Здание Азиатского банка развития. Архивное фото

Агар вирус ояд: пешгӯиҳои "беҳтарин, миёна ва бадтарин"-и Бонки осиёии рушд

432
(Таҷдидшуда 11:43 06.03.2020)
Паҳншавии коронавирус ба иқтисоди кишварҳои дар ҳоли рушди Осиё таъсири қобил таваҷҷуҳе хоҳад дошт. Бонки осиёии рушд омода аст то аз дигар кишварҳои узви рӯ ба рушди худ барои ҷилавгирӣ аз таъсироти манфии COVID-19 ҳимоят кунад

ДУШАНБЕ, 6 март - Sputnik. "Густариши давомдори "вируси тоҷдор" (COVID-19) аз тариқи каналҳои сершумор бар рушди кишварҳои осиёӣ, ба шумули коҳиши шадиди тақозои дохилӣ, коҳиши гардишгарӣ ва сафарҳои тиҷорӣ, равобити тиҷорӣ ва саноатӣ, эҷоди вақфаҳо дар таҳвили амвол ва асарот ба саломатӣ  таъсири зиёд мегузорад", - омадааст дар таҳлили ҷадиди Бонки осиёии рушд (ADB).

"Андозаи хисороти иқтисодӣ ба наҳваи густариши он бастагӣ дорад, ки бисёр номушаххас аст. Доманаи сенарияҳои мавриди мутолиа дар таҳлил нишон медиҳад, ки таъсири ҷаҳонӣ дар доманаи 77 то 347 миллиард доллари америкоӣ, ё аз 0.1% то 0.4% аз тавлид нохолиси дохилии ҷаҳонӣ (GDP) аст", - омадааст дар иттилоияе, ки намояндагии БОР дар Душанбе пахш кардааст.

Бино ба он, дар як сенарияи миёна, он ҳам дар ҳоле, ки иқдомоти ҳифозатӣ ва маҳдудиятҳое, монанди мамнуъияти сафар, 3 моҳ пас аз ташдиди шуйӯъ ва ҷорӣ кардани маҳдудиятҳо дар охирҳои моҳи январ шурӯъ ба суст шудан кард, зарари ҷаҳонӣ метавонад ба 156 миллиард доллар ё 0.2% аз тавлиди нохолиси дохилии ҷаҳонӣ бирасад.

"Ҷумҳурии Халқии Чин 103 миллиард доллар аз ин хисорот ё 0.8% тавлиди нохолиси дохилии ин кишварро ба худ ихтисос хоҳад дод. Бақия кишварҳои дар ҳоли рушди Осиё 22 миллиард доллари амрикоӣ ё 0.2% тавлиди нохолиси дохилии худро аз даст медиҳанд", - мегӯяд БОР.

Ясуюки Савада, иқтисоддони аршади Бонки осиёии рушд гуфтаст: "Дар мавриди COVID-19 нофаҳмиҳои бисёре вуҷуд дорад. Вай гуфт: "Ин амр ба истифода аз чандин сенария ниёз дорад, то тасвире шаффофтар аз хисороти эҳтимолӣ ироа шавад. Мо умедворем, ки ин таҳлил битавонад ба давлатҳо кӯмак кунад, зеро онҳо иқдомоти возеҳ ва таъйинкунанда барои коҳиши таъсир ин шуйӯъ бар ҷамъияту иқтисод таҳия мекунанд".

Таъсири тахминии ҷаҳонӣ ва минтақаии COVID-19 таҳти сенарияҳои мухталиф:

  Сенарияи беҳтарин Сенарияи миёна Сенарияи бадтарин
  % аз ММД Зиён ба млрд$ % аз ММД Зиён ба млрд$ % аз ММД Зиён ба млрд$
Ҳамаи кишварҳо -0.1 $77 -0.2 $156 -0.4 $347
Чин -0.3 $44  -0.8 $103 -1.7 $234
Кишварҳои рӯ ба рушди Осиё -0.2 $16 -0.2 $22 0.5 $42
Бақия кишварҳо 0.0 $17 0.0 $31 0.0 $68

Дар иттилоияи БОР омадааст, таҳлили "таъсири иқтисодии шуйӯъи COVID-19 бар тавсеа Осиё" ҷузъиёти комили сенарияҳоро дарбар гирифтааст. Ҳамчунин, таъсири тахминӣ ба кишварҳои алоҳидаи осиёии рӯ ба рушд  ва бахшҳое дар ин кишварҳо - аз ҷумла дар заминаи сенарияи фарзии "бадтарин" барои як иқтисоди хос дар сурати бурузи паҳншавии қобили таваҷҷуҳ ироа медиҳад.

"Онҳоро набояд ба унвони пешбиниҳое барои вуқӯъи шуйӯъи беморӣ тафсир кард, балки қасд доранд дар ҳангоми баррасии посухҳои муносиб ба унвони роҳнамое барои давлатҳо истифода кунанд", - омадааст дар иттилоия.

Тибқи иттилои расмӣ, Бонки осиёии рушд 7 феврали соли равон барои ҷилавгирӣ аз "вируси тоҷдор" (COVID-19) 2 миллион доллар барои беҳбуди ташхис, пешгирӣ ва посух дар Чин ва Субминтақаи бузургтари Меконг тахсис дод. 2 миллион доллари дигар низ 26 феврал барои ҳамаи кишварҳои узв дар ҳоли рушд эълом шуд. Ҳамчунин 25 феврал 130 миллион юан ё 18.6 миллион доллар ба ширкати дорусози Jointown Pharmaceutical Group Co. Ltd. Дар Вуҳони Чин қарз дод.

