширкати саҳомии озод табдил мешавад, аммо 100% саҳмияҳои он мутааллиқ ба “Талко” хоҳад буд. “Маркази савдои “Металлург”, маҷмӯаи меҳмонхонаҳои ”Ширканд”, хонаи истироҳати “Куран” ва дигар иншооти тобеъи ширкат ба шахсони ҳуқуқӣ табдил мешаванд, аммо саҳми «Талко» дар онҳо 100% пешбинӣ шудааст”, - омадааст дар иттилоия.

Ин таҳаввулот ба тағйироти ахири Қонун “Дар бораи хусусигардонии давлатӣ”, ки аз сӯи палатаҳои боливу поёнии Маҷлиси Олии Тоҷикистон пазируфта шуданд, равшанӣ меандозад.

Бино ба ин тағйирот, Ширкати алюминиуми тоҷик ва неругоҳи барқи обии Роғун, ки қаблан моликияти истисноии давлат маҳсуб мешуданд, аз моддаи 6 – и ин қонун хориҷ карда шуданд. Ҳоло “Талко” дар иттилоияаш ба далоили зарурати табдил шуданаш ба ширкати саҳомии озод пардохта, гуфтааст, ки табдили он ба як ширкати саҳомӣ паёмади воқеии вазъи ҳоким дар ширкат аст, ки дар пайи рискҳои рӯз ба рӯз афзоянда дар бозори ҷаҳонии алюминиум пеш омадааст.

 “Вақте «Талко» як корхонаи воҳиди давлатӣ буд, дар ҷалби сармоягузории хориҷӣ ба мушкилоти ҷиддӣ мувоҷеҳ шуд, зеро корхонаҳои воҳид як навъи хоси ашхоси ҳуқуқӣ ҳастанд, ки дар қонунгузории кишварҳои хориҷӣ ёфт намешавад. Ин қабил ширкатҳоро маъмулан "навъи интиқолӣ" – и ширкатҳо ба шакли дигари фаъолият мешиносанд.

Фармони Раҳмон барои ҷаласаи ғайринавбатӣ: баҳси таъиноти додситони кулл ва Роғуну Талко

Дар ин чорчӯб ширкати саҳомӣ ба сармоягузорони билқувваи хориҷӣ шакли қобили дарки мудирияти ҳуқуқӣ ва иқтисодии тиҷорат дониста мешавад. Бинобарин, табдили Ширкати алюминиуми тоҷик ба як ширкати саҳомӣ, аз назари ҷалби сармояи хориҷӣ барои рушди худ, имкониятҳои густурдатареро фароҳам мекунад”, - омадааст дар иттилоияи “Талко”.

Ширкатҳои саҳомӣ дар ин санад шакли аслии ташкили корхонаҳо ва муассисаҳои бузурги модерн дар саросари ҷаҳон унвон шудаанд, ки “комилтарин механизми қонунии сомондиҳии иқтисодҳояшон, масалан, аз тариқи дастрасӣ ба бозори сармоя ва воситаҳои молӣ, ҷалби маболиғ, муттаҳид кардани сармояҳо, ки ҳеҷ маҳдудите надорад, суботи идорӣ ва молӣ, мудирияти ҳирфаӣ, имкони бозпрдохт аз тариқ фурӯш ё бозгашти саҳмияҳо, дарёфти навъҳои мухталифи фоида, ҳимояти қонунии қавитар ва ғайра мебошанд”.

Ҳамин тавр, “Талко”, ба истилоҳи маъмул дар адабиёти иқтисодӣ, “модар” – и чанд “духтар” – и дигар мешавад. Ширкати, ба истилоҳ, “модар” ширкати асосӣ буда, беш аз нисфи сармоя (ё бастаи назоратии саҳмияҳо) – и як ва якчанд ширкати, ба истилоҳ, “духтар” ё фаръӣ (тобеъа) - ро дар ихтиёр дорад. Дар навбати худ, ширкати фаръӣ шахси ҳуқуқии алоҳида бо бастаи комили ҳуқуқ ва вазифаҳост. Истифодаи истилоҳоти “модар” ва “духтар” дар чунин маворид бештар дар забони русӣ ба чашм мехӯрад.

Дар ҳамин ҳол, Ширкат алюминиуми тоҷик бар ин таъкид мекунад, ки аз аҳамияти муҳимтарини стратегӣ барои иқтисоди Тоҷикистон бархӯрдор аст ва моликияти истисноии давлат мебошад, тавре зикр шуд, 100% - и саҳмияҳои он ба ҳукумати Тоҷикистон тааллуқ дорад.

“Танзими қонунӣ ва натиҷадиҳии фаъолияти Ширкат алюминиуми тоҷик аз ҳисоби ширкати давлат дар мудирият, моликият, истифода ва танзими саҳмияҳо, ҳамчунин назорат бар истифодаи муассири дороии ширкати саҳомӣ ҳосил мешавад. Ин ба он маъност, ки ҳар гуна иқдоми анҷомшуда бо саҳмияҳои “Талко” дар чорчӯби қонуни феълии кишвар ва бо таваҷҷуҳ ба шароити шаффофияти муомилоти тиҷорӣ анҷом хоҳад шуд”, - омадааст дар иттилоияи “Талко”.

897
Барчаспҳо:
Ширкати алюминии Тоҷикистон, "Ширкати Алюминийи Тоҷик", ҳуқуқӣ, корхона, шарҳ, ширкат, ТАЛКО
Ведущий научный сотрудник Института экономики РАН Зарина Дадабаева

Дадабоева: Минтақаҳои озоди иқтисодии Тоҷикистон ҳоло мушкили муҳоҷиратро ҳал намекунанд

126
(Таҷдидшуда 13:00 12.08.2020)
Муҳаққиқи Институти иқтисодиёти Академияи илмҳои Русия, доктори илмҳои сиёсӣ Зарина Дадабаева шарҳ дод, ки оё имкон дорад бо кумаки Минтақаҳои озоди иқтисодӣ ҷараёни муҳоҷират аз Тоҷикистон ба Россия кам карда шавад

ДУШАНБЕ, 12 авг — Sputnik.  Зарина Дадабоева дар суҳбат бо Sputnik Тоҷикистон гуфт, аз Тоҷикистон захираҳои озоди корӣ асосан ба Русия барои кор мераванд.

Бо мақсади коҳиш додани ҷараёни муҳоҷират, дар Тоҷикистон минтақаҳои озоди иқтисодӣ ташкил карда шуданд, ки ҳоло тавони коҳиши муҳоҷиратро надоранд, гуфт коршинос.

Ҳиссаи шаҳрвандони хориҷӣ дар МОИ набояд аз 20% шумораи кормандон зиёд бошад ва барои кор дар ин минтақаҳо бояд шаҳрвандони Тоҷикистонро ҷалб шаванд, илова кард Дадабоева.

"Дар тӯли ин муддат, тақрибан 800 ҳазор нафар аз аҳолии маҳаллӣ ба кор ҷалб шуданд, ки то ҳол ин мушкилро ҳал намекунад", шарҳ дод, мутахассиси Пажӯҳишгоҳи иқтисодии Академияи илмҳои Русия.

Дадабоева иброз дошт, ки агар сармоягузорон ба минтақаҳои саноатӣ маблағгузорӣ кунанд, ин ҳам барои худи онҳо ва ҳам барои Тоҷикистон фоидаовар хоҳад буд ва чунин ҷараёни бузурги муҳоҷирони меҳнатӣ вуҷуд нахоҳад дошт.

Муовини вазир: дар МОИ “Кӯлоб” 4 ҳазор сокини шаҳр бо кор таъмин мешаванд

Бозгашт ба масъалаи минтақаҳои озоди иқтисодӣ, коршинос қайд кард, ки онҳо дар савдои хориҷӣ, баланд бардоштани иқтисодиёт ва рушди саноат дар Тоҷикистон нақши ҳалкунанда нахоҳанд дошт.

126
Барчаспҳо:
кор, Вазорати меҳнат ва муҳоҷират, иқтисод, муҳоҷират, Тоҷикистон
Денежные купюры США

Низоми тандурустии Тоҷикистон аз буҷа 25 миллион доллар кам пул гирифт

83
(Таҷдидшуда 12:46 12.08.2020)
Дар нимаи аввали соли 2020 ягон бахши давлатии Тоҷикистон 100% аз ҳисоби буҷаи давлат маблағгузорӣ нашудааст

ДУШАНБЕ, 12 авг — Sputnik.  Бино ба маълумоти Агентии омори назди президенти ҷумҳурӣ, ниҳодҳои давлатии Тоҷикистон маблағе, ки аз буҷаи кишвар пешниҳод мегардад, пурра нагирифтаанд.

Тибқи иттилои агентӣ, дар нимсолаи аввали соли 2020, ҳеҷ як бахши давлатӣ аз ҳисоби буҷети давлатӣ 100% маблағгузорӣ нашудааст.

Ҳамин тавр, дар соҳаи тандурустӣ, ҳатто бо назардошти давраи пандемияи коронавирус, танҳо 72,7% маблағи аслӣ равона шудааст.

Агентии омор шарҳ дод, ки барои рушди соҳаи тандурустӣ 66,9 миллион доллар масраф шудааст, ки аз ҳаҷми нақшаи буҷаи давлатӣ 25 миллион доллар камтар аст.

Манбаъ мегӯяд, дигар соҳаҳо ба ҳисоби миёна 64% -и нақша маблағгузорӣ шудаанд.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Вазорати молияи Тоҷикистон гуфт, ҳаҷми умумии буҷаи давлатӣ дар нимсолаи аввали соли ҷорӣ аз 950,5 миллион доллар зиёд аст, ки ин аз нақшаи ислоҳшуда 44,6 миллион доллар камтар мебошад.

83
Барчаспҳо:
Вазорати тандурустӣ, Вазорати молия, маблағ, буҷа, Тоҷикистон

Таркиш ва бераҳмӣ: воқеъияти тазоҳуроти Белорус - гузориши аксӣ

0
(Таҷдидшуда 17:35 12.08.2020)
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
Рӯзи сеюм мешавад, ки дар Белорус тазоҳурот ором намегирад. Аз интихоб шудани Лукашенко ба маснади президентӣ на ҳамаи шаҳрвандон шоданд

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Раҳмон ба Лукашенко: пирӯзӣ, гувоҳи эътирофи саҳми бузургатон дар соҳибихтиёрии давлат аст

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо пирӯз шуд.

Натоиҷи интихобот дар ин кишвар на писанди ҳама шуд. Ҳамин тавр, се рӯз мешавад, ки дар шаҳри Мински Белорус эътирозҳо доман паҳн мекунад.

Тазоҳурот зуд- зуд ба макони задухӯрди эътирозгарон  ва мақомоти пулис табдил меёбад.

Тибқи иттилои расмӣ, давоми се рӯз дар паи гирдиҳамоиҳо беш аз 6 ҳазор кас боздошт шудааст.

Танҳо дар давоми рӯзи гузашта 51 тазоҳургар ва 14 корманди пулис ҷароҳатдор шудааст. 

Кумитаи тафтишотии кишвар дар ин росто 17 парвандаи ҷиноӣ боз кардааст.

0
  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Дар Белорус тазоҳурот пас аз анҷоми интихобот ва эълони пирӯзии мутлақи Лукашенко сар зад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Тибқи иттилои КМИ Белорус бино ба интихоботи мардум бо 80 дарсади овозҳо кишвардори кунунӣ - Александр Лукашенко дигарбора ба мақоми президентӣ интихоб шуд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Натоиҷи интихоботи президентӣ на ба ҳамаи шаҳрвандони Белорус писанд омад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Се рӯз мешавад, ки шаҳрвандони норозӣ аз натоиҷи интихоботи президентии Белорус ба кӯчаҳо мебароянд ва дарҳол миёни онҳо ва мақомоти пулис муноқиша сар мезанад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Бино ба гузориши мақомоти расмӣ дар се рӯзи охир дар паи тазоҳурот беш аз 6 ҳазор кас боздошт шудааст.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / VASILY FEDOSENKO

    Корманди мақомоти қудратии Белоруссия ба тазоҳургари ҷароҳатдор - Евгения Зайчкина ишора мекунад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Тазоҳургарон ба сӯи полис "коктейли Молотов" ҳаво медиҳанд, намояндагони мақомот дар навбати худ бо оринҷакҳои резинӣ ва рангдошта ба онҳо таҳдид мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Танҳо дар давоми шаби гузашта 51 тазоҳургар ва 14 корманди мақомоти қудратӣ захмӣ шуданд. Кумитаи тафтишотии кишвар парвандаи ҷиноӣ боз кард.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP /

    Тазоҳургарон яке аз ҳамсафашонро, ки дар паи бархӯрд бо пулис ҷароҳатдор шудааст, ҳамроҳӣ мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Тазоҳургарон дар яке аз кӯчаҳои шаҳри Минск.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Кормандони мақомоти қудратӣ тазоҳургарро боздошт мекунанд.

Барчаспҳо:
акс, гузориш, тазоҳурот, Белоруссия