Алюминиевый завод ТАЛКО-КРАНТАС в городе Турсунзаде

Суду зиён: 1522 электролизери аз кор баромада ва $22,6 миллион фоидаи “Талко”

316
(Таҷдидшуда 10:11 27.01.2020)
“Талко” ё Ширкати алюминиуми тоҷик дар соли 2019 22,6 миллион доллар фоидаи соф ба даст овардааст, аммо эҷоди мушкил аз сӯи кишварҳои минтақа тайи даҳ соли ахир мӯҷиби аз кор афтодани 1522 электролизёр шудааст

ДУШАНБЕ, 27 янв — Sputnik. Дар иттилоияи “Талко”, ки дастраси Sputnik Тоҷикистон шудааст ва фаъолияти ширкатро дар соли 2019 хулоса кардааст, омадааст, ки соли 2019 дар корхона ҳаҷми истеҳсоли алюминиум дар қиёс бо 95 ҳазор тони соли 2018 6,1% афзуда, ба 100, 8 ҳазор тон расидааст (зарфияти лоиҳавии корхона солона 517 ҳазор тон аст).

Бино ба ин санад, истеҳсоли анодҳои пухта 2,9%, маҳсулоти алюминӣ барои корхонаҳои Тоҷикистон 48% ва сими ғафси алюминӣ – 38,1% афзоиш ёфтааст. “Талко” мегӯяд, ҳаҷми истеҳсоли алюминий дар ширкат аз нархи он дар Биржаи Филизоти Лондон (LME) вобаста аст.

 “Нархи миёнаи алюминий дар LME дар соли 2019 нисбат ба соли қаблӣ, ки $2110,1 сари тонро ташкил медод, ба андозаи 15,1% (-$319) ё $1791,1 сари тон поён омад”, - омадааст дар иттилоияи “Талко”.

Бино ба барномае, ки аз сӯи ҳукумати Тоҷикистон барои истеҳсоли маҳсулоти ҷойгузини воридот ё воридотивазкунанда аз соли 2016 роҳандозӣ мешавад, “Талко” дар ҳамкорӣ бо ду ширкати фаръии худ - “Ноқили Талко” - ву “Алюминсохтмон” ва ҳам “Ноқили Турсунзода”, “Тоҷпроф” – ву корхонаҳои дигар 6 139,40 тон маҳсулот тавлид кардааст, ки дар қиёс бо соли 2018 148% зиёд аст.

 Ин барномаи истеҳсоли маснуоти оташбардор, назири хиштҳои гуногун, кварсит, графити 97-фоиза ва шишаи моеъ аст, ки ашёи хоми онҳо аз каолини маҳаллӣ ва партовҳои саноатии худи “Талко” ба даст омада, қиматашон бамаротиб арзон аст.

“Талко” мегӯяд, дар пайи ин барнома хароҷоти ширкат ба 20 миллион сомонӣ коҳиш ёфта, эҳтиёҷи воридоти ин навъи маҳсулоти воридотивазкунанда пурра аз миён рафтааст. Соли 2019 “Алюминсохтмон”, ширкати фаръии “Талко” ва ширкати мошинсозии Ӯзбекистон “УзавтоТрейлер” корхонаи муштараки “Талко УзавтоТрак” – ро таъсис намуданд, ки 30 мошини боркаш, ду экскаватор ва ду мошини боркунандаро ба бозор ироа карда, ҳудуди 24 миллион сомонӣ ба даст овардааст.

Ширкати алюминиуми тоҷик аввалин корхонаи саноатии Тоҷикистон аст, ки ба хотири шаффофияти фаъолияти худ, аз соли 2010 то ба ҳол аудити молиявии байнулмилалии мустақилро аз сӯи ширкатҳои аудитории Moore Stephens, RSM LLC ва BDO LLC таҷриба мекунад.

“Дар фаъолияти молиявии “Талко” (2006-2018) аз рӯйи нишондодҳои ЕВITDA (даромад то пардохти фоизи кредитӣ, андоз ва истеҳлок (амортизатсия)) камбудии ҷиддӣ ошкор нашуда, низоми кории ширкат рақобатпазир ва фаъолияти истеҳсолии он тибқи дурнамо номурттаб набуда, ба талаботи меъёрҳои байнулмилалии низоми менеҷмент ва тиҷорат мувофиқ мебошад”, - омадааст дар иттилоияи ширкат.

Ҳамин тавр, бино ба натиҷаҳои ин аудит, “Талко” се сол ба ин сӯ фоидаи соф ба даст овардааст, аз ҷумла, соли 2017 – $12,4, 2018 – $76,9 ва 2019 – $22,6 миллион доллар. Ин дар ҳоле, ки солҳои қабл ширкат бо зиён кор мекард, аз ҷумла соли 2015 $60,8 ва 2017 $73,8 миллион доллар зарар дидааст.

“Талко”, бузургтарин муштарии барқи Тоҷикистон, соли 2019 ба 255,93 миллион сомонӣ барқ гирифта, 256,62 миллион ё 100,3% пардохт кардааст. Гардиши тиҷории берунии ширкат соли 2019 318 (воридот $150,7, содирот $167,2) миллион доллар буда, тафовути мусбат $17,2 миллионро ташкил додааст.

Зиён

 “Талко” мегӯяд, соли 2019 як қатор ҳолоти ғайричашмдошт ва новобаста аз “Талко”, аз ҷумла таъхир дар ҳамлу нақли вагонҳои роҳи оҳан ва мошинҳои боркаш дар ҳудуди Туркманистон, ки ба ширкат ашёи хом ва маводи ёрирасон барои алюминийи аввалия мекашонданд, мушкилоти ҷиддӣ пеш омадааст.

“Гилхок, пек ва кокси нафтдор аз қаламрави Ӯзбекистон, бо сабаби фаромадани ярч дар километри 8-уми наздикии истгоҳи роҳи оҳани Ақработ ва Қазоқистон ва эълон шудани ҳолати фавқулодда, таркиши анбори лавозимоти ҳарбӣ дар шаҳри Арис (131 – километрии гузаргоҳи сарҳадии истгоҳи Сариоғош), саривақт ворид нагардиданд”, - омадааст дар иттилоия.

Бино ба ин санад, ин авомил иллати аз кор мондани 90 электролизёр дар соли 2019 гардида, ширкат маҷбур шудааст, ки барои барқарор кардани истеҳсолот ва ба кор андохтани электролизёрҳо тадобири нав ҷӯяд ва 95 электролизёри навро фаъол кунад.

Тибқи иттилои ширкат, тайи даҳ соли охир “бо сабабҳои ба корхона вобастанабуда” зиёда аз 1522 электролизёри амалкунанда (819 адад дар ҳафт соли охир) аз кор мондаанд, ки ҳамоно сабаби аслии пеш омадани ин вазъ саривақт дастрас нашудани ашёи хом ва “амалиёти давлатҳои ҳамсоя оид ба ҳамлу нақли борҳо тавассути роҳи оҳан ва нақлиёти автомобилӣ аз ҳудуди он кишварҳо мебошад”.

Навсозӣ

Ширкати алюминийи тоҷик 31 марти соли 2020 45 - сола мешавад ва ҳоло маҷбур шудааст, барои навсозии таҷҳизоти фарсудаю кӯҳна маблағҳои ҳангуфтеро ба харҷ расонад. Барномаи навсозие, ки ширкат рӯи даст гирифтааст, то се соли оянда дар се давра амалӣ шуда, насби 432 деги элетролизии ҷадиди каммасраф ва афзоиши иқтидор ба 300 ҳазор тонро дар назар дорад.

“Ҳоло як тон алюминий бо харҷи 22,5 ҳазор кВт барқ, аммо дар дегҳои нав ҳамагӣ бо 13,5 ҳазор кВт ба даст меояд. Ба ҷуз барқ харҷи ашёи хом - гилхок, криолит, фториди алюминий ва анод низ коҳиш ёфта, аз ҳар тони алюминий 300 доллар сарфа ва 1,5 ҳазор нафар бо кори доимӣ таъмин мешаванд”, - омадааст дар иттилоияи “Талко”.

Соли 2019 “Талко” бо ВТБ (Бонки тиҷоратии хориҷии Русия) созишномаи ҳамкорӣ имзо кард, ки бино ба он, бонки русӣ интиқоли солона 200 ҳазор тонн гилхок сармоягузорӣ мекунад. Дар ин сол ширкати тоҷикӣ муваффақ шудааст, бо ширкатҳои лоиҳакашии “Fives Solios” (Фаронса) ва “Riedhammer” (РХ, Олмон) сари навсозии сехи анодпазӣ вориди музокирот шуда, Credit Suisse Bank (Шветсария) ва Бонки Рушди Осиё барои сармоягузори ин тарҳ ҷалб кунад.

Дар сармоягузории як лоиҳаи дигари навсозӣ Бонки савдою саноати Чин (ICBC), Goldman Sachs (ИМА) ва Halyq Bank (Халик бонк, Қазоқистон) – ро низ ҷалб хоҳанд шуд.

316
Барчаспҳо:
минтақа, мушкил, фоида, фоиданок, "Ширкати Алюминийи Тоҷик", ТАЛКО
Ведущий научный сотрудник Института экономики РАН Зарина Дадабаева

Дадабоева: Минтақаҳои озоди иқтисодии Тоҷикистон ҳоло мушкили муҳоҷиратро ҳал намекунанд

120
(Таҷдидшуда 13:00 12.08.2020)
Муҳаққиқи Институти иқтисодиёти Академияи илмҳои Русия, доктори илмҳои сиёсӣ Зарина Дадабаева шарҳ дод, ки оё имкон дорад бо кумаки Минтақаҳои озоди иқтисодӣ ҷараёни муҳоҷират аз Тоҷикистон ба Россия кам карда шавад

ДУШАНБЕ, 12 авг — Sputnik.  Зарина Дадабоева дар суҳбат бо Sputnik Тоҷикистон гуфт, аз Тоҷикистон захираҳои озоди корӣ асосан ба Русия барои кор мераванд.

Бо мақсади коҳиш додани ҷараёни муҳоҷират, дар Тоҷикистон минтақаҳои озоди иқтисодӣ ташкил карда шуданд, ки ҳоло тавони коҳиши муҳоҷиратро надоранд, гуфт коршинос.

Ҳиссаи шаҳрвандони хориҷӣ дар МОИ набояд аз 20% шумораи кормандон зиёд бошад ва барои кор дар ин минтақаҳо бояд шаҳрвандони Тоҷикистонро ҷалб шаванд, илова кард Дадабоева.

"Дар тӯли ин муддат, тақрибан 800 ҳазор нафар аз аҳолии маҳаллӣ ба кор ҷалб шуданд, ки то ҳол ин мушкилро ҳал намекунад", шарҳ дод, мутахассиси Пажӯҳишгоҳи иқтисодии Академияи илмҳои Русия.

Дадабоева иброз дошт, ки агар сармоягузорон ба минтақаҳои саноатӣ маблағгузорӣ кунанд, ин ҳам барои худи онҳо ва ҳам барои Тоҷикистон фоидаовар хоҳад буд ва чунин ҷараёни бузурги муҳоҷирони меҳнатӣ вуҷуд нахоҳад дошт.

Муовини вазир: дар МОИ “Кӯлоб” 4 ҳазор сокини шаҳр бо кор таъмин мешаванд

Бозгашт ба масъалаи минтақаҳои озоди иқтисодӣ, коршинос қайд кард, ки онҳо дар савдои хориҷӣ, баланд бардоштани иқтисодиёт ва рушди саноат дар Тоҷикистон нақши ҳалкунанда нахоҳанд дошт.

120
Барчаспҳо:
кор, Вазорати меҳнат ва муҳоҷират, иқтисод, муҳоҷират, Тоҷикистон
Денежные купюры США

Низоми тандурустии Тоҷикистон аз буҷа 25 миллион доллар кам пул гирифт

81
(Таҷдидшуда 12:46 12.08.2020)
Дар нимаи аввали соли 2020 ягон бахши давлатии Тоҷикистон 100% аз ҳисоби буҷаи давлат маблағгузорӣ нашудааст

ДУШАНБЕ, 12 авг — Sputnik.  Бино ба маълумоти Агентии омори назди президенти ҷумҳурӣ, ниҳодҳои давлатии Тоҷикистон маблағе, ки аз буҷаи кишвар пешниҳод мегардад, пурра нагирифтаанд.

Тибқи иттилои агентӣ, дар нимсолаи аввали соли 2020, ҳеҷ як бахши давлатӣ аз ҳисоби буҷети давлатӣ 100% маблағгузорӣ нашудааст.

