Министр финансов республики Таджикистан Файзиддин Каххорзода

Қаҳҳорзода: НБО Роғунро фақат бо пули буҷет сохтан ғайри имкон аст, қарз мегирем

1338
(Таҷдидшуда 11:11 13.02.2020)
Имрӯз зимни нишасти матбуотӣ вазири молияи Тоҷикистон таъкид дошт, ки НБО Роғун як иншооти бузургест, ки сохтмони он танҳо бо пули буҷет ғайри имкон аст

ДУШАНБЕ, 13 фев — Sputnik. Бино бар иттилои Қаҳҳорзода Файзиддин, вазири молияи Тоҷикистон ҳамасола барои сохтмони Роғун аз буҷети кишвар беш аз 2,1 миллиард сомонӣ ҷудо карда мешавад.

Вай таъкид кард, ки ин маблағҳо дар давоми сол бо дархости ҶСК “Роғун” ба суратҳисоби онҳо пардохт карда мешавад.  

Вай ҳамчунин зикр кард, ки вазорати молия барои ҷалби сармояи иловагӣ барои сохтмони НБО Роғун бо ташкилотҳои молиявии байналмилалӣ кор карда истодааст.  

“Мо ҳоло бо чанд ташкилоти байналмилалӣ ҳамкорӣ дорем. Он шартҳое, ки онҳо пешниҳод кардаанд, мо онҳоро омӯхта ва баррасӣ дорем. Мо ҳамон шартҳоеро қобили қабул медонем, ки ба манфиати Тоҷикистон бошад. Мо бо дар назардошти қарзи берунаи кишвар, қарз хоҳем гирифт. Ин иншооти бузрг танҳо бо маблағҳои буҷетӣ сохта шуда наметавонад”,  - таъкид дошт Қаҳҳорзода.

Вай афзуд, ки қарзи берунаи Тоҷикистон дар ҳоли ҳозир наздик ба 36 дарсади ММД Тоҷикистон расидааст.  

“Бидуни қарз намешавад, тамоми дунё қарз мегирад”, гуфт ӯ.

Вай ҳамчунин қайд кард, ки Тоҷикистон аз маблағҳои ҷалб намуда бо роҳи фурӯши вомбаргҳои давлатӣ (евробонд) истифода намудааст. Маблағҳои мазкур дар соли 2019 дар сохтмони “Роғун” масраф шудааст.

Вай гуфт, вазорати молия ҳоло барои ҷалби сармоя иловагӣ кор бурда истодаааст ва ҳоло сухан дар бораи барориши вомбаргҳои давлатӣ (евробонд) матраҳ нест.

1338
Барчаспҳо:
қарз, сохтмон, иншоот, Роғун, вазири молия, Тоҷикистон
Ювелирные изделия, архивное фото

Раҳмон коргоҳи заргарии "Одина"-ро ба истифода дод

44
(Таҷдидшуда 20:20 25.09.2020)
Эмомалӣ Раҳмон, раисиҷумҳури Тоҷикистон, дар идомаи сафари корӣ дар ноҳияи Ховалинг бо бардоштани парда аз рӯи лавҳаи рамзӣ ба фаъолияти коргоҳи заргарии “Одина” оғоз бахшид

ДУШАНБЕ, 25 сен - Sputnik. Тибқи иттилои котиботи раисиҷумҳури Тоҷикистон, коргоҳи заргарӣ "Одина" дар мавзеи Чилчанор ҷойгир буда, ба ифтихори 30-солагии Истиқлоли давлатӣ бунёд шудааст.

Манбаъ афзуд, коргоҳи заргарии "Одина" аз ҷониби соҳибкори ватанӣ Абдуқаюм Каримов бунёд гардидааст.

Иттилоъ дода шуд, ки  коргоҳи заргарӣ дар назди Кооперативи тиҷоратии “Артели заршӯии Одина” бунёд гардида, дар он ду утоқи коркарди зар ва ду мағозаи фурӯши ҷавоҳирот фаъолият мекунад.

"Дар ноҳияи Ховалинг барои ноил гардидан ба ҳадафи чоруми миллӣ - саноатикунонии босуръати мамлакат тадбирҳои судманд пеш гирифташуда, тибқи нақша то ҷашни 30-солагии Истиқлоли давлатии Ҷумҳурии Тоҷикистон боз чанд коргоҳи хурду бузурги саноатӣ сохта, мавриди истифода қарор дода мешавад", - омадааст иттилоия.

Котиботи раисиҷумҳур илова намуд, ки иншоот бо тарҳу намои хуб бунёд гардида, корҳои сохтмониро 50 нафар сокинони маҳаллӣ анҷом додаанд.

Бо бунёди сехи заргарии “Одина” наздик ба 35 нафар сокинони  маҳаллӣ, ки аксаран духтарони бешуғл ва хонашин буданд,  пас аз омӯзиши нозукиҳои ин касб соҳиби ҷойи кор ва маоши хуб гардиданд, таъкид шуд дар иттилоия.  

44
Барчаспҳо:
Ховалинг, Тоҷикистон
Денежные купюры, архивное фото

Уфти рекордии рублу ҷаҳиши доллар: Бонки миллӣ арзиши асъори хориҷиро эълон кард

876
(Таҷдидшуда 10:09 25.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Бар пояи овезаҳои бонкҳои кишвар имрӯз арзиши рублу евро дар бозори асъори кишвар дар ҳоли коҳишёбӣ буда, доллар боз гаронтар шудааст

ДУШАНБЕ, 25 сен — Sputnik. Тибқи нишондодҳои ҳафтаи равон қурби рубл нисбат ба сомонӣ қариб то чаҳор сомонӣ коҳиш ёфт.

 Бонки миллии Тоҷикистон арзиши имрӯ 1 рубли русӣ барои имрӯз 0.1332 сомонӣ  ва дар бозори нақд бошад 0.1370 сомонӣ нишон дода шудааст.
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3285 то 10.3300 сомонӣ арзёбӣ кардааст. 
Бонки миллӣ қурби миёнаи фурӯши 1 евроро аз 12.0234 то 12.3000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1380 то 0,1400 сомонӣ муқаррар кардааст.

Дар “Спитаменбонк” бошад арзиши 1 рубл аз 134 то 142 ва дар “Алифбонк” бошад 1 рубл аз 0,1350 то 0,1425 сомонӣ нишон дода шудааст.

Дурнамои норушан: долларро дар охири соли 2020 чӣ интизор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

 

876
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия