Истихроҷи ангиштсанг, акс аз бойгонӣ

Ангишт дар ВМКБ 3-4 баробар қиматтар аз нарх дар конҳост: супориши Раҳмон ба Талко

986
(Таҷдидшуда 09:26 14.02.2020)
Ёдгор Файзов, раиси Вилояти мухтори куҳистони Бадахшон, масъалаи зимистонгузаронӣ дар вилоятро баррасӣ карда, мушкилоти фасли сармои соли гузаштаро хотиррасон намуд

ДУШАНБЕ, 14 фев — Sputnik. Имсол​ зимистони​ вилоят​ нисбатан​ камбориш​ омад,​ вале аз​ ин набояд​ хотирҷамъ​ шуд, изҳор дошт Файзов зимни ҷаласаи машваратӣ. Ӯ таъкид кард, ки аслан​ зимистони​ Бадахшон​ дар​ пеш​ асту мақомдоронро зарур аст, ки ба он омода бошанд.

Раиси вилоят ҳамчунин таъминоти муассисаву идораҳо ва аҳолиро бо ангиштсанг зикр карда, гаронии нархи он дар​ вилоят​ро аз мушкилоти​ зимистонгузаронӣ арзёбӣ намуд.

"Нархи​ як тонна ангишт​ дар​ худи​ конҳои​ ҷумҳурӣ​ вобаста​ ба​ сифат​ аз 265 то 295​ сомониро ташкил медиҳад. Вале​ нархи​ он​ мувофиқи​ ҳуҷҷатҳои​ тендерӣ то​ ноҳияи​ Ишкошим​ ба​ 1400​ сомонӣ мерасад. Яъне​ роҳкирои овардани​ як тонна​ ангишт нисбат​ ба​ нархи худи он 3-4 баробар​ қиматтар​ меафтад", - хабар дод котиботи ҳукумати ВМКБ аз қавли Файзов.

Раиси вилоят аз он​ изҳори​ нигаронӣ​ кард, ки сифати ангишт на дар ҳамаи муассисаҳо​ мувофиқи талабот аст.

"Дар як​ муассиса сифати​ ангишт бад бошад​ ҳам, нархи он баланд, дар​ мавриди​ дигар сифати​ ангишт​ хубтар,​ вале​ нархи​ он​ ​ пасттар​ аст. Ҳодисаҳои дахолати​ раисони​ ​ ноҳияҳо​ ба масъалаи дастраскунии​ ангишт​ ба​ муассисаҳо​ низ​ ҷой​ доранд", - афзуд Файзов.

Раиси ВМКБ таъкид намудаст, ки минбаъд бе​ гузаштани тендер​ ангишт​ ба​ муассисаҳо​ дастрас​ карда​ нашавад.  Ӯ дастур додаст, ки таъминот​ бо​ ангишт​ дар​ ҳамаи​ муассисаҳои​ маориф​ ва​ тандурустӣ бори​ дигар​ санҷида шаваду муассисаҳое, ки аз талаботи воқеиашон камтар сӯзишворӣ гирифтаанд, ​ бо​ ​ маводи​ сӯхт​ пурра​ таъмин​ карда​ шаванд.

Зикр шудаст, ки Эмомалӣ Раҳмон, раисиҷумҳури Тоҷикистон мушкилоти вилоятро ба назар гирифта, дар ҷаласаи Ҳукумат ба ширкати “Талко” супориш додаст, ки барои коҳиш​ додани​ нархи​ ангишт​ дар​ вилоят​ ва​ сифати​ он​ ​ соли​ равон​ кони​ Равноби​ ноҳияи​ Дарвоз​ ба​ истифода​ дода шаваду тобистони​ ҳамин​ сол​ вилоятро​ пурра​ бо​ ангишт таъмин намояд.​

Файзов таъкид намудааст, ки сохторҳои​ дахлдор соли​ равон маблағҳои​ барои​ зимистонгузаронӣ равонашудаи​ буҷаро​ таҳти​ назорати​ қатъӣ​ гирифта, дар​ заминаи​ паст​ кардани​ нархи​ ангишт​ ва дастрас шуданаш аз​ кони​ ангишти​ Равноб​ таъминоти​ он​ дар​ муассисаҳоро 30-40​ фоиз​ зиёдтар​ кунанд.

986
Барчаспҳо:
нарх, ТАЛКО, ВМКБ, ангишт, Тоҷикистон
Деньги в кошельке, архивное фото

Агентии омор гуфт, дар замони пандемия меҳмонхонаву тарабхонаҳо чи қадар пул кор карданд

108
Дар тоҷикистон давоми шаш моҳи соли ҷори ҳаҷми хидматрасониҳои пулакӣ махсусан дар меҳмонхонаҳо ва хӯроки умумӣ ба таври назаррас коҳиш ёфтааст

ДУШАНБЕ, 8 авг — Sputnik. Бино ба иттилои Агентии омори Тоҷикистон дар шаш моҳи соли равон ҳаҷми хидматрасониҳои пулакӣ 5 миллиарду 789,5 миллион сомониро (561,5 миллион доллар) ташкил дод, ки ин нисбат ба ҳамин давраи соли гузашта 4,8% камтар аст.