Ҳамин тавр, дар соҳаи тандурустӣ, ҳатто бо назардошти давраи пандемияи коронавирус, танҳо 72,7% маблағи аслӣ равона шудааст.

Агентии омор шарҳ дод, ки барои рушди соҳаи тандурустӣ 66,9 миллион доллар масраф шудааст, ки аз ҳаҷми нақшаи буҷаи давлатӣ 25 миллион доллар камтар аст.

Манбаъ мегӯяд, дигар соҳаҳо ба ҳисоби миёна 64% -и нақша маблағгузорӣ шудаанд.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Вазорати молияи Тоҷикистон гуфт, ҳаҷми умумии буҷаи давлатӣ дар нимсолаи аввали соли ҷорӣ аз 950,5 миллион доллар зиёд аст, ки ин аз нақшаи ислоҳшуда 44,6 миллион доллар камтар мебошад.

81
Барчаспҳо:
Вазорати тандурустӣ, Вазорати молия, маблағ, буҷа, Тоҷикистон

Таркишҳо ва бераҳмӣ: воқеъияти тазоҳуроти Белорус - гузориши аксӣ

0
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
Рӯзи сеюм мешавад, ки дар Белорус тазоҳурот ором намегирад. Аз интихоб шудани Лукашенко ба маснади президентӣ на ҳамаи шаҳрвандон шоданд

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Раҳмон ба Лукашенко: пирӯзӣ, гувоҳи эътирофи саҳми бузургатон дар соҳибихтиёрии давлат аст

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо пирӯз шуд.

Натоиҷи интихобот дар ин кишвар на писанди ҳама шуд. Ҳамин тавр, се рӯз мешавад, ки дар шаҳри Мински Белорус эътирозҳо доман паҳн мекунад.

Тазоҳурот зуд- зуд ба макони задухӯрди эътирозгарон  ва мақомоти пулис табдил меёбад.

Тибқи иттилои расмӣ, давоми се рӯз дар паи гирдиҳамоиҳо беш аз 6 ҳазор кас боздошт шудааст.

Танҳо дар давоми рӯзи гузашта 51 тазоҳургар ва 14 корманди пулис ҷароҳатдор шудааст. 

Кумитаи тафтишотии кишвар дар ин росто 17 парвандаи ҷиноӣ боз кардааст.

0
  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Дар Белорус тазоҳурот пас аз анҷоми интихобот ва эълони пирӯзии мутлақи Лукашенко сар зад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Тибқи иттилои КМИ Белорус бино ба интихоботи мардум бо 80 дарсади овозҳо кишвардори кунунӣ - Александр Лукашенко дигарбора ба мақоми президентӣ интихоб шуд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Натоиҷи интихоботи президентӣ на ба ҳамаи шаҳрвандони Белорус писанд омад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Се рӯз мешавад, ки шаҳрвандони норозӣ аз натоиҷи интихоботи президентии Белорус ба кӯчаҳо мебароянд ва дарҳол миёни онҳо ва мақомоти пулис муноқиша сар мезанад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Бино ба гузориши мақомоти расмӣ дар се рӯзи охир дар паи тазоҳурот беш аз 6 ҳазор кас боздошт шудааст.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / VASILY FEDOSENKO

    Корманди мақомоти қудратии Белоруссия ба тазоҳургари ҷароҳатдор - Евгения Зайчкина ишора мекунад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Тазоҳургарон ба сӯи полис "коктейли Молотов" ҳаво медиҳанд, намояндагони мақомот дар навбати худ бо оринҷакҳои резинӣ ва рангдошта ба онҳо таҳдид мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Танҳо дар давоми шаби гузашта 51 тазоҳургар ва 14 корманди мақомоти қудратӣ захмӣ шуданд. Кумитаи тафтишотии кишвар парвандаи ҷиноӣ боз кард.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP /

    Тазоҳургарон яке аз ҳамсафашонро, ки дар паи бархӯрд бо пулис ҷароҳатдор шудааст, ҳамроҳӣ мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Тазоҳургарон дар яке аз кӯчаҳои шаҳри Минск.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Кормандони мақомоти қудратӣ тазоҳургарро боздошт мекунанд.

Барчаспҳо:
акс, гузориш, тазоҳурот, Белоруссия