Денежные переводы с помощью Золотой Короны

Шарҳи нави қатъи фаъолияти “Золотая корона”: вай дар рӯйхати Бонки марказии Русия нест

566
(Таҷдидшуда 13:34 04.02.2020)
Раиси “Амонатбонк” зимни як нишасти матбуоти дар шаҳри Душанбе гуфт, фаъолияти низоми интиқоли маблағи “Золотая корона” ба хотири дар ягон рӯйхати Бонки марказии Русия набуданаш, аз бозори интиқоли маблағ дар ҳудуди Тоҷикистон қатъ карда шуд

ДУШАНБЕ, 4 фев — Sputnik. Ба гуфтаи Сироҷиддин Икроми раиси раёсати “Амонатбонк”, низоми интиқоли пули “Золотая корона” новобаста аз он ки 80 дарсади бозори интиқоли маблағро дар ҷумҳурӣ ба дасти худ гирифта буд, камбудӣ дошт. 

Вай афзуд, ки ин низоми интиқоли пул дар ягон  рӯйхати Бонки марказии Русия ба қайд гирифта нашудааст ва ин ташкилот намехоҳад ба бонк мубаддал гардад.

БМТ ба муҳоҷирон: маблағҳои ирсолкарда тавассути низоми “Золотая корона”-ро бозпас гиред

“Маблағи калон дорад, аммо бонк шудан намехоҳад. Агар ба Бонк табдил ёбад, талаботҳо дигар мешавад. “Золотая корона” бояд худро ба ташкилоти қарзӣ табдил медод ва танҳо пас аз ин вай аз ҷониби Бонки марказии Русия танзим мешуд. Ҳамин чиз набуд”, - таъкид дошт Икромӣ.

Инчунин вай зикр кард, ки Бонки миллӣ ва Бонки марказии Русия ҳамкориҳои хуберо дар ин самт ба роҳ мондаанд.

“Маркази интиқоли маблағҳоро дар ҷумҳурӣ ташкил кардем. Ҳамаи ташкилотҳое, ки дар назорати бонки марказии Русия ҳастанд, маблағҳои интиқолдодаи муҳоҷиронро тавасути ҳамин марказ интиқол медиҳанд. “Золотая корона”, ки дар ягон рӯйхати Бонки марказӣ нест, ҳаққи интиқолро надорад.  Ин ташкилот ҳатто ба бонки марказии Русия иттоат намекунад”, - гуфт ӯ.

Ҳамзамон Сироҷиддин Икромӣ қайд кард, ки дар ҳоли ҳозир низоми интиқоли пули “Золотая корона” кушиш дорад шакли хоҷагидорииашро иваз намояд ва ба ягон ташҳкилоти қарзӣ ё банк табдил ёбад. Пас аз табдил ёфтанаш метавонад фаъолияти худро дар Тоҷикистон идома диҳад.

Раиси “Амонатбонк” таъкид дошт, ки дар шакле, ки Золотая корона дар Тоҷикистон фаъолият мекард барои кишвар хавф дошт ва ӯ аз иқдоми пешгирифтаи Бонки миллии Тоҷикистон ҷонибдорӣ кард.

“Ман бар онам, ки ин иқдом аз тарафи Бонки миллӣ саривақтӣ буд. Як замоне мушкили пеш омад, аммо имрӯз ин мушкилот паси сар шуд ва мо пулҳои интиқолдодаро аз Русия, пурра ба аҳоли сари вақт таъмин карда истодаем. Лекин, ин интиқолҳо тавассути ташкилотҳои расмӣ сурат мегиранд”, - гуфт Сироҷиддин Икромӣ.

Вай афзуд, дар гузашта Тоҷикистон бонкҳои ба далели барҳамхурдани низоми интиқоли пули “Мигом” ва “Лидер” маблағҳои худро баргардонида натавонистанд.

Ёдрас мешавем, ки шурӯъ аз 3 декабри соли равон Маркази миллии пардозиш (протсессинг) минҳайси танзимгари миллии интиқоли пардохтҳои пулӣ аз сӯи Бонки миллии Тоҷикистон ба кор шурӯъ кард, ки мӯҷиби овозаву сарусадоҳо ва нигарониву сарсониҳои зиёди муштариёни бонкҳои кишвар шуд.

 

566
Барчаспҳо:
қатъ, маблағ, интиқол, Бонки марказии Русия, интиқоли маблағ, Душанбе, Амонатбонк, Тоҷикистон
Заведующая сектором Центра постсоветских исследований Института экономики РАН Елена Кузьмина

Кузмина: кушодашавии транзит тавассути Эрон масири лоҷувардӣ барои Тоҷикистон хоҳад буд

275
Кушодани роҳи транзит ба Эрон тавассути Афғонистон барои Тоҷикистон хеле муҳим аст, гуфт Елена Кузнетсова, мудири бахши Маркази пажӯҳишҳои пасошӯравии ИМЭМО РАН ба номи Е.Примаков

ДУШАНБЕ, 2 июн – Sputnik. Афғонистон омодагии худро барои интиқоли бор тавассути қаламраваш аз Эрон ба Тоҷикистон ва Узбакистон танҳо пас аз кушодани марзҳо байни Эрон ва Туркманистон эълом кард.

Ба андешаи Елена Кузнетсова ба Sputnik Тоҷикистон гуфт:"Ин масири лоҷувардӣ барои Тоҷикистон ва тамоми Осиёи Марказист. Ҳама гуна масирҳои транзитӣ барои ин кишварҳо хеле муҳиманд, зеро ин давлатҳо ба баҳр дастрасӣ надоранд".

Ба ақидаи ӯ, ин бо Афғонистон, ҳадди ақалл аз ҷиҳати бехатарии бор, душворӣ пеш меорад, ҳарчанд мақомоти Афғонистон амнияти комилро ваъда медиҳанд.

Ӯ мегӯяд, новобаста ба он ки пандемияи коронавирус вуҷуд  дорад, аммо ҳаракатҳои транзитӣ қатъ нагашт.

"Нахуст сухан дар бораи ҳалли масъалаҳои тарифҳои байнидавлатӣ ва иқтисодӣ ва пеш аз ҳама транзитӣ меравад. Бо назардошти вазъи душвори иқтисодии Туркманистон пеш аз пандемия, ҳоло яке аз имкониятҳои ин кишвар баланд бардоштани тарифҳои транзитӣ мебошад, ки барои ҳамаи давлатҳои дигар фоидаовар нест", - коршинос мешуморад.

Аммо, ба гуфтаи вай, ҳоло кишварҳо сари ин масъала ба мувофиқа нарасидаанд.

"Барои Тоҷикистон, ин боз ҳам муҳимтар аст, зеро дар ин кишвар муддати тӯлонӣ ҳамлу нақл дар ҳоли маҳдуда қарор дошт, ки дар имкони рушди иқтисодӣ таъсири ҷиддӣ гузошт", гуфт коршинос.

Қаблан Рӯҳуллоҳ Латифӣ, сухангӯи Идораи гумруки Ҷумҳурии Исломии Эрон (IRICA) гуфт, кишвараш аз 1 июн сарҳадҳоро бо Туркманистон боз мекунад.

Гуфта мешавад ин танҳо дар ҳоле имконпазир мегардад, ки чораҳои зиддиэпидемиологӣ пурра риоя карда мешаванд.

Мақомоти Афғонистон дар робита ба ин гуфтааст, ки дар рӯзҳои наздик, Афғонистон омода аст, ки роҳи транзити Эронро тавассути кишвараш ба Тоҷикистон ва Узбакистон кушояд, аммо дар баробари ин шарт гузоштааст, ки Эрон сарҳади Туркманистонро боз кунад.

 

 

275
Барчаспҳо:
коло, транзит, Туркманистон, Эрон, Афғонистон, Тоҷикистон
Таджикские сомони и рубли, архивное фото

Ҷаҳиши қурби рубл дар Тоҷикистон: Бонки миллӣ арзиши асъори хориҷиро эълон кард

955
(Таҷдидшуда 10:51 02.06.2020)
Давоми як шабонарӯзи ахир дар бозори расмии асъори Тоҷикистон арзиши рубл нисбат ба пули миллӣ то ду сомонӣ боло рафтааст

ДУШАНБЕ, 1  июн — Sputnik. Тибқи нишондоди Бонки миллии кишвар арзиши 1 рубли русӣ то 0.1468 ва дар бозори нақдии кишвар 0.1480 сомонӣ арзиш дорад. Ин нишондод рӯзи гузашта ба 0.1444 то 0.1465 сомонӣ баробар буд.

Ин ниҳод қурби миёнаи фурӯши 1 долларро дар муассисаҳои қарзии Тоҷикистонро аз 10.2707 то 10.2700 сомонӣ арзёбӣ кардааст.

Бонки миллӣ қурби миёнаи фурӯши евроро 11.4107 то 11.5000 сомонӣ арзёбӣ кардааст.

Миёни бонкҳои кишвар нишондоди асъори хориҷа дар “Бонки Эсхата” болотар буда хариду фурӯши 1 рубл аз 0.1470 то 0.1505 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1480 ва дар “Алифбон” бошад 1 рубл аз 0,1460 то 0,1500сомонӣ нишон дода шудааст.

Болоравии рубл ҳамзамон дар бозори асъори байналмилалӣ дар ҳолест, ки доллар тайи ду моҳи ахир дар ҳоли суқут қарор дорад. Коршиносон низ пешгӯӣ мекунанд, ки дар пайи ҳаводиси ахир дар ИМА ва танишҳояш бо Чин метавонад ба коҳиши доллар сабаб гардад.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

955
Барчаспҳо:
асъор, евро, доллар, сомонӣ, рубл, Бонки Миллӣ, Тоҷикистон
Ребенок в воде на закате, архивное фото

Ҷасади писари 9-сола, ки бо падараш дар дарёи Хумбов сарозер шуд, пайдо гашт

0
(Таҷдидшуда 03:08 03.06.2020)
Ҷасади писари 9-сола, ки ҳамроҳ бо падараш дар натиҷаи садамаи нақлиётӣ ба дарёи Хумбов сарозер шуда буд, пас аз ду рӯз тақрибан 300 метр поёнтар аз ҷои ҳодиса, дар соҳили дарё пайдо шуд

ДУШАНБЕ, 3 июн - Sputnik. Бино бар иттилои дафтари матбуоти Кумитаи ҳолатҳои фавқулодда, ҷасади Худоиев Умари 9-сола, ки рӯзи 31-ми майи сол равон ҳамроҳ бо падараш дар як садамаи нақлиётӣ дар дарёи Хумбов сарозер шуда буд, ахиран тақрибан 300 метр поёнтар аз ҷойи ҳодиса, дар соҳили дарё пайдо шуд.

Худоиев Умар писари Худоиев Аслншоҳ, сардори бахши Раёсати Кумитаи ҳолатҳои фавқулоддаи ноҳия Ванҷ будааст.

Манбаъ таъкид доштааст, ки кормандони шуъбаи Кумитаи ҳолатҳои фавқулоддаи Тоҷикистон дар ноҳияи Ванҷ ҷасади Умари хурдсолро ба пайвандонаш супурданд.

Ёдрас мешавем, ки садамаи нақлиётие, ки дар он падари писар ба ҳалокат расиданд, санаи 31-уми майи соли равон дар километри 109 шоҳроҳи Душанбе-Дарвоз-Хоруғ, дар мавзеъи Шоҳидони ҷамоати деҳоти Қалъаи Хумб сурат гирифт.

Худрави тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

КҲФ қайд намудааст, ки ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама то ҳол маълум нест.

Аммо ба гуфтаи шоҳидон худрав ба умқи тақрибан 80 метр ба дарёи Хумбов сарозер мешавад.

Бар асари ин садамаи мудҳиш ду нафар (падару писар) ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд.

0
Барчаспҳо:
пайдо, ҳодиса, дарё, писар, падар, ҷасад, Тоҷикистон