Ба иттилои манбъаъ, ҳиссаи  хизматрасонии пулакии корхонаҳои давлатӣ 20,3% ҳаҷми умумиро ташкил медиҳад.

Агентии омор мегӯяд, аз рӯи ҳаҷми хизматрасонӣ ба ҳар сари аҳолӣ, шаҳри Душанбе нисбат ба дигар минтақаҳо бартарӣ дорад. Ҳаҷми хидматрасонӣ дар шаҳри Душанбе аз ҳисоби миёнаи кишвар 5,2 маротиба зиёдтар аст.

Ин ниҳод мегӯяд, дар моҳҳои январ-июни соли равон гардиши хӯроки умумӣ, аз ҷумла хидматрасонии меҳмонхонаҳо ва тарабхонаҳо 523,3 миллион сомониро (50,7 миллион доллар) ташкил дод, ки нисбат ба ҳамин давраи соли 2014 20% кам мебошад.

Қаблан иттилоъ дода шуда буд, ки соли равон ҳаҷми хидматрасониҳои пулакӣ ба аҳолии Тоҷикистон беш аз 13,1 миллиард сомонӣ пешбинӣ шудааст.

Афзоиши ҳаҷми хидматрасониҳои пулакӣ дар соли 2020 3,5% пешбинӣ шудааст. 

Коршиносон мегӯянд, коҳиши хизматрасониҳои пулакӣ дар қатори дигар соҳаҳо ба пандемияи коронавирус бастагӣ дорад, чун баргузории тӯйҳо маҳдуд гашт ва ё сарҳадод баста шудан, ки хориҷиён биёянду меҳмонхонаҳои мо истифода баранд.

108
Предприятие Вахдат по производству носков в Таджикистане

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

267
(Таҷдидшуда 15:13 07.08.2020)
Вазири рушди иқтисоди Тоҷикистон ахиран эълон доштааст, ки 2216 корхонаи саноатии бақайдгирифташуда 124 корхона аз фаъолият бозмонд

ДУШАНБЕ, 7 авг — Sputnik. Ахиран вазири иқтисод ва савдои Тоҷикистон Завқӣ Завқизода, зимни нишасти матбуотӣ таъкид дошт, ки Дар нимсолаи якуми соли ҷорӣ ба хотири иҷрои ҳадафи чоруми миллӣ –  саноатикунонии кишвар тадбирҳои зарурӣ амалӣ гардиданд.

Ба гуфтаи вай,дар Тоҷикистон 83 корхонаи нави саноатӣ, бо таъсиси 1135 ҷои кор, мавриди баҳрабардорӣ қарор гирифт.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Вай зикр кард, ки дар натиҷаи паҳншавии пандемияи коронавирус, корхонаҳои саноатии кишвар ба як қатор мушкилиҳо, аз ҷумла дастрасии номукаммал ба воситаҳои молиявӣ ва ашёи хом, таҷҳизоту технологияҳои замонавӣ ва коҳишёбии нархи молу маҳсулоти содиротии кишвар дар бозорҳои ҷаҳонӣ, дучор гардиданд.

Ҳамзамон Завқӣ Завқизода зини нишастӣ матбуотӣ таъкид дошт, ки дар ин росто, аз 2216 корхонаи  саноатии  бақайдгирифташуда 124 корхона аз фаъолият бозмонд.

267
Барчаспҳо:
фаъолият, аз ҳаракат бозмондан, аз фаъолият бозмондани нашриёт, корхона, саноат, Тоҷикистон
Скорая помощь на месте взрыва у американского университета в Кабуле, архивное фото

Бештар аз 7 пулиси афғон қурбони инфиҷор дар Ғазна шуданд

0
(Таҷдидшуда 15:53 09.08.2020)
Бино бар иттилои ВКД Афғонистон дар яке аз музофотҳои шарқии кишвар худраве таркидааст. Дар натиҷа 10 корманди пулис ба ҳалокат расидаанд

ДУШАНБЕ, 9 авг — Sputnik. На камтар аз ҳафт корманди мақомоти милисаи Афғонистон дар пайи инфиҷор дар шарқи Афғонистон осеб дидаанд, гузориш медиҳад "Тулӯъ нюс" дар истинод ба мақомоти амниятии кишвар.

Ҳодиса дар шаҳри Ғазнаи Афғонистон рух додааст.

Бино бар иттилои расмӣ, худраве ки таркидааст, ба кормандони пулис тааллуқ доштааст.
Ба гуфтаи намояндаи Вазорати умури дохилаи кишвар, пас аз таркиш ҷангиён кӯшиши ҳамла ба урдугоҳи низомӣ кардаанд, аммо безарар гардонида шуданд.

Таъкид мешавад, ки дар натиҷаи таркиш бештар аз 7 корманди мақомоти ҳифзи ҳуқуқ кушта шуда, 15 нафарашон захмӣ шуданд.

Таъкид мегардад, ки осебдидагонро тавассути чархбол барои расонидани ёрии тиббӣ ба Кобул интиқол доданд.

Марзи Афғонистону Покистон ҳам ноором: даргирӣ дар марз ва захмӣ шудани ду марзбон

То ҳол гурӯҳе ин амали террористиро бар ӯҳда нагирифтааст.

 

0