"Бонки осиёии рушд омода аст то аз дигар кишварҳои узви рӯ ба рушди худ барои ҷилавгирӣ аз таъсироти манфии COVID-19 ҳимоят кунад", - омадааст дар иттилоияе, ки БОР нашр кардааст.

Бонки осиёии рушд ниҳоди байнулмилалии молиявист, ки мутааҳҳид ба талош барои решакан кардани фақри шадид, ба минтақаи шукуфон, якпорча, инъитофпазир ва пойдор дар Осиё ва Уқёнусия аст.

БОР соли 1966 таъсис шуд. Саҳомдорони ин бонк 68 кишвар ҳастанд, ки аз ин теъдод 49 кишвар дар минтақаи Осиё ва Уқёнусия қарор доранд.

432
Барчаспҳо:
иқтисод, паҳншавӣ, вирус, Осиё
Деньги в кошельке, архивное фото

Агентии омор гуфт, дар замони пандемия меҳмонхонаву тарабхонаҳо чи қадар пул кор карданд

110
Дар тоҷикистон давоми шаш моҳи соли ҷори ҳаҷми хидматрасониҳои пулакӣ махсусан дар меҳмонхонаҳо ва хӯроки умумӣ ба таври назаррас коҳиш ёфтааст

ДУШАНБЕ, 8 авг — Sputnik. Бино ба иттилои Агентии омори Тоҷикистон дар шаш моҳи соли равон ҳаҷми хидматрасониҳои пулакӣ 5 миллиарду 789,5 миллион сомониро (561,5 миллион доллар) ташкил дод, ки ин нисбат ба ҳамин давраи соли гузашта 4,8% камтар аст.

Ба иттилои манбъаъ, ҳиссаи  хизматрасонии пулакии корхонаҳои давлатӣ 20,3% ҳаҷми умумиро ташкил медиҳад.

Агентии омор мегӯяд, аз рӯи ҳаҷми хизматрасонӣ ба ҳар сари аҳолӣ, шаҳри Душанбе нисбат ба дигар минтақаҳо бартарӣ дорад. Ҳаҷми хидматрасонӣ дар шаҳри Душанбе аз ҳисоби миёнаи кишвар 5,2 маротиба зиёдтар аст.

Ин ниҳод мегӯяд, дар моҳҳои январ-июни соли равон гардиши хӯроки умумӣ, аз ҷумла хидматрасонии меҳмонхонаҳо ва тарабхонаҳо 523,3 миллион сомониро (50,7 миллион доллар) ташкил дод, ки нисбат ба ҳамин давраи соли 2014 20% кам мебошад.

Қаблан иттилоъ дода шуда буд, ки соли равон ҳаҷми хидматрасониҳои пулакӣ ба аҳолии Тоҷикистон беш аз 13,1 миллиард сомонӣ пешбинӣ шудааст.

Афзоиши ҳаҷми хидматрасониҳои пулакӣ дар соли 2020 3,5% пешбинӣ шудааст. 

Коршиносон мегӯянд, коҳиши хизматрасониҳои пулакӣ дар қатори дигар соҳаҳо ба пандемияи коронавирус бастагӣ дорад, чун баргузории тӯйҳо маҳдуд гашт ва ё сарҳадод баста шудан, ки хориҷиён биёянду меҳмонхонаҳои мо истифода баранд.

110
Предприятие Вахдат по производству носков в Таджикистане

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

272
(Таҷдидшуда 15:13 07.08.2020)
Вазири рушди иқтисоди Тоҷикистон ахиран эълон доштааст, ки 2216 корхонаи саноатии бақайдгирифташуда 124 корхона аз фаъолият бозмонд

ДУШАНБЕ, 7 авг — Sputnik. Ахиран вазири иқтисод ва савдои Тоҷикистон Завқӣ Завқизода, зимни нишасти матбуотӣ таъкид дошт, ки Дар нимсолаи якуми соли ҷорӣ ба хотири иҷрои ҳадафи чоруми миллӣ –  саноатикунонии кишвар тадбирҳои зарурӣ амалӣ гардиданд.

Ба гуфтаи вай,дар Тоҷикистон 83 корхонаи нави саноатӣ, бо таъсиси 1135 ҷои кор, мавриди баҳрабардорӣ қарор гирифт.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Вай зикр кард, ки дар натиҷаи паҳншавии пандемияи коронавирус, корхонаҳои саноатии кишвар ба як қатор мушкилиҳо, аз ҷумла дастрасии номукаммал ба воситаҳои молиявӣ ва ашёи хом, таҷҳизоту технологияҳои замонавӣ ва коҳишёбии нархи молу маҳсулоти содиротии кишвар дар бозорҳои ҷаҳонӣ, дучор гардиданд.

Ҳамзамон Завқӣ Завқизода зини нишастӣ матбуотӣ таъкид дошт, ки дар ин росто, аз 2216 корхонаи  саноатии  бақайдгирифташуда 124 корхона аз фаъолият бозмонд.

272
Барчаспҳо:
фаъолият, аз ҳаракат бозмондан, аз фаъолият бозмондани нашриёт, корхона, саноат, Тоҷикистон

